ალექსანდრე II (რუსეთი)

ალექსანდრე II (რუს. Александр II Николаевич; დ. 29 აპრილი 1818, მოსკოვი — გ. 13 მარტი 1881, სანქტ-პეტერბურგი) — რუსეთის იმპერატორი 1855-1881 წლებში. ნიკოლოზ I-ის შვილი.

სხვა მნიშვნელობებისთვის იხილეთ ალექსანდრე II.

ალექსანდრე II
Александр II
სრულიად რუსეთის იმპერატორი
კორონაცია:	7 სექტემბერი 1856
მმართ. დასაწყისი:	2 მარტი 1855
მმართ. დასასრული:	13 მარტი, 1881
წინამორბედი:	ნიკოლოზ I
მემკვიდრე:	ალექსანდრე III
სხვა წოდებები:	პოლონეთის მეფე ფინეთის დიდი ჰერცოგი
პირადი ცხოვრება
დაბ. თარიღი:	29 აპრილი, 1818
დაბ. ადგილი:	მოსკოვი, რუსეთის იმპერია
გარდ. თარიღი:	13 მარტი, 1881
გარდ. ადგილი:	სანქტ-პეტერბურგი,
მეუღლე:	მარია
შვილები:	ალექსანდრა ნიკოლოზი ალექსანდრე III ქსენია
დინასტია:	რომანოვები
მამა:	ნიკოლოზ I
დედა:	ალექსანდრა თეოდოროვნა
ხელმოწერა:
ალექსანდრე II ვიკისაწყობში

ბიოგრაფია

ალექსანდრე იყო რუსეთის იმპერატორ ნიკოლოზ I-ის უფროსი ვაჟი.1855 წელს ავიდა რუსეთის საიმპერატორო ტახტზე. 1856 წელს, ყირიმის ომში განცდილი მარცხის შემდეგ მან ირწმუნა, რომ იმდროინდელ ევროპულ ქვეყნებთან შედარებით რუსეთი ჩამორჩენილი იყო, რის გამოც შეუდგა ქვეყანაში ფართომასშტაბიანი რეფორმების განხორციელებას. იგი მიიჩნევდა, რომ რუსეთის გასაძლიერებლად აუცილებელი იყო ბატონყმობის გაუქმება და გლეხთა გათავისუფლება. ალექსანდრეს განზრახვამ არისტოკრატიის გაღიზიანება გამოიწვია. დიდი წინააღდმეგობის მიუხადავად,1861 წლის 19 თებერვალს იმპერატორმა გამოსცა ბრძანება ბატონყმობის გაუქმების შესახებ. მან ასევე გაატარა სასამართლო რეფორმა: ამიერიდან სასამართლოებში უკვე ადვოკატები იცავდნენ ბრალდებულებს. განათლების რეფორმის შედეგად სასწავლო დაწესებულებები გამოვიდა ეკლესიის დაქვემდებარებიდან და მასზე პასუხისმგებლობა საკრებულოებს დაეკისრა. 1863 წელს უნივერსიტეტებს მიენიჭა ფართო ავტონომია: ამიერიდან პროფესორებს, დეკანებსა და რექტორებს ირჩევდნენ მათი კოლეგები და არა სამინისტრო. უნივერსიტეტებში ჩაბარება შეეძლო საზოგადოების ყველა ფენის წარმომადგენელს. დიდი მნიშვნელობა ჰქონდა სამხედრო რეფორმას. ამ რეფორმების მიუხედავად ალექსანდრე II უძლური აღმოჩნდა მთლიანად რუსეთის გარდასაქმნელად. მას მტკიცედ სწამდა, რომ მეფის თვითმპყრობელობა ყველაზე მეტად შეეფერებოდა რუსეთის მმართველობას. ამ არათანმიმდევრული პოლიტიკის გამო, ხელისუფლება სულ უფრო არაპოპულარული ხდებოდა, რის გამოც იმპერატორი ტერორისტთა სამიზნედ იქცა. მასზე 6 თავდასხმა განახორციელეს. საბოლოოდ, 1881 წელს, მეექვსე თავდასხმა ალექსანდრესთვის საბედისწერო გამოდგა. „ნაროდნიკებმა“ იმპერატორი სასიკვდილოდ დაჭრეს. მის შემდეგ რუსეთის იმპერიის იმპერარატორი გახდა მისი ვაჟი, ალექსანდრე III.

წინაპრები

ალექსანდრე II-ის წინაპრები

16. კარლ ფრიდრიხ გოლშტეინ-გოტორპსკი

8. პეტრე III

17. ანა პეტროვნა

4. პავლე I (რუსეთი)

18. ავგუსტი

9. ეკატერინე II (რუსეთი)

19. იოვანა-ელიზაბეტა გოლშტეინ-გოტორბსკაია

2. ნიკოლოზ I

20. კარლ ალექსანდრე, ვიურტემბერგის ჰერცოგი

10. ფრიდრიხ II ვიურტემბერგის ჰერცოგი

21. მარია ავგუსტა ანა

5. მარია თეოდორეს ასული

22. ფრიდრიხ ვილჰემი

11. ფრედერიკა დოროთეა ბრანდერბურგ-შვედტი

23. სოფია დოროთეა მარია პრუსიელი

1. ალექსანდრე II

24. პრინცი ავგუსტ ვილჰმი პრუსიელი

12. ფრიდრიხ ვილჰელმ II (პრუსია)

25. ლუიზა ამალია ბრაუნშვეიგ-ვოლფენბიუტელსკაია

6. ფრიდრიხ ვილჰელმ III (პრუსია)

26. ლუი IX ლანგრაფი

13. ლუზა (პრუსიის დედოფალი)

27. კარლოინგი ცვაინბრიუკენელი

3. ალექსანდრა თეოდორეს ასული

28. ჰერცოგი ლუიშ ფედერიკი

14. კარლოს II მეკლენბურგ-შტრელიცის ჰერცოგი

29. პრინცესა ელიზაბედი საქსონია-ალტენბურგელი

7. ლუზა (პრუსიის დედოფალი)

30. ჰერცოგი ჯორჯ ვილჰემი

15. ფრედერიკა

31. პრინცესა მარია

ფოტო გალერეა

• 
  ალექსანდრე II-ის ფოტო. 1865
• 
  ალექსანდრე II-ის ფოტო. 1871
• 
  ალექსანდრე II-ის ფოტო, დახატა კონსტანტინე მაკოვსკიმ. 1881
• 
  ალექსანდრე II-ის ფოტო
• 
  ალექსანდრე II-ის ძეგლი სოფიაში. ძეგლი გაკეთდა რუსეთ-ოსმალეთის ომი (1877-1878) წლის ომის შემდგომ.
• 
  ალექსანდრე II-ის ძეგლი პოლონეთში.

რესურსები ინტერნეტში

• The Assassination of Tsar Alexander II
• Insidious Siberian დაარქივებული 2012-02-14 საიტზე Wayback Machine.
• Alexander II - the Liberator. Russian-speaking forum.

წინამორბედი: ნიკოლოზ I

რუსეთის იმპერეტორები 1855 - 1881

შემდეგი: ალექსანდრე III