არაბიკის მასივი

არაბიკის მასივი^[1] — კირქვული მასივი საქართველოში, აფხაზეთის ავტონომიურ რესპუბლიკაში, გაგრის მუნიციპალიტეტში. მდებარეობს გაგრის ქედის დასავლეთ ნაწილში, მდინარეების ფსოუსა და ბზიფის წყალგამყოფი. აბსოლუტური სიმაღლე ზღვის დონიდან 2757,6 მ (მწვერვალი სპელეოლოგთა პიკი). აგებულია უმთავრესად ზედაიურული და ცარცული ასაკის კირქვებით, რომლებიც ღრმადაა დაკარგული; არის მრავალი უფსკრული, მღვიმე, ძაბრი, ჭა და კარსტული რელიეფის სხვა ფორმები. მასივის სიღრმეებში მრავალი გამოქვაბულია, მათ შორისაა მსოფლიოში ყველაზე უფრო ღრმა გამოქვაბულები — ვერიოვკინის მღვიმე და კრუბერის გამოქვაბული, ასევე არაბიკის კარსტული უფსკრული. შემოსილია სუბალპური და ალპური მდელოებით, იზრდება ჯუჯა ღვიისა და ტირიფის ბუჩქნარი.

არაბიკის მასივი
არაბიკის მასივის ხედი როზა ხუტორის ალპური კურორტიდან
კოორდინატები: 43°24′58″ ჩ. გ. 40°21′30″ ა. გ.
ქვეყანა	საქართველო
ტერიტორიული ერთეული	გაგრის მუნიციპალიტეტი
უმაღლესი წერტილი	სპელეოლოგთა პიკი
სიმაღლე	2757,6 მ
ამგებელი ქანები	კირქვა
სურათები ვიკისაწყობში

ეტიმოლოგია

სახელწოდება მომდინარეობს აფხ. „არბაქ აიკადან“, რაც მამლის სავარცხელს (ბიბილოს) ნიშნავს, სწორედ მას წააგავს კირქვული მასივი. თუმცა, რუკებზე სხვა სახელი - არაბიკა დამკვიდრდა, რომელიც ისტორიულად ყველაზე ფართოდ გავრცელდა ჯერ საბჭოთა კავშირის^[2][3] ტერიტორიაზე, შემდეგ კი საქართველოსა და რუსეთში.^[4]

ლიტერატურა

• მგელაძე კ., ენციკლოპედია „საქართველო“, ტ. 1, თბ., 1997. — გვ. 178.