აფროდიტე

აფროდიტე (ძვ. ბერძნ. Ἀφροδίτη) — სილამაზისა და სიყვარულის ქალღმერთი ძველ ბერძნულ მითოლოგიაში, ზევსისა და დიონეს ასული. ჰესიოდეს თანახმად, იშვა ზღვის ქაფიდან კუნძულ კვიპროსთან (აქედან — მისი ერთ-ერთი ეპითეტი „კიპრიდა“). ზღვისგან ნაშობი სიყვარულის ქალღმერთის იდეა და კულტი საბერძნეთში აზიიდან გავრცელდა (შდრ. ასტარტე). თავდაპირველად აფროდიტე ბუნების ძალას განასახიერებდა და ნაყოფიერების ქალღმერთად ითვლებოდა. მისი კულტი ფართოდ იყო გავრცელებული ბერძნულ სამყაროში, განსაკუთრებით კუნძულ კვიპროსზე, მცირე აზიისა და იონიის კუნძულებზე. ძველ რომაულ მითოლოგიაში აფროდიტეს შესატყვისია ვენერა (ვენუს). ანტიკურ სახვით ხელოვნებაში აფროდიტე წარმოდგენილია იდეალური სილამაზის შიშველი ქალის სახით. აფროდიტეს ქანდაკებიდან განსაკუთრებით ცნობილია პრაქსიტელეს კნიდოსის აფროდიტე (ძვ. წ. IV ს.) და აფროდიტე (ვენერა) მილოსელი (ძვ. წ. II ს.).

აფროდიტე
მითოლოგია:	ძველი საბერძნეთის რელიგია და ბერძნული მითოლოგია
სხვა კულტურებში:	ვენერა და Astarte
სქესი:	მდედრობითი
გავლენის სფერო:	სიყვარული და სილამაზე
მამა:	ზევსი[1] და ურანოსი
დედა:	დიონე[2]
მეუღლე:	ჰეფესტოსი
შვილები:	ანთეროსი, დეიმოსი, ეროსი, ფობოსი, ჰარმონია, ჰიმეროსი, ჰერმაფროდიტი, Hymen, პრიაპუსი, როდოსი, ერიქსი, Tyche, პეითო, ენეასი, პოლიკაონი, გოლგოსი, ადრესტია, ქარიტები, Lyrus და Phthonus
გამოსახულებები

ლიტერატურა

• ქართული საბჭოთა ენციკლოპედია, ტ. 2, თბ., 1977. — გვ. 28.

რესურსები ინტერნეტში

• შეგიძლიათ იხილოთ მედიაფაილები თემაზე „აფროდიტე“ ვიკისაწყობში.