ახაშენი

ახაშენი^[2] — სოფელი საქართველოში, გურჯაანის მუნიციპალიტეტში, მდებარეობს ალაზნის ვაკეზე, მდინარე ჭერმისხევსა და ფაფრისხევს შორის. თემის ცენტრი. ზღვის დონიდან 510 მეტრი, გურჯაანიდან 8 კილომეტრი. 2014 წლის აღწერის მონაცემებით სოფელში ცხოვრობს 2420 ადამიანი.

სხვა მნიშვნელობებისთვის იხილეთ ახაშენი (მრავალმნიშვნელოვანი).

სოფელი
ახაშენი
ქვეყანა	საქართველო
მხარე	კახეთის მხარეკახეთის მხარე
მუნიციპალიტეტი	გურჯაანის მუნიციპალიტეტი
თემი	ახაშენი
კოორდინატები	41°47′33″ ჩ. გ. 45°44′50″ ა. გ.
ცენტრის სიმაღლე	510 მ
ოფიციალური ენა	ქართული ენა
მოსახლეობა	2420[1] კაცი (2014)
ეროვნული შემადგენლობა	ქართველები 99,6 %
სასაათო სარტყელი	UTC+4
სატელეფონო კოდი	+995
საქართველო კახეთის მხარე გურჯაანის მუნიციპალიტეტი
ახაშენი ვიკისაწყობში

ისტორია

არქეოლოგიური მასალა მოწმობს, რომ ახაშენის ტერიტორიაზე უძველესი დროიდანვე ბინადრობდა ადამიანი.

საქართველოს ერთიანობის ხანაში და შემდეგაც ახაშენი სვეტიცხოვლის კუთვნილი სოფელი იყო. კათალიკოს ანტონ II-ის 1753 წლით დათარიღებული წყალობის წიგნიდან ჩანს, რომ ახაშენის შემოსავალს პირადად ამილბარ მაღალაძე იღებდა და შემდეგ გადასცემდა ეკლესიას. XVI საუკუნიდან თავდაპირველად კახეთის, ხოლო შემდეგ ქართლ-კახეთის მეფეებიც იდებენ გარკვეულ წილს ახაშენის ყმა-მამულზე. 1785 წელს ერთი სიგელის მიხედვით დოსითეოს ნეკრესელს, გარკვეული პრეტენზიები გააჩნდა ახაშენის ყმა-მამულის ნაწილზე. როგორც მის სადროშოში შემავალ სოფელზე სვეტიცხოვლის წინამძღვარს შეუხსენებია, რომ ახაშენი სხვა სოფლებთან ერთად „საკუთარი ყმანი და საწმყსონი არიან კათალიკოსისა და ნაწილობრივ მეფისაო“.

ახაშენში უძველესი დროიდანვე იყო განვითარებული მევენახეობა, მემინდვრეობა და მეცხოველეობა.

დემოგრაფია

აღწერის წელი	მოსახლეობა	კაცი	ქალი
2014	2420	1165	1255

იხილეთ აგრეთვე

• ახაშნის წმინდა გიორგის ეკლესია

გალერეა

• 
  სოფლის ხედი
• 
  სოფლის ხედი
• 
  სოფელ ახაშენის სამების სახელობის ეკლესია
• 
  ახაშენის ყვავის საყდარი
• 
  სოფელ ახაშენის კვირაცხოვლის სახელობის ეკლესია

ლიტერატურა

• ქართული საბჭოთა ენციკლოპედია, ტ. 2, თბ., 1977. — გვ. 103.

• საქართველოს ისტორიისა და კულტურის ძეგლთა აღწერილობა, ტ. 1-I, თბ., 2013. — გვ. 53.