ბუდუ ზივზივაძე

ბუდუ ზივზივაძე (დ. 10 მარტი, 1994, ქუთაისი) — ქართველი ფეხბურთელი, გერმანიის ბუნდესლიგის მონაწილე საფეხბურთო კლუბ „ჰაიდენჰაიმის“ და საქართველოს ეროვნული ნაკრების თავდამსხმელი.^[2][3] 2024 წლის ევროპის ჩემპიონატის მონაწილე საქართველოს ეროვნული ნაკრების შემადგენლობაში.

ბუდუ ზივზივაძე

პირადი მონაცემები
სრული სახელი	ბუდუ ზივზივაძე
დაბადების თარიღი	10 მარტი, 1994 (1994-03-10) (31 წლის)
დაბადების ადგილი	ქუთაისი, საქართველო[1]
სიმაღლე	189 სმ
სათამაშო პოზიცია	თავდამსხმელი
საკლუბო ინფორმაცია
მიმდინარე კლუბი	ჰაიდენჰაიმი
ნომერი	12
ახალგაზრდული კარიერა
2009–2011	35-ე სკოლა
2011–2012	დინამო თბილისი
პროფესიონალური კარიერა*
წლები	გუნდი	მატჩი	(გოლი)
2012–2014	დინამო თბილისი	1	(0)
2012–2014	→  დინამო-2	50	(47)
2015	ტორპედო ქუთაისი	8	(0)
2015-2017	სამტრედია	44	(29)
2017–2019	ესბიერგი	13	(1)
2018	→  დინამო თბილისი	35	(22)
2019	ტორპედო ქუთაისი	20	(13)
2019–2020	მეზოკოვეშდი	32	(8)
2020–2023	ფეჰერვარი	53	(12)
2022	→  უიპეშტი	12	(11)
2023–2024	კარლსრუე	57	(25)
2025–	ჰაიდენჰაიმი	17	(2)
ეროვნული ნაკრები‡
2010–2011	საქართველო 17-წლ.	3	(0)
2012–2013	საქართველო 19-წლ.	9	(2)
2014–2016	საქართველო 21-წლ.	4	(0)
2017–	საქართველო	36	(8)
ჯილდოები
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 14 ივნისი, 2025 ‡ ეროვნული ნაკრების მატჩი და გოლი ბოლოს განახლდა: 23 მარტი, 2025

საკლუბო კარიერა

თბილისის „დინამოში“ 2014 წელს.

ბუდუ ზივზივაძემ ფეხბურთის თამაში 8 წლის ასაკში, ქუთაისის „იმედის“ საფეხბურთო სკოლაში დაიწყო, სადაც ის თავდაპირველად ნახევარმცველად თამაშობდა. თავის ადრეულ წლებს^[1] ბუდუ ზივზივაძე ასე იხსენებს:

„...„ქუთაისელი ვარ. 8 წლიდან „იმედის“ საფეხბურთო სკოლაში „ტორპედოს“ ყოფილი ფეხბურთელი მამუკა ხუნდაძე მავარჯიშებდა. მან შემაყვარა ფეხბურთი და მისი ანი-ბანი მასწავლა. 15 წლისა ნაკრების შერჩევებზე მომიწვიეს, სადაც გოჩა ავსაჯანიშვილმა შემნიშნა და 35-ე სკოლაში თემურ ლორთქიფანიძესთან მიმიყვანა. მისგან ასევე ბევრი ვისწავლე. 17 წლისა თბილისის „დინამოს“ საფეხბურთო აკადემიის სელექციონერმა თემურ უგრეხელიძემ დუბლებში მიმიწვია. პირველად გიორგი დევდარიანმა მათამაშა, დასრულებულ სეზონში კი რამაზ მუმლაძე მენდობოდა, პირველ ლიგაში მათამაშებდა და კარგი პრაქტიკაც მივიღე.“

2011 წელს თბილისის „დინამოში“ გადავიდა. ამ კლუბში გატარებული ოთხი სეზონის განმავლობაში ძირითადად პირველი ლიგის მონაწილე „დინამოს“ სარეზერვო გუნდში თამაშობდა.

2013–14 წლების სეზონში დინამო-2-ის 21 მატჩში 23 გატანილი გოლით ზივზივაძე გუნდის საუკეთესო ბომბარდირი გახდა.

მისი პროფესიონალური დებიუტი „დინამოს“ პირველ გუნდში 2014 წლის 11 სექტემბერს რუსთავის „მეტალურგთან“ გასვლით მატჩში შედგა, როდესაც მეორე ტაიმში თანაგუნდელის ნაცვლად შემოვიდა მინდორზე.

2015 წელს ზივზივაძე უმაღლესი ლიგის მონაწილე საფეხბურთო კლუბ „სამტრედიაში“ გადავიდა, სადაც საუკეთესოდ გამოავლინა თავისი შესანიშნავი საფეხბურთო თვისებები და საბოლოოდ ერთ-ერთი გადამწყვეტი როლი ითამაშა მათ ისტორიაში პირველი საჩემპიონო ტიტულის მოპოვებაში.

2017 წლის იანვარში კონტრაქტი დანიის სუპერლიგის კლუბ „ესბიერგთან“ გააფორმა, მაგრამ მის რიგებში მხოლოდ 13 მატჩი ითამაშა და ერთი გოლი შეაგდო, ხოლო 2018 წლის სეზონში იჯარით კვლავ თბილისის „დინამოში“ დაბრუნდა.

2018 წელს „თბილისის დინამოში“ თამაშის დროს გიორგი გაბედავასთან ერთად გახდა ეროვნული ლიგის საუკეთესო ბომბარდირი. ასევე, სეზონის სიმბოლურ ნაკრებშიც მოხვდა.

„ესბიერგში“ დაბრუნების შემდეგ, კლუბმა 2019 წლის 29 იანვარს გამოაცხადა, რომ მან კლუბი დატოვა, მას შემდეგ, რაც მისი კონტრაქტი ორმხრივი თანხმობით შეწყდა.

ორი დღის შემდეგ ცნობილი გახდა, რომ ის კვლავ ქუთაისის „ტორპედოს“ შეუერთდა. ზივზივაძე ეროვნული ლიგის ოთხფაზიანი ჩემპიონატის მე-2 ნაწილის საუკეთესო მოთამაშედ 9 მატჩში რვა გოლის გატანის შემდეგ დასახელდა. ამჯერად ტორპედოელთა რიგებში მან სულ 20 შეხვედრაში მიიღო მონაწილეობა და 13-ჯერ აიღო მეტოქეთა კარები.

2019 წლის ივლისში მან ხელი უნგრულ საფეხბურთო კლუბ „მეზოკოვეშდთან“ მოაწერა. ამ კლუბში მან 32 შეხვედრა ჩაატარა და 8 გოლი შეაგდო.

2020–2023 წლებში ასევე, უნგრულ საფეხბურთო კლუბ „ფეჰერვარის“ რიგებში განაგრძო თამაში, სადაც 53 მატჩში 12-ჯერ შეძლო მეტოქეთა კარის აღება.

2022 წელს იჯარით კვლავ უნგრული კლუბის — „უიპეშტის“ შემადგენლობაში ითამაშა, სადაც 12 შეხვედრაში 11 გოლი გაიტანა.

2023 წლის 31 იანვარს, 2022–23 წლების ზამთრის სატრანსფერო ფანჯრის ბოლო დღეს, ზივზივაძემ კონტრაქტი გააფორმა მეორე ბუნდესლიგის საფეხბურთო კლუბ „კარლსრუესთან“.^[4][5]

ზივზივაძემ გერმანიის მეორე ბუნდესლიგის 2023–24 წლების სეზონში 13 გოლი გაიტანა და ერთი საგოლე გადაცემა შეასრულა, „კარლსრუემ“ კი გათამაშების ცხრილში მეხუთე ადგილი დაიკავა.

მომდევნო 2024–25 წლების საკლუბო სეზონი ზივზივაძემ „ნიურნბერგის“ კარში გატანილი ჰეტ-ტრიკით დაიწყო და „კარლსრუეს“ პირველი სამი ქულა მოუტანა. 31-ე წუთისთვის ქართველი თავდამსხმელის გუნდი 0–2 მარცხდებოდა. ზივზივაძემ პირველი გოლი 45+2-ე წუთზე გაიტანა, მეორედ „ნიურნბერგის“ კარი 73-ე წუთზე აიღო, ხოლო გამარჯვების მომტანი გოლი 79-ე წუთზე გაიტანა (3–2), რითაც თავის გერმანულ კარიერაში პირველი ჰეტ-ტრიკი გაიფორმა.^[6][7]

2024 წლის 13 სექტემბერს, გერმანიის მეორე ბუნდესლიგის მეხუთე ტურში „კარლსრუემ“ გელზენკირხენის „შალკე“ ბუდუ ზივზივაძის დუბლით 2–0 დაამარცხა.

2025 წლის 3 იანვარს ზივზივაძემ ოთხწლიანი კონტრაქტი გააფორმა ბუნდესლიგის კლუბ „ჰაიდენჰაიმთან“.^[8]

2025 წლის 11 იანვარს ბუდუ ზივზივაძემ ახალი გუნდის, „ჰაინდეჰაიმის“ მაისურით გერმანიის ბუნდესლიგაში პირველი შეხვედრა ჩაატარა. მისმა გუნდმა „უნიონ ბერლინი“ შინ მიიღო და 2–0 დაამარცხა.^[9]

2025 წლის 16 იანვარს ბუდუ ზივზივაძემ გერმანიის ბუნდესლიგის მე-17 ტურის შეხვედრაში ბრემენის „ვერდერის“ წინააღმდეგ ითამაშა და „ჰაიდენჰაიმის“ შემადგენლობაში პირველი საგოლე გადაცემა შეასრულა. მატჩი ფრედ, 3–3 დასრულდა.^[10]

სანაკრებო კარიერა

2010 წლიდან იცავდა საქართველოს სხვადასხვა ასაკობრივ ნაკრებთა ღირსებას. რაც შეეხება საქართველოს ეროვნულ ნაკრებს, მისი დებიუტი ეროვნულ გუნდში 2017 წლის 23 იანვარს უზბეკეთის ეროვნული ნაკრების წინააღმდეგ დუბაიში, „სევენს სტეიდიუმზე“ გამართულ ამხანაგურ შეხვედრაში შედგა. ზივზივაძემ შეხვედრა, ძირითად შემადგენლობაში დაიწყო და შეუცვლელად ითამაშა. მატჩი ფრედ 2–2 დასრულდა.^[11]

თავისი პირველი გოლი ეროვნული ნაკრების მაისურით, ბოსნია და ჰერცეგოვინის ნაკრებთან ქალაქ ზენიცაში, „ბილინო პოლეზე“ გამართულ ამხანაგურ შეხვედრაში 2022 წლის 25 მარტს გაიტანა. შეხვედრა საქართველოს ეროვნულ ნაკრების გამარჯვებით, ანგარიშით 1–0 დასრულდა. სულ 2022 წელს ზივზივაძემ ეროვნული ნაკრების მაისურით შვიდ შეხვედრაში ითამაშა და სამი გოლი შეაგდო.

2023 წელს ზივზივაძემ ნაკრებში 8 შეხვედრა ჩაატარა, აქედან ორი ამხანაგური მონღოლეთის და ტაილანდის ნაკრებ გუნდებთან, ხოლო 6 მატჩი ევროპის ჩემპიონატის შესარჩევი ეტაპის ციკლიდან, რომლის ფარგლებშიც ერთი გოლი გაიტანა 2023 წლის 12 სექტემბერს ნორვეგიის ეროვნულ ნაკრების კარში.

2024 წლის 21 მარტს თბილისში უეფას ერთა ლიგის პლეი-ოფის ნახევარფინალური შეხვედრაში საქართველოს ეროვნულ ნაკრები ლუქსემბურგის ეროვნულ ნაკრებს დაუპირისპირდა. დინამო არენაზე ჩატარებულ მატჩში ანგარიში მე-40 წუთზე ბუდუ ზივზივაძემ გახსნა, ხოლო 63-ე წუთზე, ლევან შენგელიას პასით ბუდუ ზივზივაძემ დუბლი შეასრულა და მატჩის საბოლოო ანგარიში დააფიქსირა.^[12]

საკლუბო სტატისტიკა

განახლდა: 15 იანვარი, 2025

კლუბი	სეზონი	ლიგა		თასი		კონტინენტური		სხვა		ჯამში
		მატჩი	გოლი	მატჩი	გოლი	მატჩი	გოლი	მატჩი	გოლი	მატჩი	გოლი
დინამო თბილისი-2	2012–13	19	14	―		—		—		19	14
	2013–14	21	23	―		—		—		21	23
	2014–15	10	10	―		—		—		10	10
	სულ	50	47	―		—		—		50	47
დინამო თბილისი	2014–15	1	0	―		—		—		1	0
ტორპედო ქუთაისი	2014–15	8	0	2	0	—		—		10	0
სამტრედია	2015–16	29	16	5	2	―		—		34	18
	2016	14	13	2	1	2	1	—		18	15
	სულ	43	29	7	3	2	1	―		52	33
ესბიერგი	2016–17	7	0	2	1	―		—		9	1
	2017–18	4	0	―		—		—		4	0
	სულ	11	0	2	1	―		—		13	1
→  დინამო თბილისი	2018	35	22	3	4	2	2	—		40	28
	სულ	35	22	3	4	2	2	—		40	28
ტორპედო ქუთაისი	2019	20	13	1	0	—		1[ა]	0	22	13
	სულ	28	13	3	0	―		1	0	32	13
მეზოკოვეშდი	2019–20	32	8	6	2	—		—		38	10
ფეჰერვარი	2020–21	31	9	4	3	3	0	—		38	11
	2021–22	12	2	―		2	0	—		14	2
→  უიპეშტი	2021–22	12	11	2	0	—		—		14	11
ფეჰერვარი	2022–23	10	1	―		6	6	—		16	7
	სულ	53	12	4	3	11	6	—		68	21
კარლსრუე	2022–23	10	1	―		―		—		10	1
	2023–24	30	12	1	0	―		—		31	12
	2024–25	18	12	2	2	―		—		20	14
	სულ	58	25	3	2	—		—		61	27
ჰაიდენჰაიმი	2024–25	2	0	―		―		―		2	0
სულ ჯამში		325	167	30	15	15	9	1	0	371	191

1. ერთი მატჩი საქართველოს სუპერთასზე

სანაკრებო სტატისტიკა

განახლდა: 23 მარტი, 2025

ეროვნული ნაკრები	წელი	მატჩი	გოლი
საქართველო	2017	2	0
	2018	2	0
	2021	4	0
	2022	7	3
	2023	8	2
	2024	11	3
	2025	2	0
ჯამში		36	8

სანაკრებო მატჩები და გოლები

№	თარიღი	შეხვედრის ადგილი	მასპინძელი	ანგ.	სტუმარი	შეჯიბრება	გოლები	შენიშვნა	წყარო
1	23.01.2017	დუბაი	უზბეკეთი	2–2	საქართველო	ამხანაგური			[13]
2	25.01.2017	დუბაი	იორდანია	1–0	საქართველო	ამხანაგური		46'	[14]
3	01.06.2018	შვაცი	საქართველო	1–0	მალტა	ამხანაგური		71'	[15]
4	05.06.2018	ლუქსემბურგი	ლუქსემბურგი	1–0	საქართველო	ამხანაგური		62'	[16]
5	28.03.2021	თბილისი	საქართველო	1–2	ესპანეთი	მსოფ. შეს.		62'	[17]
6	31.03.2021	სალონიკი	საბერძნეთი	1–1	საქართველო	მსოფ. შეს.		63'	[18]
7	02.06.2021	პლოიეშტი	რუმინეთი	1–2	საქართველო	ამხანაგური		81'	[19]
8	06.06.2021	ენსხედე	ნიდერლანდები	3–0	საქართველო	ამხანაგური		65'	[20]
9	25.03.2022	ზენიცა	ბოსნია და ჰერცეგოვინა	0–1	საქართველო	ამხანაგური	49'		[21]
10	29.03.2022	ტირანა	ალბანეთი	0–0	საქართველო	ამხანაგური		83'	[22]
11	05.06.2022	რაზგრადი	ბულგარეთი	2–5	საქართველო	ერთა ლიგა	52'	67'	[23][24]
12	09.06.2022	სკოპიე	ჩრდ. მაკედონია	0–3	საქართველო	ერთა ლიგა	52'	71'	[25][26]
13	12.06.2022	თბილისი	საქართველო	0–0	ბულგარეთი	ერთა ლიგა		80'	[27]
14	23.09.2022	თბილისი	საქართველო	2–0	ჩრდ. მაკედონია	ერთა ლიგა		78'	[28]
15	26.09.2022	გიბრალტარი	გიბრალტარი	1–2	საქართველო	ერთა ლიგა		61'	[29]
16	25.03.2023	ბათუმი	საქართველო	6–1	მონღოლეთი	ამხანაგური	90'+1'	64'	[30]
17	28.03.2023	ბათუმი	საქართველო	1–1	ნორვეგია	ევრ. შეს.		59'	[31]
18	17.06.2023	ლარნაკა	კვიპროსი	1–2	საქართველო	ევრ. შეს.		88'	[32]
19	20.06.2023	გლაზგო	შოტლანდია	2–0	საქართველო	ევრ. შეს.		56'	[33]
20	12.09.2023	ოსლო	ნორვეგია	2–1	საქართველო	ევრ. შეს.	90+1'	67'	[34]
21	12.10.2023	თბილისი	საქართველო	8–0	ტაილანდი	ამხანაგური		46'	[35]
22	15.10.2023	თბილისი	საქართველო	4–0	კვიპროსი	ევრ. შეს.		58'	[36]
23	16.11.2023	თბილისი	საქართველო	2–2	შოტლანდია	ევრ. შეს.		69'	[37]
24	21.03.2024	თბილისი	საქართველო	2–0	ლუქსემბურგი	ევრ. შეს.	40', 63'	86'	[38]
25	26.03.2024	თბილისი	საქართველო	0–0	საბერძნეთი	ევრ. შეს.		75'[ა]	[39]
26	09.06.2024	პოდგორიცა	მონტენეგრო	1–3	საქართველო	ამხანაგური	83'	80'	[40]
27	18.06.2024	დორტმუნდი	თურქეთი	3–1	საქართველო	ევრო 2024		85'	[41][42]
28	30.06.2024	კელნი	ესპანეთი	4–1	საქართველო	ევრო 2024		79'	[43]
29	07.09.2024	თბილისი	საქართველო	4–1	ჩეხეთი	ერთა ლიგა		75'	[44]
30	10.09.2024	ტირანა	ალბანეთი	0–1	საქართველო	ერთა ლიგა		86'	[45]
31	11.10.2024	პოზნანი	უკრაინა	1–0	საქართველო	ერთა ლიგა		82'	[46]
32	14.10.2024	თბილისი	საქართველო	0–1	ალბანეთი	ერთა ლიგა			[47]
33	16.11.2024	ბათუმი	საქართველო	1–1	უკრაინა	ერთა ლიგა		67'	[48]
34	19.11.2024	ოლომოუცი	ჩეხეთი	2–1	საქართველო	ერთა ლიგა		61'	[49]
35	20.03.2025	ერევანი	სომხეთი	0–3	საქართველო	ერთა ლიგა		66'	[50]

1. საქართველოს ნაკრებმა საბერძნეთი პლეი-ოფის ფინალში პენალტების სერიაში 4–2 დაამარცხა და დამოუკიდებელი საქართველოს ისტორიაში პირველად ევროპის ჩემპიონატზე თამაშის უფლება მოიპოვა.

მიღწევები

საკლუბო

• საქართველოს ჩემპიონი: 2012–13, 2013–14, 2016
• საქართველოს თასი: 2012–13, 2013–14
• საქართველოს სუპერთასი: 2014–15
• საქართველოს სუპერთასის ფინალისტი: 2013–14

ინდივიდუალური

• ეროვნული ლიგის საუკეთესო ბობარდირი: 2018

ჯილდოები

• ღირსების ორდენი: 2024^[51]

რესურსები ინტერნეტში

• ბუდუ ზივზივაძე — საქართველოს ეროვნული ლიგის საიტზე
• ბუდუ ზივზივაძე — საქართველოს ფეხბურთის ფედერაციის საიტზე
• ბუდუ ზივზივაძე — „კარლსრუეს“ ოფიციალურ საიტზე
• ბუდუ ზივზივაძე დაარქივებული 2025-01-14 საიტზე Wayback Machine. — „ჰაიდენჰაიმის“ ოფიციალურ საიტზე

თემატური საიტები
AFS · ESPN · EU-Football.info · FBref.com · FootballDatabase.eu · FootballFacts.ru · National Football Teams.com · Soccerbase · Soccerway · Sofascore · Sports.ru · Sportline.ge · Transfermarkt · WorldFootball.net · UEFA

მედია
lelo.ge · La Gazzetta dello Sport Georgia

ვიდეო
Croco․ge · News Makers