დიკა

დიკა (Triticum carthlicum) — ძველი ქართული საგაზაფხულო ხორბლის სახეობა (მოიხსენიება V საუკუნიდან). მოჰყავთ მთაში. დიკა შიშველმარცვლიანია, მარცვალი შედარებით ადვილად სცილდება კილს. ყვავილსა და თავთუნის კილს ფხები აქვს. სიცივისა და სოკოვანი დაავადებისადმი გამძლეა.

დიკა
მეცნიერული კლასიფიკაცია
სამეფო:  მცენარეები კლასი:  ერთლებნიანები ოჯახი:  მარცვლოვანნი გვარი:  ხორბალი სახეობა:  დიკა
ლათინური სახელი
Triticum carthlicum
სისტემატიკა ვიკისახეობებში სურათები ვიკისაწყობში ITIS   506638 NCBI   295401 EOL   1114085 IPNI   425611-1 TPL   kew-448501

გავრცელებულია ძირითადად ზღვის დონიდან 900-1500 მ სიმაღლეზე. საქართველოში საგაზაფხულო ხორბლის მთავარი ჯიშია. მცირე რაოდენობით მოჰყავთ სომხეთსა და დაღესტანში.

დიკა ძვირფასი სასელექციო მასალაა. მისი პოპულაციიდან გამოყვანილია სელექციური ჯიში — დიკა 9-14, რომელიც მთიან ზონაში დარაიონებულია 1944 წლიდან დიკას 10 სახესხვაობიდან მთავარია წითელი, შავი და თეთრი დიკა, ადგილობრივი პოპულაცია — ჯავახური დიკა გავრცელებულია ჯავახეთის ზონაში.

ლიტერატურა

• თედორაძე ს., ქართული საბჭოთა ენციკლოპედია, ტ. 3, თბ., 1978. — გვ. 550.

• ნასყიდაშვილი პ., ენციკლოპედია „საქართველო“, ტ. 2, თბ., 2012. — გვ. 430.