ზუგდიდის მუნიციპალიტეტი

ზუგდიდის მუნიციპალიტეტი — ადმინისტრაციულ-ტერიტორიული ერთეული სამეგრელო-ზემო სვანეთის მხარეში. მუნიციპალიტეტის ტერიტორია 1917-მდე შედიოდა ქუთაისის გუბერნიის ზუგდიდის მაზრაში, 1921-დან ზუგდიდის მაზრაში. 1930-დან ცალკე რაიონია.

ადმინისტრაციული ერთეული
ზუგდიდის მუნიციპალიტეტი
დროშა გერბი
ქვეყანა	საქართველო
მხარე	სამეგრელო-ზემო სვანეთის მხარესამეგრელო-ზემო სვანეთის მხარე
ადმ. ცენტრი	ზუგდიდი
კოორდინატები	42°30′29″ ჩ. გ. 41°52′21″ ა. გ.
მერი	მამუკა წოწერია
ფართობი	682.1 კვადრატული კილომეტრი
ოფიციალური ენა	ქართული ენა
მოსახლეობა	99 500[1] კაცი (2021)
სიმჭიდროვე	93,58 კაცი/კმ²
ეროვნული შემადგენლობა	ქართველები 99,73 % რუსები 0,17 % უკრაინელები 0,06 %[2]
სარწმუნოებრივი შემადგენლობა	მართლმადიდებლები 98,40 %[3]
სასაათო სარტყელი	UTC+04:00
ოფიციალური საიტი	https://zugdidi.gov.ge/
ზუგდიდის მუნიციპალიტეტი ვიკისაწყობში

ბუნება

მუნიციპალიტეტს უჭირავს ოდიშის ვაკე და ურთას მთიანი ზონა. ტერიტორია — 668 კმ², მათ შორის სასოფლო-სამეურნეო სავარგულებს უკავია 340 კმ². რაიონში მდინარეთა ხშირი ქსელია, ბევრია ჭაობი და მცირე ტბები. გარდა მდინარე ენგურისა, ზუგდიდის მუნიციპალიტეტის ტერიტორიას კვეთს მდინარეები: ჯუმი, ჩხოუში, ჭანისწყალი, რუხი და სხვა.

მოსახლეობა

რაიონში 58 დასახლებული პუნქტია. დიდი სოფლებია: ინგირი (4,0 ათასი), კახათი (4,0 ათასი), ჭითაწყარი (3,3 ათასი) და რუხი (2,8 ათასი).

რაიონი/მუნიციპალიტეტი[4]	1959 წ. აღწ.	1970 წ. აღწ.	1979 წ. აღწ.	1989 წ. აღწ.	1991'	2002 წ. აღწ.	2014 წ. აღწ.	2016'	2017'	2018'
ზუგდიდის	96 643	112 241	120 217	125 444	126 800	167 760	105 509	105 700	104 200	103 300

ადგილობრივი თვითმმართველობა

ადმინისტრაციული ერთეულები

მუნიციპალიტეტის ადგილობრივი თვითმმართველობის უმაღლესი ორგანოა საკრებულო, აღმასრულებელი თანამდებობის პირი — გამგებელი. მუნიციპალიტეტი იყოფა შემდეგ ტერიტორიულ ერთეულებად:

• 17 თემი — აბასთუმანი, ანაკლია, ახალსოფელი, დიდი ნეძი, ერგეტა, ინგირი, კოკი, კორცხელი, ნარაზენი, ოდიში, ორულუ, ოქტომბერი, რუხი, ჩხორია, ცაიში, ჭაქვინჯი, ჯიხაშკარი;
• 12 სათავო სოფელი — 12: ალერტკარი, ახალი აბასთუმანი, ახალკახათი, განარჯიის მუხური, დარჩელი, კახათი, ორსანტია, რიყე, ურთა, ყულიშკარი, შამგონა, ჭითაწყარი, ჭკადუაში.

საკრებულო

პარტია		2017[5]	2021[6]	ამჟამინდელი საკრებულო
	ქართული ოცნება	43	18
	ახალი		14[ა]
	ნაციონალური მოძრაობა	5	8
	საქართველოსთვის		3
	ხალხის ძალა		2[ბ]
	ევროპული საქართველო	2
სულ		50	45

ზუგდიდის მუნიციპალიტეტის რუკა

ეკონომიკა

ზუგდიდის მუნიციპალიტეტის ეკონომიკაში მთავარი როლი ეკუთვნის სუბტროპიკულ სოფლის მეურნეობას, კერძოდ მეჩაიეობას და მასზე დაფუძნებულ გადამამუშავებელ მრეწველობას. სოფლის მეურნეობის სხვა დარგებია მეციტრუსეობა, მეხილეობა, მევენახეობა. მნიშვნელოვანი საწარმოებია ჩაის ფაბრიკები, ფაიფურის, ავეჯის და ღვინის ქარხნები, ცელულოზა-ქაღალდის კომბინატი. რაიონის ტერიტორიაზე გადის სამხრეთ კავკასიის რკინიგზის მაგისტრალი.

კულტურა

რაიონში 80 სახელმწიფო და 3 კერძო ზოგადსაგანმანათლებლო სკოლაა, 4 საშუალო პროფესიული სასწავლებელი, 41 ბიბლიოთეკა.

ღირსშესანიშნაობანი

• კორცხელის ღვთისმშობლის ეკლესია
• ცაიშის საკათედრო ტაძარი
• კოკის ეკლესია
• ჭკადუაშის (ახალდაბის) ტაძარი (ნანგრევები)
• ხეცერის ეკლესია (ნანგრევები)
• ტყაიის წმინდა გიორგის ეკლესია
• ანაკლიის ციხე
• რუხის ციხე
• ჭაქვინჯის ციხე

გალერეა

• 
  სოფელი ცაიში
• 
  განარჯიის მუხური
• 
  განარჯიის მუხური
• 
  განარჯიის მუხური
• 
  ტყაიას წმ. გიორგის ეკლესია
• 
  ჭაქვინჯის ციხე
• 
  ანაკლია

ლიტერატურა

• ძიძიგური ი. შენგელაია მ., ქართული საბჭოთა ენციკლოპედია, ტ. 4, თბ., 1979. — გვ. 541-542.

რესურსები ინტერნეტში

• ოფიციალური საიტი

შენიშვნები

1. გამოეყო ენმ-ს.^[7]
2. გამოეყო ქართულ ოცნებას.^[8]