ოლეგ ბლოხინი
From Wikipedia, the free encyclopedia
Remove ads
ოლეგ ბლოხინი (უკრ. Оле́г Володи́мирович Блохі́н, რუს. Оле́г Влади́мирович Блохи́н; დ. 5 ნოემბერი, 1952, კიევი, უკრაინის სსრ, სსრ კავშირი) — უკრაინელი და საბჭოთა ფეხბურთელი და ფეხბურთის მწვრთნელი. თამაშობდა თავდამსხმელის პოზიციაზე. საბჭოთა კავშირის სპორტის დამსახურებული ოსტატი (1975), უკრაინის დამსახურებული მწვრთნელი (2005). სხვადასხვა დროს იცავდა კიევის „დინამოს“, შტაირის „ფორვერტსის“, ლიმასოლის „არისის“ და საბჭოთა კავშირის ეროვნული ნაკრების ღირსებას. საბჭოთა კავშირის შვიდგზის (1974, 1975, 1977, 1980, 1981, 1985, 1986) ჩემპიონი, საბჭოთა კავშირის თასის ხუთგზის (1974, 1978, 1982, 1985, 1987), საბჭოთა კავშირის საფეხბურთო სუპერთასის სამგზის (1981, 1986, 1987), თასების მფლობელთა თასის ორგზის (1975, 1986) და უეფა-ს სუპერთასის (1975) მფლობელი კიევის „დინამოს“ შემადგენლობაში. საბჭოთა კავშირის სამგზის საუკეთესო ფეხბურთელი (1973, 1974, 1975) და ხუთგზის საუკეთესო ბომბარდირი (1972, 1973, 1974, 1975, 1977). საბჭოთა კავშირის ეროვნული ნაკრების ყველა დროის რეკორდსმენი ჩატარებული შეხვედრების რაოდენობით (112 მატჩი) და ნაკრების ყველა დროის საუკეთესო ბომბარდირი (42 გოლი). ევროპის საუკეთესო მოთამაშის ოქროს ბურთის მფლობელი (1975). 1982 წლის ესპანეთისა და 1986 წლის მექსიკის მსოფლიო ჩემპიონატების მონაწილე.[1]
15-ჯერ იყო დასახელებული საბჭოთა კავშირის 33 საუკეთესო ფეხბურთელის სიაში, აქედან 13-ჯერ პირველ ნომრად.[2][3]
Remove ads
ბიოგრაფია
ლეგენდარულმა ბომბარდირმა კარიერის საუკეთესო წლები კიევის „დინამოში“ გაატარა — 1969 წელს 17 წლისა ჩაირიცხა პირველ გუნდში და 1987 წლის ჩათვლით იცავდა მის ღირსებას. 1988–1989 წლები ავსტრიულ „ფორვერსტში“ გაატარა, ხოლო 1989–1990 წლებში ლიმასოლის ”არისში” თამაშობდა. საბჭოთა კავშირის ჩემპიონატის უმაღლეს ლიგაში, 432 შეხვედრაში 211 გოლი გაიტანა. ორივე ეს მიღწევა საუკეთესოა მსოფლიოში. 1974, 1975, 1977, 1980, 1981, 1985 და 1986 წლებში ბლოხინი საბჭოთა კავშირის ჩემპიონი გახდა, ხოლო 1974, 1978, 1982, 1985 და 1987 წლებში თასს დაეუფლა. 1975 და 1986 წლებში თასების მფლობელთა თასის გათამაშების ფინალში გაიმარჯვა, 1975 წელს კი ევროპის სუპერთასს დაეუფლა. 1975 წელს ოლეგ ბლოხინი „ფრანს ფუტბოლმა“ ევროპის საუკეთესო ფეხბურთელად დაასახელა და ოქროს ბურთი გადასცა. 1973, 1974 და 1975 წლებში ქვეყნის საუკეთესო ფეხბურთელად დაასახელეს. 1972, 1973, 1974, 1975 და 1977 წლებში საბჭოთა კავშირის ჩემპიონატების ბომბარდირის ტიტული მოიპოვა. 2003–2007 და 2011–2012 წლებში უკრაინის ნაკრების მთავარი მწვრთნელი იყო. 2007–2008 წლებში იყო საფეხბურთო კლუბ „მოსკოვის“ მთავარი მწვრთნელი. 2012–2014 წლებში კი კიევის „დინამოს“ ედგა სათავეში.
სანაკრებო კარიერა
1972–1988 წლებში საბჭოთა კავშირის ეროვნული ნაკრების ღირსებას იცავს,[4] რომლის შემადგენლობაში 112 შეხვედრას ატარებს და 42 ბურთი გააქვს.[5]
სანაკრებო სტატისტიკა
მსოფლიო ჩემპიონატებზე
ოლეგ ბლოხინმა მსოფლიო ჩემპიონატების 7 შეხვედრაში მიიღო მონაწილეობა და 2 გოლი გაიტანა.[6][7][8][9]
Remove ads
მიღწევები
საკლუბო
- თასის მფლობელი (5): 1974, 1978, 1982, 1985, 1987
- თასის მფლობელი (3): 1981, 1986, 1987
- თასის მფლობელი (2): 1975, 1986
- თასის მფლობელი: 1975
ინდივიდუალური
- ევროპის წლის საუკეთესო ფეხბურთელის ოქროს ბურთი: 1975
- საბჭოთა კავშირის საუკეთესო ფეხბურთელი (3): 1973, 1974, 1975
- უკრაინის საუკეთესო ფეხბურთელი (9): 1972, 1973, 1974, 1975, 1976, 1977, 1978, 1980, 1981
- საბჭოთა კავშირის საუკეთესო ბომბარდირი (5): 1972, 1973, 1974, 1975, 1977
- საბჭოთა კავშირის ყველა დროის საუკეთესო ბომბარდირი
- საბჭოთა კავშირის თასის გათამაშების ყველა დროის საუკეთესო ბომბარდირი
- საბჭოთა კავშირის ეროვნული ნაკრების ყველა დროის საუკეთესო ბომბარდირი
- თასების მფლობელთა თასის გათამაშების საუკეთესო ბომბარდირი: 1985–86
- Golden Foot: 2009 [10]
- IFFHS Legends [11]
Remove ads
ლიტერატურა
- აკოფოვი, გარუნ; ენუქიძე, ჯიმშერ (1987). ფეხბურთი — 87 : ცნობარი. თბ.: საქ. კპ ცკ-ის გამ-ბა.
- აკოფოვი, გარუნ; ენუქიძე, ჯიმშერ (1986). ფეხბურთი — 86 : ცნობარი. თბ.: საქ. კპ ცკ-ის გამ-ბა.
- აკოფოვი, გარუნ; ენუქიძე, ჯიმშერ (1985). ფეხბურთი — 85 : ცნობარი. თბ.: საქ. კპ ცკ-ის გამ-ბა.
- აკოფოვი, გარუნ; კაკაბაძე, დავით (1984). ფეხბურთი — 84 : ცნობარი. თბ.: საქ. კპ ცკ-ის გამ-ბა.
- აკოფოვი, გარუნ; კაკაბაძე, მიხეილ (1983). ფეხბურთი — 83 : ცნობარი. თბ.: საქ. კპ ცკ-ის გამ-ბა.
- აკოფოვი, გარუნ; კაკაბაძე, მიხეილ (1982). ფეხბურთი — 82 : ცნობარი. თბ.: საქ. კპ ცკ-ის გამ-ბა.
- აკოფოვი, გარუნ; კაკაბაძე, მიხეილ (1981). ფეხბურთი — 81 : ცნობარი. თბ.: საქ. კპ ცკ-ის გამ-ბა.
- აკოფოვი, გარუნ; კაკაბაძე, მიხეილ (1980). ფეხბურთი — 80 : ცნობარი. თბ.: საქ. კპ ცკ-ის გამ-ბა.
- აკოფოვი, გარუნ; კაკაბაძე, მიხეილ (1979). ფეხბურთი — 79 : ცნობარი. თბ.: საქ. კპ ცკ-ის გამ-ბა.
- ქურდობაძე, ალექსანდრე, ფეხბურთი : ენციკლოპედია, თბ.: „ჯისიაი“, 1996. — გვ. 25. 280 გვ.
- აკოფოვი, გარუნ (1977). ფეხბურთი — 77 : ცნობარი–კალენდარი. თბ.: საქ. კპ ცკ-ის გამ-ბა.
- აკოფოვი, გარუნ (1975). ფეხბურთი — 75 : ცნობარი–კალენდარი. თბ.: საქ. კპ ცკ-ის გამ-ბა.
- ფანჯიკიძე, გურამ (1987). მარადონა რეი : მსოფლიოს XIII ჩემპიონატის შთაბეჭდილებები. თბ.: ნაკადული.
- ფანჯიკიძე, გურამ (1982). ფორცა, იტალია!. თბ.: გამ-ბა საბჭ. საქართველო.
- გოდუაძე, ლაშა (2010). მსოფლიო თასის ისტორია (1930–2010). თბ.: გაზეთი „მსოფლიო სპორტი“.
რესურსები ინტერნეტში
სქოლიო
Wikiwand - on
Seamless Wikipedia browsing. On steroids.
Remove ads