შავი ზღვის ეკონომიკური თანამშრომლობის ორგანიზაცია

შავი ზღვის ეკონომიკური თანამშრომლობის ორგანიზაცია (ინგლ. Black Sea Economic Cooperation, აკრონიმი BSEC – ბისეკი) — შეიქმნა 1992 წლის 25 ივნისს თერთმეტი ქვეყნის სახელმწიფოს მეთაურთა მიერ სტამბოლის სამიტის დეკლარაციისა და ბოსფორის შეთანხმების ხელმოწერით. ორგანიზაციის მიზანი მრავალმხრივი პოლიტიკური და ეკონომიკური ინიციატივების მხარდაჭერა და წევრ ქვეყანათა შორის ინტეგრაციისა და ჰარმონიული თანაარსებობის წახალისებაა შავი ზღვის რეგიონში.

ბისეკის დროშა

1999 წლის 1 მაისს ბისეკის ქარტიის ძალაში შესვლის დღიდან ორგანიზაციამ საერთაშორისო იურიდიული პირის ძალაუფლება მიიღო და სრულუფლებიან რეგიონულ ეკონომიკურ ორგანიზაციად გარდაიქმნა. 2004 წლის აპრილში ორგანიზაციაში სერბეთის შესვლით წევრთა რიცხვი 12-მდე გაიზარდა.

ბისეკის შტაბ–ბინა – მუდმივი საერთაშორისო სამდივნო სტამბოლში შეიქმნა 1994 წლის მარტში. ორგანიზაცია მჭიდრო კავშირშია შავი ზღვის ვაჭრობისა და განვითარების ბანკთან — საერთაშორისო საფინანსო ინსტიტუტი, რომლის შტაბ–ბინა სალონიკში მდებარეობს.

წევრები

  ბისეკის წევრი ქვეყნები

  ბისეკის დამკვირვებელი ქვეყნები

დამფუძნებელი წევრები არიან:

• ალბანეთი
• სომხეთი
• აზერბაიჯანი
• ბულგარეთი
• საქართველო
• საბერძნეთი
• მოლდოვა
• რუმინეთი
• რუსეთი
• თურქეთი
• უკრაინა

შემოერთებული წევრები:

• სერბეთი

ქვეყნების  კვიპროსი და  მონტენეგრო კანდიდატურას თურქეთმა ვეტო დაადო (ამ ქვეყნებთან მიმდინარე პოლიტიკური უთანხმოების გამო). დაარქივებული 2012-01-19 საიტზე Wayback Machine.

  წევრები

  დამკვირვებლები

დამკვირვებელი ქვეყნებია:

• ბელარუსი
• ხორვატია
• ჩეხეთი
• საფრანგეთი
• გერმანია
• ისრაელი
• იტალია
• პოლონეთი
• სლოვაკეთი
• ტუნისი
• აშშ

გვიანდელი დამკვირვებლები:

• ავსტრია
• ეგვიპტე

დამკვირვებელი ორგანიზაციებია:

• შავი ზღვის საერთაშორისო კლუბი
• ენერგიის ქარტიის სეკრეტარიატი
• შავი ზღვის კომისია

მიმდინარე პერიოდში ორგანიზაციის თავმჯდომარეა რუმინეთი (1 იანვარი 2011 - 30 ივნისი 2011).

რესურსები ინტერნეტში

• ბისეკის საიტი