Retro Gamer

Retro Gamer — ბრიტანული, ყოველთვიური ჟურნალი, რომელიც მოიცავს ვიდეო თამაშებს. მას დიდ ბრიტანეთში მედიაკომპანია Future Publishing გამოსცემს. ჟურნალი სპეციალიზებულია რეტროგეიმინგსა და კლასიკურ თამაშებზე პერსონალური კომპიუტერებისთვის, სათამაშო კონსოლებისთვის და სხვა ძველი სათამაშო მოწყობილობებისთვის, როგორიცაა ZX Spectrum, NES, PlayStation და ა.შ. ჟურნალი დაფუძნდა 2003 წლის დეკემბერში.^[1][2]

Retro Gamer
სპეციალიზაცია	ვიდეო თამაშების ჟურნალისტიკა
ენა	ინგლისური
პუბლიკაციის დეტალები
პირველი გამოცემის თარიღი	მარტი, 2004
კომპანია	Future Publishing (2016–დღემდე)
ქვეყანა	დიდი ბრიტანეთი
დაფუძნდა	დეკემბერი, 2003
გამოცემის სიხშირე	ყოველთვიური
ISSN	1742-3155
ოფიციალური საიტი

ჟურნალის ძირითადი თემატიკაა ძველი, უმეტესად 1980-იანი და 1990-იანი წლების თამაშები; მასში რეგულარულად ქვეყნდება რუბრიკები „უკან 90-იანებში“ და „უკან 80-იანებში“. პირველ წლებში გამოცემას თან ახლდა დამატებითი მასალების მქონე კომპაქტ-დისკი, რომელიც მოგვიანებით ამოიღეს.^[3] ჟურნალი გაფორმებაში იყენებს ძველი კომპიუტერული გრაფიკის სტილიზაციას, ხოლო მის გარეკანზე განთავსებულია წარწერა „old“ (ძველი).^[3]

Retro Gamer თავდაპირველად გამოსცემდა Live Publishing; 2005–2016 წლებში — Imagine Publishing,^[2][4] ხოლო 2016 წლიდან ჟურნალის გამომცემელია კომპანია Future Publishing.^[5]

2010 წელს Retro Gamer-მა Games Media Awards-ზე „წლის საუკეთესო ჟურნალის“ ნომინაციაში გაიმარჯვა.^[6]

ციფრული ვერსიები

წლების განმავლობაში გამოვიდა სამი DVD, რომელთაგან თითოეული ჟურნალის 25-დან 30-მდე ნომერს შეიცავს:

• Retro Gamer eMag Load 1^[7] (შეიცავს ნომრებს №1-დან №30-ის ჩათვლით)
• Retro Gamer eMag Load 2^[8] (შეიცავს ნომრებს №31-დან №55 ჩათვლით)
• Retro Gamer eMag Load 3^[9] (შეიცავს ნომრებს №56-დან №80-ის ჩათვლით)

Retro Gamer უკვე ხელმისაწვდომია როგორც iOS აპლიკაცია და მისი გადმოწერა შესაძლებელია iPhone-სა და iPad-ზე.

რესურსები ინტერნეტში

• შეგიძლიათ იხილოთ მედიაფაილები თემაზე „Retro Gamer“ ვიკისაწყობში.
• ოფიციალური საიტი
• Retro Gamer-ის დაარქივებული ვერსია (#1-დან #11-მდე) – Internet Archive