Space Invaders

Space Invaders — 1978 წლის Shoot 'em up ჟანრის ვიდეო თამაში, რომელიც შექმნა და გამოსცა იაპონურმა კომპანია Taito-მ არკადული აპარატებისთვის. თავდაპირველად 1978 წლის აპრილში იაპონიაში გამოვიდა, ხოლო ევროპასა და ჩრდილოეთ ამერიკაში იმავე წელს ამერიკულმა კომპანია Midway Manufacturing-მა გამოსცა.

Space Invaders
„Space Invaders“-ის სარეკლამო ფლაერი.
დეველოპერ(ებ)ი	Taito
გამომცემელი	იაპ/აზია/ევრ Taito ჩრდ.ამერ./ევრ Midway Manufacturing ავსტრ Leisure & Allied Industries
სერია	Space Invaders
პლატფორმ(ებ)ი	არკადა Atari 2600, Atari 8-ბიტიანი, Atari 5200, MSX, Commodore 64, პორტატიული, მაჯის საათი, კალკულატორი,[1] Famicom,[2] SG-1000 ,[3] WonderSwan,[4] VG Pocket,[5] მობილური ტელეფონი,[6] iOS[7]
გამოსვლის თარიღი	19 აპრილი, 1978 არკადა იაპ 19 აპრილი, 1978 ჩრდ.ამ. ნოემბერი, 1978[8][9] 2600 10 მარტი, 1980[10] Atari 8-ბიტიანი 1980 5200 ოქტომბერი, 1982[11] Famicom იაპ 17 აპრილი, 1985[12] SG-1000 იაპ ივნისი, 1985[13] WonderSwan იაპ 13 მაისი, 1999[14] iOS WW February 27, 2009[15]
ჟანრ(ებ)ი	ფიქსირებული შუტერი
რეჟიმ(ებ)ი	ერთმოთამაშიანი, მრავალმოთამაშიანი
დიზაინერ(ებ)ი	ტომოჰირო ნიშიკადო
კომპოზიტორი	მიჩიიუკი კამეი
არკადული სისტემა	არკადული სისტემა და sound chip
საიტი	ოფიციალური საიტი

„Space Invaders“ იყო პირველი ვიდეო თამაში უსასრულო გეიმპლეით და პირველი ფიქსირებული შუტერი, რომელმაც ჟანრის სტანდარტი დაამკვიდრა. მოთამაშის ამოცანაა, ჰორიზონტალურ სიბრტყეზე მოძრავი ლაზერული ქვემეხით ზემოდან მომავალი უცხოპლანეტელთა ტალღის განადგურება და ამით რაც შეიძლება მეტი ქულის მოგროვება.

თამაშის დიზაინერის ტომოჰირო ნიშიკადოს შთაგონების წყაროდ იქცა ისეთი თამაშები, როგორიცაა „Gun Fight“ და „Breakout“, ელექტრომექანიკური მიზანში სროლის თამაშები, აგრეთვე სამეცნიერო ფანტასტიკური ნაწარმოებები, მაგალითად, რომანი „სამყაროთა ომი“, ანიმე „Space Battleship Yamato“ და ფილმი „ვარსკვლავური ომები“. შემუშავების დასასრულებლად მას მოუწია სპეციალური ტექნიკური აღჭურვილობისა და ხელსაწყოების შექმნა, რათა გამოეყენებინა მიკროპროცესორის ტექნოლოგიის ფუნქციები, რომელიც იმ დროისთვის სიახლე იყო მისთვის.

გამოშვებისთანავე, „Space Invaders“-მა სწრაფად მოიპოვა წარმატება მთელ მსოფლიოში. 1982 წლისთვის თამაშის მთლიანმა შემოსავალმა 3.8 მილიარდ აშშ დოლარს (10 მილიარდი დოლარი 2024 წლის კურსით) მიაღწია, წმინდა მოგებამ კი 450 მილიონ დოლარს (1.2 მილიარდი დოლარი 2024 წლის კურსით), რითაც იმ ეპოქის ყველაზე გაყიდვად ვიდეო თამაშად და ყველაზე მაღალი შემოსავლის მქონე გასართობ პროდუქტად იქცა, ისევე როგორც ყველა დროის ყველაზე შემოსავლიან ვიდეო თამაშად.

„Space Invaders“ ითვლება ერთ-ერთ ყველაზე გავლენიან და ყველა დროის ერთ-ერთ საუკეთესო ვიდეო თამაშად, რამაც საფუძველი ჩაუყარა არკადული ვიდეო თამაშების ოქროს ხანას. იგი იქცა უამრავი მომავალი თამაშების დიზაინერის შთაგონების წყაროდ. თამაში პორტირებული და ხელახლა გამოშვებული იქნა სხვადასხვა ფორმით, მათ შორისა Atari 2600-ის 1980 წლის ვერსია, რომელმაც Atari 2600 კონსოლის გაყიდვები ოთხჯერ გაზარდა და გახდა პირველი „მკვლელი აპლიკაცია“ ვიდეო თამაშების კონსოლებისთვის. პიქსელური უცხოპლანეტელი პოპ კულტურის ხატად იქცა, რომელიც ხშირად მთელი ვიდეო თამაშების ინდუსტრიის სიმბოლოდ ითვლება. თამაშს მოჰყვა ათობით გაგრძელება და რიმეიკი, გახდა მრავალი ხელოვნების ნიმუშისა და მუსიკის ინსპირაცია, მისი სიუჟეტი/იმიჯი პაროდიების საგნად იქცა სხვადასხვა მედიასაშუალებაში.

გალერეა

• 
  „Space Invaders“-ის გეიმპლეი
• 
  „Space Invaders“-ის მოდიფიცირებული ვერტიკალური არკადული კაბინეტი
• 
  „Space Invaders“-ის მაგიდის არკადული კაბინეტი
• 
  იაპონიაში, 1980 წელს, Epoch Co.-მ გამოუშვა სახლის კონსოლი Epoch TV Vader, როგორც „Space Invaders“-ის კლონი

რესურსები ინტერნეტში

• შეგიძლიათ იხილოთ მედიაფაილები თემაზე „Space Invaders“ ვიკისაწყობში.
• ოფიციალური საიტი
• Space Invaders — სტატია ენციკლოპედია ბრიტანიკიდან (ინგლისური)
• თამაშის არკადული ვერსიის სახელმძღვანელო — Internet Archive
• თამაშის Atari 2600-ის ვერსიიის სახელმძღვანელო — Internet Archive