მსოფლიო ეკონომიკური ფორუმი

მსოფლიო ეკონომიკური ფორუმი (ინგლ. World Economic Forum, WEF; 1971 წ.-დან 1986 წ.-მდე მენეჯმენტის ევროპული ფორუმი, ინგლ. European Management Forum^[2]) — საერთაშორისო არასამთავრობო და ლობისტური^[3] ორგანიზაცია. დაარსდა 1971 წლის 24 იანვარს გერმანელი ინჟინერისა და ეკონომისტის კლაუს შვაბის მიერ შვეიცარიაში, ჟენევის კანტონ კოლონიში.

მსოფლიო ეკონომიკური ფორუმი
ინგლ.  World Economic Forum
ოფიციალური ლოგო
შტაბ-ბინა კოლონში, შვეიცარია
დევიზი	Committed to improving the state of the world
აბრევიატურა	WEF
შეიქმნა	იანვარი, 1971; 54 წლის წინ (1971-01)
სტატუსი	ფონდი
ტიპი	საერთაშორისო არასამთავრობო და ლობისტური ორგანიზაცია
შტაბ-ბინა	კოლონი, შვეიცარია
ენა	ინგლისური
დამფუძნებელი (-ები)	Klaus Schwab
ქვეყანა	შვეიცარია[1]
ყოფილი სახელი	მენეჯმენტის ევროპული ფორუმი
თავმჯდომარე	Børge Brende
კავშირები	Coalition for Epidemic Preparedness Innovations
p856

ორგანიზაცია ცნობილია შეხვედრებით შვეცარიის კურორტ დავოსში, სადაც ყოველწლიურად იკრიბება მსოფლიოს პოლიტიკური, ეკონომიკური თუ კულტურული ელიტა. ფორუმის ხშირ სტუმრებს შორის ასევე არიან: ჯორჯ სოროსი, დიდი ბრიტანეთის ყოფილი პრემიერ მინისტრი ტონი ბლერი, Facebook-ის დამფუძნებელი მარკ ცუკერბერგი და U2-ს სოლისტი მომღერალი ბონო.^[4]

ფორუმი გვთავაზობს გლობალიზებულ სამყაროს, რომელიც საუკეთესოდ იმართება ტრანსნაციონალური კორპორაციების, მთავრობებისა და სამოქალაქო საზოგადოების ორგანიზაციების მიერ შერჩეული კოალიციის მიერ,^[5] რაც გამოიხატება ისეთი ინიციატივებით, როგორიცაა „დიდი გადატვირთვა“^[6] და „გლობალური გარდაქმნა“.^[7][8] ფორუმი გლობალური არასტაბილურობის პერიოდებს — როგორიცაა 2007-2008 წლების ფინანსური კრიზისი და COVID-19 პანდემია — მიიჩნევს პროგრამული ძალისხმევის გაძლიერების შესაძლებლობად.^[9]

1991 წლის შემდეგ პირველად 2022 წლის ფორუმი რუსეთის დელეგაციის გამოკლებით ჩატარდა, რაც The Wall Street Journal-მა აღწერა როგორც „გლობალიზაციის დასასრულის“ ნიშანი.^[10]

წელი	თარიღი	თემა
1988		მსოფლიო ეკონომიკის ახალი მდგომარეობა
1989		ძირითადი მოვლენები 90–იან წლებში: შედეგები გლობალურ ბიზნესზე
1990		კონკურენტული თანამშრომლობა ტურბულენტობის ათწლეულში
1991		ახალი მიმართულება გლობალური ლიდერობისთვის
1992		გლობალური თანამშრომლობა და მეგაკონკურენცია
1993		ყველა ძალის გაერთიანება გლობალური აღდგენისთვის
1994		მსოფლიო ეკონომიკის ძირითადი დაშვებების ხელახალი განსაზღვრა
1995		ლიდერობა ზრდის მიღმა გამოწვევებისთვის
1996		გლობალიზაციის შენარჩუნება
1997		ქსელური საზოგადოების აგება
1998		არასტაბილურობისა და პრიორიტეტების მართვა XXI საუკუნისთვის
1999		პასუხისმგებელი გლობალურობა: გლობალიზაციის გავლენის მართვა
2000		ახალი დასაწყისი: ცვლილებების შეტანა
2001	25–30 იანვარი	ზრდის შენარჩუნება და განხეთქილების გადალახვა: ჩარჩო ჩვენი გლობალური მომავლისთვის
2002	31 იანვარი – 4 თებერვალი	ლიდერობა მყიფე დროში (იმართება ნიუ-იორკში დავოსის ნაცვლად)
2003	21–25 იანვარი	ნდობის აშენება
2004	21–25 იანვარი	პარტნიორობა უსაფრთხოებისა და კეთილდღეობისთვის
2005	26–30 იანვარი	პასუხისმგებლობის აღება რთულ არჩევანზე
2006	25–29 იანვარი	შემოქმედებითი იმპერატივი[11]
2007	24–28 იანვარი	გლობალური დღის წესრიგის ფორმირება, ძალაუფლების ცვლის განტოლება
2008	23–27 იანვარი	თანამშრომლობითი ინოვაციის ძალა
2009	28 იანვარი – 1 თებერვალი	პოსტკრიზისული სამყაროს ჩამოყალიბება
2010	27–30 იანვარი	გააუმჯობესე მსოფლიოს მდგომარეობა: გადახედე, გარდაქმენი, აღადგინე
2011	26–30 იანვარი	საერთო ნორმები ახალი რეალობისთვის
2012	25–29 იანვარი	დიდი ტრანსფორმაცია: ახალი მოდელების ჩამოყალიბება
2013	23–27 იანვარი	გამძლე დინამიზმი[12]
2014	22–25 იანვარი	მსოფლიოს გადაფორმირება: შედეგები საზოგადოების, პოლიტიკისა და ბიზნესისთვის
2015	21–24 იანვარი	ახალი გლობალური კონტექსტი
2016	20–23 იანვარი	მეოთხე ინდუსტრიული რევოლუციის დაუფლება
2017	17–20 იანვარი	პასუხისმგებელი ხელმძღვანელობა
2018	23–26 იანვარი	საერთო მომავლის შექმნა მოწყვეტილ სამყაროში
2019	22–25 იანვარი	გლობალიზაცია 4.0: გლობალური არქიტექტურის ჩამოყალიბება მეოთხე ინდუსტრიული რევოლუციის ეპოქაში
2020	20–24 იანვარი	სტეიკჰოლდერები შეკრული და მდგრადი სამყაროსთვის
2021	17–20 აგვისტო	გადაიდო გაუქმდა COVID–19 პანდემიის შედეგად
2022	22–26 მაისი	ისტორია შემობრუნების მომენტში: მთავრობის პოლიტიკა და ბიზნეს სტრატეგიები[13]

წარმომადგენლები საქართველოდან

ქართველი პირველი პირების სია, რომლებიც ესწრებოდნენ მსოფლიო ეკონომიკურ ფორუმს დავოსში:

• 2004 წლის 19 იანვარი — მიხეილ სააკაშვილი (პრეზიდენტი).^[14][15][16]
• 2012 წლის 25 იანვარი — ნიკოლოზ გილაური (პრემიერ-მინისტრი).^[17]
• 2013 წლის 23-24 იანვარი — ბიძინა ივანიშვილი (პრემიერ-მინისტრი).^[18][19]
• 2014 წლის 23 იანვარი — ირაკლი ღარიბაშვილი (პრემიერ-მინისტრი).^[20]
• 2015 წელი 21-24 იანვარი — ირაკლი ღარიბაშვილი (პრემიერ-მინისტრი).^[21]
• 2016 წელი 21 იანვარი — გიორგი კვირიკაშვილი (პრემიერ-მინისტრი).^[22]
• 2017 წელი 19 იანვარი — გიორგი კვირიკაშვილი (პრემიერ-მინისტრი).^[23]
• 2018 წლის 23 იანვარი — გიორგი კვირიკაშვილი (პრემიერ-მინისტრი).^[24]
• 2019 წლის 22-25 იანვარი — მამუკა ბახტაძე (პრემიერ-მინისტრი).^[25]
• 2020 წლის 21-24 იანვარი — გიორგი გახარია (პრემიერ-მინისტრი).^[26]
• შეხვედრა გადაიდო პანდემიის გამო
• 2022 წლის 25 მაისი — ირაკლი ღარიბაშვილი (პრემიერ-მინისტრი).^[27][28]
• 2023 წლის 18-19 იანვარი — ირაკლი ღარიბაშვილი (პრემიერ-მინისტრი).^[29][30]