From Wikipedia, the free encyclopedia
არგიშთიხინილი — ერთ-ერთი უმნიშვნელოვანესი ურარტული ცენტრი სამხრეთ ამიერკავკასიაში, მდებარეობდა მდინარე არაქსის მარცხენა ნაპირზე. ახლანდელი სომხეთის არმავირიდან სამხრეთ-დასავლეთით 15 კმ-ზე. ქალაქი დააარსა ურარტუს მეფე არგიშთი I-მა დაახლოებით ძვ. წ. VIII საუკუნის 70-იან წლებში დაპყრობილ აზაის ქვეყნის ტერიტორიაზე. ცნობა დაცულია არგიშთი I-ის მატიანეში. არგიშთიხინილის მიდამოებში აღმოჩენილი ურარტული ლურსმული წარწერები მოგვითხრობენ, რომ ურარტუს მეფეებს დაუპყრიათ არარატის ველი, აუგიათ ციხესიმაგრე, სასახლეები და ტაძრები, გაუყვანიათ არხები, გაუშენებიათ ბაღ-ვენახები. არგიშთიხინილი ურარტელთა მნიშვნელოვანი სამეურნეო ცენტრი უნდა ყოფილიყო. ამჟამად არგიშთიხინილის ტერიტორიაზე მიმდინარეობს არქეოლოგიური გათხრები. აღმოჩენილია ბრინჯაოს, რკინისა და თიხის ნივთბი. ძვ. წ. IV საუკუნეში არგიშთიხინილის ადგილზე აშენდა ქალაქი არმავირი.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.