დეპორტივო ლა-კორუნია (საფეხბურთო კლუბი)
From Wikipedia, the free encyclopedia
საფეხბურთო კლუბი „დეპორტივო“ (ესპ. Real Club Deportivo de la Coruña, გალ. Deportivo da Coruña) — ესპანური საფეხბურთო კლუბი. დაარსდა 1906 წელს, გალისიის ავტონომიური გაერთიანების ქალაქ ლა-კორუნიაში. ასპარეზობს ესპანეთის პრიმერა დივიზიონში.
სრული სახელი | Real Club Deportivo de La Coruña, S.A.D. | |||
---|---|---|---|---|
მეტსახელი |
სუპერდეპორი (ესპ. Superdépor) თეთრ-ლურჯები (გალ. Brancoazuis') | |||
დაარსდა | 1906; 118 წლის წინ (1906) | |||
სტადიონი |
რიასორი ლა-კორუნია, გალისია (ტევადობა: 34,600 მაყურებელი) | |||
პრეზიდენტი | ტინო ფერნანდესი | |||
მწვრთნელი | პეპე მელი[1] | |||
კაპიტანი | ლაურე | |||
ლიგა | პრიმერა დივიზიონი | |||
2016-17 | მე-16 ადგილი | |||
საიტი | ოფიციალური საიტი | |||
|
1944 წლიდან საშინაო მატჩებს ატარებს სტადიონ რიასორზე, რომელიც 34,600 მაყურებელს იტევს. ტრადიციული საშინაო ფორმა შეიცავს ლურჯ და თეთრ ზოლებს, ხოლო შორტების და გეტრების ფერი ლურჯია. „დეპორტივო ლა-კორუნიას“ აქვს დიდ ხნიანი მტრობა ადგილობრივ „სელტასთან“, მათ დაპირისპირებას გალისიური დერბი ეწოდება.
პრიმერა დივიზიონის ჩემპიონობა კლუბს მოპოვებული აქვს ერთხელ, 1999-00 წლების სეზონში, 5-ჯერ დაასრულა სეზონი მე-2 ადგილზე. 2-ჯერ გახდა ესპანეთის თასის გამარჯვებული, 1994-95 და 2001-02 წლების სეზონებში, ასევე 3-ჯერ მოიგო ესპანეთის სუპერთასი. „ლურჯ-თეთრები“ რეგულარულად იღებდნენ მონაწილეობას პრიმერა დივიზიონის გათამაშებაში ბოლო 20 წლის მანძილზე, 19 დან 16 სეზონში ასპარეზობა ცხრილის ზედა ნაწილში დაასრულეს. შედეგად „დეპორტივო“ რეგულარულად იღებდა მონაწილეობას ევროტურნირებზე, 5 სეზონი იღებდა მონაწილეობას ჩემპიონთა ლიგაზე, კლუბმა 2-ჯერ შეძლო 1/4 ფინალშ გასვლა, 2003-04 წლების სეზონში კი ნახევარფინალში გავიდა, სადაც „პორტუსთან“ დამარცხდა, ორი მატჩის ჯამში 1-0.