ტარტუ

ტარტუ (გერმ. Dorpat, ლატვ. Tērbata, რუს. Дерпт ან Юрьев) — ესტონეთის მეორე უდიდესი ქალაქი. ტარტუ პირველი ესტონური ქალაქია, რომელიც ქრონიკებში მოიხსენიება თვით ტალინზე ადრეც კი 1030 წელს. 1632 წელს ტარტუში დაარსდა უნივერსიტეტი, რითაც ეს ქალაქია ცნობილი მთელ ევროპაში. აკადემიზმის სული ტარტუში ფეხის ყოველ ნაბიჯზე იგრძნობა.

ქალაქი
ტარტუ Tartu
ძველი ქალაქის ერთ-ერთი მოედანი
დროშა გერბი Heade mõtete linn და City of good thoughts
ქვეყანა	ესტონეთი
მაზრა	ტარტუმაატარტუმაა
მუნიციპალიტეტი	ტარტუ
კოორდინატები	58°23′00″ ჩ. გ. 26°43′00″ ა. გ.
დაარსდა	1262
ფართობი	38.8 კმ²
მოსახლეობა	102 414 კაცი (2008)
სიმჭიდროვე	2640 კაცი/კმ²
სასაათო სარტყელი	UTC+2, ზაფხულში UTC+3
საფოსტო ინდექსი	50050–51111
საავტომობილო კოდი	T
ოფიციალური საიტი	http://tartu.ee/ tartu.ee/?lang id=2 http://tartu.ee/
ტარტუ ვიკისაწყობში

ტარტუ მდებარეობს სამხრეთ-აღმოსავლეთ ესტონეთში, მდინარე ემაიიგის მარჯვენა ნაპირზე. მიუხედავად მეორე მსოფლიო ომის დროინდელი დანაკარგებისა, შედარებით კარგადაა შემონახული ქალაქის კლასიკური ცენტრი. ღირსშესანიშნაობებიდან აღსანიშნავია რატუშა (1782–1789 არქიტექტორი ი. ჰ. ბ. ვალტერი), XIV საუკუნის დროინდელი გოთური ეკლესია, XIX საუკუნის I დეკადების დროინდელი უნივერისტეტის მთავარი კორპუსის შენობა. აღსანიშნავია ხის სახლები. ტოონემიაგის პარკში, სადაც ოდესღაც ციხე-სიმაგრე მდებარეობდა, დღეს უნივერსიტეტის რამდენიმე კორპუსი და ტარტუს ღირსეულ მოქალაქეთა ძეგლები მდებარეობს.

ტარტუ მდიდარია მუზეუმებით. მათ შორის აღსანიშნავია ესტონეთის ეროვნული მუზეუმი, რომელსაც გააჩნია მდიდარი ეთნოგრაფიული კოლექცია. აღსანიშნავია აგრეთვე XIII-XVI საუკუნეების დროინდელი კათედრალის ნანგრევებში განლაგებული უნივერსიტეტის მუზეუმი. სხვა მუზეუმებიდან: ობსერვატორიის, ანტიკვარიატის, ლიტერატურის, გეოლოგიის, ზოოლოგიის, სპორტის და სათამაშოების.

• 
• 
• 
• 

იხილეთ აგრეთვე

• ესტონეთის ქალაქების სია

რესურსები ინტერნეტში

• ოფიციალური საიტი დაარქივებული 2010-11-29 საიტზე Wayback Machine.