Кароль Навроцкий

Кароль Тадеуш Навроцкий (пол. Karol Tadeusz Nawrocki; 3 наурыз 1983 жыл, Гданьск) — поляк тарихшысы, саясаткер, 2025 жылғы тамыздан бергі Польша президенті.

Кароль Навроцкий Karol Nawrocki
Лауазымы
Ту Польша президенті Ту
6 тамыз 2025 жылдан бастап
Премьер-Министр	Дональд Туск
Ізашары	Анджей Дуда
Ту Ұлттық еске алу институтының президенті Ту
23 шілде 2021 — 6 тамыз 2025
Ізашары	Ярослав Шарек
Ту Екінші дүниежүзілік соғысы музейінің директоры Ту
19 қазан 2017 — 23 шілде 2021
Ізашары	Павел Махцевич
Ізбасары	Гжегож Берендт
Өмірбаяны
Партиясы	Партиясыз[a]
Білімі	Гданьск университеті Гданьск политехника университеті
Мамандығы	тарихшы саясаткер
Дүниеге келуі	3 наурыз 1983 (1983-03-03) (42 жас) Гданьск, Польша Халық Республикасы
Жұбайы	Марта Навроцкая
Балалары	3
Марапаттары
Кароль Навроцкий Ортаққорда
өңдеу

Өмірбаяны

Кароль Навроцкий^[1][2] 1983 жылғы 3 наурызда Гданьскіде дүниеге келген. Гданьск университеті мен Гданьск политехника университетінде оқыған ол мамандығы бойынша — тарихшы.

2021 жылғы 23 шілдеден Навроцкий — Ұлттық еске алу институтының президенті.^[3]

2024 жылғы ақпанда Ресей Польшадағы Қызыл армия ескерткіштерін бұзуға байланысты қозғалған қылмыстық іс аясында Навроцкийге халықаралық іздеу жариялаған болатын.^[4]

2025 жылы президент сайлануы

Толық мақаласы: Польшадағы президент сайлауы (2025)

2025 жылғы Польша президентін сайлауы кезінде партиясыз Навроцкийді Құқық пен әділет (PiS) партиясы ұсынған болатын.

18 мамырда басталған сайлаудың^[5] бірінші айналымында еш үміткер де дауыстың 50% жинай алмады да, 1 маусымда оның екінші айналымы өтпек болды. Оған Навроцкий мен Рафал Тшасковский қатысты. Тшасковскийдің тұңғыш айналымда бірінші болғанына қарамастан^[4] ақыр аяғында Польша президенті болып Навроцкий сайланды.^[2][1]

Саяси ұстанымы

Ішкі саясат

Түрлі дереккөздер Навроцкийді ұлтшыл^[6] консерватор^[7][2] деп сипаттаған. Навроцкий қолдаушыларының біразы Польшадағы иммиграцияға қарсы шығады.^[8]

Сыртқы саясат

Виктор Орбан мен Роберт Фицо сындыларға ұқсас делінетін Навроцкий бұрын Дональд Трампқа жақындығы мен украин босқындарына жағымсыз қарағаны үшін белгілі болды. Ол, оған қоса, еуроскептик саясаткерлерге ұнайды делінеді.^[2] Сайлануына дейін Навроцкий Америка Құрама Штаттарына сапар жасап, Трамппен кездесіп те көрген, одан қолдау алған.^[8]

Навроцкий Украинаның Еуропа Одағы мен НАТО құрамында болғанына қарсы пікір білдірген еді.^[9] Ол, алайда, Ресеймен соғысып жатқан Украинаны қолдайды.^[8]

Өз өмірі

Кәсіби мансабының сыртында Навроцкий, оған қоса, әуесқой бокспен айналысады.^[8]

Ескертпелер

1. Құқық пен әділет партиясынан қолдау көрді