Санаэ Такаити

Санаэ Такаити^[a][1][2] (кейде Такаичи,^[3] 7 наурыз 1961 жыл, Нара префектурасы) — жапониялық саясаткер, 2025 жылғы қазаннан бергі Жапония премьер-министрі мен Либерал-демократиялық партияның президенті. Такаити — бұл лауазымдарға ие болған тұңғыш әйел және Нара префектурасының тұңғыш тумасы. 1993 жылдан 2003 жылға дейін және 2005 жылдан бері Өкілдер палатасының депутаты болып келген ол бұрын Синдзо Абэ мен Фумио Кисида премьерліктері тұсында түрлі министрліктерді басқарған.

Санаэ Такаити 高市 早苗
Такаити, 2025 жыл
Лауазымы
Ту Жапония премьер-министрі Ту
21 қазан 2025 жылдан бастап
Монарх	Нарухито
Ізашары	Сигэру Исиба
Ту Либерал-демократиялық партияның президенті Ту
4 қазан 2025 жылдан бастап
Ізашары	Сигэру Исиба
Ту Ішкі істер және коммуникациялар министрі Ту
11 қыркүйек 2019 — 16 қыркүйек 2020
Премьер-Министр	Синдзо Абэ
Ізашары	Масатоси Исида
Ізбасары	Рёта Такэда
3 қыркүйек 2014 — 3 тамыз 2017
Премьер-Министр	Синдзо Абэ
Ізашары	Ёситака Синдо
Ізбасары	Сэико Нода
Ту Өкілдер палатасының депутаты Ту
11 қыркүйек 2005 жылдан бастап
Ізашары	Тэцудзи Накамура
19 шілде 1993 — 8 қараша 2003
Өмірбаяны
Партиясы	Либерал-демократиялық партия (1996–) Жаңа мәре партиясы (1994–1996) Либералдар (жап.) (1994) Партиясыз (1993–1994)
Білімі	Кобе университеті
Мамандығы	Бизнес әкімшілігі бакалавры
Дүниеге келуі	7 наурыз 1961 (1961-03-07) (64 жас) Яматокорияма, Нара, Жапония
Жұбайы	Таку Ямамото ​ ​ (үйл. 2004; аж. 2017)​ ​ ​ (үйл. 2021)​
Балалары	3
Сайты	sanae.gr.jp
Қолтаңбасы
Санаэ Такаити Ортаққорда
өңдеу

Такаитидің ұстанымын бақылаушылар ұлтшыл, консерваторлық деп сипаттаған.^[4][5] Такаитидің ішкі саясатына белсенді мемлекеттік шығындар мен абэномиканың жалғасуы жатады. Әлеуметтік мәселелерге келгенде, ол консерваторлық пікір айтып жүрген: ол үйленгендегі әйел фамилиясының өзгергенін қолдайды және Жапон императорлық әулетіндегі әйелдің басшы болғанына қарсы тұрады.^[6] Ол Жапония армиясын қайта құру идеясын қарастыру керек деп ойлайды, Жапонияның Тайвань мен АҚШ-пен қатынасын дамытамын дейді. Такаити — аса ұлтшыл Ниппон Кайги тобының мүшесі, Жапония тарихына ұлтшыл көзқараспен қарайды, тарих осы түрде ғана БАҚ-та, оқу орындарында көрсетілсін дейді.

Өмірбаяны

Яматокорияма, Нара префектурасында туған Такаити Кобе университетін бітіріп, саяси мансабына дейін жазушы, заңи көмекші, таратқыш болды. 1993 жылы партиясыз болып Өкілдер палатасына сайланды да, 1996 жылы Либерал-демократиялық партияның мүшесі атанды. Абэның шәкірті болған ол Абэның премьерлігі тұсында түрлі министрліктерге басшы болды, соның ішінде екі мәрте Ішкі істер және коммуникациялар министрлігінің министрі болды. 2021 жылы Такаити Либерал-демократиялық партияның басшысына үміткер болды, алайда 3-орын алып, жеңілді.^[7] 2022 жылдан 2024 жылға дейін, Фумио Кисида премьерлігі тұсында, ол Экономикалық тұрақтылық үшін Мемлекет министрі болды. Такаити 2024 жылы Либерал-демократиялық партияның басшысына екінші мәрте үміткер атанып, бірінші айналымда жеңді, алайда екінші айналымда Сигэру Исибаға жеңілді. Исибаның отставкасынан кейінгі 2025 жылғы Партия басшысы сайлануына Такаити тағы бір қатысып, осы жылы жеңіп, партияның тұңғыш әйел басшысы атанды.^[8] Жапония Инновациялар партиясымен бірге коалицияға келіп, Такаити 21 қазанда Жапония парламенті көмегімен Жапония премьер-министрі болып сайланды да, осылайша елдің тұңғыш әйел премьері болды.^[9][10] Такаитиге 237 адам дауыс берді. Оның қарсыласы, Ёсихико Нода, 149 дауыс алды.^[1][2]

Ескертпелер

1. жапон. 高市 早苗, Takaichi Sanae. Такаитидің тегі ресми құжаттарда 髙市 делінеді. Тұңғыш некесі кезінде Такаитидің есімі Санаэ Ямамото (жапон. 山本早苗, Yamamoto Sanae) болды.