Солтүстік Мариана аралдары

Солтүстік Мариана аралдары (ағылш. Northern Mariana Islands), ресми атауы Солтүстік Мариана аралдар достастығы (ағылш. Commonwealth of the Northern Mariana Islands; чаморро: Sankattan Siha Na Islas Mariånas; каролин: Commonwealth Téél Falúw kka Efáng llól Marianas) – енгізілмеген А.Қ.Ш. территориясы және оның ішкі достастығы. Тынық мұхитында орналасқан және 14 аралдан құралған. Ішіне Мариана архипелагының ең солтүстік аралдары бар, Гуам санамағанда (жері өзінің жеке А.Қ.Ш. территориясы қылып саналады).

Солтүстік Мариана аралдары Northern Mariana Islands (Ағылшын) Sankattan Siha Na Islas Mariånas (Чаморро) Commonwealth Téél Falúw kka Efáng llól Marianas (Каролин)
Байрақ Елтаңба
Солтүстік Мариана аралдары мемлекеттік әнұраны
Мемлекеттік құрылымы
Ресми тілдері	Ағылшын тілі, Чаморро тілі, Каролин тілі
Елорда	Сайпан
Ірі қаласы	Сайпан
Үкімет түрі	АҚШтың тәуелді аймағы
Президенті Губернаторы Литенант Губернаторы	Джо Байден (D) Ральф Торрес (R) Арнольд Палашес (R)
Географиясы
Жер аумағы • Барлығы	Әлем бойынша 195-ші-орын 463,63 км²
Жұрты • Сарап (2010) • Тығыздығы	53 883[1] адам (198-ші-орын) 116,22 адам/км²
Экономикасы
Валютасы	АҚШ доллары (USD)
Қосымша мәліметтер
Интернет үйшігі	.mp
ISO коды	MP
Телефон коды	+1 670
Уақыт белдеулері	+10

Халқының көбісі Сайпан, Тиниан және Рота аралдарында тұрады. Қалғандарындағы халық тығыздығы өте төмен, соның ішінде Паганды ерекшелетуге болады. Кезінде мыңдаған адамдар тұрса да, көптеген себептерге байланысты, халық саны күрт түсті.

Административті орталығы – Капитол төбесі, Сайпанның солтүстік-батысындағы ауыл. Алайда, адамдардың көбі астананы Сайпан деп санайды, өйткені аралдың барлығы да өзінің біріккен административті бірлігі қылып жұмыс істейді.

Тарихы

Арғы Океанияның ішінен санағанда Солтүстік Мариана аралдарында адамдар ең бірінші қоныстанды. Сол жерге жету үшін жасалған жолдары австронезиялық тайпалардың тарихындағы ең ұзын сапары деп саналады. Археологиялық зерттеулерге сүйенсек, Тиниан Тынық мұхитының ең бірінші қонысталынған аралы болуы мүмкін.