Tuttu
From Wikipedia, the free encyclopedia
Tuttu (latiinerisut: Rangifer tarandus) miluumasuuvoq. Tuttu qangarsuaaniilli nunap uumasuinit kalaallinut pingaaruteqarnerpaasimavoq. Aammalumi qujanartumik issittumi uumasut tuttut Kitaani amerlanerpaartaraat.
| ||
Kunngeqarfik | Animalia | |
Siuleriit | Chordata | |
Inuiaqatigiinni inissisimanerit | Mammalia | |
Tullerit | Artiodactyla | |
Ilatutariit | Cervidae (Tuttunnguit ilaqutariit) | |
Eqqarlerit | Capreolinae | |
Kinguaarit | Rangifer (Tuttut) | |
Pissuseqatigiit | R. tarandus (Tuttu) | |
Tuttut sermersuup immallu akornanni sumi tamangajammi siumugassaasarput, ukiuuneranilu Kitaani takuneqarajuttarput. Ilaanni illoqarfinnut qanillivittarput, aasaaneranili sermersuup tungaanut tiffartertarlutik tamaani nillataarnerullunilu ippernaasannerummat.
Tuttut ukiukkut nassoqarneq ajorput. Pannersuit nassutik ukiuliinnartoq katattarpaat, norraat kingusinnerulaartukkut, aatsaallu upernassariartuleraangat nassuneqqilersarlutik. Kulavaat (arnavissat) aatsaat upernaassanngungajalernerani nassutik katattarpaat.
Tuttup neqaa mamarineqarluinnartuuvoq, amialu meqqulik oqorluinnartoq ilaatigut atisaliaralugu, tupermi qaaralugu (allequtaralugu) qimusserlunilu qamutini ingoraralugu atorneqartarpoq.