ពែទងធារ ជិនវ័ត្រ

ពែទងធារ ជិនវ័ត្រ ឬហៅតាមភាសាសរសេរថា ផែថងថារ ស៊ីណាវ៉ាត្រា (ភាសាថៃ៖ แพทองธาร ชินวัตร, ហៅក្រៅថា អុងអ៊ីង, កើតថ្ងៃទី២១ ខែសីហា ឆ្នាំ១៩៨៦) គឺជាអ្នកនយោបាយ និងអ្នកជំនួញថៃមួយរូប ដែលកំពុងបម្រើការជានាយករដ្ឋមន្ត្រីថៃតាំងពីថ្ងៃទី១៦ ខែសីហា ឆ្នាំ២០២៤ និងជាប្រធានគណបក្សភឿថៃតាំងពីឆ្នាំ២០២៣។ ក្នុងនាមជាសមាជិក​ម្នាក់​នៃ​គ្រួសារ​នយោបាយ​ជិនវ័ត្រ លោកស្រីត្រូវ​ជា​កូន​ស្រី​ពៅរបស់​អតីត​នាយក​រដ្ឋមន្ត្រី​ថៃទក្សិណ ជិនវ័ត្រ និងនិង​ជា​ក្មួយ​ស្រី​របស់យិងលក្សណ៍ ជិនវ័ត្រ (អតីតនាយករដ្ឋមន្ត្រីពីឆ្នាំ២០១១ ដល់ឆ្នាំ២០១៤)។ ពែទងធារគឺជានាយករដ្ឋមន្ត្រីថៃវ័យក្មេងបំផុត និងជាស្ត្រីទីពីរប៉ុណ្ណោះដែលបានកាន់តំណែងនេះ។

ពែទងធារ ជិនវ័ត្រ
แพทองธาร ชินวัตร
នាយករដ្ឋមន្ត្រីថៃ
កាន់តំណែង
ក្នុងការិយាល័យ ១៦ សីហា ២០២៤
ព្រះមហាក្សត្រ	វជិរាលង្ករណ៍
មុន	ភូមិថាម វិជាញជ័យ (ស្ដីទី)
ប្រធានគណបក្សភឿថៃ
កាន់តំណែង
ក្នុងការិយាល័យ ២៧ តុលា ២០២៣
មុន	ឈូស័ក សិរីនិល (ស្ដីទី)
ព័ត៌មានលម្អិតផ្ទាល់ខ្លួន
កើត	(1986-08-21) 21 សីហា 1986 (អាយុ 38) បាងកក​, ប្រទេស​ថៃ
គណបក្ស​នយោបាយ	ភឿថៃ
ពន្ធភាព	ពិទកា ស៊ុក្សាវត្ត
កូន	២
ឪពុកម្តាយ	ទក្សិណ ជិនវ័ត្រ (ឪពុក) បុជមាន នា ពុម្ភពេទ្រ (ម្តាយ)
ការអប់រំ	សាកលវិទ្យាល័យចុល្លាង្ករណ៍ (ប.រ) University of Surrey (ប.ជ.ខ.)
ហត្ថលេខា

ជីវិត​ឯកជន

ពែទងធារ ជិនវ័ត្រ កើតនៅទីក្រុងបាងកក ។ នាងបានទៅសាសេនចូសែបខនវេន សម្រាប់អនុវិទ្យាល័យ និង សាម៉ាថឺរដៀ សម្រាប់វិទ្យាល័យ។ នាងបានបញ្ចប់ថ្នាក់បរិញ្ញាបត្រផ្នែកវិទ្យាសាស្ត្រនយោបាយ សង្គមវិទ្យា និងនរវិទ្យាពី មហាវិទ្យាល័យវិទ្យាសាស្ត្រនយោបាយ សាកលវិទ្យាលចុល្លាង្ករណ៍ ក្នុងឆ្នាំ២០០៨ ហើយបានបន្តការសិក្សានៅប្រទេសអង់គ្លេស ដោយទទួលបានសញ្ញាប័ត្រ MSC ផ្នែកគ្រប់គ្រងសណ្ឋាគារអន្តរជាតិពី សាកលវិទ្យាលស៊ូររី។ ^[១]

នាង គឺជាម្ចាស់ភាគហ៊ុនលេខ១ របស់ SC Asset Corporation និងជានាយកនៃមូលនិធិថៃខម។ នាងបានរៀបការជាមួយ ពិតាកា ស៊ុក្សាវ៉ាត់ ហើយពួកគេមានកូនពីរនាក់; កូនស្រី និងកូនប្រុសម្នាក់។ ^[២]