ភាសាត្សាត់

ភាសាត្សាត់ ​ឬ ចាម្ប៍ហៃណាំ ជាភាសាដែលត្រូវបាននិយាយដោយជនជាតិអ៊ុត្សាត់ប្រមាណ ៤,៥០០ នាក់នៅភូមិយ៉ាំងឡាន់និងហ៊ុយឈិន​ នៅជិតទីក្រុងសានយ៉ានៃកោះហៃណាំ។

ត្សាត់
ចាម្ប៍ហៃណាំ
ដើមកំណើតនៅ	ប្រទេសចិន
តំបន់	កោះហៃណាំ
ជាតិពន្ធុ​ ​(ជនជាតិ)	អ៊ុត្សាត់
អ្នកនិយាយដើមកំណើត	៤,០០០ នាក់
អំបូរភាសា	អូស្ត្រូណេស៊ី Malayo-Polynesian Malayo-Sumbawan (?) ចាម្ប៍ ចាម្ប៍ខ្ពង់រាប ចាម្ប៍ខាងជើង ត្សាត់
កូដភាសា
ISO 639-3	huq
ហ្គ្រតតូឡក	tsat1238
ELP	Tsat

ប្រវត្តិសាស្ត្រ

ភាសាត្សាត់មានដើមកំណើតជាភាសានៃក្រុមជនជាតិចាម្ប៍ដែលភៀសខ្លួនទៅកោះហៃណាំ​ ក្រោយពីការដួលរលំរបស់រាជធានីឥន្ទ្របុរៈនាចុងសតវត្សរ៍ទី ១០ និងបន្ថែមតិចតួចក្រោយការដួលរលំរាជធានីវិជ័យនាឆ្នាំ ១៤៧១។ ជាភាពចម្លែកសម្រាប់ភាសានៅក្នុងអំបូរអូស្ត្រូណេស៊ី ភាសាត្សាត់បានក្លាយទៅជាភាសាស្នៀង ដែលទំនងជាលទ្ធផលនៃឥទ្ធិពលពីភាសានៅជិតខាងនៅកោះហៃណាំ ដូចជាភាសាអំបូរចិន​ ហ្លៃ​ និង ហ្មុង-មៀន។^[១]

ដើមកំណើតនៃស្នៀង

ស្នៀងរបស់ភាសាត្សាត់ជាលទ្ធផលនៃការប្រែប្រួលរបស់ព្យញ្ជនៈនៅដើមនិងចុងពាក្យរបស់ភាសាប្រូតូ-ចាម្ប៍។^[២]

ដើមកំណើតនៃស្នៀងក្នុងភាសាចាម្ប៍ហៃណាំ

លេខស្នៀង (ចាម្ប៍ហៃណាំ)	ប្រភេទស្នៀង (ចាម្ប៍ហៃណាំ)	ព្យញ្ជនៈនៅចុងពាក្យ (ប្រូតូ-ចាម្ប៍)
55	ខ្ពស់	*-h, *-s
42	ចុះ	*-p, *-t, *-k, *-c, *-ʔ; *-ay ព្យញ្ជនៈនៅដើមពាក្យ៖​ សូរបន្ទុះឃោសៈ
24	ឡើង	*-p, *-t, *-k, *-c, *-ʔ; *-ay ព្យញ្ជនៈនៅដើមពាក្យ៖ មិនមែនសូរបន្ទុះឃោសៈ
11	ទាប	ព្យញ្ជនៈខ្យល់ច្រមុះនិងស្រៈ ព្យញ្ជនៈនៅដើមពាក្យ៖ សូរបន្ទុះឃោសៈ
33	កណ្ដាល	ព្យញ្ជនៈខ្យល់ច្រមុះនិងស្រៈ ព្យញ្ជនៈនៅដើមពាក្យ៖ មិនមែនសូរបន្ទុះឃោសៈ