វណ្ណដា

វណ្ណដា (អង់គ្លេស: Vannda) ឈ្មោះកំណើត ម៉ាន់ វណ្ណដា (កើតនៅ ថ្ងៃទី ២២​ ខែ មករា ឆ្នាំ ១៩៩៧) លោកគឺជាតារាចម្រៀងមួយរូបដ៏មានប្រជាប្រិយភាពនៅក្នុង ប្រទេសកម្ពុជា ដែលទទួលបាននូវការចាប់អារម្មណ៍ពីទស្សនិជន ជាមួយនិងការបង្ហាញខ្លួនរបស់លោកក្នុងឆ្នាំ ២០១៦ ដែលគេស្គាល់លោកតាមរយៈការផ្ទុកឡើង នូវបទចម្រៀងរបស់លោកនៅលើបណ្ដាញសង្គម YouTube ជាមួយនិងបទចម្រៀងដែលទទួលបានការចាប់អារម្មណ៍លើកដំបូង ដែលបទនេះមានចំណងជើងថា (គេជាអ្នកណា) ដែលបទចម្រៀងមួយនេះ ធ្វើឱ្យលោកទទួលបានការចាប់អារម្មណ៍យ៉ាងខ្លាំងពីសំណាក់យុវវ័យអ្នកស្ដាប់ ហើយទទួលបានប្រជាប្រិយភាពជាបន្តបន្ទាប់ផងដែរ ។^[១]

វណ្ណដា
The Original Artist Cambodian Pop Singer & Rapper.
ឈ្មោះ	វណ្ណដា
ថ្ងៃ.ខែ.ឆ្នាំកំណើត	22 មករា 1997
សញ្ជាតិ	កម្ពុជា
ប្រភេទតន្ត្រី	​Khmer Music, Classic, Rock , Folk, R&B, Hip hop.
ឆ្នាំសកម្ម	2016-បច្ចុប្បន្ន
អជីបសិល្បៈ	អ្នកចម្រៀង អ្នកនិពន្ធបទចម្រៀង អ្នកសម្រួលតន្ត្រី
ស្លាកតន្ត្រី	ផលិតកម្មបារមី Empire Distribution

ជីវិតចាប់ផ្ដើម

Early Life

វណ្ណដា កើតនៅ ថ្ងៃទី ២២​ ខែ មករា ឆ្នាំ ១៩៩៧ លោកមានទីកន្លែងកំណេីតនៅទីរួម ខេត្តព្រះសីហនុ (បច្ចុប្បន្ន: ក្រុងព្រះសីហនុ) មិនមានកំណត់ត្រាពីក្រុមគ្រួសារលោកច្រើនឡើយ "រងចាំឯកសារយោងពីប្រភពផ្សេងៗទៀត ក្នុងការសរសេរបន្ថែម" ។ នៅក្នុងកំឡុងពេលសិក្សានៅវិទ្យាល័យ លោកបានចាប់ផ្តើមរៀនបង្កើតចង្វាក់ភ្លេង និងតែងនិពន្ធ ជាពិសេសនៅក្នុងឆ្នាំ ២០០៩ ដោយសារតែទេពកោសល្យតាំងពីកំណើត បូករួមទាំងចំនូលចិត្ត កាលពីកុមារភាព ជាមួយនិងការចូលចិត្ត នូវបទចម្រៀងបែបរ៉េប នៃចង្វាក់ហ៊ីបហប លោកបានសម្រេចចិត្តមករស់នៅក្នុងទីក្រុងភ្នំពេញ ក្នុងអំឡុងឆ្នាំ ២០១៤ ដើម្បីដើរតាមក្តីស្រមៃរបស់លោក ដែលចង់ក្លាយខ្លួនជាតារាចម្រៀងអជីប នៅពេលមកដល់ភ្នំពេញមុនដំបូង វណ្ណដា បានស្នាក់នៅក្នុងវត្តហើយលោកគ្មានមធ្យោបាយធ្វើដំណើរផ្ទាល់ខ្លួននោះទេ ជាមួយនិងភាពអត់ធ្មត់ និងការតស៊ូ ដើម្បីសម្រេចនូវក្ដីសុបិនរបស់ខ្លួន លោកបានហាត់រៀនកាត់តសម្រួលតន្ត្រីភ្លេងជារៀងរាល់ថ្ងៃ ជាមួយមិត្តភ័ក្តរបស់លោក រហូតដល់អាចចេញនូវបទចម្រៀងលើកដំបូងរបស់ខ្លួន ក្នុងឆ្នាំ ២០១៦ ។ វណ្ណដា បានចាប់ផ្តើមការងារនៅក្នុងវិស័យសិល្បៈជាមួយនឹងបទចម្រៀងដំបូងរបស់លោក​ គឺបទ "គេជាអ្នកណា" ហើយទទួលបានការចាប់អារម្មណ៍យ៉ាងខ្លាំងនៅក្នុងចំណោមស្រទាប់យុវវ័យនាពេលនោះផងដែរ ហើយជាពេលវេលាដែលលោកបានឈានជើងចូលក្នុងពិភពសិល្បៈចាប់ពីពេលនោះមករហូតមកដល់បច្ចុប្បន្ននេះ ។^[២]

បទចម្រៀងពេញនិយម ២០១៧ - ២០១៨

2017-2018 Popular songs

ក្នុងអំឡុងឆ្នាំ ២០១៧-២០១៨ វណ្ណដា បានបញ្ចេញនូវបទចម្រៀងពេញនិយមជាបន្តបន្ទាប់ បទរបស់លោក មានប្រជាប្រិយភាពយ៉ាងខ្លាំងពីសំណាក់យុវវ័យក្នុងប្រទេសកម្ពុជា ក្នុងនោះមានបទចម្រៀងដែលធ្វើឱ្យ លោក ចាប់ផ្ដើមមានគេចាប់អារម្មណ៍និងស្គាល់កាន់តែច្រើនឡើងៗនោះគឺបទ "ឈឺទេ" និងបទ "ចាប់ផ្ដើម និង បញ្ចប់" (Start And Stop) ដែលមានការគាំទ្រយ៉ាងខ្លាំងគួរឱ្យកត់សម្គាល់ផងដែរ ក្នុងនោះគួរសង្កេតឃើញថា អត្ថន័យនៃចម្រៀងភាគច្រើនរបស់លោក ច្រៀងរៀបរាប់ទាក់ទងពីជីវិតស្នេហា និង ជីវិតពិតក្នុងសង្គមបច្ចុប្បន្ន ។^[៣]

ចូលរួមជាមួយផលិតកម្មបារមី ២០១៩

2019 Joined Baramey Production

ក្នុងអំឡុងឆ្នាំ ២០១៩ វណ្ណដា បានចូលរួមជាមួយផលិតកម្មបារមី (Baramey Production) ហើយត្រូវបានមហាជនពិសេសអ្នកនិយមចូលចិត្តវិស័យតន្ត្រីខ្មែរ គាំទ្រនិងទទួលស្គាល់ចំពោះទេពកោសល្យព្រមទាំងសមត្ថភាពរបស់លោក លោកជាសិល្បករវ័យក្មេងមួយរូបដែលអាចនាំយកវិស័យចម្រៀងខ្មែរទៅកាន់ពិភពលោក រហូតដល់មានការកោតសរសើរនិងឱ្យតម្លៃពីបណ្តាជនបរទេសអំពីសិល្បៈវប្បធម៌របស់កម្ពុជានាពេលកន្លងមក ។ ពេលនោះវិស័យតន្ត្រីនៅកម្ពុជាមិនសូវទូលំទូលាយទេ ពោលនៅមានការលួចចម្លងទាំងចង្វាក់ សាច់ភ្លេង និងការបកប្រែអត្ថបទដើមមកច្រៀងទាំងស្រុង ហើយវាក៏បានក្លាយទៅជាផ្នែកមួយដែលលោកគិតចង់ផ្លាស់ប្តូរវាចេញ ហើយទីបំផុត វណ្ណដា បានទទួលឱកាសធ្វើវាជាមួយផលិតកម្មបារមី និង បានកាន់កាប់ឧស្សាហកម្មតន្ត្រីកម្ពុជាយ៉ាងឆាប់រហ័ស និងយ៉ាងច្បាស់លាស់ ដោយបានបង្កើនចំនួនអ្នកទស្សនានៅលើ YouTube របស់គាត់ដល់រាប់លាននាក់ក្នុងពេលបច្ចុប្បន្ន ។^[៤]

ប្រជាប្រិយភាពផ្នែកពាណិជ្ជកម្ម ២០២០

2020 Commercial Popularity

ការបង្ហាញខ្លួន

Appearance

• Olympic Games Paris France 2024 🇫🇷
• Taiwan In Takao Rock 2023 🇹🇼
• Rolling Loud Thailand 2023 🇹🇭
• Sabaidee Fest California America 2024 🇺🇸
• Rap Viet’s Final Show 2023 🇻🇳
• AMS 2022 Indonesia 🇮🇩
• Tokyo’s Rise 2023 Japan🇯🇵
• Big Mountain Music Festival 2023 Thailand.

សមិទ្ធិផល

Achievement

ឆ្នាំ	ការដាក់ចូល	ប្រភេទពាន	លទ្ធផល	ស្ថាប័នផ្សព្វផ្សាយ
2016	គេជាអ្នកណា	Top 1 Music Show	Nominated	MYTV Cambodia
2018	Best Male Song of The Year	NRG Music Awards	Won	NRG Radio 89FM Cambodia[៥]
2019	Best Male Artist of The Year	NRG Music Awards	Won	NRG Radio 89FM Cambodia[៦]
2019	Best Rapper of The Year	NRG Music Awards	Won	NRG Radio 89FM Cambodia[៧]
2019	Best Collaborations Music	NRG Music Awards	Won	NRG Radio 89FM Cambodia[៨]
2020	Best Male Artist of The Year	Cambodian Music Awards	Won	WorldBridge Media [៩]
2020	Best Collaborations Music	Cambodian Music Awards	Won	WorldBridge Media [១០]
2020	Best Music Performance	Cambodian Music Awards	Won	WorldBridge Media [១១]
2021	Top #6 Hiphop	Asian Hiphop Artist Top 50	Nominated	LiFED Asia [១២]
2021	Top 100 Cambodia	Apple Music Cambodia Top 100	Nominated	Apple Music [១៣]
2022	Time To Rise	Branding & Marketing of the Year	Won	Cellcard Cambodia[១៤]
2022	Best Asia Flow	Whats Good Music Awards	Won	HONG KONG’S WHATSGOOD MUSIC AWARDS[១៥]

កាត់ឡុកតន្ត្រី

Discography

• គេជាអ្នកណា (2016)
• ឈឺទេ (2017)
• ចាប់ផ្ដើម និង បញ្ចប់ (2018)
• $kull the Album (2020)
• Hik Hik ft. Bad Boy Bert (2020)
• Time To Rise ft. Master Kong Nay (2021)
• Business Class (2025)
• SKULL 2 (SEASON 1) (2021-2022)
• TREYVISAI I: THE SEARCH FOR LIGHT (2025)
• TREYVISAI II: BURN LIKE THE SUN (2025)

អាល់ប៊ុមរួមគ្នា

• អ្នកលេង ft. ថេមប៉ូ ទ្រីស, រ៉យើរ, ស៊្នូហ្គា, រុីហ្សុី (2018)
• Follow Ma Dance ft. ប៉ូឡារិច, ឡូរ៉ាម៉ម, ក្មេងខ្មែរ (2020)

ឃើញដូចនេះ

See also

• អ្នកចម្រៀងកម្ពុជា
• តារាសម្ដែងកម្ពុជា
• តារាកំប្លែងកម្ពុជា
• ពិធីករកម្ពុជា
• ពិធីការនីកម្ពុជា