From Wikipedia, the free encyclopedia
ಗಡಿಯಾರವು ಸಮಯವನ್ನು ನಿರ್ದೇಶಿಸುವ ಸೂಚಿಸುವ, ಕಾಪಾಡುವ ಮತ್ತು ಒಂದು ಸಾಧನವಾಗಿದೆ. ಕ್ಲಾಕ್ ಎಂಬ ಪದವು ಅಂತಿಮವಾಗಿ ( ಡಚ್, ಉತ್ತರ ಪ್ರೆಂಚ್ ಮತ್ತು ಮಧ್ಯಕಾಲೀನ ಲ್ಯಾಟೀನ್ ಮೂಲಕ) ಸೆಲ್ಟಿಕ್ ಪದಗಳಾದ ಕ್ಲಾಗನ್ ಮತ್ತು ಕ್ಲೋಕ್ಕಾ ಎಂಬ ಪದಗಳಿಂದ ಬಂದಿದ್ದು ಇದರ ಅರ್ಥ ಘಂಟೆ ಎಂದಾಗಿದೆ. ಕಾಲಮಾನ ಶಾಸ್ತ್ರಜ್ಞರು ಮತ್ತು ಇತರ ವಿಶೇಷ ವ್ಯಕ್ತಿಗಳಿಗೆ ಗಡಿಯಾರ ಎಂಬ ಪದವು ಘಂಟೆಯನ್ನು ಮೊಳಗಿಸುವ ಘಂಟೆಗಳ ಸಮೂಹದ ಅಥವಾ ಜಾಗಟೆಯ ಮೂಲಕ ಕಾಲದ ಅವಧಿಗಳನ್ನು ಸೂಚಿಸುವ ಒಂದು ಯಾಂತ್ರಿಕ ಸಾಧನವಷ್ಟೆ.[dubious ] ಅಂತಹ ಯಾಂತ್ರಿಕತೆಯನ್ನು ಹೊಂದದೇ ಇರುವ ಮೌನವಾದ ಉಪಕರಣವೇ ಟೈಮ್ ಪೀಸ್ .[1] ಈ ದಿನಗಳ ಸಾಮಾನ್ಯ ಬಳಕೆಯಲ್ಲಿ "ಕ್ಲಾಕ್" ಎಂಬುದು ಸಮಯ ನೋಡಲು ಮತ್ತು ಅಳೆಯಲು ಬಳಸುವ ಸಾಧನಕ್ಕೆ ಅನ್ವಯವಾಗುತ್ತದೆ. ಒಬ್ಬ ವ್ಯಕ್ತಿ ಬಳಸುವ ವಾಚ್ಗಳು ಮತ್ತು ಇತರ ಟೈಮ್ ಪೀಸ್ಗಳು ಕ್ಲಾಕ್ಗಳಿಗಿಂತ ಭಿನ್ನವಾಗಿರುತ್ತವೆ.[2]
ಗಡಿಯಾರವು ಮಾನವನ ಅತ್ಯಂತ ಪುರಾತನ ಅನ್ವೇಷಣೆಗಳಲ್ಲಿ ಒಂದು. ಇದನ್ನು ದಿನ ; ತಿಂಗಳು; ಮತ್ತು ವರ್ಷಗಳ ಸ್ವಾಭಾವಿಕ ಮೂಲಮಾನಗಳನ್ನು ಮೊಟಕುಗೊಳಿಸಿ, ಸಮಯದ ಅಂತರಗಳನ್ನು ನಿರಂತರವಾಗಿ ಅಳೆಯುವ ಉದ್ದೇಶಕ್ಕಾಗಿ ರಚಿಸಲಾಯಿತು. ಸಹಸ್ರಾರು ವರ್ಷಗಳಿಂದ ಹಲವಾರು ವೈವಿಧ್ಯಮಯ ಭೌತಿಕ ಪ್ರಕ್ರಿಯೆಗಳಲ್ಲಿ ಬಳಸಲಾಗುತ್ತಿರುವ ಸಾಧನಗಳೇ, ಇಂದು ಗಡಿಯಾರಗಳಾಗಿ ಅಭಿವೃದ್ಧಿ ಹೊಂದಿವೆ.
ಪ್ರಾಚೀನಕಾಲದಲ್ಲಿ ಸೂರ್ಯನ ಸಹಾಯದಿಂದ ದಿನದ ಸಮಯವನ್ನು ಅಳೆಯಲು ಸನ್ ಡಯಲ್ಗಳನ್ನು ವ್ಯಾಪಕವಾಗಿ ಬಳಸಲಾಗುತ್ತಿತ್ತು. ಒಂದು ಸುರಚಿತ ಸನ್ಡಯಲ್ ಸ್ಥಳೀಯ ಸೌರಕಾಲಮಾನವನ್ನು ನಿಷ್ಕೃಷ್ಟವಾಗಿ ಸೂಚಿಸಬಲ್ಲದು. ಆಧುನಿಕ ಯುಗದವರೆಗೂ ಸನ್ಡಯಲ್ಗಳು ಗಡಿಯಾರದ ಕೆಲಸವನ್ನು ನಿರ್ವಹಿಸುವುದನ್ನು ಮುಂದುವರೆಸಿದವು. ಹೇಗೂ ಇದರ ಪ್ರಾಯೋಗಿಕ ಮಿತಿಗಳು- ಇದಕ್ಕೆ ಸೂರ್ಯನ ಬೆಳಕು ಅಗತ್ಯವಿದ್ದು ರಾತ್ರಿಯ ವೇಳೆಗಳಲ್ಲಿ ಅಸಮರ್ಪಕವಾಗುತ್ತಿದ್ದವು. ಇದು ಕಾಲಮಾನವನ್ನು ಅಳೆಯಲು ಇತರ ತಂತ್ರಜ್ಞಾನಗಳ ಬೆಳವಣಿಗೆಯನ್ನು ಉತ್ತೇಜಿಸಿತು.
ಕಾಲಹರಣವನ್ನು ಅಂದಾಜು ಮಾಡಲು ಮೇಣದಬತ್ತಿ ಗಡಿಯಾರಮತ್ತು ಊದಿನ ಕಡ್ದಿಗಳನ್ನು ಸರಿಸುಮಾರಾಗಿ ನಿಗದಿತ ವೇಗದಲ್ಲಿ ಸುಡುವಂತೆ ಮಾಡಲಾಗುತ್ತಿತ್ತು. ಒಂದು ಗಾಜಿನ ಪಾತ್ರೆಯಲ್ಲಿ, ಉತ್ತಮ ಗುಣಮಟ್ಟದ ಮರಳು ಒಂದು ಚಿಕ್ಕ ರಂದ್ರದ ಮೂಲಕ ನಿಗದಿತ ದರದಲ್ಲಿ ಸತತವಾಗಿ ಸುರಿಯುವಂತೆ ಮಾಡಿ ನಿಖರವಲ್ಲದ ಪೂರ್ವನಿಗದಿತ ಕಾಲಾವಧಿಯನ್ನು ಅಂದಾಜು ಮಾಡಲಾಗುತ್ತಿತ್ತು.
ಕ್ಲೆಪ್ಸಿಡೆ (sg: ಕ್ಲೆಪ್ಸಿಡ್ರಾ ), ಎಂದು ಕರೆಯಲ್ಪಡುವ ಜಲಗಡಿಯಾರವು ಸನ್ಡಯಲ್ಗಳಂತೆ ಪ್ರಾಯಶಃ ಬಹಳ ಹಳೆಯಕಾಲದಲ್ಲಿ ಬಳಸುತ್ತಿದ್ದ ಗಡಿಯಾರಗಳಾಗಿದ್ದು, ಉದ್ದನೆಯ ಸರಳನ್ನು ಮತ್ತು ದಿನದಕಾಲಮಾನವನ್ನು ಅಳೆಯುವ ಹೋಲಿಕೆ ಕಡ್ಡಿಯನ್ನು ಬಿಟ್ಟರೆ ಉಳಿದ ಎಲ್ಲಾ ರೀತಿ ಸನ್ಡಯಲ್ನ್ನೇ ಹೋಲುತ್ತಿತ್ತು. ಅವುಗಳ ಅಧಿಕ ಪ್ರಾಚೀನತೆಯಿಂದಾಗಿ, ಅವುಗಳ ಅಸ್ತಿತ್ವ ಎಲ್ಲಿ ಮತ್ತು ಹೇಗೆ ಎಂಬುದು ಇಲ್ಲಿಯವರೆಗೂ ತಿಳಿದು ಬಂದಿಲ್ಲ. ಸುಮಾರು 16ಬಿಸಿ ಶತಮಾನದಲ್ಲಿ ಬೋಗುಣಿಯಾಕರದ ಸರಳ ರೂಪದ ಜಲಗಡಿಯಾರವು ಬ್ಯಾಬಿಲೋನಿಯಾ ಮತ್ತು ಈಜಿಪ್ಟ್ಗಳಲ್ಲಿ ಇದ್ದವು ಎಂದು ತಿಳಿದು ಬಂದಿದೆ. ಪ್ರಪಂಚದ ಇತರ ಭಾಗಗಳಾದಚೀನ, ಮತ್ತು ಭಾರತದಲ್ಲೂ ಸಹ ಜಲಗಡಿಯಾರಗಳು ಇದ್ದವು ಎನ್ನುವುದಕ್ಕೆ ಪುರಾವೆಗಳು ದೊರೆತಿವೆ.ಆದರೆ ಯಾವ ಕಾಲದಲ್ಲಿ ಎಂಬುದು ಸ್ಪಷ್ಟವಾಗಿ ತಿಳಿದು ಬಂದಿಲ್ಲ. ಕೆಲವು ಲೇಖರ ಪ್ರಕಾರ ಗಡಿಯಾರಗಳು ಪ್ರಪಂಚದ ಈ ಭಾಗಗಳಲ್ಲಿ ಸುಮಾರು 4000 ಬಿಸಿಯಿಂದಲೂ ಬಳಕೆಯಲ್ಲಿದ್ದವು ಎಂದು ಅಭಿಪ್ರಾಯ ಪಟ್ಟಿದ್ದಾರೆ.[3]
ಆಂಡ್ರೋನಿಕಸ್ ಸೈರಸ್, ಎಂಬ ಗ್ರೀಕ್ ಖಗೋಳ ಶಾಸ್ತ್ರಜ್ಞ 1 ಬಿ.ಸಿಯಲ್ಲಿ ಅಥೆನ್ಸ್ನ ಮಾರುತಗಳ ಗೋಪುರದ ನಿರ್ಮಾಣದ ಮೇಲ್ವಿಚಾರಣೆಯನ್ನು ನೋಡಿಕೊಂಡನು.[4]
ಗ್ರೀಕ್ ಮತ್ತು ರೋಮನ್ ನಾಗರೀಕತೆಗಳು ಸಂಕೀರ್ಣ ಚಲನಾಚಕ್ರವುಳ್ಳ,[5] ಜಲಗಡಿಯಾರಗಳನ್ನು ಮೊಟ್ಟಮೊದಲಬಾರಿಗೆ ವಿನ್ಯಾಸಗೊಳಿಸಿದ್ದರ ಕೀರ್ತಿ ಅವುಗಳಿಗೆ ಸಲ್ಲುತ್ತದೆ. ಇವುಗಳಿಗೆ ಕಾಲ್ಪನಿಕ ಸ್ವಯಂಚಾಲಿತ ವ್ಯವಸ್ಥೆಯನ್ನು ಸಂಪರ್ಕಿಸಲಾಗಿದ್ದು, ಅವುಗಳ ನಿಷ್ಕೃಷ್ಟತೆಯನ್ನು ಹೆಚ್ಚಿಸಿದವು. ಈ ಉನ್ನತಗಳು ಬೆಜಾಂಟಿಯಂ ಮತ್ತು ಇಸ್ಲಾಮ್ ಕಾಲಮಾನಗಳಿಗೆ ರವಾನೆಯಾಗಿದ್ದು, ನಂತರ ಯೂರೋಪ್ನ್ನೂ ಸಹ ತಲುಪಿದವು. 725 ಎ.ಡಿ.ಯಲ್ಲಿ ಸ್ವತಂತ್ರವಾಗಿ ಚೇನಾದೇಶದವರು ತಮ್ಮದೇ ಆದ ಉನ್ನತೀಕರಿಸಿದ ಜಲಗಡಿಯಾರಗಳನ್ನು ಕಂಡು ಹಿಡಿದರು. ಅವರ ಈ ಆಲೋಚನೆಗಳು ಕೊರಿಯಾ ಮತ್ತು ಜಪಾನ್ಗೂ ತಲುಪಿದವು.
ಕೆಲವು ಜಲಗಡಿಯಾರದ ವಿನ್ಯಾಸಗಳನ್ನು ಸ್ವತಂತ್ರವಾಗಿ ಮಾಡಲಾಯಿತು ಮತ್ತು ಕೆಲವು ಆಲೋಚನೆಗಳು ವ್ಯಾಪಾರಗಳ ಮೂಲಕ ಹರಡಿಕೊಂಡವು. ಪೂರ್ವ-ನವೀನ ಸಮಾಜಗಳಲ್ಲಿ ಈಗಿನ ಕೈಗಾರಿಕಾ ಸಮಾಜಗಳಲ್ಲಿದ್ದಂತೆ ಕಾಲವನ್ನು ನಿಖರವಾಗಿ ಪಾಲಿಸುವ ಅವಶ್ಯಕತೆಯಿರಲಿಲ್ಲ. ಆಗಿನ ಕಾಲದಲ್ಲಿ ಕೆಲಸದ ಅಥವಾ ವಿಶ್ರಾಂತಿಯ ಪ್ರತಿಯೊಂದು ಗಂಟೆಯನ್ನೂ ಅಷ್ಟೊಂದು ಪ್ರಮುಖ್ಯವಾಗಿ ನಿಭಾಯಿಸದೇ, ಕೆಲಸವನ್ನು ಪರಿಸ್ಥಿತಿಗಳಿಗೆ ತಕ್ಕಂತೆ ಪ್ರಾರಂಬಿಸುವುದು ಅಥವಾ ಅಂತ್ಯಗೊಳಿಸಲಾಗಿತ್ತಿತ್ತು. ಇದಕ್ಕೆ ಬದಲಾಗಿ, ಪ್ರಾಚೀನ ಸಮಾಜಗಳಲ್ಲಿ ನೀರಿನ ಗಡಿಯಾರಗಳನ್ನು ವಿಶೇಷವಾಗಿ ಜ್ಯೋತಿಷ್ಯಶಾಸ್ತ್ರ ದಲ್ಲಿ ಬಳಸುತ್ತಿದ್ದರು. ಈ ಪ್ರಾಚೀನ ಗಡಿಯಾರಗಳನ್ನು ಸನ್ ಡಯಲ್ಗಳ ಜೊತೆಬಳಸಲಾಗುತ್ತಿತ್ತು. ಆಧುನಿಕ ಗಡಿಯಾರಗಳ ನಿಷ್ಕೃಷ್ಟತೆಯ ಮಟ್ಟ ತಲುಪುವವರೆಗೂ, ಮಿಲಿಯಾಂತರ ವರ್ಷಗಳವರೆಗೂ, ಜಲಗಡಿಯಾರಗಳನ್ನೇ ಅತ್ಯಂತ ನಿಖರ ಕಾಲಮಾಪಕಗಳಾಗಿ ಬಳಸಲಾಗುತ್ತಿತ್ತು.17ನೇ ಶತಮಾನದಲ್ಲಿ ಯೂರೋಪ್ನಲ್ಲಿ ಇದಕ್ಕಿಂತ ನಿಖರವಾದ ಲೋಲಕ ಗಡಿಯಾರ ಗಳು ಬಂದನಂತರ ಇವುಗಳ ಬಳಕೆ ಕಡಿಮೆಯಗುತ್ತಾ ಬಂತು.
797 (ಪ್ರಾಯಶಃ801), ರಲ್ಲಿ ಬಾಗ್ದಾದ್ನ ಅಬ್ಬಾಸಿದ್ ಕಲೀಫನಾದ ಹರೂನ್ ಆಲ್-ರಷೀದ್, ಚಾರ್ಲಿ ಮ್ಯಾಗ್ನೆಯವರಿಗೆ ಅಬುಲ್ ಅಬ್ಬಾಸ್ ಎಂಬ ಏಷ್ಯಿಯಾದ ಆನೆಯನ್ನು ಕೊಡುಗೆಯಾಗಿ ಕೊಟ್ಟನು. ಇದರೊಂದಿಗೆ ಒಂದು ಜಲಗಡಿಯಾರದ ಮಾದರಿಯನ್ನೂ ಸಹ ಅವರಿಗೆ ಕೊಡಲಾಯಿತು.
13ನೇ ಶತಮಾನದಲ್ಲಿ ಆಲ್-ಜಝಾರಿ, ಎಂಬ ಅಭಿಯಂತರನು ದಿಯಾರ್-ಬಾಕರ್ನಅರ್ತುಕಿಡ್ ದೊರೆಯಾದ ನಾಸಿರ್ ಆಲ್-ದಿನ್ಗಾಗಿ ಹಲವಾರು ಗಾತ್ರದ ಮತ್ತು ಆಕಾರದ ಗಡಿಯಾರಗಳನ್ನು ನಿರ್ಮಿಸಿದನು. ಈ ಪುಸ್ತಕವು ನೀರಿನ ಗಡಿಯಾರವನ್ನೊಳಗೊಂಡಂತೆ 6 ವರ್ಗಗಳ 50 ಯಾಂತ್ರಿಕ ಉಪಕರಣಗಳ ಬಗ್ಗೆ ವಿವರಣೆ ನೀಡಿತ್ತು. ಅತ್ಯಂತ ಜನಪ್ರಿಯ ಗಡಿಯಾರಗಳೆಂದರೆ ಎಲಿಫ್ಯಾಂಟ್, ಸ್ಕ್ರೈಬ್ ಮತ್ತು ಗೋಡೆ ಗಡಿಯಾರಗಳು ಇವೆಲ್ಲವುಗಳನ್ನೂ ಯಶಸ್ವಿಯಾಗಿ ಪುನರ್ನಿರ್ಮಿಸಲಾಯಿತು. ಈ ಭವ್ಯವಾದ ಗಡಿಯಾರಗಳ ಕಾಲ ಸೂಚಕಗಳಾಗಿ ಅಷ್ಟೇ ಅಲ್ಲದೆ , ಅರ್ಟಕ್ನ ಘನತೆ, ಭವ್ಯತೆ ಮತ್ತು ಸಂಪತ್ತಿನ ಸಂಕೇತಗಳಾಗಿವೆ.
ಈ ಲೇಖನದಲ್ಲಿ ಸರಿಯಾದ ಉಲ್ಲೇಖದ ಅಗತ್ಯವಿದೆ (May 2010) ಸರಿಯಾದ ಉಲ್ಲೇಖಗಳನ್ನು ಸೇರಿಸಿ ಲೇಖನವನ್ನು ಉತ್ತಮಗೊಳಿಸಿ. ಲೇಖನದ ಬಗ್ಗೆ ಚರ್ಚೆ ನಡೆಸಲು ಚರ್ಚೆ ಪುಟವನ್ನು ನೋಡಿ. |
ಯೂರೋಪಿನ 13ನೇ ಶತಮಾನದಿಂದ ಮೊದಲಯಾವುದೇ ಗಡಿಯಾರಗಳು ಲಭ್ಯವಿರಲಿಲ್ಲ. ಆದರೆ ಚರ್ಚ್ಗಳಲ್ಲಿರುವ ಕೆಲವು ದಾಖಲೆಗಳು ಗಡಿಯಾರದ ಪ್ರಾಚೀನ ಇತಿಹಾಸವನ್ನು ಹೊರಗಿಡುತ್ತವೆ.
ಹೊರೊಲಾಜಿಯಾ ( ಗ್ರೀಕ್ನಲ್ಲಿ ὡρα, ಗಂಟೆಮತ್ತು λέγειν, ಹೇಳು ಎಂಬರ್ಥ) ಎಂಬ ಪದವನ್ನು ಈ ಎಲ್ಲಾ ಸಾಧನಗಳನ್ನು ವಿವರಿಸಲು ಬಳಸಲಾಗುತ್ತಿತ್ತು. ಆದರೆ ಈ ಪದದ ಬಳಕೆ ( ಈಗಲೂ ಕೆಲವು ರೋಮನ್ ಭಾಷೆಗಳಲ್ಲಿ ಬಳಸಲಾಗುತ್ತಿದೆ), ಅದರ ಯಾಂತ್ರಿಕತೆಯ ವಾಸ್ತವಿಕ ಸ್ವಭಾವವನ್ನು ಸಮಯಪಾಲಕರಾದ ನಮ್ಮೆಲ್ಲರಿಂದ ಮುಚ್ಚಿಡಲಾಗಿದೆ. ಉದಾಹರಣೆಗೆ,1176ರಲ್ಲಿ ಸೆನ್ಸ್ ಕ್ಯಾಥೆಡ್ರಲ್ನಲ್ಲಿ ಒಂದು "ಗಡಿಯಾರ"ವನ್ನು ಪ್ರತಿಷ್ಟಾಪಿಸಲಾಯಿತು.ಆದರೆ ಇದರ ಕಾರ್ಯ ವಿಧಾನ ಇದುವೆರೆಗೂ ತಿಳಿದು ಬಂದಿಲ್ಲ. ಜೋಸಲಿನ್ ಬ್ರೇಕ್ ಲೋಂಡ್, ನಪ್ರಕಾರ 1198ರಲ್ಲಿ ಸೇಂಟ್ ಎಡ್ಮಂಡ್ಸಬರಿ (ಈಗಿನ್ಸ್ ಬರಿ ಸೇಂಟ್ ಎಡ್ಮಂಡ್ಸ)ನ ಒಂದು ಕ್ರೈಸ್ತ ಮಠಕ್ಕೆ ಬೆಂಕಿ ಬಿದ್ದಾಗ , ಅಲ್ಲಿನ ಪಾದ್ರಿಗಳು ಬೆಂಕಿಯನ್ನು ಆರಿಸಲು ಅಲ್ಲಿನ ಜಲಗಡಿಯಾರದತ್ತ ದಾವಿಸಿದರು. ಇದು ಅವರ ಜಲಗಡಿಯಾರವು ಬೆಂಕಿಯನ್ನು ನಂದಿಸುವಷ್ಟು ನೀರನ್ನು ಹೊಂದಿತ್ತು ಎಂಬುದನ್ನು ಸೂಚಿಸುತ್ತದೆ.[7]
ಕ್ಲಾಕ್ ( ಲ್ಯಾಟಿನ್ ಪದ ಕ್ಲೊಕ್ಕಾ , ಅಂದರೆ ಘಂಟೆ) ಪದವು ಕ್ರಮೇಣವಾಗಿ ಹಾರೊಲೋಜ್ ಎಂಬ ಪದದ ಸ್ಥಾನವನ್ನು ಪಡೆದು, ಘಂಟೆಗಳ ನಾದ ಎಂಬ ಅರ್ಥವನ್ನು ಸೂಚಿಸುತ್ತದೆ. ಅಷ್ಟೇ ಅಲ್ಲದೆ ಇದು 13ನೇ ಶತಮಾನದಲ್ಲಿ ಯೂರೋಪ್ನಲ್ಲಿ ಬಳಕೆಯಲ್ಲಿದ್ದ ಯಾಂತ್ರಿಕ ಗಡಿಯಾರಗಳ ಮಾದರಿಯ ಲಕ್ಷಣಗಳನ್ನೂ ಬಿಂಬಿಸುತ್ತದೆ.
ಯೂರೋಪ್ನ ಹೊರದೇಶಗಳಲ್ಲೂ ವಿಮೋಚನಾ ಯಾಂತ್ರಿಕತೆಯ ಬಳಕೆ ತಿಳಿದಿತ್ತು. ಮಧ್ಯಕಾಲಿಕ ಚೀನಾದಲ್ಲಿ , ಸಾಂಗ್ ವಂಶದ ಕಾಲಮಾನ ಶಾಸ್ತ್ರಜ್ಞ ಹಾಗೂ ಅಭಿಯಂತರ ಸು-ಸಾಂಗ್ (1020–1101) 1088ರಲ್ಲಿ ತನ್ನ ಕೈಫೆಂಗ್ನ ಖಗೋಳ ಗಡಿಯಾರ ಗೋಪುರದಲ್ಲಿ ಈ ತತ್ವವನ್ನು ಅಳವಡಿಸಿದ್ದನು ಎನ್ನಲಾಗಿದೆ.[8] ಹೇಗೂ, ಆತನ ಖಗೋಳ ಗಡಿಯಾರ ಮತ್ತು ಭ್ರಮಣಾ ಕಂಕಣ ಗೋಳ ನೀರಿನ ಹರಿಯುವಿಕೆಯನ್ನು( ಹೈಡ್ರಾಲಿಕ್ಸ್) ಅವಲಂಬಿಸಿತ್ತು. ಆದರೆ ನಂತರದ ಶತಮಾನಗಳಲ್ಲಿ ಯೂರೋಪಿನ ಕೆಲಸಗಾರರು ಈ ಹಳೆಯ ಪದ್ದತಿಯನ್ನು ತೊರೆದು, ವಿಮೋಚನಾ ಯಾಂತ್ರಿಕತೆಯ ಜೊತೆಯಲ್ಲಿ ಹೆಚ್ಚು ದಕ್ಷತೆಯ ಚಾಲನಸಾಮರ್ಥ್ಯವುಳ್ಳ ತೂಕಗಳನ್ನು ಅಳವಡಿಸಲು ಪ್ರಾರಂಭಿಸಿದರು.
ಎಡಿ 1277ರ ಸ್ಪಾನಿಷ್ನ ಪುಸ್ತಕವಾದ ಲಿಬ್ರೊಸ್ ಡೆಲ್ ಸೇಬರ್ ನಲ್ಲಿ ವಿವರಿಸಲಾದ ಒಂದು ಪಾದರಸ ಗಡಿಯಾರವು ಅರೇಬಿಯಾದ ಭಾಷಾಂತರ ಮತ್ತು ಭಾವಾರ್ಥಗಳನ್ನು ಒಳಗೊಂಡಿದ್ದು, ಕೆಲವು ಸಮಯಗಳಲ್ಲಿ ಮುಸ್ಲಿಂರಿಗೆ ಯಾಂತ್ರಿಕ ಗಡಿಯಾರಗಳ ಬಗ್ಗೆ ಇದ್ದ ತಿಳುವಳಿಕೆಯನ್ನು ಸೂಚಿಸುತ್ತದೆ. ಈ ಸಾಧನವು ವಾಸ್ತವವಾಗಿ ಒಂದು ಕೊಳವೆಯಾಕಾರದ ಗಡಿಯಾರದಿಂದ ಬೇರ್ಪಟ್ಟಿದ್ದು, ಯಹೂದಿ ಬರಹಗಾರ ರಬ್ಬಿ ಐಸಾಕ್ ಪ್ರಕಾರ ಇದರ ನಿರ್ಮಾಣದ ಕೀರ್ತಿ (ಅಲೆಗ್ಸಾಂಡ್ರಿಯಾದ ಹೆರೋನ್) "ಇರಾನ್" ಗೆ ಸಲ್ಲುತ್ತದೆ.[9]
1280 ಮತ್ತು 1320ರ ನಡುವೆ, ಗಡಿಯಾರಗಳಿಗೆ ಸಂಬಂಧಿಸಿದ ಹಲವಾರು ಉಲ್ಲೇಖಗಳುಮತ್ತು ಚರ್ಚ್ಗಳಲ್ಲಿ ಗಡಿಯಾರಕ್ಕೆ ಸಂಬಂಧಿಸಿದ ದಾಖಲೆಗಳು ಹೆಚ್ಚಾಗತೊಡಗಿದವು. ಇದು ಪ್ರಾಯಶಃ ಯಾಂತ್ರಿಕ ಗಡಿಯಾರದ ಹೊಸ ವಿನ್ಯಾಸದ ನಿರ್ಮಾಣವನ್ನು ಸೂಚಿಸುವಂತಿತ್ತು. ಆಗಿದ್ದ ಗಡಿಯಾರದ ಯಾಂತ್ರಿಕತೆಯು ಬೀಳುವ ತೂಕಗಳಿಂದ ಚಲನಾ ಸಾಮರ್ಥ್ಯವನ್ನು ಪಡೆಯಲು ನೀರಿನ ಶಕ್ತಿಯನ್ನು ಅಳವಡಿಸಿಕೊಂಡವು. ಈ ಸಾಮರ್ಥ್ಯವನ್ನು ಆವರ್ತಕ ಯಾಂತ್ರಿಕತೆಯ ಕೆಲವು ರೂಪಗಳಿಂದ ನಿಯಂತ್ರಿಸಲಾಯಿತು, ಬಹುಶ: ಇದು ಈಗಿನ ಘಂಟೆ ಶಬ್ದ ಅಥವಾ ಅಲಾರಂ ಸಾಧನಗಳಿಂದ ಬಂದಿರಬಹುದು. ವಿಮೋಚನೆಯ ಈ ನಿಯಂತ್ರಿತ ಸಾಮರ್ಥ್ಯದ ಬಿಡುಗಡೆ ವಾಸ್ತವವಾಗಿ ನೈಜ್ಯ ಯಾಂತ್ರಿಕ ಗಡಿಯಾರಗಳ ಆರಂಭದ ಸಂಕೇತವಾಯಿತು.
ಈ ಯಾಂತ್ರಿಕ ಗಡಿಯಾರಗಳು ಎರಡು ಪ್ರಮುಖ ಉದ್ದೇಶಗಳಿಗಾಗಿ ನಿರ್ಮಾಣಗೊಂಡವು: ಸಹ್ನೆಗಳಿಗೆ ಮತ್ತು ಘೋಷಣೆಗಳಿಗೆ (ಉದಾ: ಸೇವೆಗಳ ಕಾಲಮಾನ ಮತ್ತು ಸಾರ್ವಜನಿಕ ಸಂಗತಿಗಳು) ಮತ್ತು ಸೌರ ಮಂಡಲದ ಮಾದರಿ ರಚನೆಗೆ. ಮೊದಲನೆಯದರ ಉದ್ದೇಶವು ಆಡಳಿತಾತ್ಮಕವಾಗಿದ್ದು, ಎರಡನೆಯದು ಸ್ವಾಭಾವಿಕವಾಗಿ ವಿದ್ವಾಂಸರಲ್ಲಿ ಬರುವ ಖಗೋಳಶಾಸ್ತ್ರ, ವಿಜ್ಞಾನ ಮತ್ತು ಈ ವಿಷಯಗಳು ಹೇಗೆ ಧಾರ್ಮಿಕ ತತ್ವಜ್ಞಾನದ ಕಾಲದೊಂದಿಗೆ ಸೇರಿಕೊಂಡಿವೆ ಎಂಬುದರ ಬಗ್ಗೆ ಆಸಕ್ತಿಗೆ ಸಂಬಂಧಿಸಿದ್ದಾಗಿತ್ತು. ಗ್ರಹೋನ್ನತ ಮಾಪಕಗಳನ್ನು ಖಗೋಳ ಶಾಸ್ತ್ರಜ್ಞರು ಮತ್ತು ಜೋತಿಷ್ಯರಿಬ್ಬರೂ ಬಳಸುತ್ತಿದ್ದರು. ಸೌರವ್ಯೂಹ ಕಾರ್ಯನಿರತ ಮಾದರಿಯನ್ನು ತಯಾರಿಸಲು, ಭ್ರಮಣಾಫಲಕಕ್ಕೆ ಒಂದು ಗಡಿಯಾರವನ್ನು ಅಳವಡಿಸುವುದು ಸಾಮಾನ್ಯವಾಗಿತ್ತು.
ಪ್ರಮುಖವಾಗಿ ಪ್ರಕಟಣೆಗಳನ್ನು ಹೊರಡಿಸುವ ಸಲುವಾಗಿ ಸರಳ ಗಡಿಯಾರಗಳನ್ನು ಗೋಪುರಗಳಲ್ಲಿ ಪ್ರತಿಷ್ಟಾಪಿಸಲಾಯಿತು.ಇಂತಹ ಗಡಿಯಾರಗಳಿಗೆ ಮುಖ ಅಥವಾ ಕೈಗಳ ಅಗತ್ಯವಿರಲಿಲ್ಲ.
ಅವು ನಿಗದಿತ ಪ್ರಾರ್ಥನಾ ಸಮಯಗಳ ಅವಧಿ ಅಥವಾ ಅಧಿಕೃತ ಕಾಲಮಾನ ಗಳನ್ನು ಪ್ರಕಟಿಸುವ ಸಾಮರ್ಥ್ಯ ಹೊಂದಿದ್ದವು. ಸೂರ್ಯೋದಯ ಮತ್ತು ಸೂರ್ಯಾಸ್ತಗಳ ಸಮಯಗಳಲ್ಲಿ ಬದಲಾವಣೆಯಾಗುತ್ತಿದ್ದರಿಂದ, ಅಧಿಕೃತ ಕಾಲಮಾನಗಳ ಅವಧಿಯಲ್ಲಿ ವ್ಯತ್ಯಾಸಗಳು ಕಂಡು ಬಂದವು. ಅತ್ಯಂತ ಸುಸಜ್ಜಿತ ಖಗೋಳ ಗಡಿಯಾರಗಳೆಂದರೆ ಅವು ಚಲನಾ ಗಡಿಯಾರ ಫಲಕ ಅಥವಾ ಕೈಗಳನ್ನು ಹೊಂದಿದ್ದವು. ಅವು ಹಲವಾರು ವ್ಯವಸ್ಥೆಗಳಲ್ಲಿ ಕಾಲ ಸೂಚಿಸುವ ಸಾಮರ್ಥ್ಯ ಹೊಂದಿದ್ದು, ಇಟಲಿ ಕಾಲಮಾನ ಅಧಿಕೃತ ಕಾಲಮಾನ ಮತ್ತು ಖಗೋಳ ಶಾಸ್ತ್ರಜ್ಞರು ಕಾಲವನ್ನು ಅಳೆಯಲು ಬಳಸುವ ಕಾಲಮಾನ ಮುಂತಾದವನ್ನು ಸೂಚಿಸುತ್ತಿದ್ದವು. ಗಡಿಯಾರದ ಎರಡೂ ವಿನ್ಯಾಸಗಳು ಸ್ವಯಂ ಚಾಲನೆ ಯಂತಹ ಮಿತಿಮೀರಿದ ಲಕ್ಷಣಗಳನ್ನು ಗಳಿಸಲು ಪ್ರಾರಂಭಿಸಿದವು.
1283ರಲ್ಲಿ , ಡನ್ ಸ್ಟೇಬಲ್ ಪ್ರಿಯೋರಿಯಲ್ಲಿ ಒಂದು ದೊಡ್ಡ ಗಡಿಯಾರವನ್ನು ಪ್ರತಿಷ್ಟಾಪಿಸಲಾಯಿತು. ಇದರ ಸ್ಥಳ ರೂಡ್ ಸ್ಕ್ರೀನ್ನ ಮೇಲ್ಭಾಗದಲ್ಲಿದ್ದು, ಇದು ಜಲಗಡಿಯಾರವಲ್ಲ ಎಂಬುದನ್ನು ಸೂಚಿಸುವಂತಿತ್ತು [ಸೂಕ್ತ ಉಲ್ಲೇಖನ ಬೇಕು]. 1292ರಲ್ಲಿ ಸೆಂಟರ್ ಬರಿ ಕ್ಯಾಥೆಡ್ರಲ್ನಲ್ಲಿ "ಒಂದು ದೊಡ್ಡ ಗಡಿಯಾರ"ವನ್ನು ಪ್ರತಿಷ್ಟಾಪಿಸಲಾಯಿತು. 30ವರ್ಷಗಳ ನಂತರ, ಇಂಗ್ಲೆಂಡ್, ಇಟಲಿ ಮತ್ತು ಫ್ರಾನ್ಸ್ ದೇಶಗಳ ಕ್ರೈಸ್ತ ಸಂಸ್ಥೆಗಳಲ್ಲಿ ಗಡಿಯಾರಗಳಿಗೆ ಸಂಬಂದಿಸಿದ ಹಲವಾರು ಸಂಕ್ಷಿಪ್ತ ತಿಳುವಳಿಕೆಗಳನ್ನು ನೀಡಲಾಯಿತು. 1322ರಲ್ಲಿ ನಾರ್ವಿಚ್ನಲ್ಲಿ ಒಂದು ದೊಡ್ಡ ಗಡಿಯಾರವನ್ನು ಪ್ರತಿಷ್ಟಾಪಿಸಲಾಯಿತು. ಇದನ್ನು 1273ರಲ್ಲಿ ಪ್ರತಿಷ್ಟಾಪಿಸಲಾದ ಗಡಿಯಾರಕ್ಕೆ ಬದಲಾಗಿ ಹೆಚ್ಚು ವೆಚ್ಚದಲ್ಲಿ ಸ್ಥಾಪಿಸಲಾಯಿತು. ಇದು ಒಂದು ದೊಡ್ಡ ಸ್ವಯಂಚಾಲಿತ ಗಡಿಯಾರ ಫಲಕ ಹಾಗೂ ಘಂಟೆಗಳನ್ನು ಹೊಂದಿತ್ತು. ಈ ಗಡಿಯಾರದ ಪ್ರತಿಷ್ಟಾಪನ ವೆಚ್ಚವನ್ನು ಭರಿಸಲು ಎರಡು ವರ್ಷಗಳಕಾಲ ಇಬ್ಬರು ಸಮಯಪಾಲಕರನ್ನು ನೇಮಿಸಬೇಕಾಯಿತು.[ಸೂಕ್ತ ಉಲ್ಲೇಖನ ಬೇಕು]
ಮೇಲೆ ತಿಳಿಸಿದ 1088ರಲ್ಲಿ ಸು ಸಾಂಗ್ ನಿಂದ ರಚಿತವಾದ ಚೀನಾದ ಖಗೋಳ ಗಡಿಯಾರದ ಜೊತೆಗೆ, 1336ರಲ್ಲಿ ರಿಚರ್ಡ್ ವಾಲ್ಲಿಂಗ್ ಫೋರ್ಡ್ ಯೂರೋಪ್ನ ಸೇಂಟ್ ಆಲ್ಬನ್ಸ್ ನಲ್ಲಿ ರಚಿಸಿದ ಗಡಿಯಾರ ಮತ್ತು 1348 ರಿಂದ 1364ರವರೆಗೆ ಪಡುವಾ ದಲ್ಲಿ ಗಿಯೊವಾನ್ನಿ ಡಿ ಡೋಂಡಿ ರಚಿಸಿದ ಗಡಿಯಾರಗಳು ಪ್ರಮುಖವಾಗಿವೆ. ಇವು ಬಹಳಕಾಲ ಇರಲಿಲ್ಲ.ಆದರೆ ಇವುಗಳ ವಿನ್ಯಾಸ ಮತ್ತು ರಚನೆಯ ಕುರಿತ ಸಂಪೂರ್ಣವಾದ ವಿವರಗಳು ಇಂದಿಗೂ ಲಭ್ಯವಿದೆ.,[ಸೂಕ್ತ ಉಲ್ಲೇಖನ ಬೇಕು] ಇದರ ಮೂಲಕವಾಗಿ ಆಧುನಿಕ ಪುನರಚನೆಯ ಸಾಧ್ಯವಾಗಿದೆ. ಇವು ಯಾಂತ್ರಿಕ ಗಡಿಯಾರದ ಸಿದ್ದಾಂತ ಎಷ್ಟು ವೇಗವಾಗಿ ಪ್ರಾಯೋಗಿಕ ರಚನೆಗಳಿಗೆ ಬದಲಾವಣೆ ಹೊಂದಿತು ಎಂಬುದನ್ನು ಉದಾಹರಿಸುತ್ತವೆ. ಅವುಗಳ ಇಂತಹ ಅಭಿವೃದ್ದಿಗಳಲ್ಲಿ ಒಂದು ಎಂದರೆ ಖಗೋಳ ಶಾಸ್ತ್ರಜ್ಞರಲ್ಲಿ ಬಾನಿನ ವಿದ್ಯಾಮಾನಗಳನ್ನು ತಿಳಿಯಲು ಇದ್ದ ತವಕ.
ವಾಲ್ಲಿಂಗ್ ಫೋರ್ಡ್ ಗಡಿಯಾರದಲ್ಲಿ ಒಂದು ದೊಡ್ಡ ಗ್ರಹೋನ್ನತಿ ಮಾಪಕ ಮಾದರಿಯ ಗಡಿಯಾದ ಫಲಕವಿದ್ದು, ಅದು ಸೂರ್ಯ, ಚಂದ್ರನ ಆಯುಷ್ಯ, ಹಂತಮತ್ತು ಉಬ್ಬು, ಒಂದು ನಕ್ಷತ್ರದ ನಕಾಶೆ ಮತ್ತು ಪ್ರಾಯಶಃ ಗ್ರಹಗಳನ್ನು ಸೂಚಿಸುತ್ತಿತ್ತು. ಇದರೊಂದಿಗೆ , ಈ ಗಡಿಯಾರಕ್ಕೆ ಒಂದು ಕಾಲನಿಗಧಿತ ಚಕ್ರವಿತ್ತು ಮತ್ತು ಅಷ್ಟೇ ಅಲ್ಲದೆ ಲಂಡನ್ ಸೇತುವೆಯ ಉಬ್ಬರಗಳನ್ನು ತಿಳಿಸಬಲ್ಲ ಸೂಚಕವೊಂದನ್ನು ಅಳವಡಿಸಲಾಗಿತ್ತು. ಪ್ರತಿಯೊಂದು ಗಂಟೆಗೂ ಘಂಟೆಯ ಶಬ್ದ ಬರುತ್ತಿದ್ದು, ಆ ಹೊಡೆತಗಳ ಸಂಖ್ಯೆ ಎಷ್ಟು ಗಂಟೆಗಳು ಎಂಬುದನ್ನು ಸೂಚಿಸುತ್ತಿತ್ತು.
ಡೋಂಡಿ ಗಡಿಯಾರವು ಏಳು ಮುಖಗಳನ್ನು ಹೊಂದಿದ್ದು, ಒಂದು ಮೀಟರ್ ಎತ್ತರವಿತ್ತು. ಇದರ ಗಡಿಯಾರ ಫಲಕವು ನಿಮಿಷಗಳನ್ನೊಳಗೊಂಡಂತೆ ದಿನದ ಸಮಯವನ್ನು ಸೂಚಿಸುತ್ತಿತ್ತು. ಇದರೊಂದಿಗೆ ಎಲ್ಲಾ ಗ್ರಹಗಳ ಚಲನೆಯನ್ನು ಸೂಚಿಸುವ ವ್ಯವಸ್ಥೆ ಇತ್ತು. ಇಷ್ಟೇ ಅಲ್ಲದೆ ಒಂದು ಸ್ವಯಂಚಾಲಿಚ ಕ್ಯಾಲೆಂಡರ್ ಮತ್ತು ಪ್ರತಿ 18 ವರ್ಷಗಳಿಗೆ ಭ್ರಮಿಸುವ ಗ್ರಹಣವನ್ನು ಅಂದಾಜು ಮಾಡಬಲ್ಲ ಚಕ್ರವನ್ನು ಹೊಂದಿತ್ತು.
ಆದರೆ ಇವು ಎಷ್ಟು ನಿಷ್ಕೃಷ್ಟತೆ ಅಥವಾ ನಂಬಿಕೆಯನ್ನು ಹೊದಿದ್ದವು ಎಂಬುದು ಇಂದಿಗೂ ತಿಳಿದು ಬಂದಿಲ್ಲ. ಪ್ರಾಯಶಃ ಅವುಗಳ ಶಿಥಿಲ ಮತು ನಿಖರವಲ್ಲದ ತಯಾರಿಕೆಯಿಂದ ಅವುಗಳನ್ನು ಪ್ರತಿ ದಿನ ಕೈಯಿಂದ ಹೊಂದಿಸಿ ಕಾರ್ಯನಿರ್ವಹಿಸುವಂತೆ ಮಾಡಬೇಕಾಗಿತ್ತು.
ನೀರಿನ ಗಡಿಯಾರಗಳನ್ನು ಈಗಲೂ ಕೆಲವು ಸಂದರ್ಭಗಳಲ್ಲಿ ಬಳಸಲಾಗಿತ್ತಿದ್ದು, ಪ್ರಾಚೀನ ಕೋಟೆಗಳು ಮತ್ತು ವಸ್ತುಸಂಗ್ರಹಾಲಯಗಳಂತಹ ಸ್ಥಳಗಳಲ್ಲಿ ಕಾಣಬಹುದಾಗಿದೆ.
1386ರಲ್ಲಿ ನಿರ್ಮಿಸಿದ ಸ್ಯಾಲಿಸ್ ಬರಿ ಕ್ಯಾಥೆಡ್ರಲ್ ಗಡಿಯಾರವು ಪ್ರಂಪಂಚದ ಅತ್ಯಂತ ಹಳೆಯ ಯಾಂತ್ರಿಕ ಗಡಿಯಾರವಾಗಿದ್ದು, ಗಂಟೆಗಳನ್ನು ಸೂಚಿಸುವ ತಂತ್ರಜ್ಞಾನವನ್ನು ಹೊಂದಿದೆ.[10]
ಗಡಿಯಾರದ ತಯಾರಕರು ಹಲವಾರು ವಿಧಾನಗಳಲ್ಲಿ ತಮ್ಮದೇ ಆದ ಕಲೆಯನ್ನು ರೂಡಿಸಿಕೊಂಡರು. ಸಣ್ಣ ಗಡಿಯಾರಗಳನ್ನು ನಿರ್ಮಿಸುವುದು ಯಾಂತ್ರಿಕವಾಗಿ ಒಂದು ಸವಾಲಾಗಿದ್ದು, ನಿಖರತೆಯನ್ನು ಮತ್ತು ಭರವಸೆಯನ್ನು ಅಭಿವೃದ್ಧಿಗೊಳಿಸಿಕೊಳ್ಳಲು ಅವಕಾಶ ನೀಡಿತು. ಗಡಿಯಾರಗಳು ಕುಶಲಕೆಲಸವನ್ನು ಪ್ರದರ್ಶಿಸಲು ಪರಿಣಾಮಕಾರಿಯಾದ ಪ್ರದರ್ಶಿತ ವಸ್ತುಗಳಾಗಿದ್ದವು. ಅದೇ ಸಮಯದಲ್ಲಿ ಅವು ಗೃಹ ಬಳಕೆಗೆ ಅನುಕೂಲವಾದ ರಾಶಿ ಉತ್ಪನ್ನಗಳೂ ಆಗಿದ್ದವು. ವಿಮೋಚನಾ ತಂತ್ರಜ್ಞಾನ ವಿಶೇಷವಾಗಿ ಒಂದು ಮುಖ್ಯ ಅಂಶವಾಗಿದ್ದು ಗಡಿಯಾರದ ನಿಷ್ಕೃಷ್ಟತೆಯ ಮೇಲೆ ಪ್ರಭಾವ ಬೀರಿತ್ತು. ಆದ್ದರಿಂದ ಇತರ ಯಾಂತ್ರಿಕತೆಗಳನ್ನು ಪ್ರಯತ್ನಿಸಲಾಗಿತ್ತು.
ಸ್ಪ್ರಿಂಗ್ ಚಾಲಿತ ಗಡಿಯಾರಗಳು 15ನೇ ಶತಮಾನದಲ್ಲಿ ಕಾಣಿಸಿಕೊಂಡವು,[11][12][13] ಇವುಗಳನ್ನು 1511ರಲ್ಲಿ ನರ್ನ್ಬೆರ್ಗ್ನ ಗಡಿಯಾರ ತಯಾರಕನಾದಪೀಟರ್ ಹೆನ್ ಲಿನ್( ಅಥವಾ ಹೆನ್ಲೆ ಅಥವಾ ಹೆಲೆ) ಕಂಡುಹಿಡಿದನು ಎಂದು ಕೆಲವೊಮ್ಮೆ ತಪ್ಪಾಗಿ ಭಾವಿಸಲಾಗಿದೆ.[14][15][16] ಅತ್ಯಂತ ಪ್ರಾಚೀನ ಗಡಿಯಾರವೆಂದರೆ ಸುಮಾರು 1430ರಲ್ಲಿ ಬರ್ಗುಂಡಿಯ ಡ್ಯೂಕ್ ಆದ ಪೀಟರ್ ದಿ ಗುಡ್ ಗೆ ನೀಡಿದ ಸ್ಪ್ರಿಂಗ್ ಚಾಲಿತ ಚೇಂಬರ್ ಗಡಿಯಾರ. ಇದು ಈಗ ಜೆರ್ಮಾನಿಶೆಸ್ ರಾಷ್ಟ್ರೀಯ ವಸ್ತುಸಂಗ್ರಹಾಲಯದಲ್ಲಿದೆ..[12] ಸ್ಪ್ರಿಂಗ್ ಸಾಮರ್ಥ್ಯವು ಗಡಿಯಾರ ತಯಾರಿಕರಿಗೆ ಒಂದು ಹೊಸ ಸವಾಲನ್ನು ಒಡ್ಡಿತು. ಅದು ಏನೆಂದರೆ ಸ್ಪ್ರಿಂಗ್ ತಿರುಗುತ್ತಾ ಇದ್ದಂತೆ ಗಡಿಯಾರದ ಚಲನೆ ಯನ್ನು ಸ್ಥಿರ ದರದಲ್ಲಿ ಹೇಗೆ ಕಾಪಾಡಿಕೊಳ್ಳುವುದು ಎಂಬುದೇ ಆ ಸಮಸ್ಯೆಯಾಗಿತ್ತು. ಇದು 15ನೇ ಶತಮಾನದಲ್ಲಿ ರಾಶಿ ರಹಿತ ಮತ್ತು ಚಕ್ರ ವಿರುವ ಹೊಸ ಗಡಿಯಾರಗಳ ಅವಿಷ್ಕಾರಕ್ಕೆ ಕಾರಣವಾಯಿತು. ಇದರೊಂದಿಗೆ ಆದ ಇನ್ನೂ ಕೆಲವು ಬದಲಾವಣೆಗಳೆಂದರೆ 1760ರಲ್ಲಿ ಅವಿಷ್ಕಾರಗೊಂಡ ಪಿಪಾಯಿ ಆಕಾರದ ' ಘಂಟೆಯಿರುವ ಆಧುನಿಕ ಗಡಿಯಾರ.
ಹಳೆಯಕಾಲದ ಗಡಿಯಾರದ ಫಲಕಗಳಲ್ಲಿ ನಿಮಿಷ ಮತ್ತು ಸೆಕೆಂಡುಗಳನ್ನು ಬಳಸುತ್ತಿರಲಿಲ್ಲ. 1475 ರ ಪೌಲಸ್ ಆಲ್ಮಾನಸ್[17] ನ ಒಂದು ಕೈಬರಹದಲ್ಲಿ ನಿಮಿಷಗಳನ್ನು ತೋರಿಸುವ ಡಯಲ್ ವುಳ್ಳ ಒಂದು ಗಡಿಯಾರದ ಬಗ್ಗೆ ಉದಾಹರಣೆಯಿದೆ. 15ನೇ ಶತಮಾನದ ಜರ್ಮನಿಯ ಕೆಲವು ಗಡಿಯಾರಗಳು ನಿಮಿಷ ಮತ್ತು ಸೆಕೆಂಡ್ ಗಳನ್ನು ಸೂಚಿಸುತ್ತಿದ್ದವು.[18][19] ಈ ಗಡಿಯಾರಗಳು 16ನೇ ಶತಮಾನದ ಖಗೋಳ ಶಾಸ್ತ್ರಜ್ಞನಾದ ಟೈಕೊ ಬ್ರಾಹೆಗೆ ಮೊದಲಿಗಿಂತ ಹೆಚ್ಚು ನಿಖರವಾಗಿ ಖಗೋಳ ಸಂಗತಿಗಳನ್ನು ವೀಕ್ಷಿಸಲು ಸಹಾಯ ಮಾಡಿದವು.
ಟಾಕಿ ಆಲ್-ದಿನ್ ಎಂಬ ಒಬ್ಬ ಒಟ್ಟಾಮನ್ ನ ಅಭಿಯಂತರ ತನ್ನ ಪುಸ್ತಕದಲ್ಲಿ ಒಂದು ಚಾಲಿತ ಚಕ್ರವುಳ್ಳ, ಅಲಾರಮ್ ಇರುವ ಮತ್ತು ಚಂದ್ರನ ಹಂತಗ್ಳನ್ನು ವಿವರಿಸುವ ತೂಕ ಯಂತ್ರಚಾಲಿತ ಖಗೋಳ ಗಡಿಯಾರ ದ ಬಗ್ಗೆ ವಿವರಣೆ ನೀಡಿದ್ದಾನೆ. 1556-1559ರಲ್ಲಿ ಯಾಂತ್ರಿಕ ಗಡಿಯಾರಗಳನ್ನು (ಅಲ್-ಕವಾಕಿಬ್ ಅಲ್-ದುರ್ರಿಯ್ಯಾ ಫಿ ವಾಧ್' ಅಲ್-ಬ್ಯಾಂಕಮಟ್ ಅಲ್-ದಾವ್ರಿಯ್ಯಾ ), ರಚಿಸಲು ಬಳಸುವ ಅತ್ಯಂತ ಪ್ರಕಾಶಮಾನವಾದ ನಕ್ಷತ್ರಗಳ ಬಗ್ಗೆ ಒಂದು ಪುಸ್ತಕವನ್ನು ಪ್ರಕಟಿಸಲಾಯಿತು..[20] ಇದೇ ರಿತಿಯಲ್ಲಿ, 15ನೇ ಶತಮಾನಕ್ಕಿಂತ ಮುಂಚೆ ಯೂರೋಪಿಯನ್ ಅಲಾರಂ ಗಡಿಯಾರಗಳಲ್ಲಿ,[21][22] ಡಯಲ್ ಚಕ್ರದಲ್ಲಿ ಒಂದು ಬೆಣೆಯನ್ನು ಅಳವಡಿಸುವುದರ ಮೂಲಕ ನಿಗಧಿತ ಅವಧಿಯಲ್ಲಿ ಶಬ್ದ ಹೊರಡುವಂತೆ ಮಾಡಲಾಗಿತ್ತು. ಬೇಕಾದ ಸಮಯದಲ್ಲಿ , ನಾದ ಹೊರಡಿಸುವ ಸಾಧನವನ್ನು ಬೆಣೆಯನ್ನು ಕ್ರಿಯಾಶೀಲಗೊಳಿಸುತ್ತಿತ್ತು. ಈ ಗಡಿಯಾರವು ಮೂರು ಡಯಲ್ ಗಳನ್ನು ಹೊಂದಿದ್ದು, ಅದು ಗಂಟೆ, ಡಿಗ್ರಿ ಮತ್ತು ನಿಮಿಷಗಳನ್ನು ಸೂಚಿಸುತ್ತಿತ್ತು, ನಂತರ ಈತನು ಇಸ್ಟಾನ್ ಬುಲ್ ಅಬ್ಸರ್ ವೇಟರಿ ಆಫ್ ಟಾಕ್ಯಿ ಆಲ್-ದಿನ್ (1577–1580), ಗಾಗಿ ಒಂದು ವೀಕ್ಷಣಾ ಗಡಿಯಾರವನ್ನು ತಯಾರಿಸಿದನು. ಇದನ್ನು "ಮೂರು ಡಯಲ್ ಗಳುಳ್ಳ ಗಂಟೆ, ನಿಮಿಷ ಮತು ಸೆಕೆಂಡ್ ಗಳನ್ನು ತೋರಿಸುವ ಗಡಿಯಾರ" ವಿವರಿಸಲಾಗಿತ್ತು. ಇದು 16ನೇ ಶತಮಾನದಲ್ಲಿ ಪ್ರಾಯೋಗಿಕ ಖಗೋಳ ಶಾಸ್ತ್ರದಲ್ಲಿ ಆದ ಪ್ರಮುಖ ಬದಲಾವಣೆಯಾಗಿತ್ತು. ಏಕೆಂದರೆ ಶತಮಾನದ ಪ್ರಾರಂಭದಲ್ಲಿ ಖಗೋಳ ಉದ್ದೇಶಗಳಿಗೆ ಇವುಗಳನ್ನು ಯಶಸ್ವಿಯಾಗಿ ಬಳಸಿಕೊಳ್ಳಲು ಸಾಧ್ಯವಿರಲಿಲ್ಲ.[23]
ಲೋಲಕ ಗಡಿಯಾರದ ಅವಿಷ್ಕಾರದೊಂದಿಗೆ 1656ರ ನಂತರ ನಿಷ್ಕೃಷ್ಟತೆಯಲ್ಲಿ ಮುಂದಿನ ಬೆಳವಣಿಗೆಗೆಗಳು ಕಾಣಿಸಿಕೊಂಡವು. 17ನೇ ಶತಮಾನದ ಆರಂಭದಲ್ಲೇ ತೂಗಾಡುವ ಗುಂಡೊಂದನ್ನು ಬಳಸಿ ಕಾಲಸೂಚಕ ಸಾಧನವೊಂದರ ಚಲನೆಯನ್ನು ನಿಯಂತ್ರಿಸುವ ಕಲ್ಪನೆ ಗೆಲಿಲಿಯೋಗೆ ತಿಳಿದಿತ್ತು. ಹೇಗೂ, ಕ್ರಿಶ್ಚಿಯನ್ ಹ್ಯೂಜೆನ್ಸ್ಗೆ ಈ ಅವಿಷ್ಕಾರದ ಕೀರ್ತಿ ಸಲ್ಲುತ್ತದೆ. ಈತನು ಲೋಲಕದ ಉದ್ದ ಮತ್ತು ಕಾಲದ ನಡುವೆ ಇರುವ ಸಂಬಂಧವನ್ನು ತೋರಿಸುವ (ಒಂದು ಸೆಕೆಂಡ್ ಚಲನೆಗೆ 99.38 cm ಅಥವಾ 39.13 ಇಂಚು ಉದ್ದ) ಒಂದು ಗಣಿತ ಸೂತ್ರವನ್ನು ಕಂಡುಹಿಡಿದು ಮೊದಲ ಬಾರಿಗೆ ಲೋಲಕದ ಸಹಾಯದೊಂದಿಗೆ ಕೆಲಸ ಮಾಡುವ ಗಡಿಯಾರವನ್ನು ಕಂಡುಹಿಡಿದನು. 1670ರಲ್ಲಿ ಇಂಗ್ಲೀಷ್ ವಾಚ್ ತಯಾರಕನಾದ ವಿಲಿಯಮ್ ಕ್ಲೆಮೆಂಟ್ ಆಂಕರ್ ಎಸ್ಕೇಪ್ಮೆಂಟ್ ಅನ್ನು [ಸೂಕ್ತ ಉಲ್ಲೇಖನ ಬೇಕು] ರಚಿಸಿದನು. ಇದು ಹ್ಯೂಗನ್ಸ್ ನ ಕ್ರೌನ್ ಎಸ್ಕೇಪ್ಮೆಂಟ್ಗಿಂತ ಹೆಚ್ಚು ಸುಧಾರಿತ ಯಾಂತ್ರಿಕತೆಯಾಗಿತ್ತು.[ಸೂಕ್ತ ಉಲ್ಲೇಖನ ಬೇಕು] ಕೇವಲ ಒಂದು ಸಂತತಿಯೊಳಗಾಗಿ , ನಿಮಿಷದ ಮುಳ್ಳುಗಳು ಮತ್ತು ನಂತರ ಸೆಕೆಂಡ್ ಮುಳ್ಳುಗಳನ್ನು ಸೇರಿಸಲಾಯಿತು
ಸಮುದ್ರಯಾನದಲ್ಲಿ ನಿಖರವಾಗಿ ಸಮಯಪಾಲನೆ ಮಾಡಲು ಬೇಕಾದ ಪ್ರಮುಖ ಉತ್ತೇಜನವೆಂದರೆ ಗಡಿಯಾರಗಳ ನಿಷ್ಕೃಟತೆ ಮತ್ತು ವಸ್ತು ನಿಷ್ಟತೆಯನ್ನು ಅಭಿವೃದ್ಧಿಗೊಳಿಸುವುದು. ಪ್ರತಿ ದಿನಕ್ಕೆ ಒಂದು ಸೆಕೆಂಡ್ನಷ್ಟ ಅಥವಾ ಗಳಿಕೆಯಂತೆ ಒಂದು ಗಡಿಯಾರವನ್ನು ನಾವಿಕನೊಬ್ಬ ಅನುಸರಿಸುವುದಾದರೆ, ಅವನು ಸಮುದ್ರದ ಮೇಲಿನ ಹಡಗೊಂದರ ಸ್ಥಾನವನ್ನು ನಿಖರವಾಗಿ ನಿರ್ಧರಿಸಬಹುದಾಗಿತ್ತು. ವಾಸ್ತವವಾಗಿ ತೂಗಾಡುವ ಕೆಲಸವನ್ನು ಬಿಟ್ಟರೆ ಈ ಗಡಿಯಾರಗಳಿಗೆ ಲೋಲಕದ ಅವಶ್ಯಕತೆ ಇರಲಿಲ್ಲ. ಯಾವುದೇ ವ್ಯಕ್ತಿ ನಿಖರವಾಗಿ ರೇಖಾಂಶವನ್ನು ಗುರುತಿಸಿ ಹೇಳುವುದಾದಲ್ಲಿ ಆತನಿಗೆ ಒಂದು ದೊಡ್ಡ ಬಹುಮಾನವನ್ನು ಕೊಡುವುದಾಗಿ ಹಲವಾರು ಯೂರೋಪಿನ ಸರ್ಕಾರಗಳು ಘೋಷಿಸಿದವು. ಉದಾಹರಣೆಗೆ, ಗ್ರೇಟ್ ಬ್ರಿಟನ್ 20,000 ಪೌಂಡ್ಗಳನ್ನು ಕೊಡುವುದಾಗಿ ಹೇಳಿತು. ಇದು ಈಗಿನ ಹಲವಾರು ಮಿಲಿಯನ್ ಡಾಲರ್ ಗಳಿಗೆ ಸಮನಾಗಿದೆ.
ತನ್ನ ಜೀವನವನ್ನೇ ಗಡಿಯಾರಗಳ ನಿಷ್ಕೃಷ್ಟತೆಯ ಅಭಿವೃದ್ಧಿಗಾಗಿ ಮುಡಿಪಾಗಿಟ್ಟ ಜಾನ್ ಹ್ಯಾರಿಸನ್ರಿಗೆ ಕಾಲಾಂತರದಲ್ಲಿ 1761 ರಲ್ಲಿ ಈ ಬಹುಮಾನವನ್ನು ಕೊಡಲಾಯಿತು. ಆತನ H5 ಗಡಿಯಾರ ಹತ್ತು ವಾರಗಳಿಗಿಂತ ಹೆಚ್ಚು ಕೆಲಸ ಮಾಡಿದಲ್ಲಿ 5 ಸೆಕೆಂಡ್ಗಳಿಗಿಂತ ಕಡಿಮೆ ತೋರಿಸುತ್ತಿತ್ತು.[24]
ಲೋಲಕ ಗಡಿಯಾರದ ಬಗ್ಗೆ ಇದ್ದ ಉದ್ರೇಕ ಹಲವಾರು ಗಡಿಯಾರ ವಿನ್ಯಾಸಕರನ್ನು ಆಕರ್ಷಿಸಿತು. ಇದು ಗಡಿಯಾರ ಸ್ವರೂಪದ ಮರುರಚನೆಗೆ ಕಾರಣವಾಯಿತು.{1/} ಪ್ರಮುಖವಾಗಿ, ಲೋಲಕ ಮತ್ತು ಇತರ ಭಾಗಗಳನ್ನು ಹೊಂದಿಸಲು ಉದ್ದ ಚೌಕಟ್ಟಿನ ಗಡಿಯಾರಗಳನ್ನು (ಇವುಗಳನ್ನು ಅಜ್ಜನ ಗಡಿಯಾರ ಎಂದೂ ಕರೆಯುವರು) ರಚಿಸಲಾಗಿತ್ತು. 1670 ಅಥವಾ 1671ರಲ್ಲಿ ಈ ವಿಧದ ಗಡಿಯಾರವನ್ನು ರೂಪುಗೊಳಿಸಿದ್ದಕ್ಕೆ ಇಂಗ್ಲೀಷ್ ವಾಚ್ ತಯಾರಕನಾದ ವಿಲಿಯಂ ಕ್ಲೆಮೆಂಟ್ಗೆ ಈ ಕೀರ್ತಿ ಸಲ್ಲುತ್ತದೆ. ಈ ಸಮಯದಲ್ಲಿ ಗಡೀಯಾರಗಳ ಚೌಕಟ್ಟುಗಳನ್ನು ಮರದಿಂದ ಮಾಡಲಾಗುತ್ತಿತ್ತು. ಗಡಿಯಾರದ ಫಲಕಗಳಲ್ಲಿ ಎನಾಮಲ್ ಹಾಗೂ ಕೈಯಿಂದ ಬಣ್ಣ ಹಚ್ಚಿದ ಪಿಂಗಾಣಿಗಳನ್ನು ಉಪಯೋಗಿಸಲಾಗುತ್ತಿತ್ತು.
ನವಂಬರ್ 17, 1797ರಲ್ಲಿ, ಏಲಿ ಟೆರ್ರಿ ಒಂದು ಗಡಿಯಾರಕ್ಕಾಗಿ ಪ್ರಪ್ರಥಮ ಬಾರಿಗೆ ಹಕ್ಕುಪತ್ರ ಪಡೆದನು. ಟೆರ್ರಿಯನ್ನು ಅಮೇರಿಕಾದ ಗಡಿಯಾರ ಕೈಗಾರಿಕೆಯ ಸಂಸ್ಥಾಪಕ ಎಂದು ಕರೆಯಲಾಗಿದೆ.
1840ರಲ್ಲಿ ಸ್ಕಾಟಿಷ್ ಗಡಿಯಾರ ತಯಾರಕನಾದ ಅಲೆಕ್ಸಾಂಡರ್ ಬೈನ್, ತನ್ನ ವಿದ್ಯುತ್ ಗಡಿಯಾರಕ್ಕೆ ಹಕ್ಕುಪತ್ರವನ್ನು ಪಡೆದನು. ವಿದ್ಯುತ್ ಗಡಿಯಾರದ ಮುಖ್ಯ ಸ್ಪ್ರಿಂಗ್ನ್ನು ಒಂದು ವಿದ್ಯುತ್ ಮೋಟಾರ್ ಅಥವಾ ಒಂದು ವಿದ್ಯುತ್ -ಅಯಸ್ಕಾಂತದಿಂದ ಮತ್ತು ಆರಮೇಚರ್ನಿಂದ ಸುತ್ತಲಾಗಿರುತ್ತದೆ. 1841ರಲ್ಲಿ ಈತನು ವಿದ್ಯುತ್ಕಾಂತೀಯ ಲೋಲಕಗಳಿಗೆ ಹಕ್ಕುಪತ್ರವನ್ನು ಮೊದಲ ಬಾರಿಗೆ ಪಡೆದನು.
20ನೇ ಶತಮಾನದಲ್ಲಿ ಎಲೆಕ್ಟ್ರಾನಿಕ್ಸ್ನ ಬೆಳವಣಿಗೆಯೊಂದಿಗೆ ಈ ಯಾವುದೇ ಭಾಗಗಳಿಲ್ಲದ ಗಡಿಯಾರಗಳು ಹುಟ್ಟಿಕೊಂಡವು. ಇವುಗಳಲ್ಲಿ ಸಮಯವನ್ನು ಹಲವಾರು ವಿಧಗಳಲ್ಲಿ ಅಳೆಯಬಹುದಾಗಿದೆ. ಶೃತಿಕವೆಯ ಕಂಪನ, ಕ್ವಾರ್ಟ್ಸ್ ಹರಳುಗಳ ಕಾರ್ಯವಿಧಾನ ಅಥವಾ ಪರಮಾಣುಗಳ ಕ್ವಾಂಟಂ ಕಂಪನ ಮುಂತಾದುವು ಸಮಯವನ್ನು ಅಳೆಯುವ ವಿಧಗಳು. ನಂತರ ಬಂದ ಯಾಂತ್ರಿಕ ಗಡಿಯಾರಗಳಲ್ಲೂ ಸಹ ದೊಡ್ಡ ಬ್ಯಾಟರಿಗಳನ್ನು ಅಳವಡಿಸಲು ಪ್ರಾರಂಭಿಸಿ ಕೀಲಿ ಕೊಡುವ ಪದ್ದತಿಯನ್ನು ಕೈಬಿಡಲಾಯಿತು.
13ನೇ ಶತಮಾನದಲ್ಲಿ ಅವಿಷ್ಕಾರಗೊಂಡ ಯಾಂತ್ರಿಕ ಗಡಿಯಾರಗಳು ಸಮಯಪಾಲನೆಯ ನಿರಂತರ ಪ್ರಕ್ರಿಯೆಗಳಾದ, ಸನ್ಡಯಲ್ನ ಸರಳಿನ ಚಲನೆ, ಜಲಗಡಿಯಾರ, ದಲ್ಲಿ ನೀರಿನ ಹರಿಯುವಿಕೆ, ಪುನರಾವರ್ತಿತ ಆವರ್ತಕ ಕ್ರಿಯೆಗಳಾದ ಲೋಲಕದ ತೂಗಾಟ ಅಥವಾ ಕ್ವಾರ್ಟ್ಸ್ ಹರಳಿ, ನ ಕಂಪಿಸುವಿಕೆ ಮುಂತಾದ ನಿಖರವಾದ ವಿಧಾನಗಳಲ್ಲಿ ಬದಲಾವಣೆಗಳನ್ನು ತರಲು ಆರಂಭಿಸಿತು.[25]
ಎಲ್ಲಾ ಆಧುನಿಕ ಗಡಿಯಾರಗಳಲ್ಲೂ ಆಂದೋಲಕವನ್ನು ಬಳಸಲಾಗುತ್ತದೆ.
ಅವುಗಳಲ್ಲಿನ ಬಳಕೆಯ ವಿಧಗಳು ಭಿನ್ನವಾಗಿದ್ದರೂ, ಎಲ್ಲಾ ಆಂದೋಲನ ಗಡಿಯಾರಗಳು, ಯಾಂತ್ರಿಕ ಹಾಗೂ ಪರಮಾಣು ಗಡಿಯಾರಗಳು ಒಂದೇ ವಿಧವಾಗಿ ಕಾರ್ಯ ನಿರ್ವಹಿಸುತ್ತವೆ ಮತ್ತು ಅವುಗಳನ್ನು ಸಾದೃಶ ಭಾಗಗಳಾಗಿ ವಿಂಗಡಿಸಬಹುದು.[26][27][28] ಅವುಗಳಲ್ಲಿ ಒಂದೇ ರೀತಿಯ ಚಲನೆಯನ್ನು ಪುನರಾವರ್ತನೆ ಮಾಡುವ ಒಂದು ಆವರ್ತಕ ವನ್ನು ಹೊಂದಿರುತ್ತವೆ. ಇದು ನಿಖರವಾದ ಸ್ಥಿರ ಕಾಲಾವಧಿಗಳಲ್ಲಿ ಪ್ರತಿಯೊಂದು ಪುನರಾವರ್ತನೆ ಅಥವಾ "ಹೊಡೆತ"ವನ್ನು ಉಂಟು ಮಾಡುವುದಕ್ಕೆ ಸಹಾಯ ಮಾಡುತ್ತವೆ.
ಆವರ್ತಕಕ್ಕೆ ಹೊಂದಿಕೊಡಿರುವಂತೆ ಒಂದು ನಿಯಂತ್ರಕ ಸಾಧನ ವಿರುತ್ತದೆ. ಘರ್ಷಣೆಯಿಂದ ಕಳೆದುಕೊಂಡ ಶಕ್ತಿಯನ್ನು ಆವರ್ತಕ ಚಲನೆಯಿಂದ ಪಡೆದುಕೊಂಡು, ಈ ಆವರ್ತಕಗಳನ್ನು ಪಲ್ಸ್ಗಳ ಸರಣಿಯಾಗಿ ಪರಿವರ್ತಿಸುತ್ತದೆ. ಈ ಪಲ್ಸ್ಗಳನ್ನು ಒಂದು ಬಗೆಯ ಕೌಂಟರ್ ಗಳು ಸರಪಳಿಯ ಮಾದರಿಯಲ್ಲಿ ಸೇರಿಸಿ, ಕಾಲವನ್ನು ಅನುಕೂಲಕರ ಏಕಮಾನಗಳಾದ ಸೆಕೆಂಡ್, ನಿಮಿಷ, ಗಂಟೆ ಇತ್ಯಾದಿಗಳನ್ನು ವ್ಯಕ್ತಪಡಿಸಲು ಸಹಾಯ ಮಾಡುತ್ತದೆ. ನಂತರ ಕೊನೆಯ ಹಂತದಲ್ಲಿ ಒಂದು ಮಾದರಿಯ ಸೂಚಕವು ಈ ಫಲಿತಾಂಶಗಳನ್ನು ಓದುವ ರೂಪದಲ್ಲಿ ತೋರಿಸುತ್ತವೆ.
ಇದು ಗಡಿಯಾರವು ನಿರಂತರವಾಗಿ ಕೆಲಸಮಾಡಲು ಬೇಕಾದ ಸಾಮರ್ಥ್ಯವನ್ನು ಒದಗಿಸುತ್ತದೆ.
ಗಡಿಯಾರಗಳು ಸತತವಾಗಿ ಕೆಲಸ ಮಾಡಬೇಕಾದ್ದರಿಂದ, ಮುಖ್ಯ ಶಕ್ತಿಯ ಮೂಲದಲ್ಲಿ ತಾತ್ಕಾಲಿಕ ತೊಂದರೆಗಳು ಉಂಟಾದಾಗ ಗಡಿಯಾರ ತನ್ನ ಕೆಲಸವನ್ನು ಮುಂದುವರೆಸಲು ಸಣ್ಣ ಪ್ರಮಾಣದ ಪರ್ಯಾಯ ಶಕ್ತಿಯ ಮೂಲವು ಸಹಾಯ ಮಾಡುತ್ತಿತ್ತು. ಹಳೆಯ ಮಾದರಿಯ ಗಡಿಯಾರಗಳಲ್ಲಿ, ಮುಖ್ಯ ಸ್ಪ್ರಿಂಗ್ನ್ನು ಸುತ್ತಿಟ್ಟಾಗ ಶಕ್ತಿ ನಿರ್ವಹಣಾ ಸ್ಪ್ರಿಂಗ್ ಒಂದು ಗಡಿಯಾರ ಸತತವಾಗಿ ಚಲಿಸುವಂತೆ ಮಾಡುತ್ತಿತ್ತು. ಕ್ವಾರ್ಟ್ಸ್ ಗಡಿಯಾರಗಳನ್ನು ತಾತ್ಕಾಲಿಕವಾಗಿ ಗೋಡೆಯಿಂದ ಇಳಿಸಿದಾಗ ಒಂದು ಚಿಕ್ಕ ಪುನರ್ಚಾಲಿತ ಬ್ಯಾಟರಿ ಯಲ್ಲಿರುವ ಎಸಿ ವಿದ್ಯುತ್ ಗಡಿಯಾರ ಚಲಿಸುವಂತೆ ಮಾಡುತ್ತದೆ.
ಪ್ರತಿಯೊಂದು ಆಧುನಿಕ ಗಡಿಯಾರದಲ್ಲೂ ಸಮಯಪಾಲಕ ಭಾಗವೆಂದರೆ ಸಾಮರಸ್ಯ ಆಂದೋಲಕ. ಇದು ಒಂದು (ಪ್ರತಿಕಂಪನ) ಭೌತಿಕ ಸಾಧನವಾಗಿದ್ದು ಒಂದು ನಿರ್ಧಿಷ್ಟವಾದ ಸ್ಥಿರ ಆವರ್ತಕದಲ್ಲಿ, ಪುನರಾವರ್ತಿತ ಕಂಪನಗಳನ್ನು ಅಥವಾ ಆಂದೋಲನೆಯನ್ನು ಉಂಟು ಮಾಡುವ ಒಂದು ಭಾಗವಾಗಿದೆ.[29]
ಇತರ ಆವರ್ತಕಗಳಿಗಿಂತ ಸಾಮರಸ್ಯ ಆವರ್ತಕದ ಒಂದು ಅನುಕೂಲವೆಂದರೆ, ಇದು ಒಂದು ನಿಖರವಾದ ಸ್ವಾಭಾವಿಕಪ್ರತಿಕಂಪನ ಆವರ್ತಕದಲ್ಲಿ ಪ್ರತಿಕಂಪನ ಗಳನ್ನು ಉಂಟುಮಾಡುತ್ತದೆ ಅಥವಾ ಭೌತಿಕ ಗುಣಲಕ್ಷಣಗಳ ಆಧಾರದ ಮೇಲೆ "ಬಡಿತ" ವನ್ನು ಉಂಟುಮಾಡಿ, ಇತರ ದರಗಳಲ್ಲಿ ಕಂಪಿಸುವುದನ್ನು ತಡೆಯುತ್ತದೆ. ಅಗತ್ಯ ನಿಖರತೆಯನ್ನು ಒಂದು ಸಾಮರಸ್ಯ ಆವರ್ತಕವು Q,[31][32] ಅಥವಾ ಗುಣಮಟ್ಟ ಅಂಶ ಎಂಬ ಪರಿಮಿತಿಯ ಮೂಲಕ ಅಳೆಯುತ್ತದೆ.ಇದು ಪ್ರತಿಕಂಪನದ ಆವರ್ತಕವನ್ನು ಹೆಚ್ಚಿಸುತ್ತದೆ.[33] ಈ ಕಾರಣದಿಂದಲೇ ಉಚ್ಚ ಆವರ್ತಕಗಳ ಗಡಿಯಾರಗಳ ಒಲವು ಧೀರ್ಘ ಕಾಲ ಇದ್ದದ್ದು ಕಂಡು ಬರುತ್ತದೆ. ಸಮತೋಲನ ಚಕ್ರಗಳು ಮತ್ತು ಲೋಲಕಗಳು ಯಾವಾಗಲೂ ಗಡಿಯಾರದ ದರಗಳನ್ನು ಹೊಂದಿಸುವುದಕ್ಕೆ ಕೆಲವು ಸಾಧನಗಳನ್ನೊಳಗೊಂಡಿರುತ್ತವೆ. ಕ್ವಾರ್ಟ್ಸ್ ಗಡಿಯಾರಗಳಲ್ಲಿ ಇದಕ್ಕಾಗಿ ಒಂದು ಕ್ಯಪಾಸಿಟರ್ ಇದ್ದು ಒಂದು ಸ್ಕ್ರೂ ಇದನ್ನು ಹೊಂದಿಸುವಂತೆ ಮಾಡುತ್ತದೆ. ಪರಮಾಣು ಗಡಿಯಾರಗಳು ಪ್ರಾಥಮಿಕ ಗುಣಮಟ್ಟದವುಗಳಾಗಿದ್ದು, ಅವುಗಳ ದರಗಳನ್ನು ಹೊಂದಿಸಲು ಅಸಾಧ್ಯ.
ಕೆಲವು ಗಡಿಯಾರಗಳು ತಮ್ಮ ನಿಷ್ಕೃಷ್ಟತೆಗಾಗಿ ಬಾಹ್ಯ ಆವರ್ತಕಗಳನ್ನು ಅವಲಂಬಿಸಿರುತ್ತವೆ. ಏಕೆಂದರೆ ಅವು ತಮ್ಮಷ್ಟಕ್ಕೆ ತಾವೇ ಏಕೀಭವಿಸಲ್ಪಟ್ಟು ಹೆಚ್ಚು ನಿಷ್ಕೃಷ್ಟತೆಯನ್ನು ಪಡೆಯುತ್ತವೆ:
ಇದು ಆವರ್ತಕಕ್ಕೆ ಅಗತ್ಯ ನೂಕು ಬಲವನ್ನು ಕೊಡುವುದರ ಮೂಲಕ ಘರ್ಷಣೆ ಯಿಂದ ನಷ್ಟವಾದ ಶಕ್ತಿಯನ್ನು ತುಂಬಲು ಮತ್ತು ಇದರ ಕಂಪನಗಳನ್ನು ಕಾಲವನ್ನು ಅಳೆಯಲು ಅನುಕೂಲವಾಗುವಂತೆ ಪಲ್ಸ್ ಗಳಾಗಿ ಪರಿವರ್ತಿಸುವ ದ್ವಂದ್ವ ಕಾರ್ಯವನ್ನು ನಿರ್ವಹಿಸುತ್ತದೆ.
ಯಾಂತ್ರಿಕ ಗಡಿಯಾರಗಳಲ್ಲಿ ಸಮತೋಲನ ಚಕ್ರದ ಅಥವಾ ಲೋಲಕ ಆವರ್ತಕದ ಕಡಿಮೆ 0}Qಯು ವಿಮೋಚನಾ ಸಹ್ನೆಗಳ ಅಡಚಣಾ ಪರಿಣಾಮಗಳಿಗೆ ಸೂಕ್ಷ್ಮ ಗ್ರಾಹಿಗಳಾಗಿರುತ್ತವೆ. ಆದ್ದರಿಂದ ವಿಮೋಚನೆಯು ಗಡಿಯಾರದ ನಿಷ್ಕೃಷ್ಟತೆಯ ಮೇಲೆ ದೊಡ್ಡ ಪರಿಣಾಮವನ್ನುಂಟು ಮಾಡುವುದತ್ತದೆ. ಈ ಕಾರಣದಿಂದ ಅನೇಕ ವಿಮೋಚನಾ ವಿನ್ಯಾಸಗಳನ್ನು ರಚಿಸಲು ಪ್ರಯತ್ನಿಸಲಾಯಿತು. ಎಲೆಕ್ಟ್ರಾನಿಕ್ ಗಡಿಯಾರಗಳಲ್ಲಿ ಪ್ರತಿಕಂಪನಗಳ ಹೆಚ್ಚು Q ಬೆಲೆಯು ಅವುಗಳನ್ನು ಅಡಚಣಾ ಪರಿಣಾಮಗಳ ಚಾಲನ ಶಕ್ತಿಗೆ ಸಾಪೇಕ್ಷವಾಗಿ ಸೂಕ್ಷ್ಮತೆಯಾನ್ನು ತೋರುವುದಿಲ್ಲ. ಆದ್ದರಿಂದ ಚಾಲನಾ ಆವರ್ತಕ ಮಂಡಲವು ಕಡಿಮೆ ಕ್ರಾಂತಿ ಘಟಕವನ್ನು ಹೊಂದಿರುತ್ತದೆ.[29]
ಇದು ಪಲ್ಸ್ಗಳನ್ನು ಲೆಕ್ಕ ಮಾಡುವುದಲ್ಲದೆ, ಸಾಂಪ್ರದಾಯಿಕ ಕಾಲದ ಏಕಮಾನಗಳಾದ, ಸೆಕೆಂಡ್ಗಳು ನಿಮಿಷಗಳು, ಗಂಟೆಗಳು ಇತ್ಯಾದಿಗಳನ್ನು ಪಡೆಯಲು ಪಲ್ಸ್ಗಳನ್ನು ಸೇರಿಸುತ್ತವೆ. ಇದು ಸಾಮಾನ್ಯವಾಗಿ ಗಡಿಯಾರದಲ್ಲಿ ಸಮಯವನ್ನು ಕೌಂಟರ್ನ ಸಹಾಯದಿಂದ ಹೊಂದಿಸಲು ಸಹಾಯ ಮಾಡುತ್ತದೆ.
ಇದು ಸೆಕೆಂಡ್, ನಿಮಿಷ ಮತ್ತು ಗಂಟೆಗಳು ಇತ್ಯಾದಿಗಳನ್ನು ನಾವು ಓದಬಹುದಾದ ರೂಪದಲ್ಲಿ ತೋರಿಸುತ್ತದೆ.
ಈ ದಿನದ ಬಹುತೇಕ ಗಡಿಯಾರಗಳು ಘಂಟೆ ಹೊಡೆಯುವ ಗಡಿಯಾರಗಳಾಗಿದ್ದು ಗಂಟೆಯನ್ನು ಮಾತ್ರ ಸೂಚಿಸುತ್ತವೆ.
ಗಡಿಯಾರಗಳು ಸಮಯವನ್ನು ತೋರಿಸುವ ಹಾಗೂ ಸಮಯಪಾಲನಾ ವಿಧಾನದ ಆಧಾರದ ಮೇಲೆ ಅವುಗಳನ್ನು ಹಲವಾರು ವಿಧಗಳಾಗಿ ವಿಂಗಡಿಸಲಾಗಿದೆ.
ಸದೃಶ ಗಡಿಯಾರಗಳು ಸಾಮಾನ್ಯವಾಗಿ ಕೋನಗಳ ಮುಖಾಂತರ ಕಾಲವನ್ನು ಸೂಚಿಸುತ್ತವೆ. ಅತ್ಯಂತ ಹೆಚ್ಚು ಬಳಕೆಯಲ್ಲಿರುವ ಕ್ಲಾಕ್ ಫೇಸ್ಗಳಲ್ಲಿ ನಿಗಧಿತ ಸಂಖ್ಯೆಯ ಡಯಲ್ ಅಥವಾ ಡಯಲ್ಗಳು ಹಾಗೂ ಚಲಿಸುವ ಮುಳ್ಳು ಅಥವಾ ಮುಳ್ಳುಗಳನ್ನು ಬಳಸಲಾಗಿರುತ್ತದೆ. ಸಾಮಾನ್ಯವಾಗಿ ಇದು 12 ಗಂಟೆಗಳ ಒಂದು ವೃತ್ತಾಕಾರದ ಅಳತೆ ಪಟ್ಟಿಯನ್ನು ಹೊಂದಿತ್ತು. ಒಂದು ವೇಳೆ ಇದಕ್ಕೆ ಸೆಕೆಂಡ್ ಮುಳ್ಳು ಇದ್ದಲ್ಲಿ, ಇದು 60 ನಿಮಿಷಗಳ ಮತ್ತು 60 ಸೆಕೆಂಡ್ಗಳ ಅಳತೆ ಪಟ್ಟಿಯಾಗಿ ಕೆಲಸ ಮಾಡುತ್ತಿತ್ತು. ಅನೇಕ ವರ್ಷಗಳಿಂದಲೂ 6, 8, 10, ಮತ್ತು 24 ಗಂಟೆಗಳಾಗಿ ವಿಭಜಿಸಿದ ಡಯಲ್ಗಳುಳ್ಳ ವಿವಿಧ ವಿನ್ಯಾಸಗಳ ಗಡಿಯಾರಗಳು ಬಳಕೆಯಲ್ಲಿವೆ. ವ್ಯಾಪಕವಾಗಿ ಬಳಸಲಾಗುತ್ತಿರುವ ಏಕೈಕ ಗಡಿಯಾರ ಫಲಕವೆಂದರೆ 24 ಗಂಟೆಗಳ ಅನಲಾಗ್ ಡಯಲ್, ಏಕೆಂದರೆ ಇದನ್ನು ಮಿಲಿಟರಿ ಸಂಸ್ಥೆಗಳಲ್ಲಿ ಮತ್ತು ವೇಳಾಪಟ್ಟಿಗಳಲ್ಲಿ 24 ಗಂಟೆಗಳಕಾಲ ಬಳಸಲಾಗುತ್ತದೆ. ಫ್ರೆಂಚ್ ಕ್ರಾಂತಿಯ ಸಮಯದಲ್ಲಿ ಕಾಲಮಾನವನ್ನು ಅಳೆಯಲು ಮೆಟ್ರಿಕ್ ಪದ್ದತಿಯನ್ನು ಬಳಸುತ್ತಿದ್ದಾಗ 10-ಗಂಟೆಯ ಗಡಿಯಾರ ಸ್ವಲ್ಪಕಾಲ ಜನಪ್ರಿಯವಾಗಿತ್ತು. 18ನೇ ಶತಮಾನದಲ್ಲಿ ಶಕ್ತಿಯನ್ನು ಉಳಿಸುವ ಸಲುವಾಗಿ ಇಟಲಿಯಲ್ಲಿ 6 ಗಂಟೆಯ ಗಡಿಯಾರವನ್ನು ಕಂಡುಹಿಡಿಯಲಾಯಿತು (ಏಕೆಂದರೆ 24 ತೋರಿಸುವ ಗಡಿಯಾರವು ಹೆಚ್ಚು ಶಕ್ತಿ ಬಲಸಿಕೊಳ್ಳುತ್ತಿತ್ತು)
ಸನ್ಡಯಲ್, ಸದೃಶ ಗಡಿಯಾರದ ಇನ್ನೊಂದು ವಿಧ. ಇದು ಸೂರ್ಯನ ಬೆಳಕಿನ ಜಾಡನ್ನೇ ನಿರಂತರವಾಗಿ ಹಿಡಿದು ಅದರ ಸರಳಿನ ನೆರಳಿನ. ಸ್ಥಾನದ ಆಧಾರದ ಮೇಲೆ ಸಮಯವನ್ನು ದಾಖಲಿಸುತ್ತದೆ. ಸನ್ಡಯಲ್ಗಳು ಕೆಲವು ಅಥವಾ 24ಗಂಟೆಗಳ ಭಾಗದ ಸದೃಶ ಡಯಲ್ ಗಳನ್ನು ಬಳಸಿಕೊಳ್ಳುತ್ತವೆ. ಅನಲಾಗ್ ಯಾಂತ್ರಿಕತೆಯ ಹೊರತಾಗಿಯೂ ಡಿಜಿಟಲ್ ಪ್ರಾದರ್ಶಿಕೆಯನ್ನು ಹೊಂದಿರುವ ಗಡಿಯಾರಗಳಿವೆ-ಈ ಗಡಿಯಾರಗಳನ್ನು ಫ್ಲಿಪ್ ಗಡಿಯಾರಗಳು ಎನ್ನುವರು.
ಪರ್ಯಾಯ ವ್ಯವಸ್ಥೆಗಳ ಪ್ರಸ್ತಾಪನೆಯನ್ನು ಈಗಾಗಲೇ ಮುಂದಿಡಲಾಗಿದೆ. ಉದಾಹರಣೆಗೆ, ಬಳಸಲಾಗುವ ಹನ್ನೆರಡು ಬಣ್ಣಗಳಲ್ಲಿ ಒಂದು ಹನ್ನೆರಡು ಗಂಟೆಯನ್ನು ಸೂಚಿಸಿದರೆ, ವೃತ್ತಾಕಾರದ ಫಲಕದ ಅನುಪಾತವು ಚಂದ್ರನ ಹಂತ.ದಂತೆ ನಿಮಿಷವನ್ನು ಸೂಚಿಸುತ್ತದೆ.
ಡಿಜಿಟಲ್ (ಅಂಕೀಯ) ಗಡಿಯಾರಗಳು ಸಂಖ್ಯೆಯನ್ನು ಬಿಂಬಿಸುವ ಸಮಯವನ್ನು ಪ್ರದರ್ಶಿಸುತ್ತವೆ. ಸಾಮಾನ್ಯವಾಗಿ ಡಿಜಿಟಲ್ ಗಡಿಯಾರಗಳಲ್ಲಿ ಎರಡು ಸಂಖ್ಯಾ ಪ್ರದರ್ಶನದ ರಚನೆಯನ್ನು ಉಪಯೋಗಿಸಲಾಗುತ್ತದೆ:
ಬಹುತೇಕ ಡಿಜಿಟಲ್ ಗಡಿಯಾರಗಳು ಎಲ್ಸಿಡಿ, ಎಲ್ಇಡಿ, ಅಥವಾ ವಿಎಫ್ಡಿ ಪ್ರದರ್ಶನಗಳನ್ನು ಉಪಯೋಗಿಸುತ್ತವೆ; ಇವಲ್ಲದೆ ಬಹುತೇಕ ಇತರ ಪ್ರದರ್ಶನಾ ತಾಂತ್ರಿಕತೆಯನ್ನು ಸಹ ಉಪಯೋಗಿಸಲಾಗುತ್ತದೆ (ಕ್ಯಾಥೋಡ್ ರೇ ಟ್ಯೂಬುಗಳು, ನಿಕ್ಸಿ ಟ್ಯೂಬುಗಳು, ಮುಂತಾದವು.). ಮರುಸರಿಪಡಿಸಿದ, ಬ್ಯಾಟರಿ ಬದಲಿಸಿದ ಅಥವಾ ವಿಧ್ಯುತ್ ಶಕ್ತಿಯ ವೈಪಲ್ಯದ ನಂತರ, ಪರ್ಯಾಯ ಬ್ಯಾಟರಿ ಅಥವಾ ಕೆಪಾಸಿಟರ್ ಇಲ್ಲದ ಡಿಜಿಟಲ್ ಗಡಿಯಾರಗಳು 12:00 ರಿಂದ ಎಣಿಕೆಮಾಡುವಿಕೆಯನ್ನಾದರೂ ಪ್ರಾರಂಭಿಸುತ್ತವೆ, ಅಥವಾ 12:00ರಲ್ಲೇ ನಿಲ್ಲುತ್ತವೆ, ಆಗಾಗ್ಗೆ ಮಿಟಿಕಿಸುವ ಸಂಖ್ಯೆಗಳು ಸಮಯವನ್ನು ಮರು ಸರಿಪಡಿಸುವ ಅಗತ್ಯವಿದೆ ಎಂಬುದನ್ನು ಸೂಚಿಸುತ್ತವೆ. ಕೆಲವು ಆಧುನಿಕ ಗಡಿಯಾರಗಳು ನಿಜವಾಗಿಯು ತಾವಾಗಿಯೇ ಮರು ಸರಿಪಡಿಸಿಕೊಳ್ಳುತ್ತವೆ, ಈ ಪ್ರಕ್ರಿಯೆಗೆ ಇವು ರಾಷ್ಟ್ರೀಯ ಅಟೋಮಿಕ್ ಗಡಿಯಾರಗಳಿಗೆ ಟ್ಯೂನ್ (ಏಕರಸವಾಗಿರುವಂತೆ) ಮಾಡಿದ ಆಕಾಶವಾಣಿ ಅಥವಾ ಅಂತರಜಾಲ ಸಮಯ ಸರ್ವರ್ಗಳನ್ನು ಆಧರಿಸುತ್ತವೆ. ಪ್ರಚಲಿತ ಪ್ರವೃತ್ತಿಯಲ್ಲಿನ ಡಿಜಿಟಲ್ ಗಡಿಯಾರಗಳ ಬಿಡುಗಡೆಯಿಂದ, ಅನಲಾಗ್ (ಸದೃಶ) ಗಡಿಯಾರಗಳ ಉಪಯೋಗವು ಮಹತ್ತರವಾಗಿ ಕ್ಷೀಣಿಸಿತು.
ಅಂತರದ, ದೂರಶ್ರವಣದ ಅಥವಾ ಕುರುಡುತನದ, ಅನುಕೂಲತೆಗಾಗಿ ಶ್ರವಣೇಂದ್ರಿಯದ ಗಡಿಯಾರಗಳು ಸಮಯವನ್ನು ಶಬ್ದದ ರೂಪದಲ್ಲಿ ಪ್ರದರ್ಶಿಸುತ್ತವೆ. ಸಮಯವನ್ನು ಸಹಜ ಭಾಷೆಯಲ್ಲಾದರೂ ಹೇಳಲಾಗುವುದು, (ಉ.ದಾ. "ಇದೀಗ ಸಮಯ ಹನ್ನೆರಡು ಗಂಟೆ ಮೂವತ್ತೈದು ನಿಮಿಷಗಳು"), ಅಥವಾ ಶ್ರವಣೇಂದ್ರಿಯದ ಸಂಕೇತಗಳಲ್ಲಾದರೂ ಹೇಳಲಾಗುವುದು (ಉ.ದಾ. ಬಿಗ್ ಬೆನ್ ಗಂಟೆಯ ಮಾದರಿಯಲ್ಲಿ, ಆ ಗಳಿಗೆಯಲ್ಲಿ ಹೊರಡಿದ ಅನುಕ್ರಮದ ಗಂಟೆ ರಿಂಗ್ (ಶಬ್ದ)ಗಳ ಸಂಖ್ಯೆಯು ಆಗಿನ ಗಂಟೆಯ (ತಾಸು) ಸಂಖ್ಯೆಯನ್ನು ಸೂಚಿಸುತ್ತದೆ. ಬಹುತೇಕ ಟೆಲಿಕಮ್ಯುನಿಕೇಷನ್ (ದೂರ ಸಂಭಾಷಣೆಯ) ಸಂಸ್ಥೆಗಳು ಸಹ ಮಾತನಾಡುವ ಗಡಿಯಾರದ ಸೇವೆಯನ್ನು ಕೂಡ ಒದಗಿಸುತ್ತವೆ.
ಗಡಿಯಾರಗಳು ಮನೆಗಳಲ್ಲಿ, ಕಛೇರಿಗಳಲ್ಲಿ ಮತ್ತು ಬಹುತೇಕ ಇತರ ಸ್ಥಳಗಳಲ್ಲಿ ಇರುತ್ತವೆ; ಚಿಕ್ಕ ಗಡಿಯಾರಗಳನ್ನು (ಕೈಗಡಿಯಾರಗಳು) ಕೈಯ ಮಣಿಕಟ್ಟಿಗೆ ಕಟ್ಟಿಕೊಳ್ಳಲಾಗುತ್ತದೆ; ದೊಡ್ಡ ಗಡಿಯಾರಗಳು ಸಾರ್ವಜನಿಕ ಸ್ಥಳಗಳಲ್ಲಿ ಇರುತ್ತವೆ, ಉ.ದಾ. ರೈಲು ನಿಲ್ದಾಣ ಅಥವಾ ಚರ್ಚ್ (ಕ್ರೈಸ್ತ ದೇವಾಲಯ). ಚಿಕ್ಕ ಗಡಿಯಾರವನ್ನು ಹೆಚ್ಚಾಗಿ ಗಣಕ ಯಂತ್ರದ ಪ್ರದರ್ಶನಾ ಪರದೆಗಳ, ಮೊಬೈಲ್ ಫೋನ್ಗಳ ಮತ್ತು ಬಹುತೇಕ ಎಮ್ಪಿ3 ಪ್ಲೇಯರ್ಗಳ ಒಂದು ಬದಿಯಲ್ಲಿ ಕಾಣಬಹುದಾಗಿದೆ.
ಗಡಿಯಾರವನ್ನು ಯಾವಾಗಲೂ ಸಮಯವನ್ನು ಪ್ರದರ್ಶಿಸಲು ಮಾತ್ರ ಉಪಯೋಗಿಸಲಾಗುವುದಿಲ್ಲ. ಇದನ್ನು ಯಾವುದೇ ಒಂದು ಸಾಧನವನ್ನು ಸಮಯದ ಪ್ರಕಾರ ನಿಯಂತ್ರಿಸಲು ಸಹ ಉಪಯೋಗಿಸಲಾಗುತ್ತದೆ, ಉ.ದಾ. ಎಚ್ಚರಿಕೆಯ ಗಡಿಯಾರ, ವಿಸಿಆರ್, ಅಥವಾ ಟೈಮ್ ಬಾಂಬ್ (ಕೌಂಟರ್: ನೋಡಿ). ಅದಾಗ್ಯೂ, ಈ ಪ್ರಕರಣದಲ್ಲಿ, ಇದನ್ನು ಗಡಿಯಾರ ಅನ್ನುವುದಕ್ಕಿಂತಲೂ ಟೈಮರ್ ಅಥವಾ ಟ್ರಿಗ್ಗೆರ್ (ಘಟನಾವಳಿಯನ್ನು ಪ್ರಚೋದಿಸುವ) ಯಂತ್ರಕ್ರಿಯೆ ಎಂದು ಸೂಚಿಸುವುದು ಬಹಳ ಸಮಂಜಸವಾಗಿರುತ್ತದೆ.
ಗಣಕಯಂತ್ರಗಳು ಸಮಕಾಲಿತ ಕಾರ್ಯಗತಿಯನ್ನು ಒದಗಿಸಲು ಆಂತರಿಕ ಗಡಿಯಾರ ಸಿಗ್ನಲ್ (ಸೂಚಕ)ಗಲನ್ನು ಅವಲಂಭಿಸುತ್ತವೆ. (ಕೆಲವು ಪರಿಶೋಧನೆಯ ಯೋಜನೆಗಳು ಅಸಮಕಾಲೀನ ಸರ್ಕ್ಯೂಟ್ಗಳ ಆಧಾರಿತ ಸಿಪಿಯುಗಳನ್ನು ಅಭಿವೃದ್ಧಿಪಡಿಸುತ್ತಿವೆ.) ಕೆಲವು ಗಣಕಯಂತ್ರಗಳು ಎಲ್ಲಾ ರೀತಿಯ ಕಾರ್ಯಗಳಿಗೆ ಸಮಯ ಮತ್ತು ದಿನಾಂಕಗಳನ್ನು ಸೂಚಿಸುವಿಕೆಯನ್ನು ಪಾಲಿಸುತ್ತವೆ, ಇವನ್ನು ಎಚ್ಚರಿಕಾ ಗಂಟೆಗಳಾಗಿ, ಘಟನೆಯ ಆರಂಭದ ಸೂಚಕಗಳಾಗಿ ಅಥವಾ ಕೇವಲ ಸಮಯ ಮತ್ತು ದಿನವನ್ನು ಪ್ರದರ್ಶಿಸಲು ಹೊಂದಿರುತ್ತವೆ. ಸಾಮಾನ್ಯವಾಗಿ ಗಣಕಯಂತ್ರದ ಆಂತರಿಕ ಗಡಿಯಾರವು ಒಂದು ಸಣ್ಣ ಬ್ಯಾಟರಿಯ ಮೂಲಕ ಚಲಿಸುತ್ತದೆ. ಬಹುತೇಕ ಗಣಕಯಂತ್ರಗಳು ಆಂತರಿಕ ಗಡಿಯಾರದ ಬ್ಯಾಟರಿ ಮುಗಿದುಹೋಗಿದ್ದರೂ ಕಾರ್ಯನಿರ್ವಹಿಸುವುದನ್ನು ಮುಂದುವರೆಸುತ್ತವೆ, ಆದರೆ ಗಣಕಯಂತ್ರವನ್ನು ಮರು ಪ್ರಾರಂಭಿಸಿದ ಪ್ರತೀಸಲ ಗಣಕಯಂತ್ರದ ಗಡಿಯಾರವನ್ನು ಸಹ ಮತ್ತೆ ಸರಿಗೊಳಿಸಬೇಕಾಗುತ್ತದೆ, ಇದಕ್ಕೆ ಕಾರಣ ವಿದ್ಯುತ್ಶಕ್ತಿಯ ಸರಬರಾಜು ನಿಂತುಹೋದ ಕೂಡಲೇ ಗಡಿಯಾರವು ಸಹ ನಿಂತುಹೋಗುತ್ತದೆ.
ಅತ್ಯುತ್ತಮ ಗಡಿಯಾರವು ಒಂದು ವೈಜ್ಞಾನಿಕ ಮೂಲತತ್ವವಾಗಿದ್ದು ಅದು ಸ್ವಾಭಾವಿಕ ಪ್ರಕ್ರಿಯೆಗಳ ಪ್ರಮಾಣದ ಅಳತೆಯನ್ನು ಮಾಡುತ್ತದೆ, ಮತ್ತು ಅದರಿಂದ ಭೌತಿಕ ಸಿದ್ಧಾಂತಗಳಲ್ಲಿನ ಉಪಯೋಗಕ್ಕಾಗಿ ಸಮಯದ ಮಾನ (ಅಂಕೆ)ಯನ್ನು ನೀಡುತ್ತದೆ.[ಸೂಕ್ತ ಉಲ್ಲೇಖನ ಬೇಕು] ಆದ್ದರಿಂದ, ಯಾವುದೇ ಭೌತಿಕ ಸಿದ್ಧಾಂತದ ರೂಪದಲ್ಲಿ ಅತ್ಯುತ್ತಮ ಗಡಿಯಾರದ ವಿವರಣೆಯನ್ನು ಮಾಡಲು ಅದು ವರ್ತುಲಾಕಾರದಲ್ಲಿ ಇರುವಂತಹದಾಗಿರುತ್ತದೆ. ಒಂದು ಅತ್ಯುತ್ತಮ ಗಡಿಯಾರವನ್ನು ಎಲ್ಲಾ ಭೌತಿಕ ಪ್ರಕ್ರಿಯೆಗಳ ಸಮೂಹದೊಂದಿಗಿನ ಸಂಬಂಧದಲ್ಲಿ ಅತ್ಯಂತ ಸೂಕ್ತವಾಗಿ ಉಲ್ಲೇಖಿಸಲಾಗುವುದು.
ಇದರಿಂದ ಪಡೆದ ಕೆಲವು ವ್ಯಾಖ್ಯಾನಗಳು ಕೆಳಗಿನಂತಿವೆ:
ಪುನರಾವೃತ್ತಿಯ, ಆವರ್ತಕ ಪ್ರಕ್ರಿಯೆಯು (ಉ.ದಾ. ತಾಳಮಾಪಕ ಯಂತ್ರ) ತೂಗಾಡುವಂತಹದ್ದಾಗಿರುತ್ತದೆ ಮತ್ತು ಅದು ಸಾಂಕೇತಿಕವಾಗಿ ಗಡಿಯಾರದ ಸಿಗ್ನಲ್ (ಸೂಚಕ) ಗಳನ್ನು ಉತ್ಪತ್ತಿಮಾಡುತ್ತದೆ. ಕೆಲವುಸಲ ಆ ಸೂಚಗಳನ್ನೇ (ಗೊಂದಲದಲ್ಲಿ) "ಗಡಿಯಾರ" ಎಂದು ಕರೆಯಲಾಗುತ್ತದೆ, ಆದರೆ ಕೆಲವುಸಲ "ಗಡಿಯಾರವು" ಪರಿಗಣಕ, ಅದರ ಸೂಚಕ, ಮತ್ತು ಅದನ್ನು ಬೆಂಬಲಿಸುವ ಇತರ ಎಲ್ಲವನ್ನೂ ಒಳಗೊಂಡಿರುತ್ತದೆ.
ಚಿಕ್ಕ ಮತ್ತು ಅತೀಚಿಕ್ಕ ದೋಷ ಸೈರಣೆಗಳ ಅನುಕ್ರಮ ಮಟ್ಟಗಳ ಪರಿಗಣನೆಯಿಂದ ಮುಂದೆ ಈ ವಿವರಣೆಯನ್ನು ಇನ್ನೂ ಸುಧಾರಿಸಬಹುದಾಗಿದೆ. ಎಲ್ಲಾ ಭೌತಿಕ ಪ್ರಕ್ರಿಯೆಗಳನ್ನು ಸಮೀಕ್ಷಿಸಲು ಸಾಧ್ಯವಾಗದಿದ್ದಾಗ, ವಿವರಣೆಯು, ಪರಿಗಣನೆಗೆ ಸೂಚಿಸಲ್ಪಟ್ಟ ಎಲ್ಲಾ ಪ್ರತ್ಯೇಕ ಭೌತಿಕ ಪ್ರಕ್ರಿಯೆಗಳನ್ನು ಒಳಗೊಂಡ ಭೌತಿಕ ಪ್ರಕ್ರಿಯೆಗಳ ಸಮೂಹವನ್ನು ಆಧಾರಿಸಿರಬೇಕು. ಪರಮಾಣುಗಳು ಬಹುಸಂಖ್ಯಾತ ಆಗಿದ್ದರಿಂದ ಮತ್ತು ಪ್ರಚಿಲಿತ ಅಳತೆಯ ಪರಿಮಾಣಗಳಲ್ಲಿನ ಅವೆಲ್ಲವುಗಳ ಹೊಡೆತದ ಮಾದರಿಯು, ಒಂದು ಆವರ್ತಕವಾಗಿ ಆಯ್ಕೆಯಾದರೆ ಉಳಿದ ಎಲ್ಲವೂ ಸಹ ಅವರ್ತಕಗಳಾಗಿ ಪರಿಗಣಿಸಲ್ಪಡುವಂತೆ ಇರುವುದರಿಂದ, ಇದು ಪ್ರಸ್ತುತ ಅಳತೆಯ ಪರಿಮಾಣಗಳಲ್ಲಿ ಮತ್ತು ಎಲ್ಲಾ ಪ್ರಚಲಿತ ಭೌತಿಕ ಪ್ರಕ್ರಿಯೆಗಳಲ್ಲಿ ಅಟೋಮಿಕ ಗಡಿಯಾರಗಳು ಅತ್ಯುತ್ತಮ ಗಡಿಯಾರಗಳಾಗಿ ಪ್ರತಿಬಿಂಬಿಸುವುದನ್ನು ಅನುಸರಿಸುತ್ತದೆ. ಅದಾಗ್ಯೂ, ಅವನ್ನು ಆ ರೀತಿ ನಿಯೋಜಿಸಲು ಒಪ್ಪಿಗೆ ಇರಲಿಲ್ಲ. ಆದರೆ, ಅವನ್ನು ಪ್ರಸ್ತುತ ಅತ್ಯುತ್ತಮ ಗಡಿಯಾರ ಎಂದು ಹೆಸರಿಸಲಾಗಲು ಕಾರಣ ಅವು ವಿವರಣೆಯ ಪ್ರಸ್ತುತ ಇರುವ ಅತ್ಯುತ್ತಮ ದೃಷ್ಟಾಂತಗಳಾಗಿವೆ.
ನಾವೆಗಳಿಂದ ಮತ್ತು ವಿಮಾನಗಳಿಂದ ನೌಕಾಯಾನದಲ್ಲಿನ ಬಳಕೆಯು, ಆಕ್ಷಾಂಶರೇಖೆ ಮತ್ತು ರೇಖಾಂಶಗಳನ್ನು ಅಳೆಯುವ ಸಾಮರ್ಥ್ಯದ ಮೇಲೆ ಆಧಾರವಾಗಿರುತ್ತದೆ. ಆಕ್ಷಾಂಶರೇಖೆಯನ್ನು ಬಾನಿನ ನೌಕಾಯಾನದ ಮೂಲಕ ಸುಲಭವಾಗಿ ದೃಢೀಕರಿಸಬಹುದಾಗಿದೆ, ಆದರೆ ರೇಖಾಂಶವನ್ನು ಅಳೆಯುವಿಕೆಗೆ, ಸಮಯದ ಖಚಿತವಾದ ಅಳತೆಯ ಅಗತ್ಯವಿದೆ. ಈ ಅವಶ್ಯಕತೆಯು ಸೂಕ್ಷ್ಮ ಯಾಂತ್ರಿಕ ಗಡಿಯಾರಗಳ ಅಭಿವೃದ್ಧಿಗೆ ಬಹಳ ಮುಖ್ಯ ಪ್ರೇರಣೆಯಾಗಿತ್ತು. ಜಾಹ್ನ್ ಹರಿಸನ್ 18ನೆಯ ಶತಮಾನದಲ್ಲಿ ಮೊದಲ ಅತ್ಯಂತ ನಿಖರವಾದ ಮರೈನ್ ಕ್ರೋನೊಮೀಟರನ್ನು ಸೃಷ್ಟಿಸಿದರು. ಕೇಪ್ ಪಟ್ಟಣದಲ್ಲಿನ ನೂನ್ ಗನ್ ಇನ್ನು ಸಹ ನಿಖರ ಸಿಗ್ನಲ್ (ಸಂಕೇತ) ಹಾರಿಸಿ, ನಾವೆಗಳ ಕ್ರೋನೋಮೀಟರುಗಳ ನಿಯಂತ್ರಣಕ್ಕೆ ಸಹಾಯವಾಗುತ್ತದೆ.
ಆಕಾಶವಾಣಿ ಸಿಗ್ನಲ್ಗಳನ್ನು ಉತ್ಪತ್ತಿಮಾಡುವ ಉಪಗ್ರಹಗಳಲ್ಲಿ ಅಟೋಮಿಕ್ ಗಡಿಯಾರದ ಉಪಯೋಗವು, ಜಿಪಿಯಸ್ (ಗ್ಲೋಬಲ್ ಪೊಸಿಷನಿಂಗ್ ಸಿಸ್ಟೆಮ್) ವಾಯುಯಾನ ಸಾಧನಗಳ ಕ್ರಿಯೆಗೆ ಮೂಲಭೂತವಾಗಿದೆ.
ಭೂಕಂಪದ ಸ್ಥಳವನ್ನು ಖಚಿತಪಡಿಸುವುದು, ಹಾಗು ಕನಿಷ್ಟ ನಾಲ್ಕು ದಿಕ್ಕುಗಳಲ್ಲಿನ ವೀಕ್ಷಕರಿಂದ ಅನೇಕ ವಿವಿಧ ಭೂಕಂಪದ ಅಲೆಗಳ ಸಂಭವಿಸುವ ಸಮಯವನ್ನು ದಾಖಲಿಸುವಿಕೆಯು, ಪ್ರತಿಯೊಬ್ಬ ವೀಕ್ಷಕ ಸಾಮಾನ್ಯ ಗಡಿಯಾರದ ಪ್ರಕಾರ ಅಲೆಯ ಸಂಭವಿಸುವ ಸಮಯವನ್ನು ದಾಖಲಿಸುವುದರ ಮೇಲೆ ಆಧಾರವಾಗಿರುತ್ತದೆ.
ಯಾಂತ್ರಿಕತೆಯ ಆಧರಿಸಿ: | ಕಾರ್ಯವನ್ನು ಆಧರಿಸಿ: | ಶೈಲಿಯನ್ನು ಆಧರಿಸಿ: |
|
|
|
|
|
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.