ಲೂಯಿಸಿಯಾನ
From Wikipedia, the free encyclopedia
From Wikipedia, the free encyclopedia
ಲೂಯಿಸಿಯಾನ (/[unsupported input]luːˌiːziˈænə/ ಅಥವಾ /[unsupported input]ˌluːziˈænə/; French: État de Louisiane, [lwizjan] ( ); ಲೂಯಿಸಿಯಾನ ಕ್ರೆಒಲೇ: ಲೇಟ ಡೆ ಲ ಲ್ವಿಜ್ಯನ್) ಎಂಬುದು ಅಮೇರಿಕ ಸಂಯುಕ್ತ ಸಂಸ್ಥಾನದ ದಕ್ಷಿಣ ಭಾಗದಲ್ಲಿ ನೆಲೆಯಾಗಿರುವ ಒಂದು ರಾಜ್ಯ. ಬೇಟನ್ ರೂಜ್ ಇದರ ರಾಜಧಾನಿಯಾಗಿದ್ದು ನ್ಯೂ ಆರ್ಲಿಯನ್ಸ್ ಲೂಯಿಸಿಯಾನಾದ ಅತ್ಯಂತ ದೊಡ್ಡ ನಗರವೆನಿಸಿದೆ. ಪ್ಯಾರಿಷ್ ಎಂದು ಕರೆಯಲ್ಪಡುವ ರಾಜಕೀಯ ಉಪವಿಭಾಗಗಳನ್ನು ಹೊಂದಿರುವ U.S.ನ ಏಕೈಕ ರಾಜ್ಯ ಲೂಯಿಸಿಯಾನ , ಈ ಪ್ಯಾರಿಷ್ ಗಳು ಕೌಂಟಿಗಳಿಗೆ ಸಮಾನಾಂತರವಾದ ಸ್ಥಳೀಯ ಆಡಳಿತವನ್ನು ನಡೆಸುತ್ತವೆ. ಸಂಖ್ಯಾ ದೃಷ್ಟಿಯಿಂದ ಜೆಫ್ಫೆರ್ಸನ್ ಪ್ಯಾರಿಷ್ ಅತ್ಯಂತ ದೊಡ್ಡ ಜಿಲ್ಲೆ(ಪ್ಯಾರಿಷ್) ಎನಿಸಿಕೊಂಡರೆ, ಕ್ಯಾಮೆರೋನ್ ಪ್ಯಾರಿಷ್ ಅತ್ಯಂತ ವಿಸ್ತಾರವಾದ ಭೂಪ್ರದೇಶವನ್ನು ಹೊಂದಿದೆ.
State of Louisiana État de Louisiane Léta de la Lwizyàn | |
ಅಧಿಕೃತ ಭಾಷೆ(ಗಳು) | De jure: None De facto: English and French |
Demonym | Louisianan, Louisianais (French) Lwizyané(èz) (Creole) |
ರಾಜಧಾನಿ | Baton Rouge |
ಅತಿ ದೊಡ್ಡ ನಗರ | New Orleans[1][2][3] |
ಅತಿ ದೊಡ್ಡ ನಗರ ಪ್ರದೇಶ | Greater New Orleans |
ವಿಸ್ತಾರ | Ranked 31st in the US |
- ಒಟ್ಟು | 51,885 sq mi (135,382 km²) |
- ಅಗಲ | 130 miles (210 km) |
- ಉದ್ದ | 379 miles (610 km) |
- % ನೀರು | 15 |
- Latitude | 28° 56′ N to 33° 01′ N |
- Longitude | 88° 49′ W to 94° 03′ W |
ಜನಸಂಖ್ಯೆ | 25thನೆಯ ಅತಿ ಹೆಚ್ಚು |
- ಒಟ್ಟು | 4,410,796 (2008 est.)[4] |
- ಜನಸಂಖ್ಯಾ ಸಾಂದ್ರತೆ | 102.59/sq mi (39.61/km²) 24thನೆಯ ಸ್ಥಾನ |
ಎತ್ತರ | |
- ಅತಿ ಎತ್ತರದ ಭಾಗ | Driskill Mountain[5] 535 ft (163 m) |
- ಸರಾಸರಿ | 98 ft (30 m) |
- ಅತಿ ಕೆಳಗಿನ ಭಾಗ | New Orleans[5] -7 ft (-1.6 m) |
ಸಂಸ್ಥಾನವನ್ನು ಸೇರಿದ್ದು | April 30, 1812 (18th) |
Governor | Bobby Jindal (R) |
Lieutenant Governor | Scott Angelle (D) |
U.S. Senators | Mary Landrieu (D) David Vitter (R) |
Congressional Delegation | 6 Republicans, 1 Democrat (list) |
Time zone | Central: UTC-6/-5 |
Abbreviations | LA US-LA |
Website | www.louisiana.gov |
ಲೂಯಿಸಿಯಾನ ದ ಕೆಲವು ನಗರ ಪರಿಸರಗಳು ಬಹುಸಂಸ್ಕೃತಿಯ, ಬಹುಭಾಷಾ ಪರಂಪರೆಯನ್ನು ಹೊಂದಿದೆ, 18ನೇ ಶತಮಾನದ ಫ್ರೆಂಚ್, ಸ್ಪಾನಿಷ್, ಹಾಗು ಆಫ್ರಿಕನ್ ಸಂಸ್ಕೃತಿಗಳ ಒಂದು ಮಿಶ್ರಣದಿಂದ ಬಹಳವಾಗಿ ಪ್ರಭಾವಿತಗೊಂಡಿದೆ. 19ನೇ ಶತಮಾನದ ಆರಂಭದಲ್ಲಿ ಅಮೇರಿಕನ್ ಜನಪ್ರವಾಹ ಹಾಗು ರಾಜ್ಯತ್ವಕ್ಕೆ ಮುಂಚೆ U.S.ನಲ್ಲಿ ಇವುಗಳನ್ನು ಸ್ವಲ್ಪ ಅಸಾಧಾರಣರೆಂದು ಪರಿಗಣಿಸಲಾಗುತ್ತಿತ್ತು. ಲೂಯಿಸಿಯಾನ ರಾಜ್ಯದ ಇಂದಿನ ಭೂಪ್ರದೇಶವು ಒಂದು ಸ್ಪಾನಿಷ್ ಹಾಗು ಫ್ರೆಂಚ್ ವಸಾಹತು ಪ್ರದೇಶವಾಗಿತ್ತು.
ಇದರ ಜೊತೆಯಲ್ಲಿ, ಬೆಳವಣಿಗೆಯ ಮಾದರಿಯು 18ನೇ ಶತಮಾನದಲ್ಲಿ ಅಸಂಖ್ಯಾತ ಆಫ್ರಿಕನ್ನರ ಆಗಮನವನ್ನು ಒಳಗೊಂಡಿದೆ, ಜೊತೆಗೆ ಪಶ್ಚಿಮ ಆಫ್ರಿಕಾದ ಒಂದೇ ಪ್ರದೇಶದಿಂದ ಹಲವರ ಆಗಮನವೂ ಸೇರಿದೆ, ಈ ರೀತಿಯಾಗಿ ಅವರು ತಮ್ಮ ಸಂಸ್ಕೃತಿಯ ಬಗ್ಗೆ ಗಮನ ಕೇಂದ್ರೀಕರಿಸಿದರು.
ಲೂಯಿಸಿಯಾನ ಎಂಬ ಹೆಸರನ್ನು, 1643–1715ವರೆಗೂ ಫ್ರಾನ್ಸ್ ನ ರಾಜನಾಗಿದ್ದ ಲೂಯಿಸ್ XIV ಮೇಲೆ ಹೆಸರಿಸಲಾಗಿದೆ. ರೆನೆ-ರಾಬರ್ಟ್ ಕೆವ್ಯಾಲಿಯರ್, ಸಿಯಯೂರ್ ಡೆ ಲಾ ಸಲ್ಲೆ ಮಿಸ್ಸಿಸ್ಸಿಪ್ಪಿ ನದಿಯ ಖಾಲಿ ಭೂಪ್ರದೇಶದ ಮೇಲೆ ಫ್ರಾನ್ಸ್ ಹಕ್ಕನ್ನು ಪ್ರತಿಪಾದಿಸುತ್ತಾನೆ. ಇದಕ್ಕೆ ಅವನು ಲಾ ಲೂಯಿಸಿಯಾನ ಎಂದು ಕರೆಯುತ್ತಾನೆ, ಇದು "ಲ್ಯಾಂಡ್ ಆಫ್ ಲೂಯಿಸ್"(ಲೂಯಿಸ್ ನ ಭೂಮಿ)ಎಂಬ ಅರ್ಥವನ್ನು ನೀಡುತ್ತದೆ. ಲೂಯಿಸಿಯಾನ ಮೆಕ್ಸಿಕನ್ ಸಾಮ್ರಾಜ್ಯದ ನ್ಯೂ ಮೆಕ್ಸಿಕೊ ಪ್ರಾಂತ್ಯದ ಭಾಗವೂ ಸಹ ಆಗಿತ್ತು. ಒಂದೊಮ್ಮೆ ಅಮೇರಿಕ ಸಂಯುಕ್ತ ಸಂಸ್ಥಾನದ ಭಾಗವಾಗಿದ್ದ ಲೂಯಿಸಿಯಾನ ಭೂಪ್ರದೇಶವು ಇಂದಿನ ನ್ಯೂ ಆರ್ಲಿಯನ್ಸ್ ನ ಉತ್ತರಭಾಗದಿಂದ ಹಿಡಿದು ಕೆನಡಾದ ಗಡಿಯವರೆಗೂ ವಿಸ್ತರಿಸಿತ್ತು.
ಲೂಯಿಸಿಯಾನ ರಾಜ್ಯವನ್ನು ಟೆಕ್ಸಾಸ್ ರಾಜ್ಯವು ಪಶ್ಚಿಮದಿಂದ ಅರ್ಕನ್ಸಾಸ್ ರಾಜ್ಯವು ಉತ್ತರದಿಂದ; ಮಿಸ್ಸಿಸ್ಸಿಪ್ಪಿ ರಾಜ್ಯವು ಪೂರ್ವದಿಂದ; ಹಾಗು ಗಲ್ಫ್ ಆಫ್ ಮೆಕ್ಸಿಕೋ ದಕ್ಷಿಣ ಭಾಗದಿಂದ ಸುತ್ತುವರೆದಿದೆ.
ರಾಜ್ಯದ ಭೂಮೇಲ್ಮೈಯನ್ನು ಎರಡು ಭಾಗಗಳಾಗಿ ಸರಿಯಾಗಿ ವಿಂಗಡಿಸಬಹುದಾಗಿದೆ, ಎತ್ತರದ-ನೆಲ ಪ್ರದೇಶ ಹಾಗು ಮೆಕ್ಕಲು ಮಣ್ಣಿನ ಪ್ರದೇಶ. ಮೆಕ್ಕಲು ಮಣ್ಣಿನ ಪ್ರದೇಶವು ತಗ್ಗಾದ ಜೌಗು ಪ್ರದೇಶ, ಕರಾವಳಿ ಜವುಗು ಭೂಮಿ ಹಾಗು ಕಡಲತೀರಗಳ ಜೊತೆಯಲ್ಲಿ 20,000 ಚದರ ಮೈಲುಗಳಷ್ಟು(52,000 km²) ಆವರಿಸಲ್ಪಟ್ಟ ಬ್ಯಾರಿಯರ್ ದ್ವೀಪ(ತೀರಕ್ಕೆ ಸಮಾನಾಂತರವಾಗಿ ಹರಡಿದ ಮರಳಿನ ದ್ವೀಪಗಳು)ಗಳನ್ನು ಒಳಗೊಂಡಿದೆ. ಈ ಪ್ರದೇಶವು ಪ್ರಮುಖವಾಗಿ ಗಲ್ಫ್ ಆಫ್ ಮೆಕ್ಸಿಕೋ ಹಾಗು ಮಿಸ್ಸಿಸ್ಸಿಪ್ಪಿ ನದಿಯ ಪ್ರದೇಶದಲ್ಲಿ ನೆಲೆಯಾಗಿದೆ, ಇದು ರಾಜ್ಯದಲ್ಲಿ ಉತ್ತರದಿಂದ ದಕ್ಷಿಣಕ್ಕೆ ಸುಮಾರು 600 ಮೈಲುಗಳ ಅಂತರಕ್ಕೆ ಹಾದು ಹೋಗುತ್ತದೆ (1,000 km) ಹಾಗು ಗಲ್ಫ್ ಆಫ್ ಮೆಕ್ಸಿಕೋ ರೆಡ್ ರಿವರ್; ಒವಚಿತ ರಿವರ್ ಹಾಗು ಅದರ ಉಪನದಿಗಳು ಹಾಗು ಇತರ ಸಣ್ಣ ನದಿಗಳಲ್ಲಿ ಬರಿದಾಗುತ್ತದೆ. (ಇದರಲ್ಲಿ ಕೆಲವನ್ನು ಬೈಊ(ಜೌಗಿನಲ್ಲಿ ಹರಿಯುವ ನದಿಯ ಕವಲು) ಎಂದು ಕರೆಯಲಾಗುತ್ತದೆ). ಮಿಸ್ಸಿಸ್ಸಿಪ್ಪಿ ನದಿ ಪ್ರದೇಶದ ಜೊತೆಗೆ ಮೆಕ್ಕಲು ಮಣ್ಣಿನ ಪ್ರದೇಶದ ವಿಸ್ತಾರವು 10 ರಿಂದ 60 ಮೈಲುಗಳಿವೆ (15 ರಿಂದ 100 ಕೀ.), ಜೊತೆಗೆ ಇತರ ನದಿಗಳಲ್ಲಿ ಮೆಕ್ಕಲು ಮಣ್ಣಿನ ಪ್ರದೇಶವು ಸರಾಸರಿ ಸುಮಾರು 10 ಮೈಲುಗಳು (15 ಕೀ.)ಹರಡಿಕೊಂಡಿದೆ. ಮಿಸ್ಸಿಸ್ಸಿಪ್ಪಿ ನದಿಯು ತನ್ನದೇ ನಿಕ್ಷೇಪಗಳಿಂದ ರೂಪುಗೊಂಡ ನೈಸರ್ಗಿಕ ಒಡ್ಡಿನ ಉದ್ದಕ್ಕೂ ಹರಿಯುತ್ತದೆ (ಇದು ಲೆವೀ ಎಂಬ ಹೆಸರಿನಿಂದ ಪರಿಚಿತವಾಗಿದೆ), ಇದರಿಂದ ಭೂಮಿಯು ತಗ್ಗಾದ ಜೌಗು ಪ್ರದೇಶದೆಡೆಗೆ ಸರಾಸರಿ ಮೈಲಿಗೆ ಆರು ಅಡಿಗೂ (3 m/km) ಹೆಚ್ಚಾಗಿ ಕುಸಿಯುತ್ತದೆ. ಮೆಕ್ಕಲು ಮಣ್ಣಿನ ಪ್ರದೇಶಗಳು ಇತರ ಸಣ್ಣ ನದಿಗಳ ಜೊತೆಯಲ್ಲಿ ಸದೃಶವಾದ ಲಕ್ಷಣಗಳನ್ನು ಪ್ರದರ್ಶಿಸುತ್ತವೆ.
ಎತ್ತರದ ಪ್ರದೇಶಗಳು ಹಾಗು ರಾಜ್ಯದ ಉತ್ತರ ಮತ್ತು ವಾಯವ್ಯ ಭಾಗಕ್ಕೆ ಹೊಂದಿಕೊಂಡಂತಿರುವ ಬೆಟ್ಟದ ಪ್ರದೇಶಗಳು 25,000 ಚದರ ಮೈಲಿಗಳಿಗೂ (65,000 km²) ಅಧಿಕ ಪ್ರದೇಶವನ್ನು ಹೊಂದಿದೆ. ಇವುಗಳು ಹುಲ್ಲುಗಾವಲು ಹಾಗು ಕಾಡುಪ್ರದೇಶವನ್ನು ಒಳಗೊಂಡಿದೆ. ಸಮುದ್ರ ಮಟ್ಟಕ್ಕೂ ಮೇಲ್ಪಟ್ಟ ಎತ್ತರದ ಪ್ರದೇಶ ತೀರದಲ್ಲಿ 10 ಅಡಿಯಿಂದ(3ಮೀ.) ಹಿಡಿದು ಹುಲ್ಲುಗಾವಲು ಹಾಗು ಮೆಕ್ಕಲು ಮಣ್ಣಿನ ಪ್ರದೇಶಗಳ ಜೌಗು ಭೂಮಿಯಲ್ಲಿ 50 ಹಾಗು 60 ಅಡಿಯಷ್ಟು (15–18 ಮೀ) ಹೊಂದಿರುತ್ತದೆ. ಎತ್ತರದ ಪ್ರದೇಶಗಳು ಹಾಗು ಪರ್ವತಗಳಲ್ಲಿ, ಮೇಲ್ಮಟ್ಟಗಳು ಡ್ರಿಸ್ಕಿಲ್ ಪರ್ವತದಷ್ಟಿರುತ್ತದೆ, ಇದು ಸಮುದ್ರ ಮಟ್ಟಕ್ಕಿಂತ ಮೇಲೆ ಕೇವಲ 535 ಅಡಿ (163 ಮೀ) ಎತ್ತರದಲ್ಲಿರುವ ರಾಜ್ಯದ ಅತ್ಯಂತ ಎತ್ತರದ ಸ್ಥಳ. ಇತರ ಎರಡು ರಾಜ್ಯಗಳಾದ ಫ್ಲೋರಿಡಾ ಹಾಗು ಡೆಲವಾರೆ, ಲೂಯಿಸಿಯಾನ ರಾಜ್ಯಕ್ಕಿಂತ ಭೌಗೋಳಿಕವಾಗಿ ಕೆಳಪ್ರದೇಶದಲ್ಲಿದೆ.[ಸೂಕ್ತ ಉಲ್ಲೇಖನ ಬೇಕು]
ಈಗಾಗಲೇ ಹೆಸರಿಸಲಾದಂತಹ ಸಂಚಾರ ಯೋಗ್ಯವಾದ ಜಲಮಾರ್ಗಗಳ ಜೊತೆಯಲ್ಲಿ, ಪಶ್ಚಿಮ ಸೀಮೆಯನ್ನು ರೂಪಿಸುವ ಸಬಿನೆ (ಸಹ-BEAN) ಹಾಗು ಪೂರ್ವ ಸೀಮೆಯನ್ನು ರೂಪಿಸುವ ಪರ್ಲ್ ಜಲಮಾರ್ಗಗಳಿವೆ; ಕ್ಯಾಲ್ಕಾಸಿಯು(KAL-ಕಾಹ್-ಶೂ), ಮರ್ಮೆನ್ಟಾವು, ವರ್ಮಿಲಿಯನ್, ಬೇಊ ತೆಚೆ, ಅಟ್ಚಫಾಲಯ, ಬಿಯುಫ್(ಬೆಫ್ಫ್), ಬೇಊ ಲಾಫೊರ್ಚೆ, ಕೊರ್ಟಬ್ಲೆಯೂ, ಬ್ಲೇಊ ಡ'ಅರ್ಬೋನ್ನೇ, ಮಕಾನ್, ಟೆನ್ಸಾಸ್(TEN-ಸಾ), ಅಮಿಟೆ ನದಿ, ಚೆಫಂಕ್ಟೆ (CHA-ಫುನ್ಕ್-ಟ), ಟಿಕ್ಫಾ, ನಟಲ್ಬನಿ ಹಾಗು ಇತರ ಹಲವು ಸಣ್ಣ ನದಿಗಳನ್ನು ಒಳಗೊಂಡಿದೆ. ಇದು ಸಂಚಾರ ಯೋಗ್ಯ ಜಲಮಾರ್ಗಗಳ ಸ್ವಾಭಾವಿಕ ವ್ಯವಸ್ಥೆಯಿಂದ ರಚಿತವಾಗಿರುವುದರ ಜೊತೆಗೆ,ಒಟ್ಟು 4,000 miles (6,400 km)ಕ್ಕಿಂತಲೂ ವಿಸ್ತಾರವನ್ನು ಹೊಂದಿದೆ. ಈ ಜಲಮಾರ್ಗಗಳು ರಾಷ್ಟ್ರದ ಇತರ ಯಾವುದೇ ರಾಜ್ಯಕ್ಕಿಂತ ಅಸಮವಾಗಿದೆ.[ಸೂಕ್ತ ಉಲ್ಲೇಖನ ಬೇಕು]
ರಾಜ್ಯದಲ್ಲಿ 1,060 ಚದರ ಮೈಲುಗಳ (2,745 km²) ಭೂಮಿಯನ್ನು ಸುತ್ತುವರಿದ ಕೊಲ್ಲಿಗಳಿವೆ; 1,700 ಚದರ ಮೈಲುಗಳ (4,400 km²) ಒಳನಾಡಿನ ಸರೋವರಗಳು; ಹಾಗು 500 ಚದರ ಮೈಲುಗಳಿಗೂ ಅಧಿಕ ಒಂದು ನದಿ ಮೇಲ್ಮೈಯನ್ನು ಹೊಂದಿದೆ (1,300 km²).[ಸೂಕ್ತ ಉಲ್ಲೇಖನ ಬೇಕು]
ರಾಜ್ಯವು ಗಲ್ಫ್ ಆಫ್ ಮೆಕ್ಸಿಕೋದ ಇನ್ನರ್ ಕಾಂಟಿನೆಂಟಲ್ ಶೆಲ್ಫ್ನ ಸರಾಸರಿ 3-ಮೈಲಿ-ವಿಸ್ತಾರದ ಸಬ್ ಸೀ ಭೂಮಿಯ ರಾಜಕೀಯ ಆಡಳಿತ ವ್ಯಾಪ್ತಿಯನ್ನು ಹೊಂದಿದೆ. ಅಮೇರಿಕ ಸಂಯುಕ್ತ ಸಂಸ್ಥಾನದ ರಾಜಕೀಯ ಭೌಗೋಳಿಕತೆಯ ಒಂದು ವೈಶಿಷ್ಟ್ಯತೆಯ ಮೂಲಕ, 9-ಮೈಲಿ-ವಿಸ್ತಾರದ ಆಡಳಿತ ವ್ಯಾಪ್ತಿ ಹೊಂದಿರುವ ಸಮೀಪದ ರಾಜ್ಯಗಳಾದ ಟೆಕ್ಸಾಸ್ ಹಾಗು ಫ್ಲೋರಿಡಾಗೆ ಹೋಲಿಸಿದರೆ ಒಟ್ಟಾರೆ ಕಡಿಮೆಯಿದೆ. ಈ ರಾಜ್ಯಗಳೂ ಸಹ ಲೂಯಿಸಿಯಾನದ ಮಾದರಿಯಲ್ಲಿ ವ್ಯಾಪಕ ಗಲ್ಫ್ ಕಡಲಂಚುಗಳನ್ನು ಹೊಂದಿದೆ.[6]
Lake Charles | ||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Climate chart (explanation) | ||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||
|
New Orleans | ||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Climate chart (explanation) | ||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||
|
Shreveport | ||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Climate chart (explanation) | ||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||
|
ಲೂಯಿಸಿಯಾನ ಒಂದು ಆರ್ದ್ರ ಉಪೋಷ್ಣ ವಲಯದ ಹವಾಮಾನವನ್ನು ಹೊಂದಿದೆ (ಕೊಪ್ಪೆನ್ ಹವಾಮಾನ ವಿಂಗಡಣೆ Cfa ), ಬಹುಶಃ ಇದು ಎಲ್ಲ ದಕ್ಷಿಣಮಧ್ಯ ರಾಜ್ಯಗಳ ಒಂದು ಆರ್ದ್ರ ಉಪೋಷ್ಣ ವಲಯದ ಹವಾಮಾನದ ಒಂದು "ಉತ್ತಮ" ಉದಾಹರಣೆಯಾಗಿದೆ. ಈ ರೀತಿಯಾದ ವಾತಾವರಣದಲ್ಲಿ ಬೇಸಿಗೆಕಾಲವು ದೀರ್ಘ,ಬಿಸಿ,ಆರ್ದ್ರತೆಯಿಂದ ಕೂಡಿದ್ದರೆ, ಚಳಿಗಾಲವು ಕಡಿಮೆ ಅವಧಿಯಾಗಿದ್ದು,ಸುಖೋಷ್ಣವಾಗಿರುತ್ತದೆ. ರಾಜ್ಯದಲ್ಲಿರುವ ಉಪೋಷ್ಣ ವಲಯದ ಲಕ್ಷಣಗಳು ದೊಡ್ಡ ಮಟ್ಟದಲ್ಲಿ ಗಲ್ಫ್ ಆಫ್ ಮೆಕ್ಸಿಕೋನಿಂದ ಪ್ರಭಾವಿತಗೊಂಡಿದೆ, ಇದರ ಅತ್ಯಂತ ದೂರದ ಬಿಂದು 200 ಮೈಲುಗಳ ದೂರ(320 ಕಿಮೀ)ಕ್ಕಿಂತ ಹೆಚ್ಚಿಲ್ಲ. ವರ್ಷಪೂರ್ತಿಯಾಗಿ ಮಳೆ ಅಥವಾ ಹಿಮಪಾತ ಸಂಭವಿಸುತ್ತಿರುತ್ತದೆ, ಆದಾಗ್ಯೂ ಬೇಸಿಗೆ ಕಾಲವು ವರ್ಷದ ಇತರ ಕಾಲಗಳಿಗಿಂತ ಸ್ವಲ್ಪಮಟ್ಟಿಗೆ ಆರ್ದ್ರತೆಯಿಂದ ಕೂಡಿರುತ್ತದೆ. ಅಕ್ಟೋಬರ್ ತಿಂಗಳಿನಲ್ಲಿ ತಾತ್ಕಾಲಿಕವಾಗಿ ತಗ್ಗುತ್ತದೆ. ಲೂಯಿಸಿಯಾನ ದ ದಕ್ಷಿಣಭಾಗದಲ್ಲಿ ಯಥೇಚ್ಛವಾಗಿ ಮಳೆಯಾಗುತ್ತದೆ, ವಿಶೇಷವಾಗಿ ಚಳಿಗಾಲದ ತಿಂಗಳಲ್ಲಿ ಮಳೆಯಾಗುತ್ತದೆ. ಲೂಯಿಸಿಯಾನ ದ ಬೇಸಿಗೆ ಕಾಲವು ಶಾಖ ಹಾಗು ಆರ್ದ್ರತೆಯಿಂದ ಕೂಡಿರುತ್ತದೆ, ಜೂನ್ ತಿಂಗಳ ಮಧ್ಯಭಾಗದಿಂದ ಸೆಪ್ಟೆಂಬರ್ ತಿಂಗಳ ಮಧ್ಯಭಾಗದವರೆಗೆ ಗರಿಷ್ಠ ತಾಪಮಾನವು ಸರಾಸರಿ 90 °F (32 °C) ಅಥವಾ ಅದಕ್ಕೂ ಅಧಿಕವಾಗಿರುತ್ತದೆ ಜೊತೆಗೆ ರಾತ್ರಿಯ ಅವಧಿಯಲ್ಲಿ ತಾಪಮಾನವು ಕೆಳಕ್ಕಿಳಿದು ಸರಾಸರಿ 70 °F (22 °C)ಕ್ಕೂ ಹೆಚ್ಚಿರುತ್ತದೆ. ಬೇಸಿಗೆಯಲ್ಲಿ, ತೀವ್ರ ಗರಿಷ್ಠ ತಾಪಮಾನವು ದಕ್ಷಿಣಕ್ಕೆ ಹೋಲಿಸಿದರೆ ಉತ್ತರ ಭಾಗದಲ್ಲಿ ಹೆಚ್ಚು ಬೆಚ್ಚಗಿರುತ್ತದೆ. ಜೊತೆಗೆ ಗಲ್ಫ್ ಆಫ್ ಮೆಕ್ಸಿಕೋ ಸಮೀಪ ತಾಪಮಾನವು ಆಗಾಗ್ಗೆ 100 °F (38 °C)ಗೆ ತಲುಪಬಹುದು, ಆದಾಗ್ಯೂ ತಾಪಮಾನದಲ್ಲಿ 95 °F (35 °C)ಕ್ಕೂ ಹೆಚ್ಚಿನ ಗರಿಷ್ಠತೆಯು ಸರ್ವೇಸಾಮಾನ್ಯವಾಗಿರುತ್ತದೆ. ಲೂಯಿಸಿಯಾನದ ಉತ್ತರಭಾಗದಲ್ಲಿ, ಬೇಸಿಗೆಯಲ್ಲಿ ತಾಪಮಾನವು 105 °F (41 °C)ಕ್ಕೂ ಅಧಿಕವಾಗಿರುತ್ತದೆ.
ರಾಜ್ಯದ ದಕ್ಷಿಣ ಭಾಗದಲ್ಲಿ ಚಳಿಗಾಲದಲ್ಲಿ ಬೆಚ್ಚನೆಯ ಉಷ್ಣಾಂಶವಿರುತ್ತದೆ. ನ್ಯೂ ಆರ್ಲ್ಲಿಯನ್ಸ್, ಬೇಟನ್ ರೂಜ್ , ಲೂಯಿಸಿಯಾನದ ಉಳಿದ ದಕ್ಷಿಣ ಭಾಗಗಳು ಹಾಗು ಗಲ್ಫ್ ಆಫ್ ಮೆಕ್ಸಿಕೋ ಗರಿಷ್ಠ ತಾಪಮಾನವು, ಸರಾಸರಿ 66 °F (19 °C)ರಷ್ಟು ಇರುತ್ತದೆ. ರಾಜ್ಯದ ಉತ್ತರ ಭಾಗವು ಚಳಿಗಾಲದಲ್ಲಿ ಸ್ವಲ್ಪ ತಂಪು ವಾತಾವರಣವನ್ನು ಹೊಂದಿದ್ದು ಗರಿಷ್ಠ ಸರಾಸರಿ 59 °F (15 °C)ರಷ್ಟು ತಾಪಮಾನ ಹೊಂದಿರುತ್ತದೆ. ಚಳಿಗಾಲದ ರಾತ್ರಿಗಳಲ್ಲಿ ಕನಿಷ್ಠ ತಾಪಮಾನ ರಾಜ್ಯದಾದ್ಯಂತ ಘನೀಭವಿಸುವ ತಾಪಮಾನಕ್ಕಿಂತ ಹೆಚ್ಚಿದ್ದು, ಗಲ್ಫ್ ನ ಸಮೀಪ ಸರಾಸರಿ ಸರಾಸರಿ 46 °F (8 °C)ರಷ್ಟಿರುತ್ತದೆ ಹಾಗೂ ಚಳಿಗಾಲದಲ್ಲಿ ಸರಾಸರಿ 37 °F (3 °C)ರಷ್ಟು ಕನಿಷ್ಠ ತಾಪಮಾನವು ರಾಜ್ಯದ ಉತ್ತರ ಭಾಗದಲ್ಲಿ ಕಂಡುಬರುತ್ತದೆ. ಲೂಯಿಸಿಯಾನ ರಾಜ್ಯವು ಶೀತಮುಖಗಳನ್ನು(ಮುಂದಕ್ಕೆ ಸರಿಯುವ ತಂಗಾಳಿಯ ಮುಂಭಾಗ) ಹೊಂದಿರುತ್ತದೆ, ಇದರ ಪರಿಣಾಮವಾಗಿ ರಾಜ್ಯದ ಉತ್ತರ ಭಾಗದಲ್ಲಿ ತಾಪಮಾನವು ಸಾಧಾರಣವಾಗಿ 20 °F (-8 °C)ರಷ್ಟು ಕಡಿಮೆ ಕುಸಿಯುತ್ತದೆ, ಆದರೆ ಈ ಪರಿಸ್ಥಿತಿಯು ರಾಜ್ಯದ ದಕ್ಷಿಣ ಭಾಗದಲ್ಲಿ ಸಂಭವಿಸುವುದಿಲ್ಲ. ಗಲ್ಫ್ ಆಫ್ ಮೆಕ್ಸಿಕೋ ಸಮೀಪ ಹಿಮವು ಸಾಮಾನ್ಯವಾಗಿ ಕಂಡುಬರುವುದಿಲ್ಲ.ಆದರೂ ರಾಜ್ಯದ ಉತ್ತರಭಾಗಗಳಲ್ಲಿ ವಾರ್ಷಿಕ ಒಂದರಿಂದ ಮೂರು ಹಿಮಪಾತಗಳನ್ನು ನಿರೀಕ್ಷಿಸಬಹುದು.ಉತ್ತರಾಭಿಮುಖವಾಗಿ ಇದರ ಸಂಖ್ಯೆ ಅಧಿಕವಾಗಿರುತ್ತದೆ.
ಲೂಯಿಸಿಯಾನ ರಾಜ್ಯವು ಸಾಮಾನ್ಯವಾಗಿ ಉಷ್ಣವಲಯದ ಚಂಡಮಾರುತಗಳುಪ್ರಭಾವ ಬೀರುತ್ತವೆ ಜೊತೆಗೆ ಪ್ರಮುಖ ತೂಫಾನುಗಳ ಅಪ್ಪಳಿಸುವಿಕೆಗೆ ತೀವ್ರತರವಾಗಿ ಗುರಿಯಾಗುತ್ತವೆ, ವಿಶೇಷವಾಗಿ ನ್ಯೂ ಆರ್ಲಿಯಾನ್ಸ್ ಹಾಗು ಅದರ ಸುತ್ತಮುತ್ತಲ ತಗ್ಗು ಪ್ರದೇಶಗಳು ಇಂತಹ ಚಂಡಮಾರುತಗಳಿಗೆ ಬಲಿಯಾಗುತ್ತವೆ. ಹಲವು ಬೇಊಗಳು, ಜವುಗು ಭೂಮಿಗಳು ಹಾಗು ಕಡಲಚಾಚುಗಳಂತಹ ವಿಶಿಷ್ಟ ಭೌಗೋಳಿಕತೆ ಲಕ್ಷಣಗಳು ಚಂಡಮಾರುತಗಳನ್ನು ವಿನಾಶಕಾರಿಯಾಗಿಸುತ್ತದೆ. ವಿಶೇಷವಾಗಿ ಬೇಸಿಗೆಯಲ್ಲಿ ಪ್ರದೇಶವು ಗುಡುಗುಸಿಡಿಲಿನ ಮಳೆಗೆ ಗುರಿಯಾಗುತ್ತದೆ. ಸಂಪೂರ್ಣ ರಾಜ್ಯವು ವಾರ್ಷಿಕ ಸರಾಸರಿ 60 ದಿನಗಳ ಗುಡುಗುಸಿಡಿಲಿನ ಮಳೆಗೆ ಗುರಿಯಾಗುತ್ತದೆ, ಇದು ಫ್ಲೋರಿಡಾ ರಾಜ್ಯವನ್ನು ಹೊರತುಪಡಿಸಿ ಯಾವುದೇ ರಾಜ್ಯಕ್ಕಿಂತ ಅಧಿಕವಾಗಿದೆ. ಲೂಯಿಸಿಯಾನ ದಲ್ಲಿ ವಾರ್ಷಿಕವಾಗಿ ಸರಾಸರಿ 27 ಬಿರುಗಾಳಿ ಮಳೆಯು ಬಿದ್ದಿದೆ, ಪ್ರಸಕ್ತ 2010ರಲ್ಲಿ ಆಂಶಿಕವಾಗಿ ಬಿದ್ದಿದೆ. ಸಂಪೂರ್ಣವಾಗಿ ರಾಜ್ಯವು ಬಿರುಗಾಳಿ ಮಳೆಗೆ ಭೇದ್ಯವಾಗಿದೆ. ಇದರ ತೀವ್ರತೆಯು ರಾಜ್ಯದ ಉಳಿದ ಭಾಗಗಳಿಗಿಂತ ದಕ್ಷಿಣದಲ್ಲಿ ಸ್ವಲ್ಪಮಟ್ಟಿಗೆ ಕಡಿಮೆಯಿರುತ್ತದೆ. ರಾಜ್ಯದ ದಕ್ಷಿಣ ಭಾಗದಲ್ಲಿ ಬಿರುಗಾಳಿ ಮಳೆಯು ಜನವರಿಯಿಂದ ಮಾರ್ಚ್ ತಿಂಗಳಲ್ಲಿ ಸಾಮಾನ್ಯವಾಗಿದ್ದರೆ, ರಾಜ್ಯದ ಉತ್ತರ ಭಾಗದಲ್ಲಿ ಫೆಬ್ರವರಿಯಿಂದ ಮಾರ್ಚ್ ತಿಂಗಳವರೆಗೂ ಸಾಮಾನ್ಯವಾಗಿರುತ್ತದೆ.[7]
ಅಮೆರಿಕ ಸಂಯುಕ್ತ ಸಂಸ್ಥಾನದ ಲೂಯಿಸಿಯಾನ ದ ದಕ್ಷಿಣ ಕರಾವಳಿ ತೀರವು ವಿಶ್ವದಲ್ಲಿ ಅತ್ಯಂತ ಶೀಘ್ರವಾಗಿ ಕಣ್ಮರೆಯಾಗುತ್ತಿರುವ ಪ್ರದೇಶಗಳಲ್ಲಿ ಒಂದೆನಿಸಿದೆ. ನೀರಿನ ಮಟ್ಟದ ಏರಿಕೆಯಿಂದಾಗಿ ರಾಜ್ಯವು 30 ಫುಟ್ಬಾಲ್ ಮೈದಾನಗಳಿಗೆ ಸಮನಾದ ಒಂದು ಭೂವಿಸ್ತಾರವನ್ನು ಪ್ರತಿ ದಿನವೂ ಕಳೆದುಕೊಳ್ಳುತ್ತಿದೆ. ಜೊತೆಗೆ ಸಮುದಾಯಗಳು ಕಣ್ಮರೆಯಾಗುತ್ತಿದ್ದಂತೆ, ಹೆಚ್ಚು ಹೆಚ್ಚು ಜನರು ಪ್ರದೇಶವನ್ನು ತೊರೆಯುತ್ತಿದ್ದಾರೆ.
ಚಂಡಮಾರುತದಿಂದ ಗಲ್ಫ್ ಪ್ರದೇಶದಲ್ಲಿ ಎರಡು ದಶಲಕ್ಷಕ್ಕೂ ಅಧಿಕ ಜನರು ನಿರ್ವಸಿತರಾದರೆಂದು ಅಂದಾಜಿಸಲಾಗಿದೆ, ಜೊತೆಗೆ ಲೂಯಿಸಿಯಾನ ಒಂದರಲ್ಲೇ 1,500 ಜನರು ಸಾವಪ್ಪಿದರು. ಒಂದು ಸಾರ್ವಜನಿಕ ಪ್ರತಿಭಟನೆಯು ಸ್ಥಳೀಯ, ರಾಜ್ಯ, ಹಾಗು ಫೆಡೆರಲ್ ಮಟ್ಟದ ಆಡಳಿತವನ್ನು ಟೀಕಿಸುವುದರ ಜೊತೆಗೆ ಇದಕ್ಕೆ ತಯಾರಿ ಹಾಗು ಪ್ರತಿಕ್ರಿಯೆ ಎರಡೂ ತ್ವರಿತವಾಗಿರಲಿಲ್ಲ ಅಥವಾ ಸಾಕಷ್ಟು ಮಟ್ಟದಲ್ಲಿರಲಿಲ್ಲ ಎಂದು ಉಲ್ಲೇಖಿಸಿತು.
ರಾಜ್ಯದ ಮೂಲ ಸ್ತರಶ್ರೇಣಿಯು ಕ್ರಿಟೇಷಿಯ ಅವಧಿಯದ್ದಾಗಿದೆ ಜೊತೆಗೆ ತೃತೀಯಕ ಹಾಗು ನವಜೀವಶಕ ನಂತರ ಹುಟ್ಟಿನ ಮೆಕ್ಕಲು ಮಣ್ಣಿನ ನಿಕ್ಷೇಪಗಳಿಂದ ಹರಡಿದೆ.ಲೂಯಿಸಿಯಾನದ ಒಂದು ದೊಡ್ಡ ಭಾಗವು ಮಿಸ್ಸಿಸ್ಸಿಪ್ಪಿ ನದಿಯಿಂದ ಸೃಷ್ಟಿ ಮತ್ತು ಉತ್ಪನ್ನವಾಗಿದೆ. ಇದು ಮೂಲತಃ ಸಮುದ್ರದ ಒಂದು ಕವಲಿನಿಂದ ಮುಚ್ಚಲ್ಲಟ್ಟಿತ್ತು. ಜೊತೆಗೆ ಮಹಾನದಿಯು ತಗ್ಗಾದ ಪ್ರದೇಶದವರೆಗೂ ಒಯ್ದ ಹೂಳಿನಿಂದಇದು ನಿರ್ಮಾಣಗೊಂಡಿದೆ.
ತೀರದ ಸಮೀಪದಲ್ಲಿ, ಹಲವಾರು ಉಪ್ಪಿನ ಗುಮ್ಮಟಗಳಿವೆ, ಇಲ್ಲಿ ಉಪ್ಪನ್ನು ತೆಗೆಯಲಾಗುತ್ತದೆ ಜೊತೆಗೆ ಇಲ್ಲಿ ಸಾಮಾನ್ಯವಾಗಿ ತೈಲದ ನಿಕ್ಷೇಪವು ಕಂಡು ಬರುತ್ತದೆ. ಉಪ್ಪಿನ ಗುಮ್ಮಟಗಳು ಉತ್ತರ ಲೂಯಿಸಿಯಾನ ದಲ್ಲೂ ಅಸ್ತಿತ್ವದಲ್ಲಿದೆ.
ಮಿಸ್ಸಿಸ್ಸಿಪ್ಪಿ ನದಿಯುದ್ದಕ್ಕೂ ಕೈಗೊಳ್ಳಲಾದಂತಹ ವ್ಯಾಪಕ ಪ್ರವಾಹ ನಿಯಂತ್ರಣಾ ಕ್ರಮಗಳು ಹಾಗು ನೈಸರ್ಗಿಕ ಇಳಿಮುಖ ಎರಡರಿಂದಲೂ, ಲೂಯಿಸಿಯಾನ ಕರಾವಳಿ ಭೂಪ್ರದೇಶವು ಈಗ ನಷ್ಟಕ್ಕೆ ಗುರಿಯಾಗಿದೆ. ಈ ವಿದ್ಯಮಾನಗಳನ್ನು ತಡೆಯುವ ಅಥವಾ ಬದಲಾಯಿಸುವ ರಾಜ್ಯ ಹಾಗು ಫೆಡರಲ್ ಸರ್ಕಾರಗಳ ಪ್ರಯತ್ನವು ಜಾರಿಯಲ್ಲಿದೆ; ಇತರ ವಿಷಯಗಳನ್ನು ಪರಿಶೋಧಿಸಲಾಗುತ್ತಿದೆ. ಆದಾಗ್ಯೂ, ಭರವಸೆ ಮೂಡಿಸಿದ ಸಂಗತಿಯೆಂದರೆ ಅಚಾಫಾಲಯ ನದಿಯು ಒಂದು ಹೊಸ ನದಿ ಮುಖಜ ಭೂಮಿಯನ್ನು ರಾಜ್ಯದ ದಕ್ಷಿಣ-ಕೇಂದ್ರ ಭಾಗದಲ್ಲಿ ಸೃಷ್ಟಿಸುತ್ತಿದೆ. ಈ ಕ್ರಿಯಾಶೀಲ ನದಿ ಮುಖಜ ಭೂಮಿಯ ಕರಾವಳಿ ಪ್ರದೇಶವು, ಮಿಸ್ಸಿಸ್ಸಿಪ್ಪಿ ನದಿಯು ಗಲ್ಫ್ ಗೆ ಒಂದು ಹೊಸ ದಾರಿಗೆ ಅನ್ವೇಷಿಸುತ್ತಿದೆ ಎಂಬುದನ್ನೂ ಸಹ ಸೂಚಿಸುತ್ತದೆ. ಆದರೆ ಸಾಂಪ್ರದಾಯಿಕ ಮಾರ್ಗದಲ್ಲೇ ನದಿಯನ್ನು ಹರಿಯಬಿಡಲು ಹಲವು ತಾಂತ್ರಿಕ ಪ್ರಯತ್ನ ನಡೆಸಲಾಗುತ್ತಿದೆ. ರಾಜ್ಯದ ಆರ್ಥಿಕತೆ ಹಾಗು ಶಿಪ್ಪಿಂಗ್(ನೌಕೋದ್ಯಮ) ಇದರ ಮೇಲೆ ಅವಲಂಬಿತವಾಗಿವೆ.
ಲೂಯಿಸಿಯಾನ ವನ್ನು 64 ಪ್ಯಾರಿಷ್ ಗಳನ್ನಾಗಿ ವಿಂಗಡಿಸಲಾಗಿದೆ (ಇದು ಇತರ ಹಲವು ರಾಜ್ಯಗಳ ಕೌಂಟಿಗಳಿಗೆ ಸಮವಾಗಿದೆ). "ಪ್ಯಾರಿಷ್" ಎಂಬ ಪದವು ಲೂಯಿಸಿಯಾನಕ್ಕೆ ವಿಶಿಷ್ಟವಾಗಿರುವುದರ ಜೊತೆಗೆ ಅದರ ಫ್ರೆಂಚ್/ಸ್ಪಾನಿಷ್ ಪರಂಪರೆ ಇದಕ್ಕೆ ಕಾರಣವಾಗಿದೆ; ಪೌರ ಪ್ರಾಂತೀಯ ಸರ್ಕಾರಗಳ ಮೂಲ ಗಡಿಗೆರೆಗಳು ಸ್ಥಳೀಯ ರೋಮನ್ ಕ್ಯಾಥೊಲಿಕ್ಪ್ಯಾರಿಷ್ಗಳೊಂದಿಗೆ ಸಮ ವಿಸ್ತಾರವನ್ನು ಹೊಂದಿದ್ದವು.
ಲೂಯಿಸಿಯಾನ ದಲ್ಲಿ ಮಾನವನ ಮಧ್ಯ ಪ್ರವೇಶವಿಲ್ಲದೆ ಹಲವಾರು ಹಂತಗಳಲ್ಲಿ ಸಂರಕ್ಷಿತಗೊಂಡ ಅಸಂಖ್ಯಾತ ಪ್ರದೇಶಗಳಿವೆ. ನ್ಯಾಷನಲ್ ಪಾರ್ಕ್ ಸರ್ವೀಸ್ ನಿವೇಶನಗಳು ಹಾಗು ಪ್ರದೇಶಗಳು ಹಾಗು ಯುನೈಟೆಡ್ ಸ್ಟೇಟ್ಸ್ ನ್ಯಾಷನಲ್ ಫಾರೆಸ್ಟ್ ಜೊತೆಯಲ್ಲಿ, ಲೂಯಿಸಿಯಾನ ರಾಜ್ಯ ಉದ್ಯಾನಗಳ ಹಾಗು ರಾಜ್ಯದುದ್ದಕ್ಕೂ ಮನೋರಂಜನಾ ಪ್ರದೇಶಗಳ ಒಂದು ವ್ಯವಸ್ಥೆಯನ್ನು ನಿರ್ವಹಿಸುತ್ತದೆ. ಲೂಯಿಸಿಯಾನ ಡಿಪಾರ್ಟ್ಮೆಂಟ್ ಆಫ್ ವೈಲ್ಡ್ ಲೈಫ್ ಅಂಡ್ ಫಿಷರೀಸ್ ನ ಆಡಳಿತ ನಿರ್ವಹಣೆಯಡಿಯಲ್ಲಿ ದಿ ಲೂಯಿಸಿಯಾನ ನ್ಯಾಚುರಲ್ ಅಂಡ್ ಸಿನಿಕ್ ರಿವರ್ಸ್ ಸಿಸ್ಟಂ ರಾಜ್ಯದಲ್ಲಿ ಒಂದು ಹಂತದವರೆಗೂ 48 ನದಿಗಳು, ಹೊಳೆಗಳು ಹಾಗು ಬೇಊಗಳನ್ನು ಸಂರಕ್ಷಿಸುತ್ತದೆ.
ನ್ಯಾಷನಲ್ ಪಾರ್ಕ್ ಸರ್ವೀಸ್ ನಿರ್ವಹಿಸುವ, ಸಂರಕ್ಷಿಸುವ, ಅಥವಾ ಉಳಿದಂತೆ ಗುರುತಿಸಿರುವ ಐತಿಹಾಸಿಕ ಅಥವಾ ದೃಶ್ಯಾತ್ಮಕ ಪ್ರದೇಶಗಳಲ್ಲಿ:
ಜೀನ್ ಲಾಫಿಟ್ಟೆ ನ್ಯಾಷನಲ್ ಹಿಸ್ಟಾರಿಕಲ್ ಪಾರ್ಕ್ ಅಂಡ್ ಪ್ರಿಸರ್ವ್, ಇದು ನ್ಯೂ ಆರ್ಲಿಯನ್ಸ್ ನಲ್ಲಿ ತನ್ನ ಪ್ರಮುಖ ಕಾರ್ಯಸ್ಥಾನವನ್ನು ಹೊಂದಿದ್ದು, St. ಬರ್ನಾರ್ಡ್ ಪ್ಯಾರಿಷ್, ಬರಟರಿಯ (ಕ್ರೌನ್ ಪಾಯಿಂಟ್), ಹಾಗು ಅಕ್ಯಾಡಿಯನ್ (ಲಾಫಾಯೆಟ್ಟೆ)ನಲ್ಲಿ ತನ್ನ ಶಾಖೆಗಳನ್ನು ಹೊಂದಿದೆ;
ಲೂಯಿಸಿಯಾನ 19 ರಾಜ್ಯದ ಉದ್ಯಾನವನಗಳು, 16 ರಾಜ್ಯ ಐತಿಹಾಸಿಕ ಸ್ಥಳಗಳು ಹಾಗು ಒಂದು ರಾಜ್ಯ ಸಂರಕ್ಷಿತ ಪ್ರದೇಶದ ಒಂದು ವ್ಯವಸ್ಥೆಯನ್ನು ನಿರ್ವಹಿಸುತ್ತದೆ. ಲೂಯಿಸಿಯಾನ ಶ್ರೆವೆಪೋರ್ಟ್ ಹಾಗು ಮನ್ರೋಗೆ ಸಮೀಪದಲ್ಲಿರುವ ಹೈ ಡೆಲ್ಟ ಸಫಾರಿ ಪಾರ್ಕ್ಗೆ ನೆಲೆಯಾಗಿದೆ.
ಅಂತರರಾಜ್ಯ ಹೆದ್ದಾರಿಗಳು |
ಅಮೇರಿಕ ಸಂಯುಕ್ತ ಸಂಸ್ಥಾನದ ಹೆದ್ದಾರಿಗಳು |
ಇಂಟ್ರಾಕೋಸ್ಟಲ್ ವಾಟರ್ ವೇ ವ್ಯಾಪಾರಿ ಸರಕುಗಳಾದ ಪೆಟ್ರೋಲಿಯಂ ಹಾಗು ಪೆಟ್ರೋಲಿಯಂ ಉತ್ಪನ್ನಗಳು, ಕೃಷಿ ಉತ್ಪನ್ನಗಳು, ಕಟ್ಟಡ ನಿರ್ಮಾಣ ಸಾಮಗ್ರಿಗಳು ಹಾಗು ತಯಾರಿಕಾ ಸಾಮಗ್ರಿಗಳನ್ನು ರವಾನಿಸುವ ಒಂದು ಬಹುಮುಖ್ಯ ಮಾರ್ಗವಾಗಿದೆ.
ಲೂಯಿಸಿಯಾನ ರಾಜ್ಯದಲ್ಲಿ 1500ರಲ್ಲಿ ಯುರೋಪಿಯನ್ನರ ಆಗಮನಕ್ಕೆ ಮುಂಚೆ ಹಲವು ಸಹಸ್ರಮಾನಗಳ ಕಾಲ ಅಮೆರಿಕದ ಮೂಲನಿವಾಸಿಗಳು ನೆಲೆಸಿದ್ದರು. ಪ್ರಾಚೀನ ಅವಧಿಯಲ್ಲಿ ಲೂಯಿಸಿಯಾನ ರಾಜ್ಯವು ಉತ್ತರ ಅಮೆರಿಕದಲ್ಲಿ ಮುಂಚೆ ಇದ್ದ ದಿಬ್ಬದ ಸಂಕೀರ್ಣಕ್ಕೆ ನೆಲೆಯಾಗಿತ್ತು. ಜೊತೆಗೆ ಇದು ಅಮೆರಿಕದಲ್ಲಿ ಮೊದಲು ನಿರ್ಮಾಣಗೊಂಡ ಸಂಕೀರ್ಣವೆನಿಸಿದೆ, ಮನ್ರೋ ಸಮೀಪವಿರುವ ವ್ಯಾಟ್ಸನ್ ಬ್ರಾಕೆ ಸ್ಥಳ.[12] ನಂತರ, ರಾಜ್ಯದ ಅತ್ಯಂತ ದೊಡ್ಡ ಹಾಗು ಜನಪ್ರಿಯ ಸ್ಥಳವು ಇಂದಿನ ಎಪ್ಪ್ಸ್, ಲೂಯಿಸಿಯನಾದ ಪಾವರ್ಟಿ ಪಾಯಿಂಟ್ ಸಮೀಪದಲ್ಲಿ ನಿರ್ಮಾಣವಾಗಿದೆ. ದಿ ಪಾವರ್ಟಿ ಪಾಯಿಂಟ್ ಸಂಸ್ಕೃತಿಯು ಸುಮಾರು 1500 BCE ಹೊತ್ತಿಗೆ ಅದರ ಉತ್ತುಂಗಕ್ಕೇರುವುದರ ಜೊತೆಗೆ ಮೊದಲ ಸಂಕೀರ್ಣ ಸಂಸ್ಕೃತಿಗೆ ನಾಂದಿ ಹಾಡಿತು, ಜೊತೆಗೆ ಇದು ಬಹುಶಃ ಉತ್ತರ ಅಮೆರಿಕಾದ ಮೊದಲ ಬುಡಕಟ್ಟು ಸಂಸ್ಕೃತಿಯಾಗಿದೆ.[13] ಇದು ಸರಿಸುಮಾರು 700 BCEವರೆಗೂ ಅಸ್ತಿತ್ವದಲ್ಲಿತ್ತು. ದಿ ಪಾವರ್ಟಿ ಪಾಯಿಂಟ್ ಸಂಸ್ಕೃತಿಯನ್ನು ತಚುಲ ಅವಧಿಯ ಟಿಚೆಫಂಕ್ತೆಹಾಗು ಲೇಕ್ ಕಾರ್ಮೊರಂಟ್ ಸಂಸ್ಕೃತಿಗಳು ಅನುಸರಿಸಿದವು, ಇದು ಪೂರ್ವ ವುಡ್ಲ್ಯಾಂಡ್ ಅವಧಿಯ ಸ್ಥಳೀಯ ಕುರುಹುಗಳಾಗಿವೆ. ಲೂಯಿಸಿಯಾನ ದ ಚೆಫಂಕ್ಟೆ ಸಂಸ್ಕೃತಿಯ ಜನರು ಮೊದಲ ಬಾರಿಗೆ ದೊಡ್ಡ ಪ್ರಮಾಣದಲ್ಲಿ ಕುಂಬಾರಿಕೆಯನ್ನು ಮಾಡುತ್ತಿದ್ದರು.[14] ಈ ಸಂಸ್ಕೃತಿಗಳು 200 CEವರೆಗೂ ಅಸ್ತಿತ್ವದಲ್ಲಿದ್ದವು. ಲೂಯಿಸಿಯಾನದಲ್ಲಿ ದಿ ಮಿಡಲ್ ವುಡ್ ಲ್ಯಾಂಡ್ ಅವಧಿಯು ರಾಜ್ಯದ ದಕ್ಷಿಣ ಹಾಗು ಪೂರ್ವ ಭಾಗದಲ್ಲಿ ಮಾರ್ಕ್ಸ್ ವಿಲ್ಲೆ ಸಂಸ್ಕೃತಿಯೊಂದಿಗೆ [15] ಹಾಗು ರಾಜ್ಯದ ವಾಯವ್ಯ ದಿಕ್ಕಿನಲ್ಲಿರುವ ಫೌರ್ಚೆ ಮಲಿನೆ ಸಂಸ್ಕೃತಿಯೊಂದಿಗೆ ಆರಂಭವಾಯಿತು. ಮಾರ್ಕ್ಸ್ ವಿಲ್ಲೆ ಸಂಸ್ಕೃತಿಯು ಅವೊಯೇಲ್ಲೆಸ್ ಪ್ಯಾರಿಷ್, ಲೂಯಿಸಿಯಾನ ದ ಮಾರ್ಕ್ಸ್ ವಿಲ್ಲೆ ಪ್ರಿಹಿಸ್ಟಾರಿಕ್ ಇಂಡಿಯನ್ ಸೈಟ್ ನಿಂದ ತನ್ನ ಹೆಸರನ್ನು ಪಡೆದುಕೊಂಡಿದೆ. ಈ ಸಂಸ್ಕೃತಿಗಳು ಓಹಿಯೋ ಹಾಗು ಇಲ್ಲಿನಾಯಿಸ್ ಸಂಸ್ಕೃತಿಗಳ ಹೋಪ್ ವೆಲ್ ಸಂಸ್ಕೃತಿಗಳ ಜೊತೆಗೆ ಸಮಕಾಲೀನವಾಗಿದೆ, ಜೊತೆಗೆ ಇದು ಹೋಪ್ವೆಲ್ ಎಕ್ಸ್ಚೇಂಜ್ ನೆಟ್ವರ್ಕ್ನಲ್ಲಿ ಭಾಗಿಯಾಗಿತ್ತು. ನೈಋತ್ಯದ ಜನರೊಂದಿಗಿನ ವ್ಯಾಪಾರದಿಂದಾಗಿ ಬಿಲ್ಲು ಹಾಗು ಬಾಣದ[16] ಪರಿಚಯವಾಯಿತು. ಇದೇ ಅವಧಿಯಲ್ಲಿ ಮೊದಲ ಬಾರಿಗೆ ಸಮಾಧಿ ದಿಬ್ಬಗಳನ್ನು ನಿರ್ಮಿಸಲಾಯಿತು.[17] ರಾಜಕೀಯ ಅಧಿಕಾರ ಕ್ರೋಢೀಕರಣ ಆರಂಭವಾಯಿತು.ಮತಾಚರಣೆಯ ಕೇಂದ್ರಗಳಲ್ಲಿ ಮೊದಲ ವೇದಿಕೆ ದಿಬ್ಬಗಳನ್ನು ವಂಶಪರಂಪರೆ ರಾಜಕೀಯ ಹಾಗು ಧಾರ್ಮಿಕ ನಾಯಕತ್ವವನ್ನು ಬೆಳೆಸುವ ಉದ್ದೇಶದಿಂದ ನಿರ್ಮಿಸಲಾಯಿತು.[17] ಸುಮಾರು 400 CEಯಲ್ಲಿ ಅವಾರ್ಚೀನ ವುಡ್ ಲ್ಯಾಂಡ್ ಅವಧಿಯು ರಾಜ್ಯದ ದಕ್ಷಿಣ ಭಾಗದಲ್ಲಿ ಬೇಟೌನ್ ಸಂಸ್ಕೃತಿಯೊಂದಿಗೆ ಆರಂಭಗೊಂಡಿತು. ಇದು ಪ್ರದೇಶದ ಸಾಂಸ್ಕೃತಿಕ ಇತಿಹಾಸದ ಮೇಲೆ ಇದು ಹೆಚ್ಚಿನ ಬದಲಾವಣೆಯನ್ನೆನ್ನೂ ತರಲಿಲ್ಲ. ಜನಸಂಖ್ಯೆಯು ಗಮನಾರ್ಹವಾಗಿ ಅಧಿಕಗೊಂಡಿತು ಹಾಗೂ ಒಂದು ಬೆಳೆಯುತ್ತಿರುವ ಸಂಸ್ಕೃತಿ ಹಾಗು ರಾಜಕೀಯ ಸಂಕೀರ್ಣತೆಯ ಬಗ್ಗೆ ಒಂದು ಬಲವಾದ ಸಾಕ್ಷ್ಯವು ದೊರೆಯಿತು. ಹಲವು ಕೋಲ್ಸ್ ಕ್ರೀಕ್ ಸ್ಥಳಗಳು ಪೂರ್ವದ ವುಡ್ ಲ್ಯಾಂಡ್ ಅವಧಿಯ ಸಮಾಧಿ ದಿಬ್ಬಗಳ ಮೇಲೆ ಎದ್ದುನಿಂತವು. ಗಣ್ಯರು ಸ್ವಯಂ ಅಧಿಕಾರಕ್ಕೆ ಪ್ರಾಧಾನ್ಯತೆ ನೀಡಲು ಮತ್ತು ಮುಂಗಾಣಲು ಸಾಂಕೇತಿಕವಾಗಿ ಹಾಗು ಭೌತಿಕವಾಗಿ ತಮ್ಮ ಮೃತ ಪೂರ್ವಿಕರನ್ನು ಬಳಸಿಕೊಳ್ಳುತ್ತಿದ್ದರೆಂದು ಸಂಶೋಧಕರ ಊಹೆಗೆ ಇದು ದಾರಿ ಕಲ್ಪಿಸಿದೆ.[18] ಲೂಯಿಸಿಯಾನ ದ ಮಿಸ್ಸಿಸ್ಸಿಪ್ಪಿಯನ್ ಅವಧಿಯು ಪ್ಲಾಕೆಮಿನ್ ಹಾಗು ಕಾಡೋನ್ ಮಿಸ್ಸಿಸ್ಸಿಪ್ಪಿಯನ್ ಸಂಸ್ಕೃತಿಗಳ ಹುಟ್ಟಿಗೆ ಕಾರಣವಾಯಿತು. ಈ ಅವಧಿಯಲ್ಲಿ ವ್ಯಾಪಕವಾಗಿ ಕೃಷಿಯಲ್ಲಿ ಮೆಕ್ಕೆ-ಜೋಳವನ್ನು ಬೆಳೆಯಲಾಯಿತು. ಪಶ್ಚಿಮ ಮಿಸ್ಸಿಸ್ಸಿಪ್ಪಿ ಹಾಗು ಪೂರ್ವ ಲೂಯಿಸಿಯಾನ ದ ಕೆಳ ಮಿಸ್ಸಿಸ್ಸಿಪ್ಪಿ ನದಿ ಕಣಿವೆಯಲ್ಲಿ ಪ್ಲಾಕೆಮಿನ್ ಸಂಸ್ಕೃತಿಯು 1200 CEಯಲ್ಲಿ ಆರಂಭವಾಗುವುದರ ಜೊತೆಗೆ 1400 CEಯವರೆಗೂ ಅಸ್ತಿತ್ವದಲ್ಲಿತ್ತು. ಈ ಸಂಸ್ಕೃತಿಯ ಉತ್ತಮ ಉದಾಹರಣೆಯೆಂದರೆ ಪಶ್ಚಿಮ ಬೇಟನ್ ರೂಜ್ ಪ್ಯಾರಿಷ್, ಲೂಯಿಸಿಯಾನ ನಲ್ಲಿರುವ ಮೆಡೋರ ಸೈಟ್, ಹಾಗು ಮಿಸ್ಸಿಪ್ಪಿಯಲ್ಲಿರುವ ಎಮರಾಲ್ಡ್ ಮೌಂಡ್, ವಿಂಟರ್ ವಿಲ್ಲೆ ಹಾಗು ಹೊಲ್ಲಿ ಬ್ಲಫ್ಫ್ ಸ್ಥಳಗಳು.[19] ಪ್ಲಾಕೆಮಿನ್ ಸಂಸ್ಕೃತಿಯು, St. ಲೂಯಿಸ್, ಮಿಸ್ಸೌರಿ ಸಮೀಪದ ಕಾಹೊಕಿಯ ಪ್ರದೇಶದ ಮಿಡಲ್ ಮಿಸ್ಸಿಸ್ಸಿಪ್ಪಿಯನ್ ಸಂಸ್ಕೃತಿಗೆ ಸಮಕಾಲೀನವಾಗಿದೆ. ಈ ಗುಂಪು ನಾಟ್ಚೆಜ್ ಹಾಗು ತಾಯೆನ್ಸ ಜನರ ಪೂರ್ವಜರೆಂದು ಪರಿಗಣಿಸಲಾಗುತ್ತದೆ.[20] ಸುಮಾರು 1000 CEಯ ಹೊತ್ತಿಗೆ ರಾಜ್ಯದ ವಾಯವ್ಯದ ಭಾಗದಲ್ಲಿ ಫೌರ್ಚೆ ಮಾಲೈನ್ ಸಂಸ್ಕೃತಿಯು ಕಾಡೋನ್ ಮಿಸ್ಸಿಸ್ಸಿಪ್ಪಿಯನ್ ಸಂಸ್ಕೃತಿಯಾಗಿ ವಿಕಸನಗೊಂಡಿತು. ಕಾಡೋನ್ ಮಿಸ್ಸಿಸ್ಸಿಪ್ಪಿಯನ್ ಜನರು ಒಂದು ದೊಡ್ಡ ಪ್ರದೇಶದಲ್ಲಿ ವ್ಯಾಪಿಸಿಕೊಂಡಿದ್ದರು, ಇದು ಇಂದಿನ ಪೂರ್ವ ಓಕ್ಲಹೋಮ, ಪಶ್ಚಿಮ ಅರ್ಕನ್ಸಾಸ್, ಈಶಾನ್ಯ ಟೆಕ್ಸಾಸ್, ಹಾಗು ವಾಯವ್ಯ ಲೂಯಿಸಿಯಾನ ಪ್ರದೇಶಗಳನ್ನು ಒಳಗೊಂಡಿತ್ತು. ಇತಿಹಾಸಪೂರ್ವದಿಂದ ಇಂದಿನವರೆಗೂ ಸಾಂಸ್ಕೃತಿಕ ಸಾತತ್ಯವು ನಿರಂತರವಾಗಿದೆ ಎಂಬ ಪುರಾತತ್ತ್ವಶಾಸ್ತ್ರದ ಪುರಾವೆ ಜೊತೆಗೆ ಕಾಡೋದ ನೇರ ಪೂರ್ವಜರು ಹಾಗು ಇತಿಹಾಸ ಪೂರ್ವದ ಅವಧಿಯಲ್ಲಿ ಸಂಬಂಧಿತ ಕಾಡೋ ಭಾಷೆಯನ್ನು ಆಡುವ ಜನರು ಜೊತೆಗೆ ಮೊದಲ ಯುರೋಪಿಯನ್ ಸಂಪರ್ಕ ಹಾಗು ಆಧುನಿಕ ಕಾಡೋ ನೇಶನ್ ಆಫ್ ಓಕ್ಲಹೋಮ ಇಂದು ಪ್ರಶ್ನಾತೀತವಾಗಿದೆ.[21]
ರಾಜ್ಯದ ಪ್ರಸಕ್ತ ಹಲವು ಸ್ಥಳಗಳ ಹೆಸರುಗಳು ಅಟ್ಚಫಾಲಯ, ನಾಟ್ಚಿತೌಚೆಸ್ (ಈಗ ನಾಟ್ಚಿಟೋಚೆಸ್ ಎಂದು ಉಚ್ಚರಿಸಲಾಗುತ್ತದೆ), ಕಾಡೋ, ಹೌಮ, ಟಂಗಿಪಹೊವ, ಹಾಗು ಅವೊಯೆಲ್ (ಅವೊಯೆಲ್ಲೆಸ್ ಎಂದು ಉಚ್ಚರಿಸಲಾಗುತ್ತದೆ)ಗಳನ್ನೂ ಒಳಗೊಂಡಂತೆ ಹಲವಾರು ಸ್ಥಳೀಯ ಅಮೆರಿಕನ್ ಭಾಷೆಗಳಲ್ಲಿ ಲಿಪ್ಯಂತರಣ ರೂಪಗಳನ್ನು ಬಳಸಲಾಗುತ್ತದೆ.
ಲೂಯಿಸಿಯಾನಕ್ಕೆ ಮೊದಲ ಬಾರಿಗೆ ಯುರೋಪಿಯನ್ ಪರಿಶೋಧಕರು 1528ರಲ್ಲಿ ಪಾನ್ಫಿಲೋ ಡೆ ನರ್ವಯೇಜ್ ನಾಯಕತ್ವದಲ್ಲಿ ನಡೆದ ಒಂದು ಸ್ಪಾನಿಷ್ ಯಾನದ ಮೂಲಕ ಮಿಸ್ಸಿಸ್ಸಿಪ್ಪಿ ನದಿಯ ಮುಖಭಾಗವನ್ನು ಪತ್ತೆಹಚ್ಚಿದರು. ಇಸವಿ 1542ರಲ್ಲಿ, ಹರ್ನಾನ್ಡೋ ಡೆ ಸೋಟೋರ ಯಾನವು ರಾಜ್ಯದ ಉತ್ತರ ಹಾಗು ಪಶ್ಚಿಮ ಭಾಗದುದ್ದಕ್ಕೂ ನಡೆಯಿತು (ಈ ಯಾನದಲ್ಲಿ ಕಾಡೋ ಹಾಗು ತುನಿಕ ಗುಂಪುಗಳನ್ನು ಸಂಧಿಸಿತು) ಹಾಗು ನಂತರ ಯಾನವು 1543ರಲ್ಲಿ ಮಿಸ್ಸಿಸ್ಸಿಪ್ಪಿ ನದಿಯಿಂದ ಗಲ್ಫ್ ಆಫ್ ಮೆಕ್ಸಿಕೋವರೆಗೂ ಮುಂದುವರೆಯಿತು. ನಂತರ ಲೂಯಿಸಿಯಾನ ಬಗ್ಗೆ ಸ್ಪಾನಿಷ್ ಆಸಕ್ತಿಯು ನಿಷ್ಕ್ರಿಯಗೊಂಡಿತು. ಕಳೆದ 17ನೇ ಶತಮಾನದ ಉತ್ತರಾರ್ಧದಲ್ಲಿ, ಸಾರ್ವಭೌಮತ್ವ, ಧಾರ್ಮಿಕ ಹಾಗು ವಾಣಿಜ್ಯ ಉದ್ದೇಶಗಳನ್ನು ಒಳಗೊಂಡ ಫ್ರೆಂಚ್ ಸಮುದ್ರಯಾನಗಳು, ಮಿಸ್ಸಿಸ್ಸಿಪ್ಪಿ ನದಿ ಹಾಗು ಗಲ್ಫ್ ಕೋಸ್ಟ್ನಲ್ಲಿ ತಮ್ಮ ಕಾಲ್ನೆಲೆಯನ್ನು ಸ್ಥಾಪಿಸಿದವು. ತಮ್ಮ ಮೊದಲ ವಸತಿ ಹೂಡಿಕೆಯೊಂದಿಗೆ, ಫ್ರಾನ್ಸ್ ಉತ್ತರ ಅಮೆರಿಕದ ವ್ಯಾಪಕ ಪ್ರದೇಶದ ಮೇಲೆ ಹಕ್ಕು ಸಾಧಿಸಿತು.ಜೊತೆಗೆ ಒಂದು ವಾಣಿಜ್ಯ ಸಾಮ್ರಾಜ್ಯವನ್ನು ಸ್ಥಾಪಿಸಲು ಮುಂದಾಗಿ, ಫ್ರೆಂಚ್ ರಾಷ್ಟ್ರವು ಗಲ್ಫ್ ಆಫ್ ಮೆಕ್ಸಿಕೋದಿಂದ ಕೆನಡಾದವರೆಗೂ ವಿಸ್ತರಿಸಿತು.
ಇಸವಿ 1682ರಲ್ಲಿ, ಫ್ರೆಂಚ್ ಪರಿಶೋಧಕ ರಾಬರ್ಟ್ ಕೆವ್ಯಾಲಿಯರ್ ಡೆ ಲಾ ಸಲ್ಲೇ ಲೂಯಿಸಿಯಾನ ಪ್ರದೇಶಕ್ಕೆ ಫ್ರಾನ್ಸ್ ನ ಕಿಂಗ್ ಲೂಯಿಸ್ XIV ಗೌರವಾರ್ಥವಾಗಿ ನಾಮಕರಣ ಮಾಡಿದ. ಮೊದಲ ಶಾಶ್ವತ ನೆಲೆಯಾದ, ಫೋರ್ಟ್ ಮೌರೆಪಾಸ್ (ಇಂದು ಈ ಪ್ರದೇಶವು ಬಿಲೋಕ್ಸಿ ಸಮೀಪ ಓಶಿಯನ್ ಸ್ಪ್ರಿಂಗ್ಸ್, ಮಿಸ್ಸಿಸ್ಸಿಪ್ಪಿಯಲ್ಲಿದೆ), 1699ರಲ್ಲಿ, ಕೆನಡಾದ ಫ್ರೆಂಚ್ ಮಿಲಿಟರಿ ಅಧಿಕಾರಿ ಪಿಯೆರ್ರೆ ಲೆ ಮೊಯ್ನೆ ಡ'ಐಬರ್ ವಿಲ್ಲೆ ಸ್ಥಾಪಿಸಿದ. ಅಷ್ಟರಲ್ಲಾಗಲೇ ಫ್ರೆಂಚರು ಮಿಸ್ಸಿಸ್ಸಿಪ್ಪಿಯ ನದಿಮುಖದ ವಸಾಹತು ಪ್ರದೇಶದಲ್ಲಿ ಒಂದು ಸಣ್ಣ ಕೋಟೆಯನ್ನು ನಿರ್ಮಿಸಿ ಅದಕ್ಕೆ ಲಾ ಬಲಿಸೆ(ಅಥವಾ ಲಾ ಬಲಿಜೆ) ಎಂದು ನಾಮಕರಣ ಮಾಡಿದರು, ಇದು ಫ್ರೆಂಚ್ ಭಾಷೆಯಲ್ಲಿ "ಕಡಲ ಗುರುತು" ಎಂಬ ಅರ್ಥವನ್ನು ನೀಡುತ್ತದೆ. ಸುಮಾರು 1721ರ ಹೊತ್ತಿಗೆ ಹಡಗುಗಳಿಗೆ ಮಾರ್ಗದರ್ಶಕವಾಗಿ ಬೆಳಕುಮನೆ-ಮಾದರಿಯ ವಿನ್ಯಾಸವನ್ನು ಮರದಲ್ಲಿ62-foot (19 m) ನಿರ್ಮಿಸಿದರು.[22]
ಲೂಯಿಸಿಯಾನ ದ ಫ್ರೆಂಚ್ ವಸಾಹತು ನೆಲೆಯು ಮಿಸ್ಸಿಸ್ಸಿಪ್ಪಿ ನದಿಯ ಎರಡೂ ಇಕ್ಕೆಲಗಳನ್ನು ಹಾಗು ಉತ್ತರ ಭಾಗದಿಂದ ಕೆನಡಾದ ಫ್ರೆಂಚ್ ಭೂಪ್ರದೇಶದವರೆಗೂ ಎಲ್ಲ ಭೂಮಿಯ ಮೇಲೆ ಹಕ್ಕು ಪ್ರತಿಪಾದಿಸಿತು. ಈ ಕೆಳಕಂಡ ರಾಜ್ಯಗಳು ಲೂಯಿಸಿಯಾನ ದ ಭಾಗವಾಗಿದ್ದವು: ಲೂಯಿಸಿಯಾನ , ಮಿಸ್ಸಿಸ್ಸಿಪ್ಪಿ, ಅರ್ಕನ್ಸಾಸ್, ಓಕ್ಲಹೋಮ, ಮಿಸ್ಸೌರಿ, ಕನ್ಸಾಸ್, ನೆಬ್ರಾಸ್ಕ, ಐಯೋವ, ಇಲ್ಲಿನಾಯಿಸ್, ಇಂಡಿಯಾನ, ಮಿಚಿಗನ್, ವಿಸ್ಕಾನ್ಸಿನ್, ಮಿನ್ನೇಸೋಟ, ಉತ್ತರ ಡಕೋಟ, ದಕ್ಷಿಣ ಡಕೋಟ.
ನಾಚಿಟೋಚೆಸ್ನ ವಸಾಹತು ನೆಲೆಯನ್ನು (ಇಂದಿನ ವಾಯವ್ಯ ಲೂಯಿಸಿಯಾನದ ರೆಡ್ ರಿವರ್ನಲ್ಲಿದೆ) ಲೂಯಿಸ್ ಜುಚೆರೆಯಾ ಡೆ St. ಡೆನಿಸ್ 1714ರಲ್ಲಿ ಸ್ಥಾಪನೆ ಮಾಡಿದ. ಇದು ಲೂಯಿಸಿಯಾನ ಪರ್ಚೇಸ್ ಭೂಪ್ರದೇಶಕ್ಕೆ ಅತ್ಯಂತ ಹಳೆಯ ಶಾಶ್ವತ ಯುರೋಪಿಯನ್ ವಸಾಹತು ನೆಲೆಯೆಂಬ ಸ್ಥಾನವನ್ನು ದಕ್ಕಿಸಿಕೊಟ್ಟಿತು. ಫ್ರೆಂಚ್ ವಸಾಹತು ನೆಲೆಯು ಎರಡು ಉದ್ದೇಶಗಳನ್ನು ಹೊಂದಿತ್ತು: ಟೆಕ್ಸಾಸ್ ನಲ್ಲಿರುವ ಸ್ಪಾನಿಷರೊಂದಿಗೆ ವ್ಯಾಪಾರವನ್ನು ಸ್ಥಾಪಿಸುವುದು, ಹಾಗು ಲೂಯಿಸಿಯಾನ ಸ್ಪಾನಿಷರ ಮುನ್ನಡೆಗಳನ್ನು ತಡೆಯುವುದು. ಇದಲ್ಲದೆ, ಓಲ್ಡ್ ಸ್ಯಾನ್ ಅಂಟೋನಿಯೋ ರಸ್ತೆಯ ಉತ್ತರ ಭಾಗದ ಅಂತಿಮ ನಿಲ್ದಾಣವು(ಕೆಲವೊಂದು ಬಾರಿ ಕಾಮಿನೋ ರಿಯಲ್, ಅಥವಾ ಕಿಂಗ್ಸ್ ಹೈವೇ ಎಂದು ಕರೆಯಲಾಗುತ್ತದೆ) ನಾಟ್ಚಿಟೋಚೆಸ್ನಲ್ಲಿತ್ತು. ವಸಾಹತು ನೆಲೆಯು ತ್ವರಿತವಾಗಿ ಒಂದು ಅಭಿವೃದ್ಧಿ ಹೊಂದಿದ ಬಂದರು ಹಾಗು ಕೂಡು ದಾರಿಗಳಾಯಿತು, ಇದು ನದಿಯ ಉದ್ದಕ್ಕೂ ವ್ಯಾಪಕವಾದ ಹತ್ತಿಯ ಪ್ರದೇಶದ ಸೃಷ್ಟಿಗೆ ನಾಂದಿಯಾಯಿತು. ಕಾಲಾನುಕ್ರಮದಲ್ಲಿ, ಪ್ಲಾನ್ಟರುಗಳು ದೊಡ್ಡ ಜಮೀನುಗಳನ್ನು ಅಭಿವೃದ್ಧಿ ಪಡಿಸುವುದರ ಜೊತೆಗೆ ಬೆಳವಣಿಗೆಯನ್ನು ಹೊಂದುತ್ತಿರುವ ಪಟ್ಟಣದಲ್ಲಿ ಸುಸಜ್ಜಿತ ಮನೆಗಳನ್ನು ನಿರ್ಮಾಣ ಮಾಡಿದರು, ಈ ಮಾದರಿಯು ನ್ಯೂ ಆರ್ಲಿಯನ್ಸ್ ಹಾಗು ಇತರ ಸ್ಥಳಗಳಲ್ಲಿ ಪುನರಾವರ್ತನೆಯಾಯಿತು.
ಲೂಯಿಸಿಯಾನದ ಫ್ರೆಂಚ್ ವಸಾಹತು ನೆಲೆಗಳು ಮತ್ತಷ್ಟು ಪರಿಶೋಧನೆ ಹಾಗು ಹೊರವಸಾಹತುಗಳ ನಿರ್ಮಾಣಕ್ಕೆ ನೆರವು ನೀಡಿತು, ಇದನ್ನು ಮಿಸ್ಸಿಸ್ಸಿಪ್ಪಿ ನದಿಯ ದಂಡೆಯುದ್ದಕ್ಕೂ ಹಾಗು ಅದರ ಪ್ರಧಾನ ಉಪನದಿಗಳುದ್ದಕ್ಕೂ, ಲೂಯಿಸಿಯಾನ ದಿಂದ ಹಿಡಿದು ಇಂದಿನ St. ಲೂಯಿಸ್, ಮಿಸ್ಸೌರಿ ಸುತ್ತಲೂ ಇರುವ ದೂರದ ಉತ್ತರ ಭಾಗದ ಇಲ್ಲಿನಾಯಿಸ್ ಕಂಟ್ರಿ ಪ್ರದೇಶದಲ್ಲಿ ಕೇಂದ್ರೀಕರಿಸಲಾಗಿತ್ತು. ಇದನ್ನೂ ನೋಡಿ : ಅಮೆರಿಕನ್ನರ ಫ್ರೆಂಚ್ ವಸಾಹತು ನೆಲೆ
ಆರಂಭದಲ್ಲಿ ಅಲಬಾಮದ ಮೊಬೈಲ್, ಹಾಗು ಮಿಸ್ಸಿಸ್ಸಿಪ್ಪಿಯ ಬಿಲಾಕ್ಸಿ ವಸಾಹತಿನ ರಾಜಧಾನಿಯಾಗಿ ಕಾರ್ಯ ನಿರ್ವಹಿಸಿದ್ದವು. ವ್ಯಾಪಾರ ಹಾಗು ಮಿಲಿಟರಿ ಹಿತಾಸಕ್ತಿಯಿಂದ ಮಿಸ್ಸಿಸ್ಸಿಪ್ಪಿ ನದಿಯ ಪ್ರಾಮುಖ್ಯತೆಯನ್ನು ಗುರುತಿಸಿ, ಫ್ರಾನ್ಸ್ ನ್ಯೂ ಆರ್ಲಿಯನ್ಸ್ ನ್ನು 1722ರಲ್ಲಿ ಪೌರ ಹಾಗು ಮಿಲಿಟರಿ ಅಧಿಕಾರದ ಪ್ರಮುಖ ಕಾರ್ಯಸ್ಥಾನವನ್ನಾಗಿಸಿತು. ಅಲ್ಲಿಂದ ಅಮೆರಿಕ ಸಂಯುಕ್ತ ಸಂಸ್ಥಾನವು ಡಿಸೆಂಬರ್ 20, 1803ರಲ್ಲಿ ಲೂಯಿಸಿಯಾನ ಪರ್ಚೆಸ್ ನ ಭೂ ಪ್ರದೇಶವನ್ನು ಆಕ್ರಮಿಸುವವರೆಗೆ ಫ್ರಾನ್ಸ್ ಹಾಗು ಸ್ಪೇನ್ ಪ್ರದೇಶದ ವಸಾಹತು ಸಾಮ್ರಾಜ್ಯದ ಮೇಲೆ ತಮ್ಮ ನಿಯಂತ್ರಣವನ್ನು ಹೊಂದಿದ್ದವು.
ಇಸವಿ 1720ರಲ್ಲಿ, ಜರ್ಮನ್ ವಲಸೆಗಾರರು ಮಿಸ್ಸಿಸ್ಸಿಪ್ಪಿ ನದಿಯುದ್ದಕ್ಕೂ ಜರ್ಮನ್ ಕೋಸ್ಟ್ ಎಂದು ಕರೆಯಲ್ಪಡುವ ಪ್ರದೇಶದಲ್ಲಿ ನೆಲೆಗೊಂಡಿದ್ದರು.
ಫ್ರಾನ್ಸ್, ಉತ್ತರಅಮೆರಿಕದಲ್ಲಿ ಹೆಸರಾಗಿರುವ ಸೆವೆನ್ ಇಯರ್ಸ್ ವಾರ್ ನಲ್ಲಿ ಬ್ರಿಟನ್ ನ ವಿಜಯ ಅಥವಾ ಫ್ರೆಂಚ್ ಅಂಡ್ ಇಂಡಿಯನ್ ವಾರ್ ನಂತರ ಮಿಸ್ಸಿಸ್ಸಿಪ್ಪಿಯ ಪೂರ್ವಕ್ಕಿರುವ ಬಹುತೇಕ ಪ್ರದೇಶಗಳನ್ನು ಗ್ರೇಟ್ ಬ್ರಿಟನ್ಗೆ ಒಪ್ಪಿಸಿತು. ಇದು ನ್ಯೂ ಆರ್ಲಿಯನ್ಸ್ ಸುತ್ತಲಿನ ಪ್ರದೇಶವನ್ನು ಹಾಗು ಲೇಕ್ ಪಾಂಟ್ ಚಾರ್ಟ್ರೈನ್ ಸುತ್ತಲಿನ ಪ್ಯಾರಿಷ್ಗಳನ್ನು ಉಳಿಸಿಕೊಂಡಿತು. ಸೆವೆನ್ ಇಯರ್ಸ್ ವಾರ್ ನ ನಂತರ ಒಪ್ಪಂದವಾದ 1763ರ ಟ್ರೀಟಿ ಆಫ್ ಫಾಂಟೈನೆಬ್ಲೆಯುನಿಂದಾಗಿ ಲೂಯಿಸಿಯಾನ ದ ಉಳಿದ ಭಾಗವು ಸ್ಪೇನ್ ನ ವಸಾಹತು ನೆಲೆಯಾಯಿತು.
ಇಸವಿ 1765ರಲ್ಲಿ, ಸ್ಪಾನಿಷ್ ಅಧಿಕಾರಾವಧಿಯಲ್ಲಿ, ಅಕಾಡಿಯ (ಇದೇ ಇಂದಿನ ನ್ಯೂ ಬ್ರುನ್ಸ್ ವಿಕ್ಕ್ ನಲ್ಲಿರುವ ನೋವ ಸ್ಕಾಟಿಯ ಹಾಗು ಪ್ರಿನ್ಸ್ ಎಡ್ವರ್ಡ್ ಐಲ್ಯಾಂಡ್, ಕೆನಡಾ) ಪ್ರದೇಶದ ಹಲವಾರು ಸಾವಿರ ಫ್ರೆಂಚ್-ಮಾತನಾಡುವ ನಿರಾಶ್ರಿತರು, ಸೆವೆನ್ ಇಯರ್ಸ್ ವಾರ ನಂತರದ ಬ್ರಿಟಿಷರ ಉಚ್ಚಾಟನೆಯ ಪರಿಣಾಮವಾಗಿ ಲೂಯಿಸಿಯಾನಕ್ಕೆ ಬಂದು ನೆಲೆಸಿದರು. ಇವರು ಇಂದು ಅಕಾಡಿಯನ್ ಎಂದು ಕರೆಯಲ್ಪಡುವ ನೈಋತ್ಯ ಲೂಯಿಸಿಯಾನದಲ್ಲಿ ಮುಖ್ಯವಾಗಿ ನೆಲೆಸಿದರು. ಸ್ಪಾನಿಷರು, ಹೆಚ್ಚು ಕ್ಯಾಥೊಲಿಕ್ ವಸಾಹತುಗಾರರನ್ನು ಹೊಂದುವ ಉದ್ದೇಶದಿಂದ, ಅಕಾಡಿಯನ್ ನಿರಾಶ್ರಿತರನ್ನು ಸ್ವಾಗತಿಸಿದರು. ಕಾಜುನ್ ಗಳು ಈ ಅಕಾಡಿಯನ್ ನಿರಾಶ್ರಿತ ವಂಶಪರಂಪರೆಯವರು.
ಐಸಲ್ನೋಸ್ ಎಂದು ಕರೆಯಲ್ಪಡುವ ಸ್ಪಾನಿಷ್ ಕ್ಯಾನರಿ ಐಲ್ಯಾಂಡರ್ಸ್, 1778 ರಿಂದ 1783ರ ಸ್ಪಾನಿಷ್ ಆಳ್ವಿಕೆಯ ಅವಧಿಯಲ್ಲಿ ಸ್ಪೇನ್ನ ಕ್ಯಾನರಿ ದ್ವೀಪಗಳಿಂದ ಲೂಯಿಸಿಯಾನಕ್ಕೆ ವಲಸೆಬಂದರು.
ಇಸವಿ 1800ರಲ್ಲಿ, ಫ್ರಾನ್ಸ್ ನ ನೆಪೋಲಿಯನ್ ಬೊನಾಪಾರ್ಟೆ ಟ್ರೀಟಿ ಆಫ್ ಸ್ಯಾನ್ ಇಲ್ಡೆಫಾನ್ಸೋ ಒಪ್ಪಂದದ ಪರಿಣಾಮವಾಗಿ ಲೂಯಿಸಿಯಾನ ವನ್ನು ಸ್ಪೇನ್ ನಿಂದ ವಶಪಡಿಸಿಕೊಂಡ. ಈ ಒಪ್ಪಂದವನ್ನು ಎರಡು ವರ್ಷಗಳ ಕಾಲ ಗೌಪ್ಯವಾಗಿರಿಸಲಾಯಿತು.
ಇಸವಿ 1709ರಲ್ಲಿ, ಫ್ರೆಂಚ್ ಬಂಡವಾಳಗಾರ ಅಂಟೋಯಿನೆ ಕ್ರೋಜಟ್, ಫ್ರೆಂಚ್ ಆಧಿಪತ್ಯದಲ್ಲಿದ್ದ ಲೂಯಿಸಿಯಾನದ ವ್ಯಾಪಾರದ ಏಕಸ್ವಾಮ್ಯತೆಯನ್ನು ಗಳಿಸಿಕೊಂಡ. ಇದು ಇಂದಿನ ಇಲ್ಲಿನಾಯಿಸ್ ನಿಂದ ಹಿಡಿದು ಗಲ್ಫ್ ಆಫ್ ಮೆಕ್ಸಿಕೋದವರೆಗೂ ವಿಸ್ತರಿಸಿತ್ತು. "ಈ ರಿಯಾಯಿತಿಯಿಂದಾಗಿ ಅವನು ಪ್ರತಿ ವರ್ಷವೂ ಆಫ್ರಿಕಾದಿಂದ ನಿಗ್ರೋಗಳನ್ನು ಸಾಗಿಸಿ ತರಲು ಅವಕಾಶ ಸಿಕ್ಕಿತು," ಇದನ್ನು ಬ್ರಿಟಿಶ್ ಇತಿಹಾಸಜ್ಞ ಹಗ್ ಥಾಮಸ್ ಉಲ್ಲೇಖಿಸುತ್ತಾರೆ.[23]
ಫ್ರಾನ್ಸ್ 1803ರಲ್ಲಿ ಲೂಯಿಸಿಯಾನ ಭೂಪ್ರದೇಶವನ್ನು ಅಮೆರಿಕ ಸಂಯುಕ್ತ ಸಂಸ್ಥಾನಕ್ಕೆ ಬಿಟ್ಟುಕೊಟ್ಟಾಗ, ಗುಲಾಮ ಆಫ್ರಿಕನ್ನರನ್ನು ನೆರೆಯ ಮಿಸ್ಸಿಸ್ಸಿಪ್ಪಿಗೆ ಹೇಗೆ ಸುಲಭವಾಗಿ ಕರೆತರಲಾಯಿತೋ ಅದೇ ಮಾದರಿಯಲ್ಲಿ U.S. ಕಾನೂನಿಗೆ ವಿರುದ್ಧವಾಗಿದ್ದರೂ ಇಲ್ಲಿಗೂ ಕರೆತರಬಹುದೆಂದು ಅಂಗೀಕರಿಸಲಾಯಿತು.[24] ಆದಾಗ್ಯೂ ಲೂಯಿಸಿಯಾನ ಹತ್ತೊಂಬತ್ತನೇ ಶತಮಾನದ ಆರಂಭದ ಹೊತ್ತಿಗೆ ಒಂದು ಸಣ್ಣ ಸಂಖ್ಯೆಯ ಗುಲಾಮರೊಂದಿಗೆ ಸಕ್ಕರೆಯ ಒಂದು ಸಣ್ಣ ಉತ್ಪಾದಕನೆನಿಸಿಕೊಂಡಿತ್ತು. ಆಫ್ರಿಕಾದಿಂದ ಗುಲಾಮರನ್ನು ದಕ್ಷಿಣ ಕ್ಯಾರೊಲಿನಗೆ ಸಾಗಿಸುವ ಮುಂಚೆ ಲೂಯಿಸಿಯಾನದಲ್ಲಿ ಮಾರಾಟ ಮಾಡಿದಾಗ,ತೋಟದ ಮಾಲೀಕರು ಖರೀದಿಸಿದ ನಂತರ, ಲೂಸಿಯಾ ದೊಡ್ಡ ಸಕ್ಕರೆ ಉತ್ಪಾದಕ ರಾಜ್ಯವೆನಿಸಿತು. ತೋಟದ ಒಡೆಯರು ತಮ್ಮ ಕಬ್ಬಿನ ಗದ್ದೆಗಳಲ್ಲಿ ಸೆರೆಹಿಡಿದ ಕಾರ್ಮಿಕರಿಗೆ ಹಣನೀಡದೇ ಜೀತದಾಳುಗಳಂತೆ ಬಲವಂತದಿಂದ ದುಡಿಸಿದರು. ಹೊಸದಾಗಿ ಸ್ವಾಧೀನಪಡಿಸಿಕೊಂಡ ಭೂಪ್ರದೇಶದಲ್ಲಿ ಗುಲಾಮಗಿರಿಯ ವಿರುದ್ಧ ಅಸ್ತಿತ್ವದಲ್ಲಿದ್ದ ಫೆಡರಲ್ ಕಾನೂನನ್ನು ವಿಧಿಸಲು ಅಮೆರಿಕ ಸಂಯುಕ್ತ ಸಂಸ್ಥಾನದ ಪ್ರತಿನಿಧಿ ಜೇಮ್ಸ್ ಹಿಲ್ ಹೌಸ್ ಹಾಗು ಕಿರುಹೊತ್ತಿಗೆ ಲೇಖಕ ಥಾಮಸ್ ಪೈನೆ ರ ಬೇಡಿಕೆಗಳ ಹೊರತಾಗಿಯೂ,[25] ಗುಲಾಮಗಿರಿಯು ಅಸ್ತಿತ್ವದಲ್ಲಿ ಉಳಿಯಿತು. ಏಕೆಂದರೆ ಇದು ಹೆಚ್ಚಿನ ಲಾಭಗಳ ಮೂಲವಾಗಿತ್ತು ಮತ್ತು ಕಡಿಮೆ ಕಾರ್ಮಿಕ ವೆಚ್ಚವನ್ನು ಹೊಂದಿತ್ತು. ಲೂಯಿಸಿಯಾನ ಭೂಪ್ರದೇಶದ ಕಡೆಯ ಸ್ಪಾನಿಷ್ ಗವರ್ನರ್ ಈ ರೀತಿ ಬರೆಯುತ್ತಾರೆ "ವಾಸ್ತವವಾಗಿ, ಕೆಳ ಲೂಯಿಸಿಯಾನಕ್ಕೆ ಗುಲಾಮಗಿರಿ ಇಲ್ಲದೆ ಮುಂದುವರೆಯುವುದು ಅಸಂಭವವಾಗಿದೆ" ಜೊತೆಗೆ ಗುಲಾಮರ ಬಳಕೆಯಿಂದಾಗಿ,ವಸಾಹತು ನೆಲೆಯು "ಏಳಿಗೆ ಹಾಗು ಸಂಪತ್ತಿನೆಡೆಗೆ ಮಹತ್ವದ ದಾಪುಗಾಲು ಹಾಕುತ್ತಿದೆ." [24]
ಲೂಯಿಸಿಯಾನದ ಮೊದಲ ಅಮೆರಿಕ ಸಂಯುಕ್ತ ಸಂಸ್ಥಾನದ ಗವರ್ನರ್ ಆಗಿದ್ದ ವಿಲ್ಲಿಯಮ್ ಕ್ಲೈಬೋರ್ನೆ ಬಲವಂತದ ಗುಲಾಮಗಿರಿತನವು ಅಗತ್ಯವಿತ್ತೆಂದು ಹೇಳುತ್ತಾರೆ, ಏಕೆಂದರೆ ಬಲವಂತಕ್ಕೆ ಗುರಿಯಾಗದ ಶ್ವೇತವರ್ಣೀಯ ಕಾರ್ಮಿಕರನ್ನು "ಇಂತಹ ಅನಾರೋಗ್ಯಕರ ವಾತಾವರಣದಲ್ಲಿ ಇರಿಸುವುದು ಸಾಧ್ಯವಾಗುತ್ತಿರಲಿಲ್ಲ." [26] ಹಗ್ ಥಾಮಸ್, ಕ್ಲೈಬೋರ್ನೆ ಮಾನವರ ಕಳ್ಳಸಾಗಣೆ ನಿಷೇಧವನ್ನು ಜಾರಿಮಾಡಲು ಅಸಮರ್ಥರಾಗಿರುವುದಾಗಿ ಬರೆದಿದ್ದಾರೆ. ಅವರು ಲೂಯಿಸಿಯಾನ ದಲ್ಲಿ ಈ ರೀತಿ ನಿಷೇಧ ಹೇರಲು ಹೋಗಿ ಆರೋಪವನ್ನು ಎದುರಿಸಬೇಕಾಯಿತು.
ಪಿಯೆರ್ರೆ ಲುಸ್ಸತ್ (ಲೂಯಿಸಿಯಾನದ ಫ್ರೆಂಚ್ ಸಚಿವ 1718): "ಅಂಟಿಲ್ಲೆಸ್ನಲ್ಲಿನ ನಮ್ಮ ಎಲ್ಲ ವಸಾಹತು ನೆಲೆಗಳಲ್ಲಿ ಸೈಂಟ್-ಡೋಮಿಂಗ್ ನ ಮನೋಭಾವ ಹಾಗು ಸಂಪ್ರದಾಯಗಳು ಲೂಯಿಸಿಯಾನವನ್ನು ಹೆಚ್ಚಿನ ಪ್ರಮಾಣದಲ್ಲಿ ಪ್ರಭಾವಿತಗೊಳಿಸಿದವು."
ಲೂಯಿಸಿಯಾನ ಹಾಗು ಅದರ ಕೆರೇಬಿಯನ್ ಪೂರ್ವಜ ವಸಾಹತು ನೆಲೆಯು ಹದಿನೆಂಟನೆ ಶತಮಾನದ ಸುಮಾರಿಗೆ ಸಮುದ್ರ ತೀರದ ವ್ಯಾಪಾರದಲ್ಲಿ ಬಂಡವಾಳ ಹಾಗು ಮಾಹಿತಿಯನ್ನು ವಿನಿಮಯ ಮಾಡಿಕೊಳ್ಳುವುದರ ಜೊತೆಗೆ ವಸಾಹತುಗಾರರ ವಲಸೆ ಬಗ್ಗೆ ಗಮನ ಕೇಂದ್ರೀಕರಿಸಿ ನಿಕಟ ಸಂಪರ್ಕಗಳನ್ನು ಬೆಳೆಸಿಕೊಂಡವು. ಇಂತಹ ಆರಂಭಗಳಿಂದ, ಹೈತಿಯ ಜನರು ಲೂಯಿಸಿಯಾನದ ರಾಜಕೀಯ, ಜನ, ಧರ್ಮ, ಹಾಗು ಸಂಸ್ಕೃತಿಯ ಮೇಲೆ ಒಂದು ಅಗಾಧ ಪ್ರಭಾವವನ್ನು ಬೀರಿದರು. ವಸಾಹತು ನೆಲೆಯ ಅಧಿಕಾರಿಗಳು, ಗುಲಾಮಗಿರಿಗೆ ವಿರುದ್ಧವಾದ ಒಳಸಂಚುಗಳು ಹಾಗು ದ್ವೀಪದಲ್ಲಿ ಎದ್ದ ಬಂಡಾಯಗಳಿಗೆ ಪ್ರತಿಕ್ರಯಿಸುತ್ತಾ, 1763ರಲ್ಲಿ ಸೈಂಟ್ ಡೋಮಿಂಗ್ನ ಗುಲಾಮರ ಪ್ರವೇಶಕ್ಕೆ ನಿರ್ಬಂಧ ಹೇರಿತು. ಅವರ ಬಂಡಾಯ ಕೃತ್ಯಗಳು ಲೂಯಿಸಿಯಾನದ ಗುಲಾಮ ವ್ಯಾಪಾರ ಹಾಗು ವಲಸೆಗಾರಿಕೆಯ ನೀತಿಗಳ ಮೇಲೆ ಅಮೆರಿಕನ್ ಹಾಗು ಫ್ರೆಂಚ್ ಕ್ರಾಂತಿಗಳ ಅವಧಿಯುದ್ದಕ್ಕೂ ಪರಿಣಾಮಗಳನ್ನು ಬೀರಿದವು.
ಈ ಎರಡೂ ಪ್ರಜಾಪ್ರಭುತ್ವದ ಹೋರಾಟಗಳು ಸ್ಪೇನ್ ದೇಶದ ಜನರಲ್ಲಿ ಭೀತಿಯನ್ನು ಉಂಟುಮಾಡಿತು, ಇವರು ಲೂಯಿಸಿಯಾನ ದ ಆಧಿಪತ್ಯವನ್ನು 1763 ರಿಂದ 1800ರವರೆಗೆ ವಹಿಸಿದ್ದರು. ಅವರಿಗೆ ಕಂಡುಬಂದ ಬಂಡಾಯದ ಕೃತ್ಯಗಳನೆಲ್ಲಾ ದಮನ ಮಾಡುವುದರ ಜೊತೆಗೆ ಪ್ರಜಾಪ್ರಭುತ್ವದ ಕ್ರಾಂತಿಯ ಹರಡುವಿಕೆಯಿಂದ ತಮ್ಮ ವಸಾಹತು ನೆಲೆಯನ್ನು ಪ್ರತ್ಯೇಕಿಸುವ ವ್ಯರ್ಥ ಪ್ರಯತ್ನದಿಂದ ವಿಧ್ವಂಸಕ ಪದಾರ್ಥಗಳನ್ನು ನಿಷೇಧಿಸಿದರು. ಮೇ 1790ರಲ್ಲಿ ರಾಜವಂಶದ ಒಂದು ಕಾನೂನು ಗುಲಾಮಗಿರಿಯಿಂದ ಮುಕ್ತರಾದ ಫ್ರೆಂಚ್ ವೆಸ್ಟ್ ಇಂಡಿಸ್ನ ಕರಿಯರ ಪ್ರವೇಶವನ್ನು ನಿಷೇಧಿಸಿತು. ಒಂದು ವರ್ಷದ ಬಳಿಕ, ಇತಿಹಾಸದಲ್ಲಿ ಮೊದಲ ಬಾರಿಗೆ ಗುಲಾಮರ ದಂಗೆಯು ಯಶಸ್ವಿಯಾಗಿ ಆರಂಭವಾಯಿತು, ಇದು ಅಂತಿಮವಾಗಿ ಹೈತಿಯ ಸ್ಥಾಪನೆಗೆ ಕಾರಣವಾಯಿತು.[27]
ಸೈಂಟ್ ಡೊಮಿಂಗೊದಲ್ಲಿ ನಡೆದ ಕ್ರಾಂತಿಯು ಒಂದು ಅಗಾಧ ಪ್ರಮಾಣದಲ್ಲಿ ಬಹುಜನಾಂಗೀಯರ ವಲಸೆಗೆ ಕಾರಣವಾಯಿತು: ತಮ್ಮ ಅಡಿಯಾಳಾಗಿದ್ದ ಗುಲಾಮರೊಂದಿಗೆ ಫ್ರೆಂಚರು ಪಲಾಯನಮಾಡಿದರು; ಇದೆ ರೀತಿಯಾಗಿ ಅಸಂಖ್ಯಾತ ಕಪ್ಪು ವರ್ಣೀಯರೂ ಸಹ ಓಡಿ ಹೋದರು, ಇವರಲ್ಲಿ ಕೆಲವರು ಸ್ವತಃ ಗುಲಾಮರಾಗಿದ್ದರು. ಇದಲ್ಲದೆ 1793ರಲ್ಲಿ, ವಿನಾಶಕಾರಿ ಬೆಂಕಿಯು ಪ್ರಮುಖ ನಗರವಾದ ಕ್ಯಾಪ್ ಫ್ರಂಕಾಯಿಸ್ ಮೂರನೇ ಎರಡು ಭಾಗದಷ್ಟು ಪ್ರದೇಶವನ್ನು ನಾಶ ಮಾಡಿತು (ಇಂದಿನ ಕ್ಯಾಪ್ ಹೈತಿಯನ್), ಜೊತೆಗೆ ಸುಮಾರು ಹತ್ತು ಸಾವಿರ ಜನರು ತಮ್ಮ ಒಳಿತಿಗಾಗಿ ದ್ವೀಪವನ್ನು ತೊರೆದರು. ಮುಂದಿನ ದಶಕಗಳ ಕ್ರಾಂತಿ, ವಿದೇಶಿ ಆಕ್ರಮಣ, ಹಾಗು ಅಂತರ್ಯುದ್ಧಗಳಿಂದ, ಮತ್ತೆ ಸಾವಿರಾರು ಮಂದಿ ಕ್ಷೋಬೆಗಳಿಂದ ಪಲಾಯನ ಮಾಡಿದರು. ಹಲವರು ಪೂರ್ವದಿಕ್ಕಿನ ಸ್ಯಾಂಟೋ ಡೊಮಿಂಗೊಗೆ (ಇಂದಿನ ಡಾಮಿನಿಕ್ ರಿಪಬ್ಲಿಕ್) ವಲಸೆ ಹೋದರು ಅಥವಾ ಸಮೀಪದ ಕೆರೇಬಿಯನ್ ದ್ವೀಪಗಳಿಗೆ ವಲಸೆ ಹೋದರು. ದೊಡ್ಡ ಸಂಖ್ಯೆಯಲ್ಲಿ ವಲಸೆಗಾರರು, ನೀಗ್ರೋಗಳು ಹಾಗು ಶ್ವೇತ ವರ್ಣೀಯರು ಉತ್ತರ ಅಮೆರಿಕದಲ್ಲಿ, ಗಮನಾರ್ಹವಾಗಿ ನ್ಯೂಯಾರ್ಕ್, ಬಾಲ್ಟಿಮೋರ್(ಜುಲೈ 1793ರಲ್ಲಿ ಐವತ್ತ ಮೂರು ಹಡಗುಗಳು ಅಲ್ಲಿ ದಡ ಮುಟ್ಟಿದವು), ಫಿಲಾಡೆಲ್ಫಿಯ, ನಾರ್ಫೋಕ್, ಚಾರ್ಲೆಸ್ಟನ್ ಹಾಗು ಸವನ್ನಾ ಹಾಗು ಸ್ಪಾನಿಷ್ ಫ್ಲೋರಿಡಾದಲ್ಲಿ ಆಶ್ರಯ ಪಡೆದರು. ಆದಾಗ್ಯೂ, ಭೂಖಂಡದ ಯಾವುದೇ ಭಾಗದಲ್ಲಾಗಲಿ, ದಕ್ಷಿಣ ಲೂಯಿಸಿಯಾನದಂತೆ ನಿರಾಶ್ರಿತರ ಚಳವಳಿಯು ಅಗಾಧ ಪ್ರಭಾವವನ್ನು ಬೀರಲಿಲ್ಲ.
ಇಸವಿ 1791 ರಿಂದ 1803ರ ನಡುವೆ, ಸಾವಿರದ ಮುನ್ನೂರು ನಿರಾಶ್ರಿತರು ನ್ಯೂ ಆರ್ಲಿಯನ್ಸ್ಗೆ ಆಗಮಿಸಿದರು. ಕೆಲವರು "ವಿಧ್ವಂಸಕೃತ್ಯದ" ಉದ್ದೇಶದಿಂದ ಬಂದಿದ್ದಾರೆಂದು ಅಧಿಕಾರಿಗಳು ಚಿಂತೆಗೀಡಾದರು. ಇಸವಿ 1795ರ ವಸಂತ ಋತುವಿನಲ್ಲಿ, ಪಾಯಿಂಟೇ ಕೌಪೀಯಲ್ಲಿ ಬಂಡಾಯದ ಪ್ರಯತ್ನ ನಡೆದು ಜಮೀನುದಾರರ ಮನೆಗಳಿಗೆ ಬೆಂಕಿ ಹಚ್ಚಲಾಯಿತು. ಘಟನೆಯನ್ನು ಆಧರಿಸಿ, ಸೈಂಟ್ ಡೊಮಿಂಗ್ಯೂನ ಒಬ್ಬ ಸ್ವತಂತ್ರ ವಲಸಿಗ, ಲೂಯಿಸ್ ಬೆನೋಯಿಟ್, "ಕ್ರಾಂತಿಕಾರಿ ತತ್ತ್ವಗಳಿಂದ ತುಂಬಿದ್ದರಿಂದ ವಸಾಹತು ನೆಲೆ ಧ್ವಂಸ ವಾಗಿದೆಯೆಂದು" ಆರೋಪಿಸಿ ಅವನನ್ನು ಗಡಿಪಾರು ಮಾಡಲಾಯಿತು. ನಿಷ್ಫಲ ದಂಗೆಯಿಂದಾಗಿ ಜಮೀನುದಾರ ಜೋಸೆಫ್ ಪೋನ್ಟಲ್ಬಾ "ಸೈಂಟ್ ಡೋಮಿಂಗ್ಯೂನ ಘೋರ ವಿಪತ್ತಿನ ಬಗ್ಗೆ ಲಕ್ಷ್ಯ ವಹಿಸುವಂತಾಯಿತು, ಜೊತೆಗೆ ದಂಗೆಯ ಮೂಲವು ಕೇವಲ ಗುಲಾಮರೊಳಗೆ ವ್ಯಾಪಕವಾಗಿ ಹರಡಿತ್ತು." ಪಾಯಿಂಟೇ ಕೌಪೀ ಹಾಗು ಜರ್ಮನ್ ಕೋಸ್ಟ್ ನಲ್ಲಿ ಮುಂದುವರಿದ ಅಶಾಂತಿಯು 1796ರ ವಸಂತ ಕಾಲದ ಹೊತ್ತಿಗೆ ಸಂಪೂರ್ಣ ಗುಲಾಮರ ವ್ಯಾಪಾರವನ್ನು ನಿಲ್ಲಿಸುವ ನಿರ್ಧಾರಕ್ಕೆ ನೆರವಾಯಿತು.
ಇಸವಿ 1800ರಲ್ಲಿ ಲೂಯಿಸಿಯಾನದ ಅಧಿಕಾರಿಗಳು ಮತ್ತೆ ಗುಲಾಮರ ವ್ಯಾಪಾರವನ್ನು ಆರಂಭಿಸುವ ಬಗ್ಗೆ ಚರ್ಚಿಸಿದರು, ಆದರೆ ಸೈಂಟ್ ಡೋಮಿಂಗ್ಯೂನ ನೀಗ್ರೋಗಳ ಪ್ರವೇಶಾತಿಗೆ ನಿರ್ಬಂಧ ಹೇರಲು ಸಹಮತ ವ್ಯಕ್ತಪಡಿಸಿದರು. ಅವರು ಫ್ರೆಂಚ್ ವೆಸ್ಟ್ ಇಂಡೀಸ್ನ ನೀಗ್ರೋ ಹಾಗು ಶ್ವೇತ ವರ್ಣೀಯ ಬಂಡಾಯಗಾರರ ಉಪಸ್ಥಿತಿಯಿಂದಾಗಿ "ನಮ್ಮ ನೀಗ್ರೋಗಳಲ್ಲಿ ಅಪಾಯಕಾರಿ ಸಿದ್ಧಾಂತಗಳನ್ನು ಪ್ರತಿಪಾದಿಸುತ್ತಿದ್ದಾರೆ" ಎಂಬುದನ್ನು ಗಮನಿಸಿದರು. ಅವರ ಗುಲಾಮರು ತಾವುಗಳು ಐದು ವರ್ಷಗಳ ಕೆಳಗೆ ನೋಡಿದ್ದಕ್ಕಿಂತ ಹೆಚ್ಚು "ದುರಹಂಕಾರಿಗಳು,"ಹತೋಟಿ ಮೀರಿದವರು," ಹಾಗು "ಅವಿಧೇಯ"ರಾಗಿರುವಂತೆ ಕಂಡುಬಂದರು.
ಅದೇ ವರ್ಷ, ಸ್ಪೇನ್, ಲೂಯಿಸಿಯಾನವನ್ನು ಫ್ರಾನ್ಸ್ಗೆ ಮತ್ತೆ ವಹಿಸಿಕೊಟ್ಟಿತು, ಜೊತೆಗೆ ತೋಟ ದ ಮಾಲೀಕರು ದಂಗೆಗಳ ಭಯದಲ್ಲೇ ಜೀವಿಸಲು ತೊಡಗಿದರು. ನಂತರ ಭವಿಷ್ಯದ ಚಕ್ರವರ್ತಿ ನೆಪೋಲಿಯನ್ ಬೊನಾಪಾರ್ಟೆ, ಈ ವಸಾಹತು ನೆಲೆಯನ್ನು ಅಮೆರಿಕ ಸಂಯುಕ್ತ ಸಂಸ್ಥಾನಕ್ಕೆ 1803ರಲ್ಲಿ ಮಾರಾಟ ಮಾಡಿದ. ಏಕೆಂದರೆ ಸೈಂಟ್ ಡೋಮಿಂಗ್ಯೂ ಮೇಲಿನ ಅವನ ಹಾನಿಕಾರಿ ದಂಡಯಾತ್ರೆಯು ಅವನ ಬೊಕ್ಕಸ ಹಾಗು ಸೇನೆಯನ್ನು ಬಹಳ ದುರ್ಬಲಗೊಳಿಸಿತು, ದ್ವೀಪದಲ್ಲಿನ ಘಟನೆಗಳು ಲೂಯಿಸಿಯಾನದಲ್ಲಿ ಇನ್ನೂ ದೊಡ್ಡದಾಗಿ ಕಂಡುಬಂದವು.[29]
ಅಮೆರಿಕ ಸಂಯುಕ್ತ ಸಂಸ್ಥಾನವು ಗ್ರೇಟ್ ಬ್ರಿಟನ್ನಿಂದ 1783ರಲ್ಲಿ ಸ್ವಾತಂತ್ರವನ್ನು ಪಡೆದುಕೊಂಡಾಗ, ಅದರ ಪಶ್ಚಿಮದ ಗಡಿಯಲ್ಲಿ ಯುರೋಪಿಯನ್ ಅಧಿಕಾರವನ್ನು ಹೊಂದುವುದು ಅದರ ಪ್ರಮುಖ ಆಸಕ್ತಿಯಾಗಿತ್ತು ಹಾಗೂ ಮಿಸ್ಸಿಸ್ಸಿಪ್ಪಿ ನದಿಯಲ್ಲಿ ಅನಿರ್ಬಂಧಿತ ಸುಲಭಗಮ್ಯತೆಯ ಅಗತ್ಯವಿತ್ತು. ಅಮೆರಿಕನ್ ವಸಾಹತುಗಾರರು ಪಶ್ಚಿಮಕ್ಕೆ ದಾರಿಮಾಡಿಕೊಂಡು ಹೋದಾಗ, ಪೂರ್ವ ದಿಕ್ಕಿಗೆ ಸರಕುಗಳನ್ನು ರವಾನೆ ಮಾಡುವಲ್ಲಿ ಅಪ್ಪಲಚಿಯನ್ ಪರ್ವತಗಳು ಪ್ರತಿಬಂಧಕವಾಗಿರುವುದನ್ನು ಪತ್ತೆ ಹಚ್ಚಿದರು. ಉತ್ಪನ್ನಗಳನ್ನು ಹಡಗಿನಲ್ಲಿ ಸಾಗಿಸುವ ಒಂದು ಸುಲಭದ ವಿಧಾನವೆಂದರೆ ಒಂದು ಚಪ್ಪಟೆ ದೋಣಿಯನ್ನು ಓಹಿಯೋ ಹಾಗು ಮಿಸ್ಸಿಸ್ಸಿಪ್ಪಿ ನದಿಗಳಲ್ಲಿ ತೇಲಿಸಿಕೊಂಡು ನ್ಯೂ ಆರ್ಲಿಯನ್ಸ್ ನ ಬಂದರಿನವರೆಗೂ ಸಾಗಿಸಿ, ಅಲ್ಲಿಂದ ಸರಕುಗಳನ್ನು ಸಮುದ್ರದಲ್ಲಿ ಯಾನ ಮಾಡುವ ಹಡಗುಗಳಿಗೆ ತುಂಬಿಸಿ ಸಾಗಿಸಬಹುದಾಗಿತ್ತು. ಈ ಮಾರ್ಗದಲ್ಲಿದ್ದ ಸಮಸ್ಯೆ ಎಂದರೆ ಸ್ಪಾನಿಷ್, ನಾಟ್ಚೆಜ್ ಕೆಳಗೆ ಮಿಸ್ಸಿಸ್ಸಿಪ್ಪಿಯ ನದಿಯ ಇಕ್ಕೆಲಗಳ ಒಡೆತನ ಹೊಂದಿತ್ತು. ನೆಪೋಲಿಯನ್ನನ ಲೂಯಿಸಿಯಾನ ಮೇಲಿನ ಮಹತ್ವಾಕಾಂಕ್ಷೆಯಲ್ಲಿಕೆರೇಬಿಯನ್ ಸಕ್ಕರೆ ವ್ಯಾಪಾರದಿಂದ ಕೇಂದ್ರೀಕೃತಗೊಂಡ ಒಂದು ಹೊಸ ಸಾಮ್ರಾಜ್ಯದ ಸ್ಥಾಪನೆಯನ್ನು ಒಳಗೊಂಡಿತ್ತು. ಇಸವಿ 1800ರಲ್ಲಿ ನಡೆದ ಟ್ರೀಟಿ ಆಫ್ ಅಮಿಯೆನ್ಸ್ ನ ಕರಾರಿನ ಪ್ರಕಾರ, ಗ್ರೇಟ್ ಬ್ರಿಟನ್, ಮಾರ್ಟಿನಿಕ್ ಹಾಗು ಗುವಡಲೌಪೆ ದ್ವೀಪಗಳ ಒಡೆತನವನ್ನು ಫ್ರೆಂಚ್ಗೆ ಹಿಂದಿರುಗಿಸಿತು. ನೆಪೋಲಿಯನ್ ಲೂಯಿಸಿಯಾನವನ್ನು ಈ ಸಕ್ಕರೆ ದ್ವೀಪಗಳ ಒಂದು ಉಗ್ರಾಣವೆಂದು ಪರಿಗಣಿಸುವುದರ ಜೊತೆಗೆ U.S. ವಸಾಹತು ನೆಲೆಯ ಒಂದು ಆರ್ಥಿಕ ರಕ್ಷೆಯೆಂದು ಭಾವಿಸಿದ್ದ. ಅಕ್ಟೋಬರ್ 1801ರಲ್ಲಿ ಅವನು ಸ್ಯಾಂಟೋ ಡೊಮಿಂಗೊದ ಪ್ರಮುಖ ದ್ವೀಪವನ್ನು ಆಕ್ರಮಿಸಿ ಗುಲಾಮಗಿರಿಯನ್ನು ಮತ್ತೆ ಪ್ರಾರಂಭಿಸಲು ಒಂದು ದೊಡ್ಡ ಮಿಲಿಟರಿ ಸೇನೆಯನ್ನು ಕಳುಹಿಸಿದ. ಗುಲಾಮಗಿರಿ ಪದ್ದತಿಯನ್ನು 1792-3ರಲ್ಲಿ ನಡೆದ ಗುಲಾಮರ ದಂಗೆ ಹಾಗು 1794ರಲ್ಲಿ ಫ್ರೆಂಚ್ ವಸಾಹತು ನೆಲೆಗಳಲ್ಲಿ ಗುಲಾಮಗಿರಿ ಪದ್ದತಿಯನ್ನು ಕಾನೂನು ಹಾಗು ಸಂವಿಧಾನಾತ್ಮಕ ರದ್ದತಿಯ ಪರಿಣಾಮವಾಗಿ ಕೊನೆಗೊಳಿಸಲಾಗಿತ್ತು.
ನೆಪೋಲಿಯನ್ನನ ಭಾವಮೈದುವ ಲೆಕ್ಲೆರ್ಕ್ನ ಮುಖಂಡತ್ವದ ಸೇನೆಯು, ಗುಲಾಮಗಿರಿಯನ್ನು ಮತ್ತೆ ಆರಂಭಿಸುವುದಕ್ಕೆ ವಿರೋಧಿಸಿದ St. ಡೋಮಿಂಗ್ಯೂನ ಹೆಚ್ಚಿನ ಜನತೆಯ ಪರ ಸೇನೆಯಿಂದ ಪರಾಭವಗೊಂಡಿತು, ನೆಪೋಲಿಯನ್ ಲೂಯಿಸಿಯಾನವನ್ನು ಮಾರಾಟ ಮಾಡಲು ನಿರ್ಧರಿಸಿದ.
ಥಾಮಸ್ ಜೆಫ್ಫರ್ಸನ್, ಅಮೆರಿಕ ಸಂಯುಕ್ತ ಸಂಸ್ಥಾನದ ಮೂರನೇ ಅಧ್ಯಕ್ಷ, ಅಮೆರಿಕದಲ್ಲಿ ಫ್ರೆಂಚ್ ವಸಾಹತು ನೆಲೆಗಳ ಮರು-ಸ್ಥಾಪನೆ ಮಾಡುವ ನೆಪೋಲಿಯನ್ನನ ಯೋಜನೆಯಿಂದ ಗೊಂದಲಕ್ಕೀಡಾಗಿದ್ದರು. ನ್ಯೂ ಆರ್ಲಿಯನ್ಸ್ ನ ವಶದೊಂದಿಗೆ, ನೆಪೋಲಿಯನ್, U.S. ವ್ಯಾಪಾರಕ್ಕೆ ಮಿಸ್ಸಿಸ್ಸಿಪ್ಪಿ ನದಿಯ ಮಾರ್ಗವನ್ನು ಯಾವುದೇ ಕ್ಷಣದಲ್ಲಾದರೂ ಮುಚ್ಚಬಹುದಾಗಿತ್ತು. ಜೆಫ್ಫರ್ಸನ್, ಫ್ರಾನ್ಸ್ ನ U.S. ಸಚಿವ ರಾಬರ್ಟ್ R. ಲಿವಿಂಗ್ಸ್ಟನ್ ರನ್ನು ಸಿಟಿ ಆಫ್ ನ್ಯೂ ಆರ್ಲಿಯನ್ಸ್ ಖರೀದಿಗೆ, ಮಿಸ್ಸಿಸ್ಸಿಪ್ಪಿಯ ಪೂರ್ವ ದಂಡೆಯ ಭಾಗಗಳನ್ನು ಹಾಗು U.S.ನ ವ್ಯಾಪಾರಕ್ಕೆ ನದಿಯಲ್ಲಿ ಮುಕ್ತ ಸಾಗಣೆಗಾಗಿ ಮಾತುಕತೆ ನಡೆಸುವ ಅಧಿಕಾರ ನೀಡಿದರು. ಲಿವಿಂಗ್ಸ್ಟನ್ರಿಗೆ $2 ದಶಲಕ್ಷ ಹಣ ಸಂದಾಯ ಮಾಡಲು ಅಧಿಕಾರ ನೀಡಲಾಗಿತ್ತು.
ಲೂಯಿಸಿಯಾನವನ್ನು ಫ್ರೆಂಚ್ ಒಡೆತನಕ್ಕೆ ಅಧಿಕೃತವಾಗಿ ವರ್ಗಾವಣೆ ಇನ್ನೂ ಸಂಭವಿಸಿರಲಿಲ್ಲ. ಸ್ಪಾನಿಷರೊಂದಿಗೆ ನೆಪೋಲಿಯನ್ನನ ಗಡಿಯ ಒಪ್ಪಂದವು ಅಷ್ಟೊಂದು ಸಫಲವಾಗದ ರಹಸ್ಯವಾಗಿತ್ತು. ಆದಾಗ್ಯೂ, ಅಕ್ಟೋಬರ್ 18, 1802ರಲ್ಲಿ ಲೂಯಿಸಿಯಾನದ ಹಂಗಾಮಿ ಮೇಲ್ವಿಚಾರಕನಾಗಿದ್ದ ಜುವಾನ್ ವೆಂಟುರ ಮೊರಾಲೆಸ್, ಅಮೆರಿಕ ಸಂಯುಕ್ತ ಸಂಸ್ಥಾನದ ಎಲ್ಲ ಸರಕು ನೌಕೆಗಳಿಗೆ ನ್ಯೂ ಆರ್ಲಿಯನ್ಸ್ನಲ್ಲಿ ಸರಕುಗಳನ್ನು ದಾಸ್ತಾನು ಮಾಡುವ ಹಕ್ಕನ್ನು ರದ್ದು ಮಾಡುವ ಉದ್ದೇಶವನ್ನು ಬಹಿರಂಗ ಮಾಡಿದರು. ಅಮೆರಿಕ ಸಂಯುಕ್ತ ಸಂಸ್ಥಾನಕ್ಕೆ ಈ ಪ್ರಧಾನ ಬಂದರಿನ ಮುಚ್ಚುವಿಕೆಯು ಕ್ರೋಧ ಹಾಗು ದಿಗಿಲಿಗೆ ಕಾರಣವಾಯಿತು. ಪಶ್ಚಿಮದ ವ್ಯಾಪಾರ ವಹಿವಾಟಿಗೆ ಕಾರ್ಯತಃ ಅಡಚಣೆ ಉಂಟಾಯಿತು. ಸರಕು ದಾಸ್ತಾನು ಮಾಡುವ ಹಕ್ಕು ರದ್ದತಿಯು ಅಮೆರಿಕನ್ನರ ದುರ್ಬಳಕೆಗಳು ವಿಶೇಷವಾಗಿ ಕಳ್ಳಸಾಗಣೆಯಿಂದ ಪ್ರೇರಿತವಾಗಿತ್ತೆಂದು ಇತಿಹಾಸಜ್ಞರು ನಂಬಿದ್ದಾರೆ. ಜೊತೆಗೆ ಆ ಸಮಯದಲ್ಲಿ ನಂಬಲಾದಂತೆ ಇದು ಫ್ರೆಂಚ್ ಒಳಸಂಚುಗಳಿಂದ ಉಂಟಾಗಿರಲಿಲ್ಲ. ಅಧ್ಯಕ್ಷ ಜೆಫರ್ಸನ್, ಫ್ರಾನ್ಸ್ ಜೊತೆಗೆ ಕದನ ನಡೆಸಬೇಕೆಂಬ ಜನತೆಯ ಒತ್ತಡವನ್ನು ಉಪೇಕ್ಷಿಸುವುದರ ಜೊತೆಗೆ ನೆಪೋಲಿಯನ್ನನಿಗೆ ಒಬ್ಬ ವಿಶೇಷ ಪ್ರತಿನಿಧಿಯಾಗಿ ಜೇಮ್ಸ್ ಮನ್ರೋವನ್ನು ನೇಮಿಸುತ್ತಾರೆ. ಅಮೆರಿಕ ಸಂಯುಕ್ತ ಸಂಸ್ಥಾನಕ್ಕೆ ನ್ಯೂ ಆರ್ಲಿಯನ್ಸ್ನ್ನು ಸ್ವಾಧೀನಪಡಿಸಿಕೊಳ್ಳಲು ನೆರವಾಗುವುದಕ್ಕಾಗಿ ಅವರನ್ನು ನೇಮಿಸಲಾಗಿರುತ್ತದೆ. ಜೆಫ್ಫರ್ಸನ್ $10 ದಶಲಕ್ಷಕ್ಕೆ ಅಧಿಕೃತ ವೆಚ್ಚವನ್ನು ಏರಿಸುತ್ತಾರೆ.
ಆದಾಗ್ಯೂ, ಏಪ್ರಿಲ್ 11, 1803ರಲ್ಲಿ, ಫ್ರೆಂಚ್ ವಿದೇಶಾಂಗ ಸಚಿವ ಟಲ್ಲೆಯ್ ರಾಂಡ್, ಅಮೆರಿಕ ಸಂಯುಕ್ತ ಸಂಸ್ಥಾನವು ಕೇವಲ ನ್ಯೂ ಆರ್ಲಿಯನ್ಸ್ ಹಾಗು ಸುತ್ತಮುತ್ತಲಿನ ಪ್ರದೇಶ ಮಾತ್ರವಲ್ಲದೆ ಸಂಪೂರ್ಣ ಲೂಯಿಸಿಯಾನದ ಖರೀದಿಗೆ ಎಷ್ಟು ಹಣ ಕೊಡಲು ತಯಾರಾಗಿದೆ ಎಂಬ ಪ್ರಶ್ನೆಯಿಂದ ಲಿವಿಂಗ್ಸ್ಟನ್ ರನ್ನು ಚಕಿತಗೊಳಿಸುತ್ತಾರೆ (ಅಂತೆಯೇ ಲಿವಿಂಗ್ಸ್ಟನ್ ಸೂಚನೆಗಳು ಒಳಗೊಂಡಿವೆ). ನೆಪೋಲಿಯನ್ ಯಾವುದೇ ಸಮಯದಲ್ಲಾದರೂ ಈ ಪ್ರಸ್ತಾಪವನ್ನು ಹಿಂದಕ್ಕೆ ಪಡೆಯಬಹುದೆಂಬುದನ್ನು ಮನ್ರೋ ಲಿವಿಂಗ್ಸ್ಟನ್ ಜೊತೆ ಸಮ್ಮತಿಸುತ್ತಾರೆ (ಅಪೇಕ್ಷಿತ ನ್ಯೂ ಆರ್ಲಿಯನ್ಸ್ ಪ್ರದೇಶವನ್ನು ಗಳಿಸಿಕೊಳ್ಳುವ ಯಾವುದೇ ಸಾಮರ್ಥ್ಯ ಇರುವುದಿಲ್ಲ), ಜೊತೆಗೆ ಅಧ್ಯಕ್ಷ ಜೆಫ್ಫರ್ಸನ್ ರ ಅಂಗೀಕಾರಕ್ಕೆ ಕೆಲವಾರು ತಿಂಗಳೇ ಬೇಕಾಗಬಹುದೆಂದು ಲಿವಿಂಗ್ಸ್ಟನ್ ಹಾಗು ಮನ್ರೋ ಮಾತುಕತೆಗಳನ್ನು ತಕ್ಷಣವೇ ಆರಂಭಿಸಬೇಕೆಂದು ನಿರ್ಧರಿಸಿದರು. ಏಪ್ರಿಲ್ 30ರ ಹೊತ್ತಿಗೆ, ಲೂಯಿಸಿಯಾನದ ಸಂಪೂರ್ಣ 828000 ಚದರ ಮೈಲಿ ಪ್ರದೇಶವನ್ನು 60 ದಶಲಕ್ಷ ಫ್ರಾಂಕ್ಸ್ ಗೆ (ಸರಾಸರಿ $15 ದಶಲಕ್ಷ) ಖರೀದಿಸಲು ಒಂದು ಒಪ್ಪಂದವನ್ನು ಮಾಡಿಕೊಂಡರು. ಈ ಮೊತ್ತದಲ್ಲಿನ ಒಂದು ಭಾಗವನ್ನು ಅಮೆರಿಕ ಸಂಯುಕ್ತ ಸಂಸ್ಥಾನಕ್ಕೆ ಫ್ರಾನ್ಸ್ ನೀಡಬೇಕಿದ್ದ ಸಾಲದಲ್ಲಿ ಮನ್ನ ಮಾಡಲು ಬಳಸಲಾಯಿತು. ಅಮೆರಿಕನ್ ಸಂಯುಕ್ತ ಸಂಸ್ಥಾನದ ಕರಾರು ಪತ್ರಗಳ ಮೂಲಕ ಹಣ ಸಂದಾಯವನ್ನು ಮಾಡಲಾಯಿತು, ಇದನ್ನು ನೆಪೋಲಿಯನ್ ಹೋಪ್ ಅಂಡ್ ಕಂಪನಿ ಎಂಬ ಡಚ್ ಸಂಸ್ಥೆಗೆ, ಹಾಗು ಬ್ರಿಟಿಶ್ ಬ್ಯಾಂಕಿಂಗ್ ಹೌಸ್ ಆಫ್ ಬಾರಿಂಗ್ಗೆ ಮುಖಬೆಲೆಯಲ್ಲಿ ಪ್ರತಿ $100 ಯೂನಿಟ್ ಗೆ 87 1/2 ರಂತೆ ರಿಯಾಯಿತಿಯಲ್ಲಿ ಮಾರಾಟ ಮಾಡಿದ. ಪರಿಣಾಮವಾಗಿ, ಫ್ರಾನ್ಸ್ ಲೂಯಿಸಿಯಾನದ ಮಾರಾಟದಿಂದ ಕೇವಲ $8,831,250ರಷ್ಟು ಹಣವನ್ನು ಸ್ವೀಕರಿಸಿತು.
ಕರ್ತವ್ಯಪರ ಇಂಗ್ಲಿಷ್ ಬ್ಯಾಂಕರ್ ಅಲೆಕ್ಸಾಂಡರ್ ಬಾರಿಂಗ್ ಪ್ಯಾರಿಸ್ ನ ಮರ್ಬೋಯಿಸ್ ಜೊತೆಗೆ ಸಮಾಲೋಚನೆ ನಡೆಸಿದ, ಕರಾರು ಪತ್ರಗಳನ್ನು ತೆಗೆದುಕೊಳ್ಳಲು ಅಮೆರಿಕ ಸಂಯುಕ್ತ ಸಂಸ್ಥಾನಕ್ಕೆ ಸಂಚರಿಸಿದ, ಪತ್ರಗಳನ್ನು ಬ್ರಿಟನ್ ಗೆ ತೆಗೆದುಕೊಂಡು ಹೋಗಿ, ಹಣದ ಸಮೇತ ಫ್ರಾನ್ಸ್ ಗೆ ಮರಳಿದ - ಇದನ್ನು ನೆಪೋಲಿಯನ್ ಬಾರಿಂಗ್ನ ಸ್ವಂತರಾಷ್ಟ್ರದ ವಿರುದ್ಧ ಯುದ್ಧ ಹೂಡಲು ಬಳಸಿದ.
ಅಮೆರಿಕ ಸಂಯುಕ್ತ ಸಂಸ್ಥಾನಕ್ಕೆ ಈ ಖರೀದಿಯ ಸುದ್ದಿಯು ತಿಳಿದುಬಂದಾಗ, ಜೆಫ್ಫರ್ಸನ್ ಆಶ್ಚರ್ಯ ಚಕಿತರಾದರು. ಅವರು ಬಂದರು ನಗರಕ್ಕೆ $10 ದಶಲಕ್ಷ ವೆಚ್ಚಕ್ಕೆ ಅಧಿಕಾರವನ್ನು ನೀಡಿದ್ದರು, ಜೊತೆಗೆ ಇದರ ಬದಲಿಗೆ ರಾಷ್ಟ್ರದ ಗಾತ್ರಕ್ಕಿಂತ ದುಪ್ಪಟ್ಟಾದ ಒಂದು ಭೂ ಪ್ಯಾಕೇಜ್ ಮೇಲೆ ಸರ್ಕಾರವು $15 ದಶಲಕ್ಷ ಹಣದ ವೆಚ್ಚಕ್ಕೆ ಬದ್ಧವಾದ ಒಪ್ಪಂದಗಳನ್ನು ಸ್ವೀಕರಿಸಿದರು. ಫೆಡರಲಿಸ್ಟ್ ಪಕ್ಷದ ಜೆಫ್ಫರ್ಸನ್ ರ ರಾಜಕೀಯ ವಿರೋಧಿಗಳು ಲೂಯಿಸಿಯಾನದ ಖರೀದಿಯು ಒಂದು ನಿಷ್ಪ್ರಯೋಜಕ ಕ್ರಿಯೆಯೆಂದು ವಾದಿಸಿದರು. ಜೊತೆಗೆ ಸೆನೆಟ್ ನ ಅಂಗೀಕಾರವಿಲ್ಲದೆ ಹೊಸ ಪ್ರದೇಶದ ಸ್ವಾಧೀನ ಅಥವಾ ಒಪ್ಪಂದಗಳನ್ನು ಮಾತುಕತೆಗೆ ಸಂವಿಧಾನವು ಅವಕಾಶ ನೀಡುವುದಿಲ್ಲವೆಂದು ಹೇಳಿದರು. ಲೂಯಿಸಿಯಾನ ಪ್ರದೇಶದಿಂದ ರೂಪಿಸುವ ಹೊಸ ರಾಜ್ಯಗಳು ಕಾಂಗ್ರೆಸ್ನಲ್ಲಿ ಪಶ್ಚಿಮ ಹಾಗು ದಕ್ಷಿಣ ಪ್ರದೇಶಗಳ ಆಸಕ್ತಿಯನ್ನು ಬಲಪಡಿಸುತ್ತದೆ, ಜೊತೆಗೆ ರಾಷ್ಟ್ರದ ವಿದ್ಯಮಾನಗಳಲ್ಲಿ ನ್ಯೂ ಇಂಗ್ಲೆಂಡ್ ಫೆಡರಲಿಸ್ಟ್ ಗಳ ಪ್ರಭಾವವನ್ನು ಮತ್ತಷ್ಟು ಕಡಿಮೆ ಮಾಡುತ್ತದೆ ಎಂಬುದೇ ವಿರೋಧ ಪಕ್ಷದ ನಿಜವಾದ ಆತಂಕವಾಗಿತ್ತು. ಅಧ್ಯಕ್ಷ ಜೆಫ್ಫರ್ಸನ್ ಪಶ್ಚಿಮ ದಿಕ್ಕಿನ ವಿಸ್ತರಣೆಗೆ ಒಬ್ಬ ಉತ್ಸಾಹಭರಿತ ಬೆಂಬಲಿಗರಾಗಿದ್ದರು, ಜೊತೆಗೆ ಒಪ್ಪಂದದ ಬೆಂಬಲಕ್ಕೆ ದೃಢಸಂಕಲ್ಪ ಮಾಡಿದರು. ಫೆಡರಲಿಸ್ಟ್ ಗಳ ಅಸಮ್ಮತಿಯಿದ್ದರೂ, U.S. ಸೆನೆಟ್ ಅಕ್ಟೋಬರ್ 20, 1803ರಲ್ಲಿ ಲೂಯಿಸಿಯಾನ ಒಪ್ಪಂದಕ್ಕೆ ಅನುಮೋದನೆ ನೀಡಿತು.
ವರ್ಗಾವಣೆ ಸಮಾರಂಭವನ್ನು ನವೆಂಬರ್ 29, 1803ರಲ್ಲಿ ನ್ಯೂ ಆರ್ಲಿಯನ್ಸ್ ನಲ್ಲಿ ಹಮ್ಮಿಕೊಳ್ಳಲಾಗಿತ್ತು. ಲೂಯಿಸಿಯಾನ ಭೂಪ್ರದೇಶವನ್ನು ಫ್ರೆಂಚರಿಗೆ ಅಧಿಕೃತವಾಗಿ ವಹಿಸಿಕೊಡದಿದ್ದ ಕಾರಣದಿಂದಾಗಿ, ಸ್ಪಾನಿಷ್ ತಮ್ಮ ಧ್ವಜವನ್ನು ಇಳಿಸಿದರೆ, ಫ್ರೆಂಚರು ತಮ್ಮ ಧ್ವಜವನ್ನು ಏರಿಸಿದರು. ಅದರ ಮರು ದಿನ, ಜನರಲ್ ಜೇಮ್ಸ್ ವಿಲ್ಕಿನ್ಸನ್ ಅಮೆರಿಕ ಸಂಯುಕ್ತ ಸಂಸ್ಥಾನದ ನ್ಯೂ ಆರ್ಲಿನ್ಸ್ ನ ಸ್ವಾಧೀನವನ್ನು ಸಮ್ಮತಿಸಿದ. ಇದೆ ರೀತಿಯಾದ ಒಂದು ಸದೃಶ ಸಮಾರಂಭವನ್ನು ಮಾರ್ಚ್ 9, 1804ರಲ್ಲಿ St. ಲೂಯಿಸ್ ನಲ್ಲಿ ಹಮ್ಮಿಕೊಳ್ಳಲಾಯಿತು. ಈ ಸಮಾರಂಭದಲ್ಲಿ ಸ್ಪಾನಿಷ್ ರಾಷ್ಟ್ರೀಯ ಧ್ವಜಕ್ಕೆ ಬದಲಾಗಿ ಫ್ರೆಂಚ್ ತ್ರಿವರ್ಣ ಧ್ವಜವನ್ನು ನದಿಯ ಸಮೀಪ ಹಾರಿಸಲಾಯಿತು. ಅದರ ಮರು ದಿನ, ಮೊದಲ U.S. ಫಿರಂಗಿದಳದ ಕ್ಯಾಪ್ಟನ್ ಅಮೊಸ್ ಸ್ಟೋಡರ್ಡ್ ನಗರಕ್ಕೆ ತಮ್ಮ ಸೇನೆಯ ಕ್ರಮಣ ನಡೆಸಿ, ಅಮೆರಿಕನ್ ಧ್ವಜವನ್ನು ಕೋಟೆಯ ಧ್ವಜ ಸ್ತಂಭದಲ್ಲಿ ಹಾರಿಸುತ್ತಾರೆ. ಮೆರಿವೆಥೆರ್ ಲೆವಿಸ್ ರ ಪ್ರತಿನಿಧಿತ್ವದಲ್ಲಿ ಲೂಯಿಸಿಯಾನ ಭೂಪ್ರದೇಶವನ್ನು ಅಧಿಕೃತವಾಗಿ ಅಮೆರಿಕ ಸಂಯುಕ್ತ ಸಂಸ್ಥಾನದ ಸರ್ಕಾರಕ್ಕೆ ವರ್ಗಾವಣೆ ಮಾಡಲಾಗುತ್ತದೆ.
ಒಂದು ಎಕರೆಗೆ 3 ಸೆಂಟ್ ಗಳಿಗೂ ಕಡಿಮೆ ಹಣಕ್ಕೆ ಖರೀದಿಸಲಾದ ಲೂಯಿಸಿಯಾನ ಭೂಪ್ರದೇಶದಿಂದ, ಒಂದು ಯುದ್ಧವಿಲ್ಲದೆ ಅಥವಾ ಏಕೈಕ ಅಮೆರಿಕನ್ನನ ಜೀವಕ್ಕೆ ಕುತ್ತು ಬರದಂತೆ ಅಮೆರಿಕ ಸಂಯುಕ್ತ ಸಂಸ್ಥಾನದ ಗಾತ್ರವು ದುಪ್ಪಟ್ಟಾಯಿತು. ಜೊತೆಗೆ ಭೂಪ್ರದೇಶದ ಖರೀದಿಗೆ ಒಂದು ಪೂರ್ವನಿದರ್ಶನವನ್ನು ಹುಟ್ಟು ಹಾಕಿತು. ಇದು ಅಮೆರಿಕ ಸಂಯುಕ್ತ ಸಂಸ್ಥಾನದ ಭೂಖಂಡದಿಂದ ಪೆಸಿಫಿಕ್ವರೆಗಿಂದ ಅಂತಿಮ ವಿಸ್ತರಣೆಗೆ ದಾರಿ ಮಾಡಿಕೊಟ್ಟಿತು.
Census | Pop. | %± | |
---|---|---|---|
1810 | ೭೬,೫೫೬ | — | |
1820 | ೧,೫೩,೪೦೭ | ೧೦೦.೪% | |
1830 | ೨,೧೫,೭೩೯ | ೪೦.೬% | |
1840 | ೩,೫೨,೪೧೧ | ೬೩.೪% | |
1850 | ೫,೧೭,೭೬೨ | ೪೬.೯% | |
1860 | ೭,೦೮,೦೦೨ | ೩೬.೭% | |
1870 | ೭,೨೬,೯೧೫ | ೨.೭% | |
1880 | ೯,೩೯,೯೪೬ | ೨೯.೩% | |
1890 | ೧೧,೧೮,೫೮೮ | ೧೯�೦% | |
1900 | ೧೩,೮೧,೬೨೫ | ೨೩.೫% | |
1910 | ೧೬,೫೬,೩೮೮ | ೧೯.೯% | |
1920 | ೧೭,೯೮,೫೦೯ | ೮.೬% | |
1930 | ೨೧,೦೧,೫೯೩ | ೧೬.೯% | |
1940 | ೨೩,೬೩,೫೧೬ | ೧೨.೫% | |
1950 | ೨೬,೮೩,೫೧೬ | ೧೩.೫% | |
1960 | ೩೨,೫೭,೦೨೨ | ೨೧.೪% | |
1970 | ೩೬,೪೧,೩೦೬ | ೧೧.೮% | |
1980 | ೪೨,೦೫,೯೦೦ | ೧೫.೫% | |
1990 | ೪೨,೧೯,೯೭೩ | ೦.೩% | |
2000 | ೪೪,೬೮,೯೭೬ | ೫.೯% | |
Est. 2008 | ೪೪,೧೦,೭೯೬ | [4] |
ಜುಲೈ 2005ರ ತನಕ (ಕತ್ರಿನಾ ಹಾಗು ರೀತಾ ಚಂಡಮಾರುತಗಳಿಂದ ಉಂಟಾದ ಭೂಕುಸಿತಕ್ಕೆ ಮುಂಚೆ), ಲೂಯಿಸಿಯಾನ ಅಂದಾಜು 4,523,628ರಷ್ಟು ಜನಸಂಖ್ಯೆಯನ್ನು ಹೊಂದಿತ್ತು. ಈ ಗಣತಿಯು ಅದರ ಮುಂಚಿನ ವರ್ಷಕ್ಕಿಂತ 16,943, ಅಥವಾ 0.4%ರಷ್ಟು ಅಧಿಕವಾಗಿತ್ತು ಹಾಗು ಕಳೆದ 2000ಕ್ಕಿಂತ 54,670, ಅಥವಾ 1.2%ನಷ್ಟು ಅಧಿಕವಾಗಿತ್ತು. ಇದು ಹಿಂದಿನ ಜನಗಣತಿಯ ನಂತರ ಸ್ವಾಭಾವಿಕ ಹೆಚ್ಚಳ 129,889ರಷ್ಟು(ಅದೆಂದರೆ 350,818 ಜನನಗಳಿಂದ 220,929 ಮರಣಗಳನ್ನು ಕಳೆಯುವುದು) ಜೊತೆಗೆ ರಾಜ್ಯದಿಂದ ಒಟ್ಟಾರೆ 69,373ರಷ್ಟು ಜನರು ವಲಸೆ ಹೋಗಿದ್ದರಿಂದ ಕಡಿಮೆಯಾಯಿತು. ಅಮೆರಿಕ ಸಂಯುಕ್ತ ಸಂಸ್ಥಾನದ ಹೊರಗಿಂದ 20,174ರಷ್ಟು ಜನರು ವಲಸೆ ಬಂದಿದ್ದು ಒಟ್ಟಾರೆಯಾಗಿ ಜನಸಂಖ್ಯೆಯ ಅಧಿಕತೆಗೆ ಕಾರಣವಾಗಿದೆ, ಜೊತೆಗೆ ರಾಷ್ಟ್ರದೊಳಗೆ ವಲಸೆ ಹೋದ ಕಾರಣದಿಂದಾಗಿ 89,547ರಷ್ಟು ಜನರ ನಿವ್ವಳ ನಷ್ಟ ಉಂಟುಮಾಡಿತು. ರಾಜ್ಯದ ಜನಸಂಖ್ಯಾ ಸಾಂದ್ರತೆಯು ಪ್ರತಿ ಚದರ ಮೈಲಿಗೆ 102.6 ಜನರಷ್ಟಿದೆ.[30]
ಲೂಯಿಸಿಯಾನ ಜನಸಂಖ್ಯೆಯ ಪ್ರಮುಖ ಭಾಗವು ಪಾಯಿಂಟೇ ಕೌಪೀ ಪ್ಯಾರಿಷ್ ನ, ನ್ಯೂ ರೋಡ್ಸ್ ನಗರದಲ್ಲಿ ನೆಲೆಯಾಗಿದೆ.[31]
2000 U.S.ಜನಗಣತಿಯ ಪ್ರಕಾರ, 5 ವರ್ಷ ಹಾಗು ಅದಕ್ಕೂ ಮೇಲ್ಪಟ್ಟ 4.7%ನಷ್ಟು ಜನಸಂಖ್ಯೆಯು ಮನೆಯಲ್ಲಿ ಫ್ರೆಂಚ್ ಅಥವಾ ಕಾಜುನ್ ಫ್ರೆಂಚ್ ಭಾಷೆ ಮಾತನಾಡುತ್ತಾರೆ, ಈ ನಡುವೆ 2.5%ನಷ್ಟು ಜನ ಸ್ಪಾನಿಷ್ ಮಾತನಾಡುತ್ತಾರೆ.|2000 U.S.ಜನಗಣತಿಯ ಪ್ರಕಾರ, 5 ವರ್ಷ ಹಾಗು ಅದಕ್ಕೂ ಮೇಲ್ಪಟ್ಟ 4.7%ನಷ್ಟು ಜನಸಂಖ್ಯೆಯು ಮನೆಯಲ್ಲಿ ಫ್ರೆಂಚ್ ಅಥವಾ ಕಾಜುನ್ ಫ್ರೆಂಚ್ ಭಾಷೆ ಮಾತನಾಡುತ್ತಾರೆ, ಈ ನಡುವೆ 2.5%ನಷ್ಟು ಜನ ಸ್ಪಾನಿಷ್ ಮಾತನಾಡುತ್ತಾರೆ.
ಫ್ರೆಂಚ್ ಪೂರ್ವೀಕತೆಯನ್ನು ಹೊಂದಿರುವ ಕಾಜುನ್ ಗಳು ಹಾಗು ಕ್ರೆಒಲೇ ಜನರು ರಾಜ್ಯದ ದಕ್ಷಿಣ ಭಾಗದಲ್ಲಿ ಪ್ರಾಬಲ್ಯ ಹೊಂದಿದ್ದಾರೆ. ಲೂಯಿಸಿಯಾನ ಕಾಜುನ್ಗಳು ಫ್ರೆಂಚ್ ವಸಾಹತು ನೆಲೆಯ ಅಕಾಡಿಯದ ಫ್ರೆಂಚ್ ಮಾತನಾಡುವ ಅಕಾಡಿಯನ್ನರ ವಂಶಜರಾಗಿದ್ದಾರೆ. ಇದು ಇಂದಿನ ಕೆನಡಾದ ಪ್ರಾಂತ್ಯಗಳಾದ ನ್ಯೂ ಬ್ರುನ್ಸ್ವಿಕ್, ನೋವ ಸ್ಕಾಟಿಯ ಹಾಗು ಪ್ರಿನ್ಸ್ ಎಡ್ವರ್ಡ್ ಐಲ್ಯಾಂಡ್|ಕಾಜುನ್ಗಳು ಫ್ರೆಂಚ್ ವಸಾಹತು ನೆಲೆಯ ಅಕಾಡಿಯದ ಫ್ರೆಂಚ್ ಮಾತನಾಡುವ ಅಕಾಡಿಯನ್ನರ ವಂಶಜರಾಗಿದ್ದಾರೆ. ಇದು ಇಂದಿನ ಕೆನಡಾದ ಪ್ರಾಂತ್ಯಗಳಾದ ನ್ಯೂ ಬ್ರುನ್ಸ್ವಿಕ್, ನೋವ ಸ್ಕಾಟಿಯ ಹಾಗು ಪ್ರಿನ್ಸ್ ಎಡ್ವರ್ಡ್ ಐಲ್ಯಾಂಡ್ ಪ್ರದೇಶಗಳನ್ನು ಒಳಗೊಂಡಿದೆ. ಕಾಜುನ್ ಗಳು 20ನೇ ಶತಮಾನದವರೆಗೂ ದಕ್ಷಿಣ ಲೂಯಿಸಿಯಾನದ ಜೌಗು ಪ್ರದೇಶಗಳಲ್ಲಿ ಪ್ರತ್ಯೇಕವಾಗಿ ವಾಸಿಸುತ್ತಿದ್ದರು.[32] ಕಳೆದ 20ನೇ ಶತಮಾನದ ಆರಂಭದಲ್ಲಿ,ಶಾಲೆಗಳಲ್ಲಿ ಕಾಜುನ್ ಫ್ರೆಂಚ್ ಭಾಷೆಯ ಬಳಕೆ ನಿಷೇಧ ಮುಂತಾದ ಕ್ರಮಗಳಿಂದ ಕಾಜುನ್ ಸಂಸ್ಕೃತಿಯನ್ನು ದಮನಿಸುವ ಪ್ರಯತ್ನಗಳು ನಡೆಯಿತು.[33]
ಲೂಯಿಸಿಯಾನದ ಕ್ರೆಒಲೇ ಜನರು ಎರಡು ಜನಾಂಗೀಯ ವಿಭಾಗಗಳಾಗಿ ಬೇರ್ಪಟ್ಟಿದ್ದಾರೆ. ಕ್ರೆಒಲೇ ಎಂಬ ಹೆಸರನ್ನು,ಲೂಯಿಸಿಯಾನ ಫ್ರಾನ್ಸ್ ವಸಾಹತು ನೆಲೆಯಾಗಿದ್ದ ಸಂದರ್ಭದಲ್ಲಿ ಅಲ್ಲಿ ಜನಿಸಿದ ಫ್ರೆಂಚ್ ವಲಸಿಗರಿಗೆ ನೀಡಲಾಗಿತ್ತು. ಸ್ಪಾನಿಷ್ ಭಾಷೆಯಲ್ಲಿ ಮೂಲ ನಿವಾಸಿಗಳಿಗೆ ಕ್ರಿಯೊಲ್ಲೋ ಎಂದು ಕರೆಯಲಾಗುತ್ತಿತ್ತು. ವಲಸೆಗಾರಿಕೆ ಹಾಗು ವಸಾಹತು ಮಾದರಿಗೆ ಪ್ರಧಾನವಾಗಿ ಅಧಿಕವಾಗಿ ಫ್ರೆಂಚ್ ಹಾಗು ಸ್ಪಾನಿಷ್ ವಂಶಪರಂಪರೆಯವರು. ಲೂಯಿಸಿಯಾನದಲ್ಲಿ ಗುಲಾಮರ ಸಂಖ್ಯೆಯು ಬೆಳವಣಿಗೆಯಾಗುತ್ತಿದ್ದ ಹಾಗೆ ಗುಲಾಮಿ ಕಪ್ಪು ವರ್ಣೀಯರನ್ನೂ, ಅದೇ ವಸಾಹತು ನೆಲೆಯಲ್ಲಿ ಜನಿಸಿದ ಕಾರಣಕ್ಕಾಗಿ ಕ್ರೆಒಲೇಗಳು ಎಂದು ಕರೆಯಲಾಗುತ್ತಿತ್ತು.
ಆದಾಗ್ಯೂ, ಲೂಯಿಸಿಯಾನ ಕ್ರೆಒಲೇಯ ವಿಶೇಷ ಅರ್ಥವು ಸ್ವತಂತ್ರ ಕಪ್ಪು ವರ್ಣೀಯರ ಜೊತೆಗೆ ಸಂಬಂಧಿಸಿದೆ. (ಜೆನ್ಸ್ ಡೆ ಕೌಲೆಯುರ್ ಲಿಬ್ರೆಸ್ ), ಇವರು ಸಾಧಾರಣವಾಗಿ ಮೂರನೇ ವರ್ಗದ ಮಿಶ್ರ-ಜನಾಂಗದ ಜನರಾಗಿದ್ದರು. ಇವರು ದಕ್ಷಿಣ ಲೂಯಿಸಿಯಾನ ಹಾಗು ನ್ಯೂ ಆರ್ಲಿಯನ್ಸ್ ನಲ್ಲಿ ಕೇಂದ್ರೀಕೃತವಾಗಿದ್ದರು. ಈ ಗುಂಪು ಫ್ರೆಂಚ್ ಹಾಗು ಸ್ಪಾನಿಷ್ ಆಡಳಿತದಲ್ಲಿ ರೂಪುಗೊಂಡಿತ್ತು. ವಸಾಹತಿನ ಪುರುಷರು ಹಾಗು ಬಹುತೇಕ ಆಫ್ರಿಕನ್ ಗುಲಾಮಿ ಹೆಂಗಸರ ಸಂಬಂಧಗಳಿಂದ ಹುಟ್ಟಿದ ಮೊದಲ ವಂಶಜರೆನಿಸಿಕೊಂಡಿದ್ದಾರೆ. ಕಾಲಾನುಕ್ರಮದಲ್ಲಿ, ವಸಾಹತಿನ ಪುರುಷರು ಸಾಮಾನ್ಯವಾಗಿ ಶ್ವೇತ ವರ್ಣ, ಅಥವಾ ಮಿಶ್ರ-ಜನಾಂಗದ ಮಹಿಳೆಯರನ್ನು ಆಯ್ಕೆ ಮಾಡಿಕೊಂಡರು. ಸಾಮಾನ್ಯವಾಗಿ ಪುರುಷರು ಇನ್ನೂ ಗುಲಾಮತನದಲ್ಲಿದ್ದ ತಮ್ಮ ಸಂಗಾತಿಗಳು ಹಾಗು ಮಕ್ಕಳನ್ನು ಸ್ವತಂತ್ರಗೊಳಿಸುತ್ತಿದ್ದರು. ಈ ವ್ಯವಸ್ಥೆಗಳನ್ನು ನ್ಯೂ ಆರ್ಲಿಯನ್ಸ್ನಲ್ಲಿ ಪ್ಲಾಸೇಜ್ಎಂದು ನಿಯಮಬದ್ಧಗೊಳಿಸಲಾಯಿತು, ಸಾಧಾರಣವಾಗಿ ಇವು ಯುವತಿಯರಿಗೆ ಹಾಗು ಅವರ ಮಕ್ಕಳ ಶಿಕ್ಷಣಕ್ಕೆ, ಅಥವಾ ಕಡೆ ಪಕ್ಷ ಅವರ ಗಂಡು ಮಕ್ಕಳಿಗೆ ಆಸ್ತಿ ಇತ್ಯರ್ಥಗಳಿಗೆ ಸಂಬಂಧಿಸಿತ್ತು. ಕ್ರೆಒಲೇಗಳು ಫ್ರೆಂಚ್ ಹಾಗು ಸ್ಪಾನಿಷ್ ಆಡಳಿತದ ಸಂದರ್ಭದಲ್ಲಿದ್ದ ಸ್ವತಂತ್ರ ಕಪ್ಪು ವರ್ಣೀಯರು, ಇವರು ಒಂದು ವಿಶಿಷ್ಟವಾದ ವರ್ಗವಾಗಿ ರೂಪುಗೊಂಡರು - ಇವರಲ್ಲಿ ಹಲವರು ಶಿಕ್ಷಿತರಾಗಿದ್ದರು ಜೊತೆಗೆ ಆಸ್ತಿಯ ಒಡೆತನವನ್ನು ಹೊಂದಿ ಶ್ರೀಮಂತರಾಗಿದ್ದರು ಅಥವಾ ಕುಶಲಕರ್ಮಿಗಳಾಗಿದ್ದರು, ಜೊತೆಗೆ ಇವರು ರಾಜಕೀಯದಲ್ಲೂ ಸಕ್ರಿಯವಾಗಿ ಭಾಗಿಯಾಗಿದ್ದರು.
ಸಾಧಾರಣವಾಗಿ ಈ ಮಿಶ್ರ-ಜನಾಂಗೀಯ ಕ್ರೆಒಲೇಗಳು ಕೇವಲ ತಮ್ಮ ಗುಂಪಿನೊಳಗೆ ವಿವಾಹಯಾಗುತ್ತಿದ್ದರು. ಇವರು ಫ್ರೆಂಚ್ ಹಾಗು ಸ್ಪಾನಿಷ್ ವಂಶಜರ ನಡುವಿನ ವಿಶಿಷ್ಟ ಗುಂಪಾಗಿತ್ತು, ಜೊತೆಗೆ ಗುಲಾಮಿ ಆಫ್ರಿಕನ್ನರ ಸಮೂಹವಾಗಿತ್ತು.
ಹೈತಿಯನ್ ಕ್ರಾಂತಿಯ ನಂತರ, ನ್ಯೂ ಆರ್ಲಿಯನ್ಸ್ ಹಾಗು ಲೂಸಿಯಾದ ಸ್ವತಂತ್ರ ಕಪ್ಪು ವರ್ಣೀಯರ ವರ್ಗವು ಫ್ರೆಂಚ್-ಮಾತನಾಡುವ ನಿರಾಶ್ರಿತರು ಹಾಗು ಹೈತಿಯ ವಲಸಿಗರಿಂದ ಅಧಿಕಗೊಂಡಿತು. ಅದೇ ಸಮಯದಲ್ಲಿ, ಫ್ರೆಂಚ್-ಮಾತನಾಡುವ ಶ್ವೇತ ವರ್ಣೀಯರು ನಗರಕ್ಕೆ ಆಗಮಿಸಿದರು, ಇವರಲ್ಲಿ ಕೆಲವರು ತಮ್ಮೊಡನೆ ಗುಲಾಮರನ್ನು ಕರೆತಂದರು. ಹೈತಿಯಲ್ಲಿದ್ದ ಈ ಗುಲಾಮರಲ್ಲಿ ಅಧಿಕರು ಆಫ್ರಿಕನ್ ಮೂಲನಿವಾಸಿಗಳಾಗಿದ್ದರು. ಕಳೆದ 1809ರಲ್ಲಿ, ಕ್ಯೂಬಾದಿಂದ ಸೈಂಟ್-ಡೊಮಿಂಗ್ಯೂ ನ ಸುಮಾರು 10,000 ನಿರಾಶ್ರಿತರು ಆಗಮಿಸಿದರು, ಇವರು ಮೊದಲು ನ್ಯೂ ಆರ್ಲಿಯನ್ಸ್ನಲ್ಲಿಸಾಮೂಹಿಕವಾಗಿ ನೆಲೆಗೊಳ್ಳಲು ಪಲಾಯನ ಮಾಡಿದ್ದರು.[34] ಇವರಿಂದಾಗಿ ನಗರದ ಜನಸಂಖ್ಯೆಯು ದುಪ್ಪಟ್ಟಾಯಿತು ಜೊತೆಗೆ ಫ್ರೆಂಚ್ ಭಾಷೆ ಹಾಗು ಸಂಸ್ಕೃತಿಯು ಹಲವಾರು ತಲೆಮಾರುಗಳ ಕಾಲ ಸುರಕ್ಷಿತವಾಗಿರುವುದಕ್ಕೆ ಸಹಾಯವಾಯಿತು.[35]
ಇಂದಿನ ಕಪ್ಪು ವರ್ಣದ ಕ್ರೆಒಲೇಗಳು ಸಾಧಾರಣವಾಗಿ ಆಫ್ರಿಕನ್, ಫ್ರೆಂಚ್, ಸ್ಪಾನಿಷ್ ಹಾಗು ಮೂಲ ಅಮೆರಿಕನ್ ಪರಂಪರೆಯ ಮಿಶ್ರಣವಾಗಿದ್ದಾರೆ. ಇವರು ಫ್ರೆಂಚ್ ಅಥವಾ ಕ್ರೆಒಲೇ-ಮಾತನಾಡುವ ಪರಿಸರ ಹಾಗು ಸಂಸ್ಕೃತಿಯಲ್ಲಿ ಬೆಳೆದು ಬಂದವರು. US ಲೂಯಿಸಿಯಾನವನ್ನು ಖರೀದಿ ಮಾಡಿದ ನಂತರ ಕಪ್ಪು ಕ್ರೆಒಲೇಗಳ ಪ್ರತ್ಯೇಕ ಸ್ಥಾನಮಾನವು ಕುಗ್ಗಿತು. ಇದು ಅಮೆರಿಕನ್ ಅಂತರ್ಯುದ್ಧದ ನಂತರ ಮತ್ತಷ್ಟು ಕುಗ್ಗುವಿಕೆಗೆ ಕಾರಣವಾಯಿತು. ಪರಮಾಧಿಕಾರವನ್ನು ಮತ್ತೆ ಪಡೆದುಕೊಳ್ಳುವ ಪ್ರಯತ್ನಗಳಲ್ಲಿ ಸಮಾಜವನ್ನು ಕಪ್ಪು ಹಾಗು ಬಿಳಿ ವರ್ಗವೆಂದು ವಿಂಗಡಿಸಲಾಯಿತು. ಅಂತರ್ಯುದ್ಧಕ್ಕೆ ಮುಂಚೆ ತಲೆಮಾರುಗಳ ಕಾಲ ಸ್ವತಂತ್ರರಾಗಿದ್ದ ಕ್ರೆಒಲೇಗಳು ಸ್ವಲ್ಪ ಮಟ್ಟಿಗೆ ತಮ್ಮ ಸ್ಥಾನಮಾನವನ್ನು ಕಳೆದುಕೊಂಡರು.
ಅಮೆರಿಕ ಸಂಯುಕ್ತ ಸಂಸ್ಥಾನದಲ್ಲಿರುವ ಕಪ್ಪು ಅಮೆರಿಕನ್ನರಲ್ಲಿ ಲೂಯಿಸಿಯಾನ ಎರಡನೇ ಅತ್ಯಂತ ದೊಡ್ಡ ಪ್ರಮಾಣವನ್ನು ಹೊಂದಿದೆ (32.5%), ಇದು ನೆರೆಯ ಮಿಸ್ಸಿಸ್ಸಿಪ್ಪಿಗಿಂತ ಹಿಂದಿನ ಸ್ಥಾನದಲ್ಲಿದೆ (36.3%).
ಅಧಿಕೃತ ಜನಗಣತಿಯ ಅಂಕಿಅಂಶಗಳು ಆಫ್ರಿಕನ್ ಸಂತತಿಯ ಜನರ ನಡುವೆ ವ್ಯತ್ಯಾಸವನ್ನು ತೋರುವುದಿಲ್ಲ. ಪರಿಣಾಮವಾಗಿ, ಲೂಯಿಸಿಯಾನದಲ್ಲಿ ಇಂಗ್ಲಿಷ್-ಮಾತನಾಡುವ ಪರಂಪರೆ ಹಾಗು ಫ್ರೆಂಚ್-ಮಾತನಾಡುವ ಪರಂಪರೆಯ ನಡುವೆ ಯಾವುದೇ ವ್ಯತ್ಯಾಸವು ಕಂಡು ಬರುವುದಿಲ್ಲ.
ಮಿಶ್ರ ವರ್ಣದ ಕ್ರೆಒಲೇಗಳು, ಫ್ರೆಂಚ್,ಆಫ್ರಿಕನ್, ಹಾಗು ಮೂಲ ಅಮೆರಿಕನ್ ಸಂತತಿ ಹೊಂದಿರುವ ಲೂಯಿಸಿಯಾನಾದ ಕಪ್ಪು ಅಮೆರಿಕನ್ನರು, ರಾಜ್ಯದ ಆಗ್ನೇಯ, ಕೇಂದ್ರ, ಹಾಗು ಉತ್ತರ ಭಾಗಗಳಲ್ಲಿದ್ದಾರೆ. ವಿಶೇಷವಾಗಿ ಮಿಸ್ಸಿಸ್ಸಿಪ್ಪಿ ನದಿ ಕಣಿವೆಯುದ್ದಕ್ಕೂ ನೆಲೆಸಿರುವ ಪ್ಯಾರಿಷ್ಗಳು.
ದಕ್ಷಿಣ U.S. ಹಿನ್ನೆಲೆಯ ಬಿಳಿಯರು ಉತ್ತರ ಲೂಯಿಸಿಯಾನದಲ್ಲಿ ಪ್ರಧಾನವಾಗಿ ನೆಲೆಸಿದ್ದಾರೆ. ಈ ಜನರು ಪ್ರಧಾನವಾಗಿ ಇಂಗ್ಲಿಷ್, ಫ್ರೆಂಚ್, ವೆಲ್ಷ್, ಹಾಗು ಸ್ಕಾಟ್ಸ್ ಐರಿಶ್ ಹಿನ್ನೆಲೆಯುಳ್ಳವರು, ಜೊತೆಗೆ ಇವರು ಒಂದು ಸಮಾನವಾದ, ಹೆಚ್ಚಾಗಿ ನೆರೆ ರಾಜ್ಯದ ಅಮೆರಿಕನ್ನರೊಂದಿಗೆ ಪ್ರಾಟೆಸ್ಟಂಟ್ ಸಂಸ್ಕೃತಿಯನ್ನು ಹಂಚಿಕೊಳ್ಳುತ್ತಾರೆ.
ಲೂಯಿಸಿಯಾನದ ಖರೀದಿಗೆ ಮುಂಚೆ, ಕೆಲವು ಜರ್ಮನ್ ಕುಟುಂಬಗಳು ಕೆಳ ಮಿಸ್ಸಿಸ್ಸಿಪ್ಪಿ ಕಣಿವೆಯ ಹಳ್ಳಿಗಾಡಿನ ಪ್ರದೇಶಗಳಲ್ಲಿ ನೆಲೆಸಿದ್ದರು, ಈ ಪ್ರದೇಶವು ಅಂದು ಜರ್ಮನ್ ಕೋಸ್ಟ್ ಎಂದು ಕರೆಯಲ್ಪಡುತ್ತಿತ್ತು. ಇವರು ಕಾಜುನ್ ಹಾಗು ಕ್ರೆಒಲೇ ಸಮುದಾಯಗಳೊಂದಿಗೆ ಮಿಳಿತರಾದರು.
ಇಸವಿ 1840ರಲ್ಲಿ ನ್ಯೂ ಆರ್ಲಿಯನ್ಸ್ ರಾಷ್ಟ್ರದ ಮೂರನೇ ಅತ್ಯಂತ ದೊಡ್ಡ ಹಾಗು ಶ್ರೀಮಂತ ನಗರವೆನಿಸುವುದರ ಜೊತೆಗೆ ದಕ್ಷಿಣದ ಅತ್ಯಂತ ದೊಡ್ಡ ನಗರವೆನಿಸಿತ್ತು. ಚಟುವಟಿಕೆಯ ಬಂದರು ಹಾಗು ವ್ಯಾಪಾರಿ ಆರ್ಥಿಕತೆಯು ಅಸಂಖ್ಯಾತ ಐರಿಶ್, ಇಟಾಲಿಯನ್, ಜರ್ಮನ್, ಹಾಗು ಪೋರ್ಚುಗೀಸ್ ವಲಸಿಗರನ್ನು ಆಕರ್ಷಿಸಿತು. ಇವರಲ್ಲಿ ಮೊದಲೆರಡು ಗುಂಪಿನ ಜನರು ಸಂಪೂರ್ಣವಾಗಿ ಕ್ಯಾಥೊಲಿಕ್ ಗುಂಪಿನವರಾಗಿದ್ದರು, ಜೊತೆಗೆ ಕೆಲವು ಪೋರ್ಚುಗೀಸ್ ಹಾಗು ಜರ್ಮನ್ನರು ದಕ್ಷಿಣ ಲೂಯಿಸಿಯಾನದ ಕ್ಯಾಥೊಲಿಕ್ ಸಂಸ್ಕೃತಿಗೆ ಕೂಡಿಕೊಂಡರು. ನ್ಯೂ ಆರ್ಲಿಯನ್ಸ್ ಗಣನೀಯ ಪ್ರಮಾಣದ ಡಚ್, ಗ್ರೀಕ್ ಹಾಗು ಪೋಲಿಷ್ ಸಮುದಾಯಗಳ ನೆಲೆಯೂ ಸಹ ಆಗಿರುವುದರ ಜೊತೆಗೆ ವಿವಿಧ ರಾಷ್ಟ್ರೀಯತೆಯನ್ನು ಹೊಂದಿರುವ ಜ್ಯೂಯಿಶ್ ಜನಸಂಖ್ಯೆಯ ತವರೂರಾಗಿತ್ತು. ಕಳೆದ 20ನೇ ಶತಮಾನದ ಆರಂಭದಲ್ಲಿ 10,000ಕ್ಕೂ ಅಧಿಕ ಮಾಲ್ಟೀಸರು ಲೂಯಿಸಿಯಾನಕ್ಕೆ ಆಗಮಿಸಿದ್ದು ವರದಿಯಾಗಿದೆ.
ಕಳೆದ 2000ದ ಜನಗಣತಿಯ ಪ್ರಕಾರ, ರಾಜ್ಯದ ಜನಸಂಖ್ಯೆಯಲ್ಲಿ ಹಿಸ್ಪಾನಿಕ್ ಮೂಲದ ಜನರು ಶೇಕಡಾ 2.4%ನಷ್ಟಿದ್ದರು. ಕಳೆದ 2005ರ ಸುಮಾರಿಗೆ, ಈ ಪ್ರಮಾಣವು ರಾಜ್ಯದ ಜನಸಂಖ್ಯೆಯಲ್ಲಿ ಅಂದಾಜು ಶೇಖಡಾ 3ರಷ್ಟು ಅಧಿಕವಾಯಿತು, ಜೊತೆಗೆ ಅಲ್ಲಿಂದೀಚೆಗೆ ಈ ಅಂಕಿಅಂಶವು ಮತ್ತಷ್ಟು ಹೆಚ್ಚಿರಬಹುದೆಂದು ಅಂದಾಜಿಸಲಾಗಿದೆ. ರಾಜ್ಯವು ಲ್ಯಾಟಿನ್ ಅಮೆರಿಕಾದ ಹಲವಾರು ರಾಷ್ಟ್ರಗಳಿಂದ ವಲಸಿಗರ ಮಹಾಪೂರವನ್ನೇ ಆಕರ್ಷಿಸುತ್ತಿದೆ, ಉದಾಹರಣೆಗೆ ಮೆಕ್ಸಿಕೋ, ಕ್ಯೂಬಾ, ದಿ ಡಾಮಿನಿಕ್ ರಿಪಬ್ಲಿಕ್, ಹೊಂಡುರಾಸ್, ಎಲ್ ಸಾಲ್ವಡೋರ್ ಹಾಗು ನಿಕಾರಾಗುವಾ. USAನಲ್ಲಿ ನ್ಯೂ ಆರ್ಲಿಯನ್ಸ್ ನಗರವು ಅತ್ಯಂತ ದೊಡ್ಡ ಹೊಂಡುರಾನ್ ಅಮೆರಿಕನ್ ಸಮುದಾಯವನ್ನು ಹೊಂದಿದೆ.
ಅತ್ಯಂತ ಹಳೆಯ ಕ್ಯೂಬನ್ ಅಮೆರಿಕನ್ ಹಾಗು ಡಾಮಿನಿಕನ್ ಸಮುದಾಯಗಳು ನ್ಯೂ ಆರ್ಲಿಯನ್ಸ್ ಪ್ರದೇಶದಲ್ಲಿ 1920ರ ದಶಕದ ಸುಮಾರಿಗೆ ಹಾಗು 1880 ದಶಕಕ್ಕೂ ಮುಂಚಿತವಾಗಿ ಅಸ್ತಿತ್ವದಲ್ಲಿತ್ತು. ಆದಾಗ್ಯೂ ಇವರಲ್ಲಿ ಹೆಚ್ಚಿನವರು ವಲಸಿಗರು ಹಾಗು ಕ್ಯೂಬನ್ಗಳಿಗೆ ಸಂಬಂಧಿಸಿದಂತೆ, ಇವರು ಕ್ಯಾಸ್ಟ್ರೋ ಆಳ್ವಿಕೆವಿರೋಧಿ ರಾಜಕೀಯ ನಿರಾಶ್ರಿತರಾಗಿದ್ದರು.
ಕಳೆದ 1763ರಲ್ಲಿ, ಸೆವೆನ್ ಇಯರ್ಸ್ ವಾರ್ ನ ಕೊನೆಯಲ್ಲಿ ಸಹಿ ಹಾಕಲಾದ ಟ್ರೀಟಿ ಆಫ್ ಫಾಂಟೈನೆಬ್ಲೆಯು ನಂತರ, ಲೂಯಿಸಿಯಾನದಲ್ಲಿ ಸ್ಪಾನಿಷ್ ಸಾಮ್ರಾಜ್ಯವು ಮುಂದಿನ 36 ವರ್ಷಗಳ ಕಾಲ ಆಡಳಿತ ನಡೆಸಿತು. ಈ ಅವಧಿಯಲ್ಲಿ ಕೆಲವು ಸ್ಪಾನಿಷ್ ಜನರು ವಿಶೇಷವಾಗಿ ಕ್ಯಾನರಿ ದ್ವೀಪದ ಜನರು ನ್ಯೂ ಆರ್ಲಿಯನ್ಸ್ನಿಂದ ನದಿ ಕೆಳಗಿನ ಪ್ರದೇಶದಲ್ಲಿ ನೆಲೆಯಾದರು,ಇಂದು St. ಬರ್ನಾರ್ಡ್ ಪ್ಯಾರಿಷ್ಎನ್ನಲಾಗುತ್ತದೆ ಹಾಗು ರಾಜ್ಯದ ಇತರ ಆಗ್ನೇಯ ಭಾಗಗಳಲ್ಲಿ ನೆಲೆಸಿದ್ದರು. ಇದು ಲೂಯಿಸಿಯಾನದ ಇಸ್ಲೆನೋ ಜನಸಂಖ್ಯೆಗೆ ಆಧಾರವಾಗಿದೆ.
ಕಳೆದ 2006ರಲ್ಲಿ ಏಶಿಯನ್ ಮೂಲದ (ಪೂರ್ವ ಏಶಿಯ, ದಕ್ಷಿಣ ಏಶಿಯ ಹಾಗು ಇತರ ಏಶಿಯನ್ ಭಾಗ) 50,209 ಜನರು ಲೂಯಿಸಿಯಾನದಲ್ಲಿ ನೆಲೆಸಿದ್ದರೆಂದು ಅಂದಾಜಿಸಲಾಗಿದೆ. ಲೂಯಿಸಿಯಾನದ ಏಶಿಯನ್ ಅಮೆರಿಕನ್ ಜನಸಂಖ್ಯೆಯು, ಸಾಧಾರಣವಾಗಿ ಕೆರೇಬಿಯನ್ ನಿಂದ 19 ಹಾಗು 20ನೇ ಶತಮಾನದ ಆರಂಭದಲ್ಲಿ ಆಗಮಿಸಿದ ಚೈನೀಸ್ ಕಾರ್ಮಿಕರ ಸಂತತಿಯನ್ನು ಒಳಗೊಂಡಿತ್ತು. ಕಳೆದ 20ನೇ ಶತಮಾನದ ಉತ್ತರಾರ್ಧದಲ್ಲಿ ಆಗ್ನೇಯ ಏಶಿಯಾದಿಂದ ಚೈನೀಸ್ ವಲಸೆಯ ಮಹಾಪೂರವೇ ಹರಿದುಬಂತು.
ಕಳೆದ 1970ರ ದಶಕ ಹಾಗು 1980ರ ದಶಕದಲ್ಲಿ, ಹಲವಾರು ವಿಯೆಟ್ನಾಮಿ ಜನರು ಹಾಗು ಆಗ್ನೇಯ ಏಷಿಯಾದ ನಿರಾಶ್ರಿತರು ಮೀನುಗಾರಿಕೆ ಹಾಗು ಚಿಪ್ಪು ಜೀವಿಗಳ ಉದ್ಯಮಗಳಲ್ಲಿ ಕೆಲಸಮಾಡಲು ಗಲ್ಫ್ ಕೋಸ್ಟ್ಗೆ ಆಗಮಿಸಿದರು. ಲೂಯಿಸಿಯಾನದ ಏಶಿಯನ್ ಅಮೆರಿಕನ್ ಸಮುದಾಯದಲ್ಲಿ ಅನೇಕ ಮಂದಿ ವಿಯೆಟ್ನಾಮೀಸ್ ಸಂತತಿಯವರಾಗಿದ್ದಾರೆ. ಲೂಯಿಸಿಯಾನದ ಸುಮಾರು 95%ನಷ್ಟು ಜನಸಂಖ್ಯೆಯು ಬೇಟನ್ ರೂಜ್ನಲ್ಲಿ ನೆಲೆಸಿದೆ, ಪ್ರದೇಶವು ಭದ್ರವಾಗಿ ನೆಲೆಗೊಂಡಪೂರ್ವ ಇಂಡಿಯನ್ ಹಾಗು ಕೊರಿಯನ್ ಸಮುದಾಯಗಳಿಗೂ ತವರಾಗಿದೆ.
"ಮನಿಲಾಮೆನ್" ಪ್ರದೇಶಕ್ಕೆ ಮೊದಲು ಆಗಮಿಸಿದ ಫಿಲಿಫೈನ್ಸ್ ಜನ, ಇವರು 1763ರಿಂದ ಫಿಲಿಫೈನ್ಸ್ ನಿಂದ ಸ್ಪಾನಿಷ್ ಹಡಗುಗಳಲ್ಲಿ ಕೆಲಸ ಮಾಡುತ್ತಿದ್ದರು, ಜೊತೆಗೆ ಇವರು ಗಲ್ಫ್ ಕೋಸ್ಟ್ ನಲ್ಲಿ ನೆಲೆಯಾಗಿ,ಬಿಳಿಯ "ಕಾಜುನ್" ಹಾಗು ಮೂಲ ಅಮೇರಿಕನ್ ಯುವತಿಯರನ್ನು ವಿವಾಹಯಾದರು. ನಂತರ ಇವರು ಸ್ಥಳೀಯ ಕ್ರೆಒಲೇ ಜನಸಂಖ್ಯೆಯೊಂದಿಗೆ ಬೆರೆತರು. [ಸೂಕ್ತ ಉಲ್ಲೇಖನ ಬೇಕು]
ಕಳೆದ 2005ರಲ್ಲಿ ಲೂಯಿಸಿಯಾನದ ಒಟ್ಟಾರೆ ರಾಜ್ಯದ ನಿವ್ವಳ ಉತ್ಪಾದನೆಯು US$168 ದಶಲಕ್ಷದಷ್ಟಿತ್ತು. ಇದರಂತೆ ರಾಷ್ಟ್ರದಲ್ಲಿ 24ನೇ ಸ್ಥಾನದಲ್ಲಿತ್ತು. ತಲಾ ವ್ಯಕ್ತಿಯ ಆದಾಯವು $30,952ನಷ್ಟಿದೆ, ಇದು ಅಮೆರಿಕ ಸಂಯುಕ್ತ ಸಂಸ್ಥಾನದಲ್ಲಿ 41ನೇ ಶ್ರೇಣಿಯನ್ನು ಪಡೆದಿದೆ.[36]
ರಾಜ್ಯದ ಪ್ರಮುಖ ಕೃಷಿ ಉತ್ಪನ್ನಗಳಲ್ಲಿ ಸಮುದ್ರಾಹಾರ (ಇದು ವಿಶ್ವದ ಅತ್ಯಂತ ದೊಡ್ಡ ಏಡಿಮೀನಿನ ಉತ್ಪಾದಕವಾಗಿದೆ, ಸರಿಸುಮಾರು 90%ನಷ್ಟು ಏಡಿಮೀನನ್ನು ಸರಬರಾಜು ಮಾಡುತ್ತದೆ), ಹತ್ತಿ, ಸೋಯಾಬೀನ್ ಗಳು, ಹೈನು, ಕಬ್ಬು, ಕೋಳಿ ಸಾಕಣೆ ಹಾಗು ಮೊಟ್ಟೆ, ಡೈರಿ ಉತ್ಪನ್ನಗಳು, ಹಾಗು ಭತ್ತದ ಬೆಳೆಯು ಒಳಗೊಂಡಿದೆ. ಸಮುದ್ರಾಹಾರ ಉದ್ಯಮವು ಅಂದಾಜು 16,000 ಜನರಿಗೆ ನೌಕರಿ ನೀಡುವುದರ ಜೊತೆಗೆ ನೇರ ಬೆಂಬಲ ನೀಡುತ್ತದೆ.[37] ಕಾರ್ಖಾನೆಗಳು ರಾಸಾಯನಿಕ ಉತ್ಪನ್ನಗಳು, ಪೆಟ್ರೋಲಿಯಂ ಹಾಗು ಕಲ್ಲಿದ್ದಲ ಉತ್ಪನ್ನಗಳು, ಸಂಸ್ಕರಣಾ ಆಹಾರಗಳು ಹಾಗು ಸಂಚಾರ ಸಾಧನಗಳು ಹಾಗು ಕಾಗದ ಉತ್ಪನ್ನಗಳನ್ನು ತಯಾರಿಸುತ್ತವೆ. ವಿಶೇಷವಾಗಿ ನ್ಯೂ ಆರ್ಲಿಯನ್ಸ್ ಪ್ರದೇಶದ ಪ್ರವಾಸೋದ್ಯಮವು ಆರ್ಥಿಕತೆಗೆ ಒಂದು ಪ್ರಮುಖ ಅಂಶವಾಗಿದೆ.
ನ್ಯೂ ಆರ್ಲಿಯನ್ಸ್ ಹಾಗು ಬೇಟನ್ ರೂಜ್ ನಡುವೆ ಮಿಸ್ಸಿಸ್ಸಿಪ್ಪಿ ನದಿಯ ದಂಡೆಯ ಮೇಲೆ ನೆಲೆಯಾಗಿರುವ ಪೋರ್ಟ್ ಆಫ್ ಸೌತ್ ಲೂಯಿಸಿಯಾನ, ಪಶ್ಚಿಮ ಖಗೋಳಾರ್ಧದ ಅತ್ಯಂತ ದೊಡ್ಡ ಬಂದರಾಗಿದೆಹಾಗೂ ವಿಶ್ವದ 4ನೇದೊಡ್ಡ ಬಂದರಾಗಿದೆ. ಅಲ್ಲದೇ ವಿಶ್ವದ ಅತ್ಯಂತ ದೊಡ್ಡ ಸರಕು ಸಾಗಣೆ ಬಂದರೆನಿಸಿದೆ.[38]
ನ್ಯೂ ಆರ್ಲಿಯನ್ಸ್ ಹಾಗು ಶ್ರೆವೆಪೋರ್ಟ್ ಅಭಿವೃದ್ಧಿ ಹೊಂದುತ್ತಿರುವ ಚಲನಚಿತ್ರೋದ್ಯಮದ ತವರಾಗಿದೆ.[39] ರಾಜ್ಯವು ನೀಡುವ ಪ್ರೋತ್ಸಾಹಧನಗಳು ಹಾಗು ಹುರುಪಿನ ಪ್ರಚಾರವು ಸ್ಥಳೀಯ ಚಲನಚಿತ್ರೋದ್ಯಮದ ಶೀಘ್ರ ಬೆಳವಣಿಗೆಗೆ ಕಾರಣವಾಗಿದೆ. ಕಳೆದ 2007ರ ಉತ್ತರಾರ್ಧ ಹಾಗು 2008ರ ಆರಂಭದಲ್ಲಿ, 300,000-square-foot (28,000 m2)ಟ್ರೆಮೆಯಲ್ಲಿ ಒಂದು ಉತ್ತಮ ಮಟ್ಟದ ಉತ್ಪಾದನೆ ಸೌಲಭ್ಯಗಳು, ಒಂದು ಚಲನಚಿತ್ರ ತರಬೇತಿ ಸಂಸ್ಥೆಯನ್ನು ಒಳಗೊಂಡಂತೆ ಫಿಲಂ ಸ್ಟುಡಿಯೋವನ್ನು ಆರಂಭಿಸಲು ಯೋಜಿಸಲಾಗಿತ್ತು.[40] ಅಮೆರಿಕ ಸಂಯುಕ್ತ ಸಂಸ್ಥಾನದಲ್ಲಿ ಅತ್ಯಂತ ದೊಡ್ಡ ಮಟ್ಟದಲ್ಲಿ ಹಾಟ್ ಸಾಸ್ಗಳನ್ನು ತಯಾರಿಸುವ ಸಂಸ್ಥೆ ಮ್ಯಾಕ್ ಇಲ್ಹೆನ್ನಿ ಕಂಪನಿಯು ಟಬಸ್ಕೋ ಸಾಸ್ ನ್ನು ಮಾರಾಟ ಮಾಡುತ್ತದೆ, ಈ ಸಂಸ್ಥೆಯು ಅವೇರಿ ದ್ವೀಪದ ಮೂಲವಾಗಿದೆ.[41]
ಲೂಯಿಸಿಯಾನ ಮೂರು ವೈಯಕ್ತಿಕ ಆದಾಯ ತೆರಿಗೆ ವರ್ಗಗಳನ್ನು ಹೊಂದಿದೆ, ಇದು 2%ನಿಂದ 6%ವರೆಗಿನ ಗುಂಪುಗಳಲ್ಲಿವೆ. ಮಾರಾಟ ತೆರಿಗೆ ಪ್ರಮಾಣವು 4%ನಷ್ಟಿದೆ: ಇದರಲ್ಲಿ 3.97% ಲೂಯಿಸಿಯಾನ ಮಾರಾಟ ತೆರಿಗೆ ಹಾಗು 03% ಲೂಯಿಸಿಯಾನ ಪ್ರವಾಸೋದ್ಯಮ ಪ್ರಚಾರ ಜಿಲ್ಲಾ ಮಾರಾಟ ತೆರಿಗೆಯಾಗಿದೆ. ರಾಜಕೀಯ ಉಪವಿಭಾಗಗಳು ಸಹ ರಾಜ್ಯದ ಶುಲ್ಕಗಳ ಜತೆ ತಮ್ಮದೇ ಸ್ವಂತ ಮಾರಾಟ ತೆರಿಗೆಗಳನ್ನು ವಿಧಿಸುತ್ತವೆ. ರಾಜ್ಯದಲ್ಲಿ ಯೂಸ್ ಟ್ಯಾಕ್ಸ್ ಸಹ ಅಸ್ತಿತ್ವದಲ್ಲಿದೆ, ಇದರಲ್ಲಿ 4% ಕಂದಾಯ ಇಲಾಖೆಯು ಸ್ಥಳೀಯ ಸರಕಾರಗಳಿಗೆ ವಿತರಣೆ ಮಾಡುವುದು ಒಳಗೊಂಡಿದೆ. ಆಸ್ತಿ ತೆರಿಗೆಗಳನ್ನು ನಿಗದಿಪಡಿಸಿ ಸ್ಥಳೀಯ ಮಟ್ಟದಲ್ಲಿ ಸಂಗ್ರಹಿಸಲಾಗುತ್ತದೆ. ಲೂಯಿಸಿಯಾನ ಒಂದು ಅನುದಾನಿತ ರಾಜ್ಯವಾಗಿದ್ದು, ಸಂದಾಯವಾದ ಪ್ರತಿ ಡಾಲರ್ಗೆ ಫೆಡರಲ್ ಸರ್ಕಾರದಿಂದ $1.44ನಷ್ಟು ಹಣವನ್ನು ಸ್ವೀಕರಿಸುತ್ತದೆ.
ಲೂಯಿಸಿಯಾನದ ಆರ್ಥಿಕತೆಯಲ್ಲಿ ಪ್ರವಾಸೋದ್ಯಮ ಹಾಗು ಸಂಸ್ಕೃತಿಯು ಪ್ರಮುಖ ಪಾತ್ರ ವಹಿಸುತ್ತದೆ, ಇದರಿಂದ ವಾರ್ಷಿಕವಾಗಿ $5.2 ಶತಕೋಟಿ ಗಳಿಕೆಯಿದೆಯೆಂದು ಅಂದಾಜಿಸಲಾಗಿದೆ.[42] ಲೂಯಿಸಿಯಾನ ಹಲವು ಪ್ರಮುಖ ಸಾಂಸ್ಕೃತಿಕ ಸಮಾರಂಭಗಳನ್ನು ಆಯೋಜಿಸುತ್ತದೆ, ಉದಾಹರಣೆಗೆ ವರ್ಲ್ಡ್ ಕಲ್ಚರಲ್ ಇಕನಾಮಿಕ್ ಫೋರಮ್, ಇದನ್ನು ಪ್ರತಿ ವರ್ಷ ಶರತ್ಕಾಲದಲ್ಲಿ ನ್ಯೂ ಆರ್ಲಿಯನ್ಸ್ ಮೋರಿಯಲ್ ಕನ್ವೆನ್ಶನ್ ಸೆಂಟರ್ ನಲ್ಲಿ ನಡೆಸಲಾಗುತ್ತದೆ.[43]
ಜನವರಿ 2010ರಲ್ಲಿ ರಾಜ್ಯದಲ್ಲಿ ನಿರುದ್ಯೋಗ ಪ್ರಮಾಣವು 7.4%ರಷ್ಟಿತ್ತು.[162] ಲೂಯಿಸಿಯಾನದಲ್ಲಿ ಒಬ್ಬ ಆಫ್ರಿಕನ್ ಅಮೆರಿಕನ್ ಶ್ವೇತ ವರ್ಣೀಯನಿಗಿಂತ ಮೂರು ಪಟ್ಟು ನಿರುದ್ಯೋಗಕ್ಕೀಡಾಗುವ ಸಾಧ್ಯತೆಯಿದೆ.[44]
ಲೂಯಿಸಿಯಾನ ತೆರಿಗೆದಾರರು, ಸರಾಸರಿ ರಾಜ್ಯಕ್ಕೆ ಹೋಲಿಸಿದರೆ ಸಂದಾಯ ಮಾಡಿದ ಫೆಡರಲ್ ತೆರಿಗೆಯಲ್ಲಿ ಪ್ರತಿ ಡಾಲರ್ಗೆ ಹೆಚ್ಚು ಫೆಡರಲ್ ಹಣವನ್ನು ಪಡೆಯುತ್ತಾರೆ. ಕಳೆದ 2005ರಲ್ಲಿ ಸಂಗ್ರಹಿಸಲಾದ ಫೆಡರಲ್ ತೆರಿಗೆಯಲ್ಲಿ ಪ್ರತಿ ಡಾಲರ್ ಗೆ, ಲೂಯಿಸಿಯಾನ ನಾಗರೀಕರು ಸರಿಸುಮಾರು $1.78ನಷ್ಟು ಫೆಡರಲ್ ವೆಚ್ಚದ ರೂಪದಲ್ಲಿ ಸ್ವೀಕರಿಸುತ್ತಾರೆ. ಇದು ರಾಷ್ಟ್ರೀಯವಾಗಿ ರಾಜ್ಯಕ್ಕೆ 4ನೇ ಅತ್ಯಧಿಕ ಸ್ಥಾನವನ್ನು ತಂದುಕೊಡುವುದರ ಜೊತೆಗೆ 1995ಕ್ಕಿಂತ ಹೆಚ್ಚಳವನ್ನು ಸೂಚಿಸುತ್ತದೆ. ಆ ವರ್ಷದಲ್ಲಿ ಲೂಯಿಸಿಯಾನ ಫೆಡೆರಲ್ ವೆಚ್ಚದಲ್ಲಿ ಪ್ರತಿ ಡಾಲರ್ ತೆರಿಗೆಗೆ $1.35ರಷ್ಟು ಹಣವನ್ನು ಪಡೆಯಿತು (ರಾಷ್ಟ್ರದಲ್ಲಿ 7ನೇ ಸ್ಥಾನ ಗಳಿಸಿತು). ನೆರೆ ರಾಜ್ಯಗಳು ಹಾಗು ಸಂಗ್ರಹಿಸಲಾದ ಪ್ರತಿ ಡಾಲರ್ ಫೆಡರಲ್ ತೆರಿಗೆಯಲ್ಲಿ ಸ್ವೀಕರಿಸಲಾದ ಫೆಡರಲ್ ವೆಚ್ಚದ ಮೊತ್ತವೆಂದರೆ: ಟೆಕ್ಸಾಸ್ ($0.94), ಅರ್ಕನ್ಸಾಸ್ ($1.41), ಹಾಗು ಮಿಸ್ಸಿಸ್ಸಿಪ್ಪಿ ($2.02). ಕಳೆದ 2005 ಹಾಗು ನಂತರದ ವರ್ಷಗಳಲ್ಲಿ ಫೆಡರಲ್ ವೆಚ್ಚವು ಕತ್ರಿನಾ ಚಂಡಮಾರುತದಿಂದ ಉಂಟಾದ ಹಾನಿಯಿಂದ ಚೇತರಿಸಿಕೊಳ್ಳುವ ನಿಟ್ಟಿನಲ್ಲಿ ಗಣನೀಯ ಪ್ರಮಾಣದಲ್ಲಿ ಏರಿಕೆಯಾಗಿದೆ. ಟ್ಯಾಕ್ಸ್ ಫೌಂಡೆಶನ್ Archived 2009-07-06 ವೇಬ್ಯಾಕ್ ಮೆಷಿನ್ ನಲ್ಲಿ..
ಲೂಯಿಸಿಯಾನ ಪೆಟ್ರೋಲಿಯಂ ಹಾಗು ನೈಸರ್ಗಿಕ ಅನಿಲದಿಂದ ಸಮೃದ್ಧವಾಗಿದೆ. ಪೆಟ್ರೋಲಿಯಂ ಹಾಗು ಅನಿಲದ ನಿಕ್ಷೇಪವು ರಾಜ್ಯದ-ಒಡೆತನದಲ್ಲಿರುವ ಜಲಪ್ರದೇಶಗಳಲ್ಲಿ ಸಮುದ್ರ ತೀರದಲ್ಲಿ ಹಾಗು ಸಮುದ್ರತೀರದ ಆಚೆ ಎರಡೂ ಪ್ರದೇಶಗಳಲ್ಲಿ ಹೇರಳವಾಗಿ ದೊರೆಯುತ್ತದೆ. ಇದರ ಜೊತೆಯಲ್ಲಿ, ವ್ಯಾಪಕವಾದ ಪೆಟ್ರೋಲಿಯಂ ಹಾಗು ನೈಸರ್ಗಿಕ ಅನಿಲ ನಿಕ್ಷೇಪಗಳು ಲೂಯಿಸಿಯಾನದ ಕಡಲತಡಿಯಾಚೆ ಫೆಡರಲ್ ಆಡಳಿತದ ಗಲ್ಫ್ ಆಫ್ ಮೆಕ್ಸಿಕೋದ ಔಟರ್ ಕಾಂಟಿನೆಂಟಲ್ ಶೆಲ್ಫ್(OCS)ನಲ್ಲಿ ಕಂಡುಬಂದಿದೆ. ಎನರ್ಜಿ ಇನ್ಫಾರ್ಮೇಶನ್ ಅಡ್ಮಿನಿಸ್ಟ್ರೆಶನ್ ಪ್ರಕಾರ, ಗಲ್ಫ್ ಆಫ್ ಮೆಕ್ಸಿಕೋ OCS, U.S.ನ ಅತ್ಯಂತ ದೊಡ್ಡ ಪೆಟ್ರೋಲಿಯಂ-ಉತ್ಪಾದನಾ ಪ್ರದೇಶವಾಗಿದೆ. ಗಲ್ಫ್ ಆಫ್ ಮೆಕ್ಸಿಕೋ OCS ಅನ್ನು ಹೊರತುಪಡಿಸಿ ಲೂಯಿಸಿಯಾನ ಪೆಟ್ರೋಲಿಯಂ ಉತ್ಪಾದನೆಯಲ್ಲಿ ನಾಲ್ಕನೇ ಸ್ಥಾನ ಗಳಿಸಿದೆ ಹಾಗೂ U.S. ಪೆಟ್ರೋಲಿಯಂ ಶೇಕಡಾ 2ರಷ್ಟು ಒಟ್ಟಾರೆ ಪೆಟ್ರೋಲಿಯಂ ಮೀಸಲಿನಲ್ಲಿ ಶೇಕಡಾ 2ರಷ್ಟು ಉತ್ಪಾದನೆಗೆ ತವರಾಗಿದೆ. ಅಮೆರಿಕ ಸಂಯುಕ್ತ ಸಂಸ್ಥಾನದಲ್ಲಿ ತಯಾರಾದ ತೈಲದ ಮೂರನೇ ಒಂದು ಭಾಗವು ಕಡಲತಡಿಯಾಚೆಯಿಂದ ಬಂದರೆ, 80%ರಷ್ಟು ಕಡಲ ತಡಿಯಾಚೆಯ ಉತ್ಪಾದನೆಯು ಲೂಯಿಸಿಯಾನದ ಸಮುದ್ರದ ಆಳವಾದ ಭಾಗದಿಂದ ದೊರೆಯುತ್ತದೆ. ತೈಲ ಕಾರ್ಖಾನೆಯು ಸುಮಾರು 58,000 ಲೂಯಿಸಿಯಾನ ನಿವಾಸಿಗಳಿಗೆ ನೌಕರಿ ನೀಡಿದೆ ಜೊತೆಗೆ 260,000 ತೈಲ-ಸಂಬಂಧಿತ ನೌಕರಿಗಳನ್ನು ಸೃಷ್ಟಿಸಿದೆ, ಇದು ಲೂಯಿಸಿಯಾನದ ನೌಕರಿಗಳಲ್ಲಿ 17%ನಷ್ಟು ಪ್ರಮಾಣದಲ್ಲಿದೆ.[45]
ಲೂಯಿಸಿಯಾನದ ನೈಸರ್ಗಿಕ ಅನಿಲ ನಿಕ್ಷೇಪವು U.S.ನಲ್ಲಿ ಒಟ್ಟಾರೆಯಾಗಿ ಶೇಖಡಾ 5ರಷ್ಟು ಪ್ರಮಾಣದಲ್ಲಿದೆ. ಇತ್ತೀಚಿನ ಶೋಧನೆಯಾದ ಹಯ್ನೆಸ್ವಿಲ್ಲೆ ಶೇಲ್ ರಚನೆಯು ಕೆಲವು ಭಾಗಗಳಲ್ಲಿ ಅಥವಾ ಎಲ್ಲ ಕಾಡೋ, ಬೋಸಿಯರ್, ಬಿಯೇನ್ವಿಲ್ಲೇ, ಸಬಿನೆ, ಡೆ ಸೋಟೋ, ರೆಡ್ ರಿವರ್, ಸಬಿನೆ, ಹಾಗು ನಾಟ್ಚಿಟೋಚೆಸ್ ಪ್ಯಾರಿಷ್ ಗಳಲ್ಲಿ ಕಂಡು ಬಂದಿರುವುದು ವಿಶ್ವದ ನಾಲ್ಕನೇ ಅತ್ಯಂತ ದೊಡ್ಡ ಅನಿಲ ಕ್ಷೇತ್ರವನ್ನಾಗಿ ಮಾಡಿದೆ. ಇದರಲ್ಲಿ ಕೆಲವು ಬಾವಿಗಳು ಆರಂಭದಲ್ಲಿ ಪ್ರತಿ ದಿನ 25 ದಶಲಕ್ಷ ಘನ ಅಡಿಯಷ್ಟು ಅನಿಲವನ್ನು ಉತ್ಪಾದಿಸುತ್ತಿದ್ದವು.[46]
ವಿಶ್ವದಲ್ಲಿ ಲೂಯಿಸಿಯಾನದಲ್ಲೇ ಮೊದಲ ಬಾರಿಗೆ ನೀರಿನಲ್ಲಿಪೆಟ್ರೋಲಿಯಂ ಡ್ರಿಲ್ಲಿಂಗ್ಮಾಡಿದ ಸ್ಥಳವಾಗಿದೆ. ರಾಜ್ಯದ ವಾಯವ್ಯ ಮೂಲೆಯ ಕಾಡೋ ಸರೋವರ ಈ ಪ್ರದೇಶವಾಗಿದೆ. ಪೆಟ್ರೋಲಿಯಂ ಹಾಗು ಅನಿಲ ಉದ್ಯಮಗಳು ಜೊತೆಗೆ ಅದರ ಸಹಾಯಕ ಉದ್ದಿಮೆಗಳು ಉದಾಹರಣೆಗೆ ಸಾರಿಗೆ ಹಾಗು ಸಂಸ್ಕರಣೆಯು 1940ರ ದಶಕದಿಂದಲೂ ಲೂಯಿಸಿಯಾನ ಆರ್ಥಿಕತೆಯಲ್ಲಿ ಪ್ರಾಧಾನ್ಯತೆ ವಹಿಸಿದೆ. ಕಳೆದ 1950ರ ದಶಕದ ಆರಂಭದಿಂದ, U.S. ಆಂತರಿಕ ಇಲಾಖೆಯು ಲೂಯಿಸಿಯಾನದ ಮೇಲೆ ಹಲವಾರು ಬಾರಿ ಮೊಕದ್ದಮೆ ಹೂಡಿದೆ. ಫೆಡರಲ್ ಸರ್ಕಾರವು ಲೂಯಿಸಿಯಾನದ ಮುಳುಗಿದ ಭೂಮಿಯ ಆಸ್ತಿ ಹಕ್ಕುಗಳನ್ನು ಕಸಿದುಕೊಳ್ಳುವ ಪ್ರಯತ್ನಗಳಾಗಿತ್ತು. ಇವು ಪೆಟ್ರೋಲಿಯಂ ಹಾಗು ನೈಸರ್ಗಿಕ ಅನಿಲದ ವ್ಯಾಪಕ ಸಂಗ್ರಹಗಳ ದಾಸ್ತಾನುಗಳನ್ನು ನಿಯಂತ್ರಿಸುತ್ತವೆ.
ಕಳೆದ 1970ರಲ್ಲಿ ಪೆಟ್ರೋಲಿಯಂ ಹಾಗು ಅನಿಲದ ಬೆಲೆಯು ಚೇತರಿಕೆಪಡೆದಾಗ, ಲೂಯಿಸಿಯಾನದ ಆರ್ಥಿಕತೆಯು ಅಭಿವೃದ್ಧಿಯಾಯಿತು. ಇದಲ್ಲದೆ, 1980ರ ದಶಕದಲ್ಲಿ ಬಹುಪಾಲು ಫೆಡರಲ್ ರಿಸರ್ವ್ ರೂಪಿಸಿದ ಆರ್ಥಿಕ ನೀತಿಗಳಿಂದಾಗಿ ಪೆಟ್ರೋಲಿಯಂ ಹಾಗು ಅನಿಲದ ಬೆಲೆಯು ಕುಸಿದಾಗ, ಲೂಯಿಸಿಯಾನ ಸ್ಥಿರಾಸ್ತಿ, ಉಳಿತಾಯ ಹಾಗು ಸಾಲಗಳು, ಹಾಗು ಸ್ಥಳೀಯ ಬ್ಯಾಂಕ್ಗಳ ಮೌಲ್ಯ ಶೀಘ್ರವಾಗಿ ಕುಸಿಯಿತು.[ಸೂಕ್ತ ಉಲ್ಲೇಖನ ಬೇಕು] ಪೆಟ್ರೋಲಿಯಂ ಹಾಗು ಅನಿಲ ಉದ್ದಿಮೆಗಳ ಪ್ರಭಾವವನ್ನು ಪರಿಗಣಿಸದೆ ಕಳೆದ ಅರ್ಧ ಶತಮಾನದ ಲೂಯಿಸಿಯಾನದ ಆರ್ಥಿಕತೆ ಹಾಗು ಅದರ ರಾಜಕೀಯ ಇತಿಹಾಸವನ್ನು ಆಮೂಲಾಗ್ರವಾಗಿ ಅರ್ಥೈಸಿಕೊಳ್ಳಲು ಸಾಧ್ಯವಿಲ್ಲ. ಕಳೆದ 1980ರಿಂದೀಚೆಗೆ, ಈ ಉದ್ಯಮಗಳ ಕೇಂದ್ರ ಕಾರ್ಯಸ್ಥಾನವು ಹೌಸ್ಟನ್ ನಲ್ಲಿ ಕ್ರೋಢೀಕರಣಗೊಂಡಿದೆ. ಹಲವು ನೌಕರಿಗಳು ಕಾರ್ಯಭಾರ ನಡೆಸುವ ಅಥವಾ U.S. ಗಲ್ಫ್ ಆಫ್ ಮೆಕ್ಸಿಕೋ ಕಚ್ಚಾ-ತೈಲ-ಹಾಗು ಅನಿಲ ಉದ್ಯಮಕ್ಕೆ ವ್ಯವಸ್ಥಾಪನ ತಂತ್ರದ ಬೆಂಬಲವನ್ನು ಒದಗಿಸುವ ಉದ್ಯಮಗಳು 2010ರಲ್ಲಿ ಲೂಯಿಸಿಯಾನದಲ್ಲೇ ಇವೆ.
ಇಸವಿ 1849ರಲ್ಲಿ, ರಾಜ್ಯದ ರಾಜಧಾನಿಯನ್ನು ನ್ಯೂ ಆರ್ಲಿಯನ್ಸ್ ನಿಂದ ಬೇಟನ್ ರೂಜ್ ಗೆ ಬದಲಿಸಲಾಯಿತು. ಡೊನಾಲ್ಡ್ ಸನ್ ವಿಲ್ಲೆ, ಒಪೆಲೌಸಾಸ್, ಹಾಗು ಶ್ರೆವೆಪೋರ್ಟ್ ನಗರಗಳು ಅಲ್ಪಾವಧಿಗೆ ಲೂಯಿಸಿಯಾನ ರಾಜ್ಯ ಸರ್ಕಾರದ ಸ್ಥಾನಗಳಾಗಿದ್ದವು. ಲೂಯಿಸಿಯಾನ ರಾಜ್ಯದ ಶಾಸಕಾಂಗ ಕಟ್ಟಡ ಹಾಗು ಲೂಯಿಸಿಯಾನ ಗವರ್ನರ್ ಭವನ ಎರಡೂ ಬೇಟನ್ ರೂಜ್ ನಲ್ಲಿ ನೆಲೆಗೊಂಡಿದೆ.
ಬಾಬ್ಬಿ ಜಿಂದಾಲ್, ಲೂಯಿಸಿಯಾನದ ಪ್ರಸಕ್ತ ಗವರ್ನರ್. ಈತ ಗವರ್ನರ್ ಆಗಿ ಆಯ್ಕೆಯಾದ ಮೊದಲ ಇಂಡಿಯನ್ ಅಮೆರಿಕನ್. ಪ್ರಸ್ತುತ U.S. ಸೆನೆಟರುಗಳೆಂದರೆ, ಮೇರಿ ಲ್ಯಾಂಡ್ರಿಯು (ಡೆಮೋಕ್ರ್ಯಾಟ್ ಪಕ್ಷ) ಹಾಗು ಡೇವಿಡ್ ವಿಟರ್ (ರಿಪಬ್ಲಿಕನ್ ಪಕ್ಷ) ಲೂಯಿಸಿಯಾನ ಏಳು ಕಾಂಗ್ರೆಸ್ಸಿನ ಜಿಲ್ಲೆಗಳನ್ನು ಹೊಂದಿದೆ ಜೊತೆಗೆ ಆರು ರಿಪಬ್ಲಿಕನ್ ಪಕ್ಷದವರು ಹಾಗು ಒಬ್ಬ ಡೆಮೋಕ್ರ್ಯಾಟ್ ಪಕ್ಷದ ಸದಸ್ಯನೊಂದಿಗೆ U.S. ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ ನಲ್ಲಿ ಪ್ರತಿನಿಧಿಸುತ್ತದೆ. ಲೂಯಿಸಿಯಾನ, ಅಧ್ಯಕ್ಷ ಮತದಾರ ಸಮುದಾಯದಲ್ಲಿ ಒಂಬತ್ತು ಮತಗಳನ್ನು ಹೊಂದಿದೆ.
ಲೂಯಿಸಿಯಾನದ ರಾಜಕೀಯ ಹಾಗು ಕಾನೂನು ವ್ಯವಸ್ಥೆಯು, ಫ್ರೆಂಚ್ ಆಡಳಿತ ಕಾಲದಿಂದಲೂ ಹಲವಾರು ಅಂಶಗಳನ್ನು ಮುಂದುವರೆಸಿಕೊಂಡು ಬಂದಿದೆ. ಮೊದಲನೆಯದಾಗಿ, ಆಡಳಿತಾತ್ಮಕ ಉಪವಿಭಾಗಗಳಿಗೆ "ಕೌಂಟಿ"ಯ ಬದಲಿಗೆ "ಪ್ಯಾರಿಷ್" ಪದದ ಬಳಕೆ (ಫ್ರೆಂಚ್ ನ ಪರೊಯಿಸ್ಸೇ). ಮತ್ತೊಂದು, ಫ್ರೆಂಚ್, ಜರ್ಮನ್ ಹಾಗು ಸ್ಪಾನಿಷ್ ಕಾನೂನು ಸಂಹಿತೆಗಳನ್ನು ಆಧರಿಸಿದ ಪೌರ ಕಾನೂನಿನ ವ್ಯವಸ್ಥೆ ಹಾಗು ಅಂತಿಮವಾಗಿ ಇಂಗ್ಲಿಷ್ ಸಾಂಪ್ರದಾಯಿಕ ಕಾನೂನಿಗೆ ವಿರುದ್ಧವಾದ ರೋಮನ್ ಕಾನೂನನ್ನು ಆಧರಿಸಿದೆ. ಸಾಂಪ್ರದಾಯಿಕ ಕಾನೂನೆಂದರೆ ಪೂರ್ವನಿದರ್ಶನವನ್ನು ಆಧರಿಸಿದ "ನ್ಯಾಯಾಧೀಶರು-ರೂಪಿಸಿದ" ಕಾನೂನು, ಜೊತೆಗೆ ಇತರ ಎಲ್ಲ U.S. ರಾಜ್ಯಗಳ ಕಾನೂನುಗಳಿಗೆ ಆಧಾರವಾಗಿದೆ. ಲೂಯಿಸಿಯಾನ ಮಾದರಿಯ ಪೌರ ಕಾನೂನು ವ್ಯವಸ್ಥೆಯನ್ನು ವಿಶ್ವಾದ್ಯಂತ ಬಹುತೇಕ ರಾಷ್ಟ್ರಗಳು ಬಳಕೆ ಮಾಡುತ್ತವೆ, ವಿಶೇಷವಾಗಿ ಬ್ರಿಟಿಷ್ ಸಾಮ್ರಾಜ್ಯದಿಂದ ಹುಟ್ಟಿಕೊಂಡ ವಸಾಹತು ನೆಲೆಗಳನ್ನು ಹೊರತುಪಡಿಸಿ ಯುರೋಪ್ ಹಾಗು ಅದರ ಹಿಂದಿನ ವಸಾಹತು ನೆಲೆಗಳು ಈ ಮಾದರಿಯ ಕಾನೂನು ವ್ಯವಸ್ಥೆಯನ್ನು ಅನುಸರಿಸುತ್ತವೆ. ಆದಾಗ್ಯೂ ಲೂಯಿಸಿಯಾನದ ನಾಗರಿಕ ಸಂಹಿತೆನೆಪೋಲಿನಿಕ್ ಸಂಹಿತೆಗೆ ಸಮನಾಗಿ ಪರಿಗಣಿಸುವುದು ಸರಿಯಲ್ಲ. ಆದಾಗ್ಯೂ ನೆಪೋಲಿನಿಕ್ ಸಂಹಿತೆ ಲೂಯಿಸಿಯಾನ ಕಾನೂನಿನ ಮೇಲೆ ಬಲವಾದ ಪರಿಣಾಮವನ್ನು ಬೀರಿದೆ, ಇದು ಲೂಯಿಸಿಯಾನದಲ್ಲಿ ಎಂದಿಗೂ ಆಚರಣೆಗೆ ಬಂದಿರಲಿಲ್ಲ, ಏಕೆಂದರೆ 1803ರಲ್ಲಿ ಲೂಯಿಸಿಯಾನದ ಖರೀದಿಯ ನಂತರ 1804ರಲ್ಲಿ ಕಾನೂನು ಜಾರಿಮಾಡಲಾಯಿತು. ಇಸವಿ 1808ರ ಲೂಯಿಸಿಯಾನದ ನಾಗರಿಕ ಸಂಹಿತೆಯನ್ನು ಅದರ ಕಾನೂನಿನ ನಂತರ ಸತತವಾಗಿ ಪರಿಷ್ಕರಣೆಗೆ ಒಳಪಡಿಸುವುದರ ಜೊತೆಗೆ ನವೀಕರಿಸಲಾಗಿದೆ, ಇದು ರಾಜ್ಯದಲ್ಲಿ ಇನ್ನೂ ನಿಯಂತ್ರಣ ಪ್ರಾಧಿಕಾರ ಎಂದು ಪರಿಗಣಿಸಲಾಗಿದೆ. ಲೂಯಿಸಿಯಾನ ಪೌರ ಕಾನೂನು ಹಾಗು U.S. ಇತರ ರಾಜ್ಯಗಳಲ್ಲಿ ಕಂಡುಬರುವ ಸಾಂಪ್ರದಾಯಿಕ ಕಾನೂನಿನ ನಡುವೆ ಭಿನ್ನತೆಗಳು ಇಂದಿಗೂ ಅಸ್ತಿತ್ವದಲ್ಲಿದೆ. ಈ ಭಿನ್ನತೆಗಳು ಸಾಂಪ್ರದಾಯಿಕ ಕಾನೂನಿನ ಸಂಪ್ರದಾಯದ ಬಲವಾದ ಪ್ರಭಾವದಿಂದಾಗಿ ನಿರ್ಮಾಣಗೊಂಡಿದೆ, Archived 2009-03-24 ವೇಬ್ಯಾಕ್ ಮೆಷಿನ್ ನಲ್ಲಿ. ಇಲ್ಲಿ ಗಮನಿಸಬೇಕಾದ ಬಹು ಮುಖ ಅಂಶವೆಂದರೆ "ಪೌರ" ಕಾನೂನಿನ ಸಂಪ್ರದಾಯವು ಲೂಯಿಸಿಯಾನದ ಖಾಸಗಿ ಕಾನೂನಿನ ಹಲವು ಅಂಶಗಳಲ್ಲಿ ಇನ್ನೂ ಆಳವಾಗಿ ಬೇರೂರಿದೆ. ಈ ರೀತಿಯಾಗಿ, ಆಸ್ತಿ, ಒಪ್ಪಂದದ, ವ್ಯಾವಹಾರಿಕ ಅಸ್ತಿತ್ವದ ವ್ಯವಸ್ಥೆ, ಹೆಚ್ಚಿನ ನಾಗರಿಕ ವಿಧಿವಿಧಾನಗಳು, ಹಾಗು ಕೌಟುಂಬಿಕ ಕಾನೂನು ಹಾಗು ಕ್ರಿಮಿನಲ್ ಕಾನೂನಿನ ಕೆಲವು ಅಂಶಗಳು, ಇಂದಿಗೂ ಸಾಂಪ್ರದಾಯಿಕ ರೋಮನ್ ಕಾನೂನು ಚಿಂತನೆಗಳನ್ನು ಹೆಚ್ಚಾಗಿ ಆಧರಿಸಿದೆ. ಮಾದರಿ ಸಂಹಿತೆಗಳು, ಉದಾಹರಣೆಗೆ ಏಕರೂಪ ವಾಣಿಜ್ಯ ಸಂಹಿತೆಯನ್ನು, ಲೂಯಿಸಿಯಾನವನ್ನು ಒಳಗೊಂಡಂತೆ ಒಕ್ಕೂಟಗಳ ಒಳಗೆ ಹಲವು ರಾಜ್ಯಗಳು ಅಂಗೀಕರಿಸಿವೆ, ಇದು ಪೌರ ಚಿಂತನೆಯನ್ನು ಆಧರಿಸಿದೆ. ಅನುಗಮನದ ಆಧಾರವುಳ್ಳ ಸಾಮಾನ್ಯ ಕಾನೂನಿಗೆ ವಿರುದ್ಧವಾಗಿ ಇದರ ಸಾರವು ನಿಗಮನಾತ್ಮಕವಾಗಿದೆ. ಪೌರ ಕಾನೂನಿನಲ್ಲಿ ಶಾಸಕಾಂಗವು ಅನುಸರಿಸಬೇಕಾದ ಸಾಮಾನ್ಯ ತತ್ವಗಳ ಮೇಲಿನ ಒಂದು ಪ್ರಿಯರಿ ಗೆ ಸಮ್ಮತಿಸುತ್ತದೆ. ವಾಸ್ತವಾಂಶಗಳ ಒಂದು ಸಂಗ್ರಹವನ್ನು ನ್ಯಾಯಾಧೀಶರ ಸಮ್ಮುಖಕ್ಕೆ ತಂದಾಗ,ವ್ಯಕ್ತಿಯ ಪ್ರಕರಣದ ಸತ್ಯಾಂಶಗಳನ್ನು ಕಾನೂನಿಗೆ ಹೋಲಿಸಿ ಕೋರ್ಟ್ ತೀರ್ಪನ್ನು ತರ್ಕಿಸುತ್ತಾರೆ. ಇದಕ್ಕೆ ವ್ಯತಿರಿಕ್ತವಾಗಿ, ಸಾಂಪ್ರದಾಯಿಕ ಕಾನೂನು ಶಾಸನಬದ್ಧ ಕಾನೂನಿನ ಹುಟ್ಟಿನಿಂದ ವಾಸ್ತವವಾಗಿ ಅದರ ಶುದ್ಧ ಐತಿಹಾಸಿಕ ರೂಪದಲ್ಲಿ ಅಸ್ತಿತ್ವದಲ್ಲಿಲ್ಲ. ಇದನ್ನು ಒಬ್ಬ ನ್ಯಾಯಾಧೀಶರು ಬೇರೆ ನ್ಯಾಯಾಧೀಶರುಗಳ ನಿರ್ಣಯಗಳನ್ನು ಬಳಸಿಕೊಳ್ಳುವ ಮೂಲಕ ತಮ್ಮ ಸಮ್ಮುಖಕ್ಕೆ ಬಂದ ಪ್ರಕರಣಕ್ಕೆ ಒಂದು ಹೊಸ ವಾಸ್ತವಾಂಶದ ಮಾದರಿಯನ್ನು ರೂಪಿಸುತ್ತಾರೆ. ಇದರ ಪರಿಣಾಮವೆಂದರೆ ಐತಿಹಾಸಿಕವಾಗಿ ಇಂಗ್ಲಿಷ್ ನ್ಯಾಯಾಧೀಶರುಗಳು ಶಾಸನದ ಅಧಿಕಾರದಿಂದ ನಿರ್ಬಂಧಕ್ಕೊಳಪಡುವುದಿಲ್ಲ.
ಕಳೆದ 1997ರಲ್ಲಿ, ಲೂಯಿಸಿಯಾನ, ಸಾಂಪ್ರದಾಯಿಕ ವಿವಾಹ ಅಥವಾ ಒಂದು ಒಪ್ಪಂದದ ವಿವಾಹಕ್ಕೆ ಆಯ್ಕೆ ನೀಡಿದ ಮೊದಲ ರಾಜ್ಯವೆನಿಸಿಕೊಂಡಿತ್ತು. Archived 2012-03-07 ವೇಬ್ಯಾಕ್ ಮೆಷಿನ್ ನಲ್ಲಿ.. ಒಂದು ಒಪ್ಪಂದದ ವಿವಾಹದಲ್ಲಿ, ದಂಪತಿ ತಾವು ಬೇರ್ಪಟ್ಟ ಆರು ತಿಂಗಳ ನಂತರ ಒಂದು "ನೋ-ಫಾಲ್ಟ್"(ಈ ವಿಚ್ಛೇದನದ ಮಾದರಿಯಲ್ಲಿ ದಂಪತಿಗಳಿಬ್ಬರೂ ಪರಸ್ಪರದ ಲೋಪ-ದೋಷಗಳ ಸಾಕ್ಷ್ಯ ನೀಡುವ ಅಗತ್ಯವಿರುವುದಿಲ್ಲ)ವಿಚ್ಛೇದನದ ಹಕ್ಕನ್ನು ಚಲಾವಣೆ ಮಾಡುತ್ತಾರೆ, ಈ ಮಾದರಿಯು ಸಾಂಪ್ರದಾಯಿಕ ವಿವಾಹದಲ್ಲಿ ಮಾತ್ರ ಕಂಡು ಬರುತ್ತದೆ. ಒಂದು ಒಪ್ಪಂದದ ವಿವಾಹದಿಂದ ವಿಚ್ಛೇದನ ಪಡೆಯಬೇಕಾದರೆ, ದಂಪತಿಗಳು ವಿಚ್ಛೇದನಕ್ಕೆ ಕಾರಣವನ್ನು ನೀಡಬೇಕಾಗುತ್ತದೆ. ಪೂರ್ವಿಕರು ಹಾಗು ವಂಶಜರ ನಡುವೆ ವಿವಾಹಗಳನ್ನು ಹಾಗು ನಾಲ್ಕನೇ ತಲೆಮಾರುಗಳೊಳಗಿನ ದಾಯಾದಿಗಳ ನಡುವಿನ ವಿವಾಹಗಳನ್ನು (ಅದೆಂದರೆ, ಒಡಹುಟ್ಟಿದವರು, ತಂದೆ ಅಥವಾ ತಾಯಿಯ ಸೋದರಿ(ಆಂಟ್) ಹಾಗು ಸೋದರಳಿಯ ನಡುವಿನ ವಿವಾಹ, ತಂದೆ ಅಥವಾ ತಾಯಿಯ ಸೋದರ(ಅಂಕಲ್) ಹಾಗು ಅವರ ಸೋದರಸೊಸೆಯ ನಡುವಿನ ವಿವಾಹ, ಸೋದರ ಸಂಬಂಧಿಗಳ ನಡುವೆ ವಿವಾಹ) ನಿಷೇಧಿಸಲಾಗಿದೆ.[47] ಸಮಾನ ಲಿಂಗದವರ ನಡುವಿನ ವಿವಾಹವನ್ನೂ ಸಹ ನಿಷೇಧಿಸಲಾಗಿದೆ.[48] ಲೂಯಿಸಿಯಾನ ಒಂದು ಸಮುದಾಯ ಸ್ವತ್ತನ್ನು ಹೊಂದಿರುವ ರಾಜ್ಯವಾಗಿದೆ.[49]
ಇಸವಿ 1898-1965ರಲ್ಲಿ, ಲೂಯಿಸಿಯಾನ ಯಶಸ್ವಿಯಾಗಿ ಆಫ್ರಿಕನ್ ಅಮೆರಿಕನ್ಸ್ ಹಾಗು ಬಡ ಶ್ವೇತವರ್ಣೀಯರನ್ನು ಒಂದು ಹೊಸ ಸಂವಿಧಾನದ ನಿಬಂಧನೆಗಳ ಮೂಲಕ ಮತದಾನದ ಅಧಿಕಾರವನ್ನು ಕಸಿದುಕೊಂಡ ನಂತರ, ಮುಖ್ಯವಾಗಿ ಉನ್ನತ ಶ್ವೇತವರ್ಣ ಡೆಮೋಕ್ರ್ಯಾಟ್ ಗಳ ಅಧೀನದಲ್ಲಿದ್ದ ಒಂದು ಏಕ-ಪಕ್ಷ ರಾಜ್ಯವಾಗಿತ್ತು. ಬಿಳಿಯರಿಗೆ ಮತದಾನದ ಹಕ್ಕನ್ನು ದಶಕಗಳಲ್ಲಿ ಸ್ವಲ್ಪಮಟ್ಟಿಗೆ ವಿಸ್ತರಿಸಿತು, ಆದರೆ ಸಿವಿಲ್ ರೈಟ್ಸ್ ಮೂವ್ಮೆಂಟ್ (ಪೌರ ಹಕ್ಕುಗಳ ಚಳವಳಿ) ತನಕವೂ ಮುಖ್ಯವಾಗಿ ಕಪ್ಪು ವರ್ಣೀಯರು ಮತದಾನದ ಹಕ್ಕಿನಿಂದ ವಂಚಿತರಾಗೆ ಉಳಿದರು, ವೋಟಿಂಗ್ ರೈಟ್ಸ್ ಆಕ್ಟ್ ಆಫ್ 1965 ಮಸೂದೆಯ ಅಂಗೀಕಾರದ ನಂತರ ಇದು ಅಂತ್ಯಗೊಂಡಿತು. ಪ್ರತಿಭಟನೆಯ ಹಲವು ಕೃತ್ಯಗಳಲ್ಲಿ, ಕಪ್ಪು ವರ್ಣೀಯರು ಪ್ರತ್ಯೇಕತೆ, ಹಿಂಸೆ ಹಾಗು ದಮನಕಾರಿ ನೀತಿಯಿಂದ ಮುಕ್ತರಾಗಿ, 1910-1970ರ ಗ್ರೇಟ್ ಮೈಗ್ರೇಶನ್ ಸಂದರ್ಭದಲ್ಲಿ ಉತ್ತರ ಹಾಗು ಪಶ್ಚಿಮ ಔದ್ಯೋಗಿಕ ನಗರಗಳಲ್ಲಿ ಉತ್ತಮ ಅವಕಾಶಗಳಿಗೆ ಅರಸಿದರು. ಇದರಿಂದ ಒಂದು ಗಣನೀಯ ಪ್ರಮಾಣದಲ್ಲಿ ಇವರ ಜನಸಂಖ್ಯೆಯು ಲೂಯಿಸಿಯಾನದಲ್ಲಿ ಕಡಿಮೆಯಾಯಿತು. ಇಸವಿ 1960ರ ದಶಕದಂದೀಚೆಗೆ, ಅಧ್ಯಕ್ಷ ಲಿಂಡನ್ ಜಾನ್ಸನ್ ಸಂರಕ್ಷಣೆಗೆ ಪೌರ ಹಕ್ಕುಗಳ ಶಾಸನಕ್ಕೆ ಅನುಮೋದನೆ ನೀಡಲಾಯಿತು, ರಾಜ್ಯದಲ್ಲಿದ್ದ ಬಹುತೇಕ ಆಫ್ರಿಕನ್ ಅಮೆರಿಕನ್ನರು ಡೆಮೋಕ್ರ್ಯಾಟಿಕ್ ಪಕ್ಷದೊಂದಿಗೆ ಸಂಬಂಧ ಹೊಂದಿದ್ದರು. ಅದೇ ವರ್ಷದಲ್ಲಿ, ಕನ್ಸರ್ವೇಟಿವ್ ಪಕ್ಷದ ಹಲವು ಬಿಳಿಯರು ರಾಷ್ಟ್ರೀಯ ಹಾಗು ಗವರ್ನರ್ ಚುನಾವಣೆಗಳಲ್ಲಿ ರಿಪಬ್ಲಿಕನ್ ಪಕ್ಷದ ಅಭ್ಯರ್ಥಿಗಳಿಗೆ ತಮ್ಮ ಬೆಂಬಲವನ್ನು ಸೂಚಿಸಿದರು. ಡೇವಿಡ್ ವಿಟರ್ ಲೂಯಿಸಿಯಾನದಿಂದ ಒಬ್ಬ U.S. ಸೆನೆಟರ್ ಆಗಿ ಜನಪ್ರಿಯವಾಗಿ ಆಯ್ಕೆಗೊಂಡ ರಿಪಬ್ಲಿಕನ್ ಪಕ್ಷದ ಮೊದಲ ಅಭ್ಯರ್ಥಿ. ಇಸವಿ 1868ರಲ್ಲಿ ಅಧಿಕಾರ ವಹಿಸಿಕೊಂಡ ಅವರ ಹಿಂದಿನ ರಿಪಬ್ಲಿಕನ್ ಸೆನೆಟರ್, ಜಾನ್ S. ಹ್ಯಾರಿಸ್ ರಾಜ್ಯ ಶಾಸನ ಸಭೆಯಿಂದ ಆಯ್ಕೆಯಾಗಿದ್ದರು.
ನೂತನ ಫ್ರಾನ್ಸ್ ಗೆ ಹೋಲಿಕೆಯಾಗುವಂತೆ ಅದರ ರಾಜ್ಯ ಹಾಗು ಸ್ಥಳೀಯ ಚುನಾವಣೆ ವ್ಯವಸ್ಥೆಯನ್ನು ಅಳವಡಿಸಿಕೊಂಡು, U.S. ರಾಜ್ಯಗಳಲ್ಲೇ ಲೂಯಿಸಿಯಾನ ವಿಶಿಷ್ಟವಾಗಿದೆ. ಎಲ್ಲ ಅಭ್ಯರ್ಥಿಗಳು, ಪಕ್ಷದ ಸದಸ್ಯತ್ವವನ್ನು ಲೆಕ್ಕಿಸದೆ, ಚುನಾವಣೆಯ ದಿನ ಒಂದು ನಾನ್ ಪಾರ್ಟಿಸನ್ ಬ್ಲ್ಯಾಂಕೆಟ್ ಪ್ರೈಮರಿಯ (ಅಥವಾ "ಜಂಗಲ್ ಪ್ರೈಮರಿ") ಉಮೇದುವಾರರಾದರು. ಯಾವುದೇ ಅಭ್ಯರ್ಥಿಗೆ 50%ಕ್ಕಿಂತ ಅಧಿಕ ಮತವು ದೊರೆಯದಿದ್ದರೆ, ಅತ್ಯಧಿಕ ಮತವನ್ನು ಒಟ್ಟಾರೆಯಾಗಿ ಗಳಿಸಿದ ಇಬ್ಬರು ಅಭ್ಯರ್ಥಿಗಳು ಸರಿಸುಮಾರು ಒಂದು ತಿಂಗಳ ನಂತರ ನಿರ್ಣಾಯಕ ಚುನಾವಣೆಗಳಲ್ಲಿ ಸ್ಪರ್ಧಿಸುತ್ತಿದ್ದರು. ಈ ನಿರ್ಣಾಯಕ ಚುನಾವಣೆಯಲ್ಲಿ ಪಕ್ಷದ ಗುರುತನ್ನು ಪರಿಗಣಿಸಲಾಗುತ್ತಿರಲಿಲ್ಲ; ಹೀಗಾಗಿ, ಒಬ್ಬ ಡೆಮೋಕ್ರ್ಯಾಟ್ ಪಕ್ಷದ ಸದಸ್ಯನಿಗೆ ಅದೇ ಪಕ್ಷದ ಇನ್ನೊಬ್ಬ ಸದಸ್ಯನೊಂದಿಗೆ ಅಥವಾ ಒಬ್ಬ ರಿಪಬ್ಲಿಕನ್ ಪಕ್ಷದ ಸದಸ್ಯ ಅದೇ ಪಕ್ಷದ ಮತ್ತೊಬ್ಬ ಸದಸ್ಯನೊಂದಿಗೆ ನಿರ್ಣಾಯಕ ಚುನಾವಣೆಯಲ್ಲಿ ಸ್ಪರ್ಧಿಸುವುದು ಅಸಾಮಾನ್ಯ ಸಂಗತಿಯಾಗಿರಲಿಲ್ಲ. ಕಾಂಗ್ರೆಸ್ಸಿನ ಚುನಾವಣೆಯನ್ನೂ ಸಹ ಜಂಗಲ್ ಪ್ರೈಮರಿ ವ್ಯವಸ್ಥೆಯಡಿಯಲ್ಲಿ ನಡೆಸಲಾಗುತ್ತಿತ್ತು. ಎಲ್ಲ ಇತರ ರಾಜ್ಯಗಳು (ವಾಶಿಂಗ್ ಟನ್ನ್ನು ಹೊರತುಪಡಿಸಿ) ಏಕ-ಪಕ್ಷ ಪ್ರೈಮರಿಗಳ ಬಳಕೆ ನಂತರ ಪಕ್ಷದ ಅಭ್ಯರ್ಥಿಗಳ ನಡುವೆ ಒಂದು ಸಾರ್ವತ್ರಿಕ ಚುನಾವಣೆಯನ್ನು ಆಯೋಜಿಸುತ್ತಾರೆ. ಪ್ರತಿಯೊಂದನ್ನು ಒಂದು ಸಾಪೇಕ್ಷ ಬಹುಮತ ವ್ಯವಸ್ಥೆ, ಅಥವಾ ನಿರ್ಣಾಯಕ ಮತದಾನದ ಮೂಲಕ ಸೆನೆಟರ್ಗಳು, ಪ್ರತಿನಿಧಿಗಳು, ಹಾಗು ರಾಜ್ಯವ್ಯಾಪಿಯಾಗಿ ಅಧಿಕಾರಿಗಳನ್ನು ಆಯ್ಕೆ ಮಾಡಲಾಗುತ್ತದೆ. ಕಳೆದ 2008ರಿಂದೀಚೆಗೆ, ಫೆಡರಲ್ ಕಾಂಗ್ರೆಸ್ಸಿನ ಚುನಾವಣೆಗಳನ್ನು ಒಂದು ಕ್ಲೋಸ್ಡ್ ಪ್ರೈಮರಿ ವ್ಯವಸ್ಥೆಯಡಿಯಲ್ಲಿ ನಡೆಸಲಾಗುತ್ತದೆ - ಇದು ನೊಂದಾಯಿತ ಪಕ್ಷದ ಸದಸ್ಯರಿಗೆ ಮಾತ್ರ ಸೀಮಿತವಾಗಿದೆ.
ಲೂಯಿಸಿಯಾನದಿಂದ U.S. ಹೌಸ್ ಆಫ್ ರೆಪ್ರೆಸೆಂಟೇಟಿವ್ ಗೆ ಏಳು ಸದಸ್ಯರು ಪ್ರತಿನಿಧಿಸುತ್ತಾರೆ, ಪ್ರಸಕ್ತದಲ್ಲಿ ಆರು ಜನರು ರಿಪಬ್ಲಿಕನ್ ಪಕ್ಷದವರಾದರೆ ಒಬ್ಬರು ಡೆಮೋಕ್ರ್ಯಾಟ್ ಪಕ್ಷದ ಸದಸ್ಯ. ಭವಿಷ್ಯದ ಅಧ್ಯಕ್ಷೀಯ ಚುನಾವಣೆಗಳಿಗೆ ಲೂಯಿಸಿಯಾನವನ್ನು ಒಂದು "ಸ್ವಿಂಗ್ ಸ್ಟೇಟ್" ಎಂದು ವರ್ಗೀಕರಿಸಲಾಗಿಲ್ಲ.
ಈ ಲೇಖನದಿಂದ ಬೇರೆ ಯಾವುದೇ ಲೇಖನಕ್ಕೆ ಬಾಹ್ಯ ಸಂಪರ್ಕ ಹೊಂದಿಲ್ಲ. (September 2008) |
ಲೂಯಿಸಿಯಾನದ ರಾಜ್ಯವಾಪಿ ಪೊಲೀಸ್ ಪಡೆಯೇ ಲೂಯಿಸಿಯಾನ ಸ್ಟೇಟ್ ಪೋಲಿಸ್. ಇದು 1922ರಲ್ಲಿ ಹೈವೆ ಕಮಿಷನ್ನ ಸೃಷ್ಟಿಯೊಂದಿಗೆ ಆರಂಭವಾಯಿತು. ಇಸವಿ 1927ರಲ್ಲಿ ಎರಡನೇ ಶಾಖೆ, ದಿ ಬ್ಯೂರೋ ಆಫ್ ಕ್ರಿಮಿನಲ್ ಇನ್ವೆಸ್ಟಿಗೇಶನ್ಸ್ ರೂಪಿಸಲಾಯಿತು. ಕಳೆದ 1932ರಲ್ಲಿ ಸ್ಟೇಟ್ ಹೈವೆ ಪಟ್ರೋಲ್ (ರಾಜ್ಯ ಹೆದ್ದಾರಿ ಗಸ್ತುಪಡೆ)ಆಯುಧಗಳನ್ನು ಒಯ್ಯುವ ಅಧಿಕಾರ ನೀಡಲಾಯಿತು.
ಜುಲೈ 28, 1936ರಲ್ಲಿ ದಿ ಲೂಯಿಸಿಯಾನ ಡಿಪಾರ್ಟ್ಮೆಂಟ್ ಆಫ್ ಸ್ಟೇಟ್ ಪೋಲಿಸ್ ನ್ನು ರೂಪಿಸಲು ಎರಡು ಶಾಖೆಗಳನ್ನು ಏಕೀಕರಿಸಲಾಯಿತು ಜೊತೆಗೆ "ಸೌಜನ್ಯ, ನಿಷ್ಠೆ, ಸೇವೆ" ಎಂಬುದು ಅದರ ಧ್ಯೇಯ ಸೂತ್ರವಾಗಿತ್ತು. ಇಸವಿ 1942ರಲ್ಲಿ ಈ ಕಛೇರಿಯನ್ನು ರದ್ದುಗೊಳಿಸಲಾಯಿತು ಜೊತೆಗೆ ಇದು ಡಿಪಾರ್ಟ್ಮೆಂಟ್ ಆಫ್ ಪಬ್ಲಿಕ್ ಸೇಫ್ಟಿಯ ಒಂದು ವಿಭಾಗವಾಗಿ ಲೂಯಿಸಿಯಾನ ಸ್ಟೇಟ್ ಪೋಲಿಸ್ ಎಂದು ಕರೆಯಲ್ಪಟ್ಟಿತು. ಕಳೆದ 1988ರಲ್ಲಿ ಕ್ರಿಮಿನಲ್ ಇನ್ವೆಸ್ಟಿಗೇಶನ್ ಬ್ಯೂರೋವನ್ನು ಪುನರ್ಸಂಘಟಿಸಲಾಯಿತು.[50] ಈ ವಿಭಾಗದ ಪೊಲೀಸರಿಗೆ ರಾಜ್ಯವ್ಯಾಪಿಯಾಗಿ ರಾಜ್ಯದ ಎಲ್ಲ ಕಾನೂನುಗಳನ್ನು ಜಾರಿಮಾಡುವ ಅಧಿಕಾರವಿದೆ, ಇದಕ್ಕೆ ನಗರ ಹಾಗು ಪ್ಯಾರಿಷ್ ಅಧಿಶಾಸನಗಳು ಒಳಪಟ್ಟಿರುತ್ತವೆ. ಪ್ರತಿ ವರ್ಷ, ಅವರು 12 ದಶಲಕ್ಷ ಮೈಲುಗಳು (20 ದಶಲಕ್ಷ ಕಿಮೀ) ರಸ್ತೆದಾರಿಯಲ್ಲಿ ಗಸ್ತು ತಿರುಗಿ ಸುಮಾರು 10,000 ನಿಯಮಬಾಹಿರ ವಾಹನ ಚಾಲಕರನ್ನು ಬಂಧಿಸುತ್ತಾರೆ. ಆದಾಗ್ಯೂ ಸ್ಟೇಟ್ ಪೋಲಿಸ್ ಮುಖ್ಯವಾಗಿ ಒಂದು ಸಂಚಾರ ಜಾರಿ ಏಜನ್ಸಿಯಾಗಿದೆ, ಜೊತೆಗೆ ಇತರ ವಿಭಾಗಗಳು ಲಾರಿ ಸಾಗಣೆಯ ಸುರಕ್ಷತೆ, ಮಾದಕ ವಸ್ತು ನಿಯಂತ್ರಣ ಹಾಗು ಕ್ರೀಡಾ ಮೇಲುಸ್ತುವಾರಿ ಬಗ್ಗೆ ಪರಿಶೀಲಿಸುತ್ತದೆ.
ಪ್ರತಿ ಪ್ಯಾರಿಷ್ನಲ್ಲಿರುವ ಶೆರಿಫ್ ಪ್ಯಾರಿಷ್ನ ಮುಖ್ಯ ಕಾನೂನು ಜಾರಿ ಅಧಿಕಾರಿಯಾಗಿರುತ್ತಾನೆ. ಅವರು ಸ್ಥಳೀಯ ಪ್ಯಾರಿಷ್ ಸೆರೆಮನೆಗಳ ಮೇಲ್ವಿಚಾರಕರಾಗಿರುತ್ತಾರೆ. ಈ ಸೆರೆಮನೆಗಳಲ್ಲಿ ಗಂಭೀರ ಅಪರಾಧಗಳು ಹಾಗು ತಪ್ಪು ನಡವಳಿಕೆಯ ಖೈದಿಗಳನ್ನು ಇರಿಸಲಾಗುತ್ತದೆ. ಅವರು ಆರಂಭಿಕ ಅಪರಾಧ ನಿಯಂತ್ರಣ ಗಸ್ತು ದಳವಾಗಿರುವುದರ ಜೊತೆಗೆ ಎಲ್ಲ ಕ್ರಿಮಿನಲ್ ಹಾಗು ಸಿವಿಲ್ ವಿಷಯಗಳ ಮೊದಲ ಪ್ರತಿಪ್ರೇಷಕ ಏಜನ್ಸಿಯಾಗಿದೆ. ಪ್ರತಿ ಪ್ಯಾರಿಷ್ನಲ್ಲಿ ಅಧಿಕೃತ ತೆರಿಗೆ ಸಂಗ್ರಾಹಕರು ಕೂಡ ಆಗಿದ್ದಾರೆ.
ತಮ್ಮ ತಮ್ಮ ಪ್ಯಾರಿಷ್ಗಳಲ್ಲಿ ಸಾಮಾನ್ಯ ಕಾನೂನಿನ ನಿರ್ಬಂಧಕ್ಕೆ ಈ ಅಧಿಕಾರಿಗಳು ಜವಾಬ್ದಾರರಾಗಿರುತ್ತಾರೆ. ಆದಾಗ್ಯೂ, ಆರ್ಲಿಯನ್ಸ್ ಪ್ಯಾರಿಷ್ ಎರಡು (2) ಷೆರಿಫ್ ಕಚೇರಿಗಳನ್ನು ಹೊಂದಿರುವ ಏಕೈಕ ಪ್ಯಾರಿಷ್ ಆಗಿದೆ. ಆರ್ಲಿಯನ್ಸ್ ಪ್ಯಾರಿಷ್ ನಲ್ಲಿ ಎರಡು ಚುನಾಯಿತ ಅಧಿಕಾರಿಗಳಿದ್ದಾರೆ-ಒಬ್ಬ ಕ್ರಿಮಿನಲ್ ಹಾಗು ಒಬ್ಬ ಸಿವಿಲ್ ಅಧಿಕಾರಿ. ಆರ್ಲಿಯನ್ಸ್ ಪ್ಯಾರಿಷ್ನ್ನು ಹೊರತುಪಡಿಸಿ ಲೂಯಿಸಿಯಾನದ ಪ್ರತಿ ಪ್ಯಾರಿಷ್ನಲ್ಲಿ ಒಬ್ಬ ಚುನಾಯಿತ ಶೆರೀಫ್ ಇರುತ್ತಾನೆ. ಆರ್ಲಿಯನ್ಸ್ ಪ್ಯಾರಿಷ್ ಇದಕ್ಕೆ ಅಪವಾದವಾಗಿದೆ, ಇಲ್ಲಿ ಸಾಮಾನ್ಯ ಕಾನೂನು ಜಾರಿ ಕರ್ತವ್ಯವಗಳು ನ್ಯೂ ಆರ್ಲಿಯನ್ಸ್ ಪೋಲಿಸ್ ಇಲಾಖೆಯ ಮೇಲಿದೆ. ಕಳೆದ 2006ರಲ್ಲಿ ಎರಡು ಷೆರಿಫ್ ಇಲಾಖೆಗಳನ್ನು 2010ರಲ್ಲಿ ಏಕೀಕರಿಸುವ ಒಂದು ಮಸೂದೆಗೆ ಅಂಗೀಕಾರ ನೀಡಲಾಯಿತು.
ಬಹುತೇಕ ಪ್ಯಾರಿಷ್ ಗಳು ಪೋಲಿಸ್ ಜ್ಯೂರಿಯ ಆಡಳಿತದಲ್ಲಿರುತ್ತದೆ. ಹದಿನೆಂಟರಿಂದ ಅರವತ್ತ ನಾಲ್ಕು ಪ್ಯಾರಿಷ್ ಗಳು ಒಂದು ಹೋಂ ರೂಲ್ ಚಾರ್ಟರ್ ಆಡಳಿತದ ಒಂದು ಪರ್ಯಾಯ ವ್ಯವಸ್ಥೆಯಡಿಯಲ್ಲಿ ಆಡಳಿತವನ್ನು ನಡೆಸುತ್ತವೆ. ಪ್ಯಾರಿಷ್ನ ಆಯವ್ಯಯ ಮೇಲ್ವಿಚಾರಣೆ ಹಾಗು ಪ್ಯಾರಿಷ್ನ ನಿರ್ವಹಣಾ ಸೇವೆಗಳ ಕಾರ್ಯಭಾರವನ್ನು ಅವು ನಿರ್ವಹಿಸುತ್ತವೆ. ಇದರಲ್ಲಿ ಪ್ಯಾರಿಷ್ ನ ರಸ್ತೆ ನಿರ್ವಹಣೆ ಹಾಗು ಇತರ ಹಳ್ಳಿಗಾಡಿನ ಸೇವೆಗಳು ಒಳಗೊಂಡಿವೆ.
ಲೂಯಿಸಿಯಾನ ಕಳೆದ 2008ರಲ್ಲಿ ಯಾವುದೇ ರಾಜ್ಯಕ್ಕಿಂತ ಅಧಿಕ ಹತ್ಯೆ ಪ್ರಮಾಣವನ್ನು ಹೊಂದಿತ್ತು ( ಪ್ರತಿ 100,೦೦೦ ಜನರಿಗೆ 11.9ರಷ್ಟು ಜನರ ಹತ್ಯೆ). ಇದು ಅಮೆರಿಕದ ಎಲ್ಲ 50 ರಾಜ್ಯಗಳಿಗಿಂತ ತಲಾ ಹತ್ಯೆಯ ಪ್ರಮಾಣದಲ್ಲಿ ಲೂಯಿಸಿಯಾನ 20 ಬಾರಿ ನಿರಂತರವಾಗಿ (1989–2008) ಅಧಿಕ ಪ್ರಮಾಣವನ್ನು ಹೊಂದಿದೆ ಎಂದು FBI ಯೂನಿಫಾರ್ಮ್ ಕ್ರೈಂ ರಿಪೋರ್ಟ್ಸ್ನ ಬ್ಯೂರೋ ಆಫ್ ಜಸ್ಟಿಸ್ ಸ್ಟ್ಯಾಟಿಸ್ಟಿಕ್ಸ್ ವರದಿ ಮಾಡಿದೆ.
ಕಳೆದ 2005ರ ಹೊತ್ತಿಗೆ, ಒಂದಕ್ಕಿಂತ ಹೆಚ್ಚು ಪ್ರಮುಖ ವೃತ್ತಿಪರ ಕ್ರೀಡಾ ಲೀಗ್ ಅಧಿಕಾರವನ್ನು ಹೊಂದಿದ ಅತ್ಯಂತ ಕಡಿಮೆ ಜನನಿಬಿಡ ನಗರವೆಂದು ಹೆಸರಿಸಲಾಗಿದೆ: ದಿ ನ್ಯಾಷನಲ್ ಬ್ಯಾಸ್ಕೆಟ್ ಬಾಲ್ ಅಸೋಸಿಯೇಶನ್ ನ ನ್ಯೂ ಆರ್ಲಿಯನ್ಸ್ ಹಾರ್ನೆಟ್ಸ್ ಹಾಗು ದಿ ನ್ಯಾಷನಲ್ ಫುಟ್ಬಾಲ್ ಲೀಗ್ ನ ಸೂಪರ್ ಬೌಲ್ XLIV ಚಾಂಪಿಯನ್ಸ್ ನ್ಯೂ ಆರ್ಲಿಯನ್ಸ್ ಸೈಂಟ್ಸ್. ಲೂಯಿಸಿಯಾನದಲ್ಲಿ ನ್ಯೂ ಆರ್ಲಿಯನ್ಸ್ ಜೆಫಿರ್ಸ್ ಎಂದು ಕರೆಯಲ್ಪಡುವ ಒಂದು AAA ಮೈನರ್ ಲೀಗ್ ಬೇಸ್ ಬಾಲ್ ತಂಡವಿದೆ. ಜೆಫಿರ್ಸ್ ಪ್ರಸಕ್ತ ಫ್ಲೋರಿಡಾ ಮಾರ್ಲಿನ್ಸ್ವಾಯವ್ಯ ಲೂಯಿಸಿಯಾನ ಜೊತೆಗೆ ಸೇರಿಕೊಂಡಿದೆ. CHL ಸೆಂಟ್ರಲ್ ಹಾಕಿ ಲೀಗ್ನ ಬೊಸ್ಸಿಯೆರ್-ಶ್ರೆವೆಪೋರ್ಟ್ ಮಡ್ ಬಗ್ಸ್ಗೆ ತವರಾಗಿದೆ, ಇವರು ಹಿಂದಿನ WPHL ವೆಸ್ಟರ್ನ್ ಪ್ರೊಫೆಷನಲ್ ಹಾಕಿ ಲೀಗ್ ನ ಸದಸ್ಯರೂ ಸಹ ಆಗಿದ್ದರು, ಮಡ್ಬಗ್ಸ್ ಗಳು ಸತತವಾಗಿ ಮೂರು ಲೀಗ್ ಚಾಂಪಿಯನ್ ಶಿಪ್ ಗಳನ್ನು ಗೆದ್ದಿದ್ದರು. ಶ್ರೆವೆಪೋರ್ಟ್, ಶ್ರೆವೆಪೋರ್ಟ್-ಬೊಸ್ಸಿಯೆರ್ ಕ್ಯಾಪ್ಟನ್ಸ್ ಆಫ್ ದಿ ಅಮೇರಿಕನ್ ಅಸೋಸಿಯೇಶನ್ (ಇಂಡಿಪೆಂಡೆಂಟ್ ಪ್ರೊ ಬೇಸ್ ಬಾಲ್ ಲೀಗ್) ಗೆ ತವರೆನಿಸಿದೆ.
ಲೂಯಿಸಿಯಾನ ಹಿಂದಿನ ಮನ್ರೋ ಮೊಕ್ಕಾಸಿನ್ಸ್, ಅಲೆಕ್ಸಾಂಡ್ರಿಯಾ ವರ್ತ್ಹೊಗ್ಸ್, ಹಾಗು WPHL ನ ಲೇಕ್ ಚಾರ್ಲ್ಸ್ ಐಸ್ ಪೈರೇಟ್ಸ್ ಗೆ ನೆಲೆಯಾಗಿರುವುದರ ಜೊತೆಗೆ ಬೇಟನ್ ರೂಜ್ ಕಿಂಗ್ ಫಿಶ್, ನ್ಯೂ ಆರ್ಲಿಯನ್ಸ್ ಬ್ರಾಸ್ ಹಾಗು ECHL ಈಸ್ಟ್ ಕೋಸ್ಟ್ ಹಾಕಿ ಲೀಗ್ನ ಲೂಯಿಸಿಯಾನ ಐಸ್ ಗೆಟರ್ಸ್ಗೂ ನೆಲೆಯಾಗಿತ್ತು.
ಒಂದು ಗಮನಾರ್ಹ ಸಂಗತಿಯೆಂದರೆ 1901–1959ವರೆಗೂ ಒಂದು ಡಬಲ್-ಬೇಸ್ ಬಾಲ್ ತಂಡವಾದ ಪೆಲಿಕನ್ಸ್ ನ್ಯೂ ಆರ್ಲಿಯನ್ಸ್ ನಲ್ಲಿ ನೆಲೆಯಾಗಿತ್ತು, ಈ ತಂಡವು ಹಲವಾರು ಲೀಗ್ ಪ್ರಶಸ್ತಿಗಳನ್ನು ಗೆದ್ದು ಕೊಂಡಿತ್ತು.
ಲೂಯಿಸಿಯಾನ ಒಂದು ಪ್ರಮಾಣಾನುಗುಣವಾಗಿ ಅಧಿಕ ಸಂಖ್ಯೆಯಲ್ಲಿ ಕಾಲೇಜು NCAA ಡಿವಿಷನ್ I ಕ್ರೀಡೆಯನ್ನು ಅದರ ಗಾತ್ರದಿಂದ ಪಡೆದುಕೊಂಡಿತ್ತು; ರಾಜ್ಯದಲ್ಲಿ ಯಾವುದೇ ಡಿವಿಷನ್ II ತಂಡಗಳಿಲ್ಲ ಹಾಗು ಕೇವಲ ಒಂದೇ ಒಂದು ಡಿವಿಷನ್ III ತಂಡವಿದೆ.[51] ಬೇಟನ್ ರೂಜ್ ನಲ್ಲಿ ಆರು ಬಾರಿ ಕಾಲೇಜ್ ವರ್ಲ್ಡ್ ಸೀರಿಸ್ ಚಾಂಪಿಯನ್ಸ್ ಹಾಗು NCAA AP (1958) ಹಾಗು ಮೂರು ಬಾರಿ BCS ನ್ಯಾಷನಲ್ ಚಾಂಪಿಯನ್ಸ್, 1957, 2003, ಹಾಗು 2007 ಟೈಗರ್ಸ್ ಆಫ್ ಲೂಯಿಸಿಯಾನ ಸ್ಟೇಟ್ ಯೂನಿವರ್ಸಿಟಿಗೆ ನೆಲೆಯಾಗಿದೆ.
ಈ ಲೇಖನದಿಂದ ಬೇರೆ ಯಾವುದೇ ಲೇಖನಕ್ಕೆ ಬಾಹ್ಯ ಸಂಪರ್ಕ ಹೊಂದಿಲ್ಲ. (June 2008) |
ಲೂಯಿಸಿಯಾನ ಹಲವು, ವಿಶೇಷವಾಗಿ ಕ್ರೆಒಲೇಗಳು ಹಾಗು ಕಾಜುನ್ ಗಳ ವಿಶಿಷ್ಟ ಸಂಸ್ಕೃತಿಗೆ ತವರಾಗಿದೆ.
ಕ್ರೆಒಲೇ ಸಂಸ್ಕೃತಿಯು, ಫ್ರೆಂಚ್, ಸ್ಪಾನಿಷ್, ಆಫ್ರಿಕನ್, ಹಾಗು ಅಮೆರಿಕನ್ ಮೂಲ ನಿವಾಸಿಗಳ ಸಂಸ್ಕೃತಿಗಳಿಂದ ಎರವಲು ಪಡೆದ ಒಂದು ಸಾಂಸ್ಕೃತಿಕ ಮಿಶ್ರಣವಾಗಿದೆ.[52]
ಕ್ರೆಒಲೇ ಸಂಸ್ಕೃತಿಯು ಶ್ವೇತ ವರ್ಣೀಯ ಕ್ರೆಒಲೇಗಳು ಹಾಗು ಕಪ್ಪು ವರ್ಣೀಯ ಕ್ರೆಒಲೇ ಸಂಸ್ಕೃತಿಯ ಭಾಗವಾಗಿದೆ. ಮೂಲವಾಗಿ ಫ್ರೆಂಚ್-ಸ್ಪಾನಿಷ್ ಸಂತತಿಯ ಸ್ಥಳೀಯ-ಸಂಜಾತ ಬಿಳಿಯರಿಗೆ ಕ್ರೆಒಲೇಗಳೆಂದು ಕರೆಯಲಾಗುತ್ತಿತ್ತು. ನಂತರ ಬಿಳಿಯರು ಕಪ್ಪು ವರ್ಣದ ಮಹಿಳೆಯರ ಸಂಪರ್ಕದಿಂದ ಜನಿಸಿದ ವಂಶಜರಿಗೆ ಈ ಪದವನ್ನು ಉಲ್ಲೇಖಿಸಲಾಯಿತು.ಅವರಲ್ಲಿ ಅನೇಕ ಮಂದಿ ಸ್ವತಂತ್ರ ಮಿಶ್ರ ವರ್ಣೀಯರಲ್ಲಿ ಹಲವರು ಶಿಕ್ಷಿತರಾಗಿದ್ದರು. ಹಲವು ಶ್ರೀಮಂತ ಬಿಳಿಯರು ತಮ್ಮ ದಾಂಪತ್ಯ ಸಂಬಂಧದ ಹೊರತಾಗಿಯೂ ಅರೆ-ಕಾಯಂ ಸಂಬಂಧಗಳನ್ನು ಕಪ್ಪು ವರ್ಣದ ಮಹಿಳೆಯರೊಂದಿಗೆ ಇರಿಸಿಕೊಳ್ಳುವುದರ ಜೊತೆಗೆ ಅವರನ್ನು "ಪ್ಲೇಸಿಗಳೆಂದು" ಬೆಂಬಲ ನೀಡುತ್ತಿದ್ದರು. ಒಂದು ಸಂಬಂಧದ ಆರಂಭದಲ್ಲಿ ಮಹಿಲೆ ಗುಲಾಮಳಾಗಿದ್ದರೆ ಸಾಧಾರಣವಾಗಿ ಅವಳ ಹಾಗು ಅವಳ ಮಕ್ಕಳನ್ನು ವಿಮೋಚನೆ ಮಾಡಲಾಗುತ್ತಿತ್ತು.
ಕ್ರೆಒಲೆಗಳು ನ್ಯೂ ಆರ್ಲಿಯನ್ಸ್ ಪ್ರದೇಶದ ಜೊತೆ ಸಂಬಂಧ ಹೊಂದಿದ್ದರು. ಇಲ್ಲಿ ವ್ಯಾಪಕವಾದ ವ್ಯವಸ್ಥೆಗಳು ಅಭಿವೃದ್ಧಿಯಾಯಿತು. ಹಲವು ಶ್ರೀಮಂತ ಜಮೀನುದಾರರು ಪಟ್ಟಣದಲ್ಲಿ ಹಾಗು ತಮ್ಮ ತೋಟಗಳಲ್ಲಿ ಮನೆಗಳನ್ನು ಹೊಂದಿದ್ದರು. ಒಂದು ಜನಪ್ರಿಯ ನಂಬಿಕೆಯೆಂದರೆ ಕ್ರಿಯೋಲೆ ಒಬ್ಬ ಕರಿಯ/ಫ್ರೆಂಚ್ ವ್ಯಕ್ತಿಯ ಮಿಶ್ರಣವೆಂದು ಹೇಳಲಾಗುತ್ತದೆ. ಇದು "ಹೈತಿಯನ್ನರು" ಸಂಬೋಧಿಸುವ ಒಬ್ಬ ಆಫ್ರಿಕನ್ ಫ್ರೆಂಚ್ ವ್ಯಕ್ತಿಗೆ ಸೂಚಿತವಾಗಿದೆ. ಕ್ರಾಂತಿಯ ನಂತರ ಹಲವು ವಲಸಿಗರು ಹೈತಿಯಿಂದ ನ್ಯೂ ಆರ್ಲಿಯನ್ಸ್ಗೆ ಆಗಮಿಸಿದರು. ಆದಾಗ್ಯೂ ಒಬ್ಬ ಕಪ್ಪು ಕ್ರೆಒಲೇಯು, ಕ್ರೆಒಲೇಯ ಒಂದು ವಿಧವೇ ಹೊರತು ಅವರ ಏಕೈಕ ವಿಧವಲ್ಲ, ಅಥವಾ ಕ್ರೆಒಲೇಯ ಮೂಲಾರ್ಥವಲ್ಲ. ದಕ್ಷಿಣ ಲೂಯಿಸಿಯಾನದಲ್ಲಿ ನೆಲೆಗೊಂಡ ಎಲ್ಲ ಸಮುದಾಯಗಳು ಅನುಕ್ರಮವಾದ ಸಂಸ್ಕೃತಿಗಳನ್ನು ಸಂಯೋಜಿಸಿ ಒಂದು "ನ್ಯೂ ಆರ್ಲಿಯನ್ಸ್" ಸಂಸ್ಕೃತಿಯನ್ನು ರೂಪಿಸಿತು. ಮೂಲ ಅಮೆರಿಕನ್ ಸಂಸ್ಕೃತಿಯ ಜೊತೆಗಿನ ಈ ಸಮುದಾಯಗಳ ಒಂದು ಸೃಜನಾತ್ಮಕ ಸಂಯೋಜನೆಯನ್ನು "ಕ್ರೆಒಲೇ" ಸಂಸ್ಕೃತಿ ಎಂದು ಕರೆಯಲಾಗುತ್ತದೆ. ಇದು ಕಾಜುನ್ ಸಂಸ್ಕೃತಿಯೊಂದಿಗೆ ಲೂಯಿಸಿಯಾನದ ಒಂದು ಪ್ರಧಾನ ಸಾಮಾಜಿಕ, ಆರ್ಥಿಕ, ಹಾಗು ರಾಜಕೀಯ ಸಂಸ್ಕೃತಿಯಾಗಿ 20ನೇ ಶತಮಾನದಲ್ಲೂ ಮುಂದುವರೆದಿತ್ತು. ಕೆಲವರು [weasel words] ಈ ಸಂಸ್ಕೃತಿಯು ಅಂತಿಮವಾಗಿ ಅಮೇರಿಕನ್ ಮುಖ್ಯವಾಹಿನಿಯೊಂದಿಗೆ ಬೆರೆತು ಹೋಯಿತೆಂದು ಭಾವಿಸುತ್ತಾರೆ. [ಸೂಕ್ತ ಉಲ್ಲೇಖನ ಬೇಕು]
ಕಾಜುನ್ ಸಂಸ್ಕೃತಿ. ಕಾಜುನ್ಗಳ ಪೂರ್ವಜರು ಪಶ್ಚಿಮ ಫ್ರಾನ್ಸ್ ನಿಂದ ನ್ಯೂ ಬ್ರುನ್ಸ್ವಿಕ್ ಹಾಗು ನೋವ ಸ್ಕಾಟಿಯಾ, ಕೆನಡಾದ ಪ್ರಾಂತ್ಯಗಳಿಂದ ಆಗಮಿಸಿದರು, ಈ ಸ್ಥಳಕ್ಕೆ ಅಕಾಡಿಯ ಎಂದು ಹೆಸರಾಗಿತ್ತು. ಫ್ರೆಂಚ್ ಅಂಡ್ ಇಂಡಿಯನ್ ವಾರ್ನಲ್ಲಿ ಬ್ರಿಟಿಷರು ವಿಜಯಿಯಾದಾಗ, ದೀರ್ಘ ಕಾಲದ ರಾಜಕೀಯ ತಾಟಸ್ಥ್ಯದ ನೆಪವೊಡ್ಡಿ ಬ್ರಿಟಿಷರು ಬಲವಂತದಿಂದ ಕುಟುಂಬಗಳನ್ನು ಪ್ರತ್ಯೇಕಿಸಿ ಹೊರದೂಡಿದರು. ಸೆರೆಸಿಕ್ಕಿದ ಹಲವು ಅಕಾಡಿಯನ್ನರನ್ನು ಇಂಗ್ಲೆಂಡ್ ಹಾಗು ನ್ಯೂ ಇಂಗ್ಲೆಂಡ್ ವಸಾಹತು ನೆಲೆಗಳ ಬಂಧನ ಶಿಬಿರಗಳಲ್ಲಿ 10 ರಿಂದ 30 ವರ್ಷಗಳ ಕಾಲ ಇರಿಸಲಾಯಿತು. ಬ್ರಿಟಿಷರಿಂದ ತಪ್ಪಿಸಿಕೊಂಡ ಹಲವರು ಫ್ರೆಂಚ್ ಕೆನಡಾದಲ್ಲಿ ಉಳಿದರು. ಇಂಗ್ಲೆಂಡ್ ನ ಹಿಡಿತದಿಂದ ಮುಕ್ತಗೊಂಡ ನಂತರ, ಹಲವರು ದಿಕ್ಕಾಪಾಲಾದರು, ಕೆಲವರು ಫ್ರಾನ್ಸ್, ಕೆನಡಾ, ಮೆಕ್ಸಿಕೋ, ಅಥವಾ ಫಾಲ್ಕ್ ಲ್ಯಾಂಡ್ ಐಲ್ಯಾಂಡ್ ಗಳಿಗೆ ಹೋದರು. ಬಹುತೇಕರು, ಲಾಫಾಯೆಟ್ಟೆ ಹಾಗು ಲಾಫಾರುಚೆ ಬೇಊ ರಾಷ್ಟ್ರದ ಸುತ್ತಮುತ್ತಲಿನ ದಕ್ಷಿಣ ಲೂಯಿಸಿಯಾನ ಪ್ರದೇಶದಲ್ಲಿ ಆಶ್ರಯವನ್ನು ಪಡೆದರು. ಇಸವಿ 1970ರ ದಶಕದವರೆಗೆ, ಕಾಜುನ್ಗಳನ್ನು ಕೆಳ ದರ್ಜೆಯ ನಾಗರೀಕರೆಂದು ಸಾಮಾನ್ಯವಾಗಿ ಪರಿಗಣಿಸಲಾಗುತ್ತಿತ್ತು, ಜೊತೆಗೆ "ಕಾಜುನ್" ಎಂಬ ಪದವನ್ನು ಅವಹೇಳನಕಾರಿಯಾಗಿ ಬಳಸಲಾಗುತ್ತಿತ್ತು. ತೈಲ ಹಾಗು ಅನಿಲದಿಂದ ಒಂದೊಮ್ಮೆ ಸಮೃದ್ಧವಾಗಿದ್ದ ಕಾಜುನ್ ಸಂಸ್ಕೃತಿ, ಆಹಾರ, ಸಂಗೀತ, ಹಾಗು ವ್ಯಾಪಕವಾಗಿ ಹರಡಿದ ಅವರ "ಜೊಇಎ ಡೆ ವಿವ್ರೆ" ಜೀವನ ಶೈಲಿಯು ಶೀಘ್ರವಾಗಿ ಅಂತಾರಾಷ್ಟ್ರೀಯ ಮನ್ನಣೆಯನ್ನು ಗಳಿಸಿತು.
ಲೂಯಿಸಿಯಾನದಲ್ಲಿರುವ ಮೂರನೇ ಒಂದು ವಿಶಿಷ್ಟ ಸಂಸ್ಕೃತಿ ಇಸ್ಲೆನೋಸ್ ಸ್ಪಾನಿಶ್ ಕ್ಯಾನರಿ ಐಲ್ಯಾಂಡರ್ಸ್ ವಂಶಜರಾಗಿದ್ದಾರೆ. ಇವರು 1770ರ ದಶಕದ ಮಧ್ಯಭಾಗದಲ್ಲಿ ಸ್ಪಾನಿಷ್ ಆಡಳಿತದ ಸಂದರ್ಭದಲ್ಲಿ ಸ್ಪೇನ್ನ ಕ್ಯಾನರಿ ಐಲ್ಯಾಂಡ್ಸ್ನಿಂದ ಲೂಯಿಸಿಯಾನಕ್ಕೆ ಆಗಮಿಸಿದರು. ಇವರು ನಾಲ್ಕು ವಸಾಹತು ಪ್ರದೇಶಗಳಲ್ಲಿ ನೆಲೆಯಾಗಿದ್ದರು, ಆದರೆ ಹಲವರು ಇಂದಿನ St. ಬರ್ನಾರ್ಡ್ ಪ್ಯಾರಿಷ್ ಗೆ ಸ್ಥಳಾಂತರ ಮಾಡಿಕೊಂಡರು. ಈ ಪ್ರದೇಶದಲ್ಲಿ ಇಂದಿಗೂ ಇಸ್ಲೇನೋ ಜನಸಂಖ್ಯೆಯು ಕೇಂದ್ರೀಕೃತವಾಗಿದೆ. ಒಂದು ವಾರ್ಷಿಕ ಹಬ್ಬವಾದ ಫಿಯೆಸ್ಟದ ಆಚರಣೆಯು, ಇಸ್ಲೆನೋಸ್ ಪರಂಪರೆಯನ್ನು ಪ್ರತಿಬಿಂಬಿಸುತ್ತದೆ. St ಬರ್ನಾರ್ಡ್ ಪ್ಯಾರಿಷ್ ಒಂದು ಇಸ್ಲೆನೋಸ್ ವಸ್ತು ಸಂಗ್ರಹಾಲಯ, ಸ್ಮಶಾನ ಹಾಗು ಇಗರ್ಜಿಯ ಜೊತೆಗೆ ಈ ಪರಂಪರೆಯನ್ನು ಬಿಂಬಿಸುವ ಸ್ಪಾನಿಷ್ ಪದಗಳು ಹಾಗು ಸ್ಪಾನಿಷ್ ಉಪನಾಮಗಳನ್ನು ಹಲವು ರಸ್ತೆಯ ಹೆಸರುಗಳಾಗಿ ಹೊಂದಿವೆ. St. ಬರ್ನಾರ್ಡ್ ಪ್ಯಾರಿಷ್, LAಯ ನ್ಯೂ ಆರ್ಲಿಯನ್ಸ್ ಉಪನಗರಗಳಲ್ಲಿ ಇಸ್ಲೇನೋ ಸ್ವರೂಪವು ಒಂದು ಸಕ್ರಿಯ ಕುರುಹಾಗಿ ಉಳಿದಿದೆ. ಇಸ್ಲೇನೋ ಸಮುದಾಯದ ಕೆಲವು ಸದಸ್ಯರು ಇಂದಿಗೂ ಸ್ಪಾನಿಷ್ ಭಾಷೆಯನ್ನು ತಮ್ಮ ಕ್ಯಾನರಿ ಐಲ್ಯಾಂಡರ್ ಉಚ್ಚಾರಣಾ ಶೈಲಿಯಲ್ಲಿ ಮಾತನಾಡುತ್ತಾರೆ. ಹಲವಾರು ಇಸ್ಲೇನೋ ಗುರುತಿನ ಕ್ಲಬ್ ಗಳು ಹಾಗು ಸಂಸ್ಥೆಗಳು, ಹಾಗು ಇಸ್ಲೇನೋ ಸಮಾಜದ ಹಲವು ಸದಸ್ಯರು ಸ್ಪೇನ್ ನ ಕ್ಯಾನರಿ ಐಲ್ಯಾಂಡ್ಸ್ ಜೊತೆಗೆ ತಮ್ಮ ಸಂಪರ್ಕವನ್ನು ಇಂದಿಗೂ ಉಳಿಸಿಕೊಂಡಿದ್ದಾರೆ.
ತನ್ನ ಫ್ರೆಂಚ್ ಹಾಗು ಸ್ಪಾನಿಷ್ ಪರಂಪರೆಯ ಕಾರಣದಿಂದಾಗಿ ಲೂಯಿಸಿಯಾನ ಒಂದು ವಿಶಿಷ್ಟ ಭಾಷಾ ಸಂಸ್ಕೃತಿಯನ್ನು ಹೊಂದಿದೆ. ಕಳೆದ 2000ದ ಜನಗಣತಿಯ ಪ್ರಕಾರ, ಐದು ವರ್ಷ ವಯಸ್ಸಿನ ಹಾಗು ಅದಕ್ಕೂ ಮೇಲ್ಪಟ್ಟವರಲ್ಲಿ[53] 90.8%ನಷ್ಟು ಲೂಯಿಸಿಯಾನ ನಿವಾಸಿಗಳು ಕೇವಲ ಇಂಗ್ಲಿಷ್ ಭಾಷೆಯನ್ನು ಮಾತನಾಡುತ್ತಾರೆ (ಒಟ್ಟಾರೆಯಾಗಿ 99%ನಷ್ಟು ಜನರು ಇಂಗ್ಲಿಷ್ ಮಾತನಾಡುತ್ತಾರೆ) ಹಾಗು 4.7%ನಷ್ಟು ಜನರು ಮನೆಯಲ್ಲಿ ಫ್ರೆಂಚ್ ಭಾಷೆಯನ್ನು ಮಾತನಾಡುತ್ತಾರೆ (ಒಟ್ಟಾರೆಯಾಗಿ 7%ನಷ್ಟು ಜನರು ಫ್ರೆಂಚ್ ಮಾತನಾಡುತ್ತಾರೆ). ಇತರ ಅಲ್ಪಸಂಖ್ಯೆಯ ಭಾಷೆಗಳೆಂದರೆ ಸ್ಪಾನಿಷ್, ಇದನ್ನು 2.5%ರಷ್ಟು ಜನರು ಮಾತನಾಡುತ್ತಾರೆ; ವಿಯೆಟ್ನಾಮೀಸ್ ಭಾಷೆಯನ್ನು 0.6%ರಷ್ಟು ಜನರು ಮಾತನಾಡಿದರೆ; 0.2%ರಷ್ಟು ಜನರು ಜರ್ಮನ್ ಭಾಷೆಯನ್ನು ಮಾತನಾಡುತ್ತಾರೆ. ಆದಾಗ್ಯೂ ರಾಜ್ಯದ ಕಾನೂನು ಕೆಲವೊಂದು ಸಂದರ್ಭಗಳಲ್ಲಿ ಇಂಗ್ಲಿಷ್ ಹಾಗು ಫ್ರೆಂಚ್ ಬಳಕೆಗೆ ಮಾನ್ಯತೆ ನೀಡುತ್ತದೆ. ಲೂಯಿಸಿಯಾನ ರಾಜ್ಯ ಸಂವಿಧಾನವು ಯಾವುದೇ "ಕಾನೂನುಬದ್ಧ ಅಧಿಕೃತ ಭಾಷೆ ಅಥವಾ ಭಾಷೆಗಳನ್ನು" ಘೋಷಿಸುವುದಿಲ್ಲ.[54] ಪ್ರಸ್ತುತ ಲೂಯಿಸಿಯಾನ ರಾಜ್ಯ ಸರ್ಕಾರದ "ವಾಸ್ತವ ಆಡಳಿತ ಭಾಷೆಗಳೆಂದರೆ" ಇಂಗ್ಲಿಷ್ ಹಾಗು ಫ್ರೆಂಚ್.
ಫ್ರೆಂಚ್, ಕ್ರೆಒಲೇ, ಹಾಗು ಲೂಯಿಸಿಯಾನದಲ್ಲಿ ಮಾತನಾಡುವ ಇಂಗ್ಲಿಷ್ ನಲ್ಲಿ ಹಲವಾರು ವಿಶಿಷ್ಟ ಭಾಷಾಪ್ರಭೇದಗಳಿವೆ. ಫ್ರೆಂಚ್ ಭಾಷೆಯ ಮೂರು ವಿಶಿಷ್ಟ ಭಾಷಾಪ್ರಬೇಧಗಳಿವೆ: ಕಾಜುನ್ ಫ್ರೆಂಚ್, ಕಲೋನಿಯಲ್ ಫ್ರೆಂಚ್, ಹಾಗು ನೆಪೋಲಿನಿಕ್ ಫ್ರೆಂಚ್. ಕ್ರೆಒಲೇ ಭಾಷೆಗೆ, ಲೂಯಿಸಿಯಾನ ಕ್ರೆಒಲೇ ಫ್ರೆಂಚ್ ಪ್ರಭೇದವಿದೆ. ಇಂಗ್ಲಿಷ್ ಭಾಷೆಯ ಎರಡು ವಿಶಿಷ್ಟ ಪ್ರಭೇದಗಳೂ ಸಹ ಇವೆ: ಕಾಜುನ್ ಇಂಗ್ಲಿಷ್, ಫ್ರೆಂಚ್ನಿಂದ ಪ್ರಭಾವಿತಗೊಂಡ ಇಂಗ್ಲಿಷ್ ಭಾಷೆಯ ಒಂದು ವಿಧ, ಜೊತೆಗೆ ಯಾಟ್ ಎಂದು ಅನೌಪಚಾರಿಕವಾಗಿ ಕರೆಯಲ್ಪಡುವ ಭಾಷಾಪ್ರಭೇದವು ನ್ಯೂಯಾರ್ಕ್ ಸಿಟಿ ಪ್ರಭೇದವನ್ನು, ವಿಶೇಷವಾಗಿ ಐತಿಹಾಸಿಕ ಬ್ರೂಕ್ಲಿನ್ ನ್ನು ಹೋಲುತ್ತದೆ. ಎರಡೂ ಉಚ್ಚಾರಣಾ ಶೈಲಿಗಳು ವಲಸಿಗ ಐರಿಶ್ ಹಾಗು ಇಟಾಲಿಯನ್ ನ ದೊಡ್ಡ ಸಮುದಾಯಗಳಿಂದ ಪ್ರಭಾವಿತಗೊಂಡಿವೆ, ಆದರೆ ಯಾಟ್ ಉಪಭಾಷೆಯೂ ಸಹ ಫ್ರೆಂಚ್ ಹಾಗು ಸ್ಪಾನಿಷ್ ಭಾಷೆಗಳಿಂದ ಪ್ರಭಾವಕ್ಕೊಳಪಟ್ಟಿವೆ.
ಕಳೆದ 2000ದಲ್ಲಿ ಅತ್ಯಂತ ದೊಡ್ಡ ಪ್ರಮಾಣದಲ್ಲಿ ಅನುಯಾಯಿಗಳನ್ನು ಹೊಂದಿರುವ ಪಂಥಗಳಲ್ಲಿ ರೋಮನ್ ಕ್ಯಾಥೊಲಿಕ್ ಚರ್ಚ್ 1,382,603 ಅನುಯಾಯಿಗಳನ್ನು; ಸದರನ್ ಬ್ಯಾಪ್ಟಿಸ್ಟ್ ಕನ್ವೆನ್ಶನ್ 868,587 ಅನುಯಾಯಿಗಳನ್ನು; ಹಾಗು ಯುನೈಟೆಡ್ ಮೆತಾಡಿಸ್ಟ್ ಚರ್ಚ್ 160,153 ಅನುಯಾಯಿಗಳನ್ನು ಹೊಂದಿದೆ.[55]
ದಕ್ಷಿಣದ ಇತರ ರಾಜ್ಯಗಳಂತೆ, ಲೂಯಿಸಿಯಾನದ ಜನಸಂಖ್ಯೆಯು ಅಸಂಖ್ಯಾತ ಪ್ರಾಟೆಸ್ಟಂಟ್ ಪಂಥದವರನ್ನು ಹೊಂದಿದೆ. ಇದು ರಾಜ್ಯದ ವಯಸ್ಕ ಜನಸಂಖ್ಯೆಯಲ್ಲಿ 60% ನಷ್ಟು ಒಳಗೊಂಡಿದೆ. ಪ್ರಾಟೆಸ್ಟಂಟ್ ಗಳು ರಾಜ್ಯದ ಉತ್ತರ ಹಾಗು ಮಧ್ಯ ಭಾಗಗಳಲ್ಲಿ ಹಾಗು ಫ್ಲೋರಿಡ ಪ್ಯಾರಿಷ್ ಗಳ ಉತ್ತರ ಶ್ರೇಣಿಯಲ್ಲಿ ಕೇಂದ್ರಕೃತವಾಗಿದ್ದಾರೆ. ಫ್ರೆಂಚ್ ಹಾಗು ಸ್ಪಾನಿಷ್ ಪರಂಪರೆಯ ಕಾರಣದಿಂದ, ಅವರ ವಂಶಜರಾದ ಕಾಜುನ್ ಹಾಗು ಫ್ರೆಂಚ್ ಕ್ರೆಒಲೇಗಳು, ಹಾಗು ನಂತರ ಐರಿಶ್, ಇಟಾಲಿಯನ್, ಹಾಗು ಜರ್ಮನ್ ವಲಸಿಗರಿಂದಾಗಿ, ನಿರ್ದಿಷ್ಟವಾಗಿ ರಾಜ್ಯದ ದಕ್ಷಿಣ ಭಾಗದಲ್ಲಿ ಒಂದು ದೊಡ್ಡ ರೋಮನ್ ಕ್ಯಾಥೊಲಿಕ್ ಜನಸಂಖ್ಯೆಯೂ ಸಹ ಇದೆ.[56]
ಫ್ರೆಂಚ್ ಕ್ರೆಒಲೇಗಳು ಮೊದಲು ನೆಲೆಸಿದವರು, ತೋಟದ ಮಾಲೀಕರು ಹಾಗೂ ಮುಖಂಡರಾದ್ದರಿಂದ, ಸಾಂಪ್ರದಾಯಿಕವಾಗಿ ರಾಜಕೀಯದಲ್ಲಿ ಸಕ್ರಿಯವಾಗಿ ಪ್ರತಿನಿಧಿಸುತ್ತಿದ್ದರು. ಉದಾಹರಣೆಗೆ, ಹಿಂದಿನ ಗವರ್ನರ್ಗಳು ಫ್ರೆಂಚ್ ಕ್ರೆಒಲೇ ಕ್ಯಾಥೊಲಿಕ್ಗಳಾಗಿದ್ದರು.[57] ಆದಾಗ್ಯೂ ಇತ್ತೀಚಿಗೆ ಬಹುತೇಕವಲ್ಲದಿದ್ದರೂ ಅಧಿಕ ಸಂಖ್ಯೆಯ ಬಹುಮತವನ್ನು ಒಳಗೊಂಡಿರುವ ಲೂಯಿಸಿಯಾನ ಜನಸಂಖ್ಯೆಯಲ್ಲಿ, ಕ್ಯಾಥೊಲಿಕ್ಗಳು ರಾಜ್ಯದ ರಾಜಕೀಯದಲ್ಲಿ ಪ್ರಭಾವಿಗಳಾಗಿ ಮುಂದುವರೆದಿದ್ದಾರೆ. ಕಳೆದ 2008ರಲ್ಲಿ ಸೆನೆಟರ್ಗಳು ಹಾಗು ಗವರ್ನರ್ ಇಬ್ಬರೂ ಕ್ಯಾಥೊಲಿಕ್ ಪಂಥದವರಾಗಿದ್ದರು. ಕ್ಯಾಥೊಲಿಕ್ ಜನಸಂಖ್ಯೆಯ ಅಧಿಕ ಪ್ರಮಾಣ ಹಾಗು ಅದರ ಪ್ರಭಾವದಿಂದಾಗಿ ಲೂಯಿಸಿಯಾನ ದಕ್ಷಿಣ ಇತರ ರಾಜ್ಯಗಳಿಗಿಂತ ವಿಶಿಷ್ಟವಾಗಿದೆ.[58]
ಲೂಯಿಸಿಯಾನ ಜನರ ಪ್ರಸಕ್ತ ಧಾರ್ಮಿಕ ಸಂಬಂಧಗಳು:
ಯಹೂದಿ ಅಮೆರಿಕನ್ ಸಮುದಾಯಗಳು ರಾಜ್ಯದ ದೊಡ್ಡ ನಗರಗಳಲ್ಲಿ ಇಂದಿಗೂ ಅಸ್ತಿತ್ವದಲ್ಲಿದೆ, ವಿಶೇಷವಾಗಿ ಬೇಟನ್ ರೂಜ್ ಹಾಗು ನ್ಯೂ ಆರ್ಲಿಯನ್ಸ್.[60] ಇದರಲ್ಲಿ ಅತ್ಯಂತ ಗಮನಾರ್ಹವಾದುದು ನ್ಯೂ ಆರ್ಲಿಯನ್ಸ್ ಪ್ರದೇಶದ ಯಹೂದಿ ಸಮುದಾಯ. ಕತ್ರಿನಾ ಚಂಡಮಾರುತಕ್ಕೆ ಮುಂಚಿನ ಜನಸಂಖ್ಯೆಯು ಸುಮಾರು 12,000ದಷ್ಟಿತ್ತು. ಕಳೆದ 20ನೇ ಶತಮಾನದ ಆರಂಭದಲ್ಲಿ ಸುಸ್ಥಿರವಾಗಿ ಸ್ಥಾಪಿತವಾದ ಗಮನಾರ್ಹವಾದ ಯಹೂದಿ ಸಮುದಾಯದ ಉಪಸ್ಥಿತಿಯು ಲೂಯಿಸಿಯಾನವನ್ನು ಇತರ ದಕ್ಷಿಣದ ರಾಜ್ಯಗಳಲ್ಲೇ ಅಸಾಧಾರಣವೆನಿಸಿತ್ತು. ಆದಾಗ್ಯೂ ದಕ್ಷಿಣ ಕ್ಯಾರೊಲಿನ ಹಾಗು ವರ್ಜೀನಿಯ 18 ಹಾಗು 19ನೇ ಶತಮಾನಗಳಲ್ಲಿ ಅವುಗಳ ಪ್ರಮುಖ ನಗರಗಳಲ್ಲಿ ಪ್ರಭಾವಶಾಲಿ ಜನಸಂಖ್ಯೆಯನ್ನು ಹೊಂದಿತ್ತು. ಲೂಯಿಸಿಯಾನದ ರಾಜಕೀಯದಲ್ಲಿ ಜ್ಯೂಯಿಶ್ ಸಮುದಾಯದ ಪ್ರಮುಖ ನಾಯಕರುಗಳಲ್ಲಿ ವ್ಹಿಗ್ (ನಂತರ ಡೆಮೋಕ್ರ್ಯಾಟ್ ಪಕ್ಷಕ್ಕೆ ಸೇರ್ಪಡೆಯಾದರು) ಜುಡಃ P. ಬೆಂಜಮಿನ್ (1811–1884), ಇವರು ಅಮೆರಿಕನ್ ಸಿವಿಲ್ ವಾರ್ ಗೆ ಮುಂಚೆ U.S. ಸೆನೆಟ್ ಗೆ ಲೂಯಿಸಿಯಾನದಿಂದ ಪ್ರತಿನಿಧಿಸಿ ನಂತರ ಕಾನ್ಫೆಡರೇಟ್ ರಾಜ್ಯ ಕಾರ್ಯದರ್ಶಿಯಾದರು; ಕಾನ್ಫೆಡರೇಟ್ ಆರ್ಮಿಯ ಅಧಿಕಾರಿಯಾಗಿದ್ದ ಅಡಾಲ್ಫ್ ಮೆಯೇರ್ (1842–1908), U.S. ಹೌಸ್ ನಲ್ಲಿ ರಾಜ್ಯವನ್ನು 1891 ರಿಂದ 1908ರಲ್ಲಿ ಅವರ ನಿಧನದ ತನಕ ಪ್ರತಿನಿಧಿಸಿದ್ದರು; ಹಾಗು ರಿಪಬ್ಲಿಕನ್ ಸೆಕ್ರೆಟರಿ ಆಫ್ ಸ್ಟೇಟ್ ಜೆಯ್ ಡರ್ಡೆನ್ನೆ (1954-).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.