Балтика тийреси

Балтика тийреси — Шимал Европада, бусагъатдагъы Литваны, Латвияны, Эстонияны эмда алгъыннгы Кюнчыгъыш Пруссияны территориялары келишген (аны ичинде Россияны Калининград областы да) джерди^[1][2][3]. Кюнбатышда, Балтиканы джагъасында болгъан башха тарих регион бла чеклешеди — Поморье бла (кашубча Pòmòrskô, поморча Pòmòrzé, лат. Pomerania, нем. эмда швед. Pommern).

Бусагъатдагъы Балтика тийреси: Калининград область, Литва, Латвия, Эстония

Балтика тийреси (XIX ёмюрню ахыр тёртюнчю кесегине дери — Остзей) къралла (республикала, губернияла, провинцияла д.а.к.) — Балтика тенгизни кюнчыгъыш джагъасында суверен къралла неда административ-территориал къуралышладыла. Россия империяны бир къауум губернияларыны биргелей атыны тарих вариантлары — Остзей край неда Балтика тийреси край болгъанды.

1991 джылда Латвия, Литва эмда Эстония СССР-ни къурамындан чыкъгъандан сора, «балтика тийреси къралла» деб алгъыннгы СССР-де «балтика тийреси республикала» делиннген миллет къраллыкълагъа айтадыла.^[4] Бир-бирде, тыш къраллада да^[5], бу кърал къауумгъа «республикала» да дейдиле (кърал оноуну формасын белгилеб).