Reyn

Rên an jî Reyn^[1] (bi romanş: , bi almanî: , bi îtalî: , bi fransî: , bi holendî: , bi latînî: ; peyveke ji hind û ewropiya kevin reie- bi wateya herikîn e), yek ji çemên herî dirêj ên Rojavayê Ewropayê ye.

Çemê Reyn
Çemê Reyn pêşiya bajarê Düsseldorf (Almanya)
Cih
Herêm	Rojavayê Ewropayê
Dewlet	Swîsre, Awistriya, Fransa, Almanya, Liechtenstein û Holand
Taybetî
Dirêjayî	1.320 km
Tejane	185.000 km2
Debî	2.300 m3/s
Robar
Milên wê	Neckar, Main, Mosel, Lahn, Sieg, Ruhr û Lippe
Cihderk	Tomasee, Surselva, Grisons, Swîsre
- Bilindayî	2.346 m
- Koordînat	46°37′57″Bk 8°40′20″Rh
Dev	Hoek van Holland
- Cih	Rotterdam, Holand
- Bilindayî	0 m
- Koordînat	51°58′52″Bk 4°04′54″Rh
Nexşe
Çemê Reyn
biguhêre

Reyn li çiyayên Alpê yên Swîsreyê dizê; ji avên kaniya sereke Vorderrhein, li Tomasee/Lai da Tuma (Surselva, Grisons) û avên kaniya Hinderrhein a qeşayiya Paradies, li Grisonsê pêk tê. Avên her du kaniyan li Reichenau (Tamins) dikevin hev, dibin çemê Rên.

Di gola Bodenê ve diherike, dû re nêzîkî Schaffhausenê sûlavên Reynê çêdibin. Ev sûlav 23 m bilind in. Reyn di Swîsre, Fransa, Almanya û Holandê ve diherike, digihêje Deryaya Bakurî. Devê çemê Reynê jî li Hoek van Holland, Rotterdama Holandê ye.

Bajarên mezin mîna Basel, Strasbourg, Karlsruhe, Mannheim, Bonn, Köln û Rotterdamê ber çemê Rayn hatine avakirin. Rên ji bo çalakiyên bazirganî û danûstendinê jî gelek giring e.

Milên çemê Reynê yên herî mezin Neckar, Main, Mosel, Lahn, Sieg, Ruhr û Lippe ne.

Galerî

• 
  Vorderrhein, cihê zana Reynê ye.
• 
  Sûlavên Reynê, nêzîkî bajarê Schaffhausen, Swîsre.
• 
  Bajarê Köln ber çemê Reyn, Almanya.
• 
  Devê çemê Reynê li Holandê, ji esmên.