Дьяконов Николай Михайлович

Шаблон:Серпасыс абу

Дьяконов Николай Михайлович
Чужан лун:	10 (23) косму 1911
Чужанін:	Емдін
Кулан кад:	1982-ӧд вося вӧльгым тӧлысь 21-ӧд лун(1982-11-21) (71 ар)
Куланін:	Сыктывкар, Коми Автономнӧй Сӧветскӧй Социалистическӧй Республика, РСФСР, Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз
Мыйся уджыс:	гижысь, театральный режиссёр, драматург, актёр, Кино пуктысь
Ошканпасъяс да премияяс:

Дьяконов Николай Михайлович (1911—1982) — нималана коми гижысь, драматург, театрын ворсысь, режиссёр, Коми АССР-са нимйӧза артист, РСФСР-са нимйӧза артист.

Олан туй

Николай Дьяконов чужӧма 1911-ӧд вося косму тӧлысь 10-ӧд лунӧ (важ ногыс рака тӧлысь 28-ӧд лунӧ) Вӧлӧгда губернялӧн Яренск уездса Емдін сиктын (ӧнi — Емдiн район). Подув школа помалӧм бӧрын ямшикалӧма пошта станцияын, вӧр лэдзӧма. 1931-ӧд воын локтӧма Сыктывкарӧ велӧдчыны театральнӧй курсъяс вылӧ, уджалӧма Коми обласьтса передвижнöй театрын. 1932–1936-ӧд воясын велӧдчӧма Ленинградын театрса искусство училишӧын. 1945-ӧд воӧдз уджалӧма актерӧн да режиссёрӧн Коми национальнӧй драмтеатрын, а сэсся сэнi жӧ художественнӧй веськӧдлысьӧн. Режиссёрӧн уджалiгӧн Н. Дьяконов дасьтӧма да пуктӧма 70 гӧгӧр спектакль. Кулӧма 1982-ӧд вося вӧльгым тӧлысь 21-ӧд лунӧ, дзебöма Сыктывкарын.

Удж

Драматургия юкӧнын Николай Дьяконов заводитӧ водзмӧстчыны 1930–ӧд вояс помын. Степан Ермолинкӧд ӧтув сiйӧ гижӧ квайт пьеса: «Джуджыд запань» (1938), «Кырнышъяс» (1938), «Домна Каликова» (1939) да мукӧд.

Драматург творчествоын асшӧр тшупӧдӧн лоӧма «Свадьба приданнӧйӧн» (1948) лирическӧй комедия гижӧм. Роч кыв вылын (вуджӧдiс А. Глебов) пьесасӧ вӧлi сувтӧдӧма Москваса Сатира театр сцена вылын, сэсся регыдӧн пыртiсны асланыс репертуарӧ и рубежсайса театръяс.

«Куим багатыр» (1960), «Квартет Николая Курочкина» (1962), «Нива–Нивушка» (1981) да мукӧд тешын гижысь серпасалӧ коми сикт водзын сулалысь тӧдчана могъяс.

1939-ӧд восянь СССР–са гижысь котырын.

Наградаяс

• СССР-са канму премия босьтысь (1945)
• Коми АССР-са нимйӧза артист (1945)
• РСФСР-са нимӧдана артист (1951)
• «Почёт пас» (рочöн – «Знак Почёта») кык орден

Ӧшмӧсъяс

• Попова С. Страницы истории коми театра. – Сыктывкар, 1965;
• Коми советские писатели. – Сыктывкар, 1968.
• https://web.archive.org/web/20170331115044/http://foto11.com/komi/theatre/1951book03_diakonov.php