Ерофеева Любовь Андреевна
From Wikipedia, the free encyclopedia
Remove ads
Шаблон:Серпасыс абу
Ерофеева Любовь Андреевна (1987) — коми гижысь. Нывдырся овыс — Ануфриева.
Олан туй
Чужӧма 1987-ӧд вося тӧвшӧр тӧлысь 23-ӧд лунӧ Изьва районса Мокчой сикт улӧ пырысь Гам грездын. 2005—2010-ӧд воясӧ велӧдчӧма Сыктывкарса канму университетысь филология факультетса коми юкӧнын. Уджавлӧма «Войвыв кодзув» журнал редакцияын. Ӧні уджалӧ И.А. Куратовлӧн литературнӧй музейын научнӧй сотрудникӧн.
Гижан удж
Любовь Ануфриева гижӧ кывбуръяс. Гижӧдъяссӧ йӧзӧдлӧма «Войвыв кодзув» да «Арт» журналъясын. 2008-ӧд воын Таллиннын сылӧн петӧма медводдза небӧг — «Linnud ei tauni» (Лэбачьяс оз дивитны) коми, роч, эст да англия кывъяс вылын. Сэксянь сылӧн лоӧма сайним — Баяр Люба. 2011-ӧд воын йӧзӧдӧма «Мукӧд енкӧлаын» небӧг. Йӧзӧдчылӧ Любовь Ануфриева ним улын.
Аграпинна Лупинна гусяним улын йӧзӧдлӧма «Дедко» мойд да «Ниа-паяния» пьеса (2017).
2016-ӧд восянь пырӧ Рочмуса гижысь котырӧ.[1]
Шедӧдлӧма некымын литературнӧй премия: «Эзысь борд» республикаса литературнӧй конкурсын «Поэзия» нимпасын (2007), Александр Лужиков нима (2015), М.А. Кастрен котырлӧн (Финляндия) «Дас витӧд из» небӧгысь (2015), «Север» литературнӧй журналлӧн (Карелия) «Северная звезда» конкурсын «Проза» нимпасын (2017).
Remove ads
Небӧгъяс
- Linnud ei tauni. — Таллинн, 2008. — 63 л.б. (коми, роч, эст да англия кывъяс вылын) (Лэбачьяс оз дивитны)
- Мукӧд енкӧлаын. — Сыктывкар, 2011. — 32 л.б.
- Дас витӧд из. Кывбуръяс / Ред. Е.Е. Афанасьева, Серпасаліс Ю. Н. Лисовский. — Сыктывкар: Коми Республикаса гижысь котыр, 2012. — 32 л.б. («Шондіа енкӧла» чукӧр / Лӧсьӧдіс А. Г. Елфимова)
- Ануфриева Л.А. Еджыд бобула турӧб. Вьюга белых бабочек / Пер. А. Расторгуева; Серп. М.А. Живило. — Сыктывкар: Коми Республикаса гижысь котыр, 2021. — 160 л.б.
- Ануфриева Л.А. Бабушка Лампа и Шурш. Лампа пӧч да Шурш: Сказка для детей. — Сыктывкар: АУ РК «Редакция журнала «Радуга», 2023. — 32 с.
Ӧшмӧсъяс
Ыстӧдъяс
Wikiwand - on
Seamless Wikipedia browsing. On steroids.
Remove ads