Цембер Андрей Андреевич

Шаблон:Серпасыс абу

Цембер Андрей Андреевич
Чужан лун:	1874-ӧд вося рака тӧлысь 23-ӧд лун(1874-03-23)
Чужанін:	Сыктывкар, Вӧлӧгда губерния, Россияса империя[d] Вӧлӧгда губерния, Россияса империя[d]
Кулан кад:	1959-ӧд вося тӧвшӧр тӧлысь 7-ӧд лун(1959-01-07) (84 арӧс)
Куланін:	Пятигорск[d], Ставрополь край, РСФСР, Сӧветскӧй Социалистическӧй Республикаяслӧн Союз
Канму:	Россияса империя[d]  РСФСР  Сӧветскӧй Социалистическӧй Республикаяслӧн Союз
Мыйся уджыс:	лингвист, фольклор чукӧртысь

Цембер Андрей Андреевич (1874—1959) — коми кыв да фольклор туялысь, чужан му туялысь.

Олан туй

Андрей Цембер чужис Вӧлӧгда губерняса Усть-Сысольскын 1874 вося рака тӧлысь 23-ӧд лунӧ. Сылӧн пӧльыс вӧлі ыстӧм поляк, мамыс — коми кресьтянка, батьыс — чиновник. А. Цембер асьсӧ шуліс «природным зырянин». Семьяас вӧлі квайт челядь, Андрей — медыджыд. Школаын велӧдчис бура, босьтіс уездса земствосянь стипендиа. Помаліс вичкобердса да карса училишӧяс, 1893 воын — Тотьмаын велӧдысьяслысь семинариа. 20 во уджаліс велӧдысьӧн Керчомъя сиктса народнӧй училишӧын.

1899—1915 воясӧ веськӧдліс Усть-Сысольскса публичнӧй библиотекаӧн.

А.А. Цембер вӧлі обласьтса архивын медводдза веськӧдлысьӧн. Сылӧн водзмӧстчӧмӧн вӧлі восьтӧма Усть-Сысольскса публичнӧй библиотека, Роч Войвыв тӧдмалан Кардор котырлӧн Усть-Сысольскса юкӧн (1910), краеведческӧй музей (1916). 1916—1918 воясӧ уджаліс Вӧлӧгдаын да Юзовкаын коммерческӧй банкын да кооперативын кассирӧн. 1918 вося арнас бергӧдчис Усть-Сысольскӧ.

Куліс Пятигорскын 1959 вося тӧвшӧр тӧлысь 7-ӧд лунӧ.

Небӧгъяс

• Коми мойдан кывъяс / Чукӧртіс А.А. Цембер. — Устьсысольск, 1913. — 41 л.б.
• Коми мойдан и сьыланкывъяс / Чукӧртіс А.А. Цембер. — Устьсысольск, 1914. — 83 л.б.

Ӧшмӧсъяс

• Цембер Андрей Андреевич
• Рощевская Л.П. Спасать историю для краеведа Андрея Цембера стало смыслом жизни // «Республика» газетлӧн сайт, 2012 во, тӧвшӧр тӧлысь 18-ӧд лун
• Книжные памятники Республики Коми: коллекция А.А. Цембера
• Краева Н.В. Книги из коллекции А.А. Цембера в Национальном музее Республики Коми: к вопросу о реконструкции // Мудрость книжной культуры в век цифровых технологий: сб. материалов международной научно-практической конференции (Сыктывкар, 7-8 ноября 2007 г.). — Сыктывкар, 2008. — С. 56-76.