Шиликова Зоя Васильевна

Шаблон:Серпасыс абу

Файл:Шиликова.jpg

Шиликова З.В. — коми велӧдысь

Шиликова Зоя Васильевна
Чужан лун:	1940-ӧд вося вӧльгым тӧлысь 4-ӧд лун(1940-11-04)
Чужанін:	Шойнаты, Кöрткерöс район, Коми Республика, РСФСР, Сӧветскӧй Социалистическӧй Республикаяслӧн Союз
Кулан кад:	2013-ӧд вося ода-кора тӧлысь 1-ӧд лун(2013-05-01) (72 арӧс)
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	лингвистка, литературовед, коми гижысь

Шиликова Зоя Васильевна (1940—2013) — коми кыв да литература велӧдысь, кывбур гижысь, Россияса нимӧдана велӧдысь (2012).

Олан туй

Зоя Шиликова чужӧма 1940-ӧд вося вӧльгым тӧлысь 4-ӧд лунӧ Кӧрткерӧс районса Шойнаты сиктын. 1962 воын помалӧма Коми канмуса педагогика институтысь филология факультет.

Кулӧма 2013-ӧд вося ода-кора тӧлысь 1-ӧд лунӧ.

Велӧдан удж

1962-ӧд восянь З.В. Шиликова уджалӧма чужан Шойнаты сиктас коми да роч кыв да литература велӧдысьӧн.

Гижан удж

Велӧдӧм кындзи Зоя Васильевна гижӧ кывбуръяс. Найӧс йӧзӧдлісны «Звезда» районнӧй газетын, «Войвыв кодзув», «Арт», «Би кинь» да «Чушканзі» республикаса журналъясын, «Коми му» да «Йӧлӧга» газетъясын.

Сылӧн кывбуръяс вылӧ гижӧма 30 сайӧ сьыланкыв (шылад тэчысьяс — Александр Уляшов, Ирина Латкина, Алексей Ген, Гений Горчаков. 2010 воын быд вося «Василей» гаж дырйи З.В. Шиликовалӧн «Ӧшкамӧшка» кывбур вылӧ сьыланкывйыс лои вермысьӧн «Челядьлы сьыланкыв» нимпасын (шылад тэчысьыс — А. Ген).

Нелямын воысь дырджык Зоя Васильевна веськӧдлӧм улын Шойнатыса школаын уджалӧ «Би кинь» литературно-творческӧй кружок.

Небӧгъяс

• Шиликова З. В. Килля-лыска пуяса чужанін: кывбуръяс. — Сыктывкар, 2010. — 112 л.б.
• Шиликова З. В. Аканьлы сьыланкыв: Кывбуръяс / Лӧсьӧдіс В. А. Лимерова; Серп. А. Гордеева. — Сыктывкар: Коми Республикаса гижысь котыр, 2014. — 24 л.б.
• Шиликова З. В. Нывбаба гожӧм: кывбуръяс. — Сыктывкар: «Анбур» ИКК, 2020. — 80 л.б.

Наградаяс

• Коми Республикаса школаын нимӧдана велӧдысь (1993, ода-кора тӧлысь 18-ӧд лун).
• Россияса нимӧдана велӧдысь (2012, ӧшым тӧлысь 29-ӧд лун)

Ӧшмӧсъяс

• Коми Республикаса Национальнӧй библиотека
• Мастерская учителя коми языка и литературы: из опыта работы : пособие для учителя / Сост. А.В. Мишарина; ГАОУДПО (ПК) С РК «КРИРО». — Сыктывкар, 2010. — С. 44—45.