Рочму
From Wikipedia, the free encyclopedia
Remove ads
Рӧсия Федерация (сідзжӧ Рочму, офиц. Россия Федерация, рочӧн Россия, Российская Федерация) — Асыввыв Европаын да Войвыв Азияын канму. Олысьяс лыд 105 579 179 мортъяс (2016). Рочмулӧн мутас, висьтаван сылӧн Оланподувӧ, лыддьысьӧ 17 100 000 км². Мутас серти муын медводдза инын, НВӦ серти СПВ серти 5-ӧд инын, олысьяс лыд серти 9-ӧд инын.
Юркарыс Мӧскуа. Каналан кывйыс роч (да мӧд кывъяс асвеськӧдлан республикаясын).
Рочму федерацияса тэчасног сораса республика. 2012 вося ода-кора тӧлысьын канмуӧн президентӧ лоӧма Путин Владимир, Веськӧдлан Котырӧн юралысь Медведев Дмитрий.
Оланподув серти, Рочмуӧ пырӧ 83 субъект: на пиын 46 обласьт, 21 — республика, 9 — дінму (край), 2 — федеральнӧй тӧдчанлуна кар, 4 — асвеськӧдлан кытш да ӧти — асвеськӧдлан обласьт.
Рочму 18 канмукӧд орчча (муын медыджыд петкӧдлас), сы лыдын пыдди пуктытӧм: косӧд Норвегиякӧд, Суоми Мукӧд, Эстмукӧд, Латвиякӧд, Литвакӧд, Польшакӧд, Беларуськӧд, Украинакӧд, Абхазиякӧд, Грузиякӧд, Лунвыв Осетиякӧд, Азербайджанкӧд, Казахстанкӧд, КВР-кӧд, Монголиякӧд, КВДР-кӧд; саридзӧд Япониякӧд да АӦШ-кӧд.
Рочму уна сикас войтыра канму, торъяван ыджыд этнокультураса унапӧлӧслунӧн. Олысьяс унджыкыс (75 % гӧгӧр) асьтӧ лыддьӧны православиелань, мый вӧчӧ Рочмуӧс канмуӧн муын медыджыд православнӧй олысъяскӧд.
ССРС киссьӧм бӧрын 1991 во помын Рочмуӧс шуисны ССРС-са инӧд вежысь канмуӧн да Рочму пырис ӦВК-са Безопасносьт Сӧветӧ. Та кындзи, Рочму пырӧ мукӧд войтыркостса котырӧ: ӦВК, АКЛ, ЕврАзЭС, ЦАС, ОДКБ, ШОС, АТЭС и с. в.
Remove ads
Wikiwand - on
Seamless Wikipedia browsing. On steroids.
Remove ads