Кочанов Гелий Сергеевич

Шаблон:Серпасыс абу

Кочанов Гелий Сергеевич
Чужан лун:	1934
Чужанін:	Кулӧмдін, Коми Республика, РСФСР, Сӧветскӧй Социалистическӧй Республикаяслӧн Союз
Мыйся уджыс:	баянист

Кочанов Гелий Сергеевич (1934—2017) — коми шылад тэчысь.

Олан туй

Гелий Кочанов чужӧма Кулӧмдін сиктын 1934-ӧд во моз тӧлысь 8-ӧд лунӧ. Помалӧма Сыктывкарса музыкальнӧй училишӧ баян класс серти да Коми канмуса педагогика институт. Олӧма Сыктывкарын.

Сьыланкывъяс дорӧ шыладсӧ босьтчӧма гижны 1956-ӧд воын нин. Гижӧма кывбуръяс да шыладсӧ на дорӧ. Г.С. Кочанов лӧсьӧдӧма 80 сайӧ сьыланкыв.

1986-ӧд восянь веськӧдлӧма Сыктывкарын «Русская гармонь» ансамбльӧн. Сы кадӧ репертуарас джын сьыланкывсӧ вӧлі лӧсьӧдӧма Г.Кочанов. 1989-ӧд воын нин ансамбльлы сетӧма народнӧй ним.^[1]

Г.С. Кочановлӧн сьыланкывъясыс вермылісны Василей гажын. «Жоньыс пелысьсӧ кушӧдз кокаліс» сьыланкывйыс (кывъясыс Василий Лодыгинлӧн) босьтӧма 1996 воын 3-ӧд премия, а «Ме ӧд век на тэӧн вися» сьыланкыв (кывъясыс Владимир Тиминлӧн) — 3-ӧд премия 2000-ӧд вося «Василей» гажын.

Кулӧма 2017-ӧд вося рака тӧлысь 6-ӧд лунӧ.

Наградаяс

• Коми Республикаса нимӧдана уджалысь

Ӧшмӧсъяс

• «Василей»: Сборник песен коми самодеятельных композиторов / Муз. редактор М.Л. Герцман. — Сыктывкар, 2002.