Statys Unys

Statys Unys Amerika (Sowsnek: United States of America) yw stat yn Amerika Gledh, yntra Kanada ha Meksiko. I yw repoblek ow kesunya hanterkans stat gans omrewl. Dydh soedhogel a fondyans an SUA yw an 4a a vis Gortheren, 1776. A-dhia gres an 20ves kansblydhen, an Statys Unys a's teves kevoeth leun dres materow erbysieth, gwlasegeth, nell lu, skians, teknegolieth ha gonisogeth y'n bys ma.

United States of America

Lavar kenedhlek: In God We Trust Lavar arall: E Pluribus Unum
Yeth soedhogel	nagonan; Sowsnek de facto
Pennsita	Washington, D.C.
Brassa sita	Evrek Nowydh
Lywydh	Donald Trump (Republican)
Is-lywydh	JD Vance (Republican)
Enep	9,631,418 km²
Poblans (2019)  Doesedh	328,239,523 a drigoryon 31 triger/km²
Anserghogeth	dhiworth Breten Veur 4a a vis Gortheren, 1776
Mona kemmyn	Dollar amerikanek ($ USD)
Kan genedhlek	The Star-Spangled Banner
Kodennow kesroesweyth	.us .gov .edu .mil .um
Kodenn pellgowser	+1

Yma 94,882,000 a vughes y'n Statys Unys, herwydh Asrann Agrikoleth an SU.^[1]

Yma 50 stat (pow) y'n Statys Unys, unn ranndir a-barth an bennsita, ha niver a bowyow enesek tramor.

Tavosow

Sowsnek yw an yeth kemmyn a-dreus an brassa rann a'n wlas. Milyonow a dus a gews Spaynek ynwedh, yn arbennik y'n Soth-West (ogas dhe or meksikan), yn sitys, hag yn Florida dheghow. An trysa taves herwydh niver a gewsoryon yw Chinek (rannyeth Kantonek dre vras) hag a gewsir yn arbennik y'n sitys ha ryb arvor an Keynvor Hebask. Frynkek a gewsir yn Louisiana ha Pow Sows Nowydh; hag y hyllir klewes Almaynek yn statys an gogledh – yma hwath rannyeth arbennik, henwys Pennsilfaanisch, yn Pennsylvani ha statys erell.