Полистирол

Полистирол – стирол түз тизмектүү түзүлүштөгү полимери, П. айнек сымал тунук зат, тыгызд. 1,06 г/см³ (20о) Катуу-лануу t 93°C, 80-1500С каучук сымалданган абалга өтөт, ал эми 250-3000С стирол пайда кылуу менен ажырайт. П. суунун, к-танын жана щелочтун таасирине өтө туруктуу, ароматтык углеводороддо, татаал эфирде эрийт, бензинде жана спиртте эрибейт. Диэлектрдик касиетке ээ. Өнөр жайда стиролду эмульсиялык жана суспензиялык метод менен азот же СО₂ чөйрөсүндө стиролду полимерлештирүүдөн, ал эми акыркы мезгилде үзгүлтүксүз полимерлештирүү методу менен алынат. Кийинки мезгилде стиролду башка мономерлер менен полимерлөөдөн сополимерлер алынууда. Стиролдун винил карбазол, дихлорстирол, дивинилбензол менен сополимерлери жылуулукка өтө туруктуу. П. жана анын сополимерлери электр изоляциялык материал, пенополистирол, үй-тиричилик буюмдарын, теле жана радио техникада, муздаткычтын сыртын, автотетиктерди ж.б. жасоодо колдонулат.

Стирол => Полистирол.

Полистирол.

Колдонулган адабияттар

• Химия: Энциклопедиялык окуу куралы/Мамлекеттик тил жана энциклопедия борбору, 2004. - 422 б. ISBN 9967-14-021-6