Риу-Негру

Риу-Негру (исп. Rio Negro) – негизинен Бразилия аркылуу аккан дарыя. Төмөнкү агымы аркылуу Колумбия менен Венесуэланын чек арасы өтөт. Амазонканын сол куймасы. Гуайния деген ат менен Колумбиядан башталат. Узундугу 2300 км алабынын аянты 691 миң км², Амазонка ойдуңу боюнча агып өтөт. Ири сол куймасы – Риу-Бранку. Орточо чыгымы 30 миң м³/секдай. Риу-Негрунун сол куймасы Касикьяре аны Ориноко дарыясы менен туташтырат. Чатынан 1000 кмге (Манаус портуна) чейин кеме жүрөт.

Риу-Негру.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9