Basilius Blücher

Basilius Constantini filius Blücher^[1] (Russice Василий Константинович Блюхер, tr. Vasilij Konstantinovič Bljucher; natus die 1 Decembris 1889 in vico Barščinka gubernii Iaroslaviensis Imperii Russici, mortuus die 9 Novembris 1938 Moscuae), particeps Belli Orbis Terrarum Primi, socius factionis communisticae ab anno 1916, clarus ductor 'Exercitus Rubri' Sovietici tempore Belli Civilis Russici, rerum militarium et politicarum peritus Sovieticus fuit. Multis signis laudis Sovieticis (e.g. primis Insignis Vexilli Rubri et Stellae Rubri) ornatus, anno 1935 unus e primis marescalcis Unionis Sovieticae factus est. Anno 1938 tamen arrestatus, paulo post mortuus est in carcere, verberum causa.