bibliotheca From Wikipedia, the free encyclopedia
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Bibliotheca Publica Bambergensis (Theodisce Staatsbibliothek Bamberg) est bibliotheca Rei Publicae Liberae Bavariae potissimum humaniorum literarum studiis inserviens. Condita est Bambergae in Franconia Superiore anno 1803. Sedes bibliothecae est Palatium Novum apud cathedralis ecclesiae aream.
| Bibliotheca Publica Bambergensis Staatsbibliothek Bamberg | |
|---|---|
 Bibliothecae Publicae Bambergensis sedes in Palatio Novo apud cathedralis ecclesiae aream | |
| Constitutum | 1803 |
| Locus | Neue Residenz Domplatz 8 96049 Bamberg Res Publica Foederata Germaniae  Bamberga .svg){kind=small} Bavaria  Germania |
| Genus | Bibliotheca publica |
| Magnitudo congeriei | 566 000 librorum impressorum, 6400 manuscriptorum |
| Director | Bettina Wagner |
| Situs interretialis | https://www.staatsbibliothek-bamberg.de/ |
Inter libros huius bibliothecae praestantissimos 165 codices manu scripti excellunt, quos Henricus II imperator ecclesiae Bambergensi a se anno 1007 fundatae dono obtulit. Isti libri digitali modo redditi et in interreti divulgati sunt. Antiquissima sunt fragmenta codicis Liviani saeculo quinto exarati et integer saeculi sexti codex opera quaedam Sancti Hieronymi et Sancti Augustini continens. Tres codices ab Ordine Educationis Scientiae Culturaeque Consociationis Nationum in indicem cui titulus est Memoria mundi relati sunt.
Numerus codicum manu exaratorum 6400 exemplarium, numerus librorum impressorum 566 000 voluminum excedit, inter quae circiter mille codices medii aevi nec non et circiter 3600 incunabulorum typographiae prae ceteris memoranda sunt. 1650 fere scripta periodica continuo acquiruntur.[1]
Anno 1987, Bibliothecae Publicae Bambergensi omnium librorum in Franconia Superiore typis excussorum exemplar unum accipiendi ius concessum est.
