Cisnădie

Cisnădie (Theodisce: Heltau ; Hungarice: Nagydisznód) est urbs circiter 14.300 incolarum (anno 2011) in Transsilvania, quae ad circulum Cibinii pertinet. Ad Cisnădie etiam vicus Cisnădioara pertinet.

Quick Facts

Close

Cisnădie circa saeculo 12 a colonis Germanicis - "Saxonibus Transsilvaniae" nomine "Heltau" conditum est. Anno 1204 primo in actis descriptum est. Saxones per saecula multa maiorem partem incolarum habebant. Medioaevo regio saepe Turcis petebatur. Itaque incolae Cisnădie ut in aliis urbibus Transsilvaniae Ecclesiam muris munitam aedificaverunt, in quam se periculo imminente receperunt. Ad annum 1918 oppidum et regio ad Imperium Austro-Hungaricum pertinuerunt, Germani et Hungari in Cisnădie rexerunt. Deinde ad Romaniam pervenit. Anno 1941 hic 5.385 homines vixerunt, inter quos 3.691 Saxones. Anno 1946 Cisnădie oppidum declaratum est. Postquam Romania anno 1945/1947 sub dicione Communistarum venit, multi Germani in Sibiriam deportati sunt. Cum Communistae anno 1989 depositi sint, multi incolae Germani patriam reliquerunt et in Germaniam venerunt. Hodie 217 tantum homines eius nationis hic vivunt.