Cytochroma P450
From Wikipedia, the free encyclopedia
Cytochromata p450 sunt superfamilia proteinorum cofactorem haemis continentium (haemoproteinorum) in bacteriis, archaeis, eukaryotis. Nomen de pigmento absorptionis 450 nm anno 1958 descripto derivatur[1]. Cytochromata p450 enzyma metabolismos oxidativum et peroxidativum et reductivum substantiarum detrimentosarum diversarum supponunt[2]. Cytochroma p450 magni momenti est ad substrata sua transformanda et hac re ad haec excretionis ex corpore vivo praeparanda. Enzymum expressa in formula generali hanc reactionem per oxidoreductionem catalizat:
RH + O2 + 2H+ + 2e- → ROH + H2O.
Duae reactiones coram coenzymo addito evenient:
- 1. (Oxidatio): substratum organicum (RH) cum alio dimidio moleculae oxygenii (½O2) ad -ROH (quam dicunt reactio "mono"-oxi-genasis igitur) et
- 2. (Reductio): Coenzymum instrumentum reductans electronem (2e-) et Hydrogenium (2H+) reddens, ideo alium (½O2) ad aquam (H2O) coniungentur.
Substrata sunt per exemplum medicamenta sive hormones, coenzyma per exemplum NADH sive NADPH sive flavoproteina sive ferredoxinum. Plerumque quaeque cytochroma p450 coenzymo definitivo eget. Complures inhibitores cytochromatium notati sunt.