Familia Tam
dynastia Sinica / From Wikipedia, the free encyclopedia
Familia Tam[1] (Mandarinice: 唐朝; Pinyin: Táng Cháo; IPA: [tʰɑ̌ŋ tʂʰɑ̌ʊ̯]; in Lingua Media Serica: dhɑng) (18 Iunii 618–4 Iunii 907) fuit familia Sinarum imperiatoria, quae familiae Sui successit et aetati familiarum quinque et regnorum decem antecessit. Domus condita est a familia Li (李), quae, Imperio Sui deminuto, rempublicam cepit, sed quidem interrupta est a familia Zhou altera (16 Octobris 690–3 Martii 705), regno ab Imperatrice Wu Zetian occupato, prima et sola Sinarum imperatrice regnanti, quae suo iure imperavit.
Domus Tang, capite Chang'an (hodierna urbe Xi'an), tum frequentissima mundi urbe, late hodie habetur summa civilizatio Sinensis—Domui Han certe par, vel adeo praestantior—et aura culturae cosmopolitanae aetas. Sua terra, a primis regibus belli accumulata, fuit maior quam terra aetatis Han, et domus Yuan et Qing aemulata est. In censibus saeculorum septimi et octavi, documenta Tang aestimaverunt familias in tabulas refertas composuisse quingenties centena milia hominum.[2][3][4] Saeculo nono, dum administratio se comminuens verum censum componere non posset, numerus civium aestimatur crevisse ad circa octingenties centena milia hominum.[5][6]
Magnos civium numeros habens, domus Tang exercitus nonnullorum centena milium copiarum conscribebat ut contra potestates nomadicas pro dicione Asiae Interioris et quaestuosis commercii viis trans Viam Sericam contenderent. Varia regna civitatesque tributum ad aulam Tang conferebant, dum Tang aliquas regiones vincebat vel in imperium redigebat quas oblique per systema protectorativum? temperabat. Praeter dominatum civilem, Tang culturam aliarum civitatum ut erant in Corea, Iaponia, et Vietnamia magnopere movebat. Tam valens erat domus auctoritas quam etiam hodie, terminus Sinicus pro Chinatown (verbum Anglicum) nomen dynasticum fert: 唐人街 Tangrenjie 'Tang populi Via'.