Fretum Nevelskii
From Wikipedia, the free encyclopedia
Fretum Nevelskii[1] est pars artissima freti inter Eurasiam (territorium Fortunianum Russiae) et Sachalinam insulam. Latitudinem 8 chm habet et altitudinem loco artissimo 10 m. Maria Iaponicum et Ochotense coniungit. Litora freti Nevelskii et freti Tatarici, quod nomen meridionalis et maior pars freti accepit, a promunturiis Australi (Južnyj) et Tyk dividuntur. In honorem Gennadii Nevel'skoj nominatum, cuius expeditio annis quinquagesimis saeculi XIX haec loca exploravit.
![Thumb image](http://upload.wikimedia.org/wikipedia/commons/thumb/6/61/%D0%9F%D1%80%D0%BE%D0%BB%D0%B8%D0%B2_%D0%9D%D0%B5%D0%B2%D0%B5%D0%BB%D1%8C%D1%81%D0%BA%D0%BE%D0%B3%D0%BE.jpg/320px-%D0%9F%D1%80%D0%BE%D0%BB%D0%B8%D0%B2_%D0%9D%D0%B5%D0%B2%D0%B5%D0%BB%D1%8C%D1%81%D0%BA%D0%BE%D0%B3%D0%BE.jpg)
Ab anno 2018 de ponte per fretum Nevelskii delineando in ephemeridibus narratur, qui pons ferriviam continentalem cum ferrivia Sachalinensi coniungat; nunc solo traiectu a portu Vanino (prope Portum Augustum sito) per fretum Nevelskii Sachalina cum continente coniuncta est.