![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/58/Georgeiiofgreece.jpg/640px-Georgeiiofgreece.jpg&w=640&q=50)
Georgius II (rex Graecorum)
From Wikipedia, the free encyclopedia
Georgius II (Graece Γεώργιος Β΄; natus Tatoii die 19 Iulii 1890; mortuus Athenis die 1 Aprilis 1947) fuit bis rex Graecorum sed multos annos in exsilio vixit.
![Georgius II (rex Graecorum): imago](http://upload.wikimedia.org/wikipedia/commons/thumb/5/58/Georgeiiofgreece.jpg/640px-Georgeiiofgreece.jpg)
![Georgius II (rex Graecorum): subscriptio](http://upload.wikimedia.org/wikipedia/commons/thumb/1/1d/George_II_of_Greece_signature_in_Greek.svg/640px-George_II_of_Greece_signature_in_Greek.svg.png)
Obitus: 1 Aprilis 1947; Athenae
Patria: Graecia
Familia
Coniunx: Princess Elisabeth of Romania
Familia: House of Glücksburg (Greece), House of Glücksburg
Memoria
Fuit filius maior natu regis Constantini I uxorisque eius Sophiae. Patrem eiectum ab Athenis anno 1917 Georgius secutus est in exsilio in insulam Corsicam, regno recusato. Frater minor natu Alexander regnum accipiens anno 1920 mortuus est; pater in Graeciam revocatus regnum rursus recepit, sed causa cladis Asiae Minoris vituperatus die 27 Septembris 1922 iterum eiectus est. Eo die Georgius II rex factus est; sed die 25 Martii 1924 et ille e regno demissus est.
In matrimonium duxerat die 27 Februarii 1921 Elisabetham principissam Romaniae. Cum ea in exsilium proficiscens Romaniam petivit, sed sine prole remanens ab ea se separavit et die 6 Iulii 1935 repudiavit; interdum cum amasia Joyce Britten-Jones[1] in Anglia habitabat, sed die 3 Novembris 1935 in Graeciam revocatus est. Ibi accepit dictaturam quinquennem Ioannis Metaxae; anno autem 1941 Germanis regnum debellantibus refugium petivit in Creta, postea Cairi, ultimum Londinii. Die 26 Septembris 1946 rursus Athenis revocatus, ibique die 1 Aprilis 1947 mortuus, fratri minori natu Paulo regnum reliquit.