In mythologia Graeca Iole (Graece Ἰόλη) fuit filia Euryti, Oechaliae regis. Cum pater uxorem dare recusasset, Hercules ut ea potiretur urbem expugnavit atque Eurytum sub oculis filiae necavit. Postea eam Trachinem apud uxorem Deianiram captivam praemisit. Quae origo mortis herois fuit : nam Deianira, zelotypia ardens atque metuens ne paelici postponeretur, sanguine Nessi, quod philtrum amoris esse credebat, tunicam imbuit atque donum Herculi misit. Hercules magnis cruciatibus moriens Hyllo filio imperavit ut Iolen uxorem (fortasse iam opera sua gravidam[1]) duceret, quae Cleodaeum peperit, qui dux Heracleidarum post patrem fuit.
Iole persona scaenica in Hercule Oetaeo fuit.
Asteroides 836 Jole in eius honorem nominatus est.
Fontes
- Apollodori Bibliotheca II,6,1 et 7,7
- Hyginus mythographus, Fabulae 35–36.
- Ovidius, libro nono Metamorphoseon 1–270.
- Heroides 9.
- Seneca, Hercules Oetaeus.
- Sophocles, Trachiniae.
Notae
Bibliographia
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.