Iosephus Dion Ngute
politicus / From Wikipedia, the free encyclopedia
Iosephus Dion Ngute (die 12 Martii 1954 natus) est politicus Cammaruniae. Alumnus est collegii Reginae Mariae Londiniensis et universitatis Warwicensis in Anglia, ubi gradum doctoratus iuris ascendit. Professor apud universitatem Yaundensem 2, deinde dux vicarius Instituti nationalis administrationis et magistraturae Cammarunensis, mox rector factus est Scholae nationalis administrationis Yaunde in urbe. A mense Decembri 1997 viginti annos minister vicarius a Consortione populorum meruit, sed a mense Martio 2018 minister iuxta praesidatum. Die 4 Ianuarii 2019 primus minister Cammaruniae creatus est, praeside Paulo Biya.