![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/af/France_South_West_relief_location_map.jpg/640px-France_South_West_relief_location_map.jpg&w=640&q=50)
Lattara
urbs antiqua / From Wikipedia, the free encyclopedia
Lattara[1] fuit portus et oppidum antiquum muris cinctum, anno circiter 525 a.C.n. constructum, cuius ruinae anno 1963 sub agris communis Latarum praefecturae hodiernae Arauris in Francia meridiana repertae sunt.
![Thumb image](http://upload.wikimedia.org/wikipedia/commons/thumb/9/91/Lattara-Porte_du_Port-20140524.jpg/640px-Lattara-Porte_du_Port-20140524.jpg)
Vestigia et semina fructuum ibi e tempore antiquissimo reperta sunt specierum Vitis vinifera multa, Ficus carica, Prunus spinosa, Rubus fruticosus atque post saeculum V a.C.n. Olea europaea pauciora; a saeculo V exeunte labrum ad racemos premendos e lapide factum; a saeculo V medio vas seminum uvarum plura milia continens.
Amphorae Etruscae eo importatae sunt ab oppido condito usque in annum fere 475 a.C.n., Caereti ut videtur factae; a saeculo V medio fragmenta amphorarum Massaliotarum, sed pauciorum, reperta sunt. Quae amphorae resina aut pice pinea indutae vinum continuisse constat e reliquiis acidorum tartarici(en), succinici(en), malici, citrici. Amphorae duae composita chemica servant e speciebus Rosmarinus officinalis et Thymus vulgaris derivata.