Lingua Zuluana
lingua / From Wikipedia, the free encyclopedia
Lingua Zuluana[1] (vulgo isiZulu) est lingua populi Zuluani, cui sunt circa 10 milliones loquentium, quorum plus quam 95 centesimae in Africa Australi habitant. Zuluana est lingua domestica latissime in usu in Africa Australi (24 centesimae totius numeri civium), et intellegitur a plus quam 50 centesimis incolarum civitatis.[2] Facta est una ex undecim civitatis linguis publicis anno 1994. Secundum Ethnologue,[3] Zuluana est secunda lingua Bantuensis a latissima in usu, post Shonam. Sicut multae linguae Bantuenses, scribitur in abecedario Latino.