![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0d/Muse_reading_Louvre_CA2220.jpg/640px-Muse_reading_Louvre_CA2220.jpg&w=640&q=50)
Musae (deae)
From Wikipedia, the free encyclopedia
Musa (Graece Μοῦσα)[1] est una ex novem deis artium.
Vide etiam paginam discretivam: Musa.
![Thumb image](http://upload.wikimedia.org/wikipedia/commons/thumb/0/0d/Muse_reading_Louvre_CA2220.jpg/640px-Muse_reading_Louvre_CA2220.jpg)
![Thumb image](http://upload.wikimedia.org/wikipedia/commons/thumb/2/24/Musas.jpg/320px-Musas.jpg)
Secundum Hesiodum, Musae sunt filiae Iovis et Mnemosynes[2]. Secundum Alcmanem et Mimnermum sunt filiae Gaeae et Urani.
Nomina Musarum a plurimis recepta sunt ea quae sequuntur:
- Calliope, ductrix et musa poësis epicae
- Clio, musa historiae
- Erato, musa poesis eroticae et carminum nuptialium
- Euterpe, musa musicae
- Melpomene, musa tragoediae
- Polyhymnia, musa oratoriae et carminum sacrorum
- Terpsichore, musa saltationis
- Thalia, musa comoediae
- Urania, musa astronomiae
Interdum alia nomina leguntur. Teste scholiaste Hesiodeo, secundum nonnullos auctores novem Musae antiquissimae fuerunt Callichore, Helice, Eunice, Thelxinoë, Terpsichore, Euterpe, Eucelade, Dia, Enope.[3] In Boeotia Musae tres adoratae sunt, scilicet Mneme, Aoede, Melete; apud Delphos tres, Nete, Mese, Hypate seu Cephisso; apud alios quattuor, Thelxinoë, Aoede, Arche, Melete.