Sacellum Magorum

Sacellum Magorum^[1] vel Italiane Cappella dei Magi est locus cultu Christiano dicatus in Palatio Medicaeo Riccardi Florentiae anno 1459 confectus.

Iter Magorum a Benotio annis 1459-1461 pictum. A dextra parte Caspar iuvenis; media imagine Balthasar (Ioannes VIII Palaeologus); a sinistra parte Melchior senex (Sacellum Magorum, Palatium Medicaeum Riccardi Florentiae)

Ibi tribus parietibus Benotius pinxit annis 1459-1461 seriem picturarum muralium qua videtur iter regum Magorum. Figurae autem iter facientium sunt re vera Medicei quidam, Florentiae principes, hominesque illustres qui in Concilio Florentino annis 1439-1445 convenerant ad divisiones Christianorum coniungendas. Caspar igitur primus Magorum, iuvenis equo candido progrediens, Petrum Cosimi, Cosimumque patrem conducit (cum Sigismundo Malatesta et Galeatio Maria Sfortia qui anno fere 1460 Florentiae adfuerunt); quibus sequuntur Marsilius Ficinus, Ludovicus Pulci, Georgius Gemistus Pletho pictorque ipse Benotius. Media imagine videtur Balthasar cuius figura imperatorem Byzantinum Ioannem VIII Palaeologum praefingit. A sinistra parte Melchior senex est aut Sigismundus imperator Germanicus aut Iosephus II patriarcha Constantinopolitanus.

Iuxta altaria adoratio pastorum et angelorum a Benotio describitur. In altari ipso posita est tabula a Philippo Lippi nuper facta qua monstratur "Adoratio in silva". Haec pictura hodie Berolini iacet in Gemäldegalerie.

Nativitas et adoratio: picturae murales Benotii atque altare a Philippo Lippi pictum (Sacellum Magorum, Palatium Medicaeum Riccardi Florentiae; Pinacotheca Berolinensis (Gemäldegalerie))

Notae

1. Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.

Bibliographia

• Cristina Acidini Luchinat, ed., Benozzo Gozzoli, la Cappella dei Magi. Mediolani: Electa, 1993
• Cristina Acidini Luchinat, Benozzo Gozzoli e i Medici: la cappella dei Magi nel palazzo Medici Riccardi a Firenze in I lunedì della galleria - Soprintendenza per i Beni Ambientali Architettonici Artistici e Storici dell'Umbria, Galleria Nazionale dell'Umbria a cura di Rosaria Mencarelli, Perugia, Gramma, pp. 85-106, 2000
• Cristina Acidini Luchinat, Viaggio nel sacro: ritratti di Medici e d'altri contemporanei nella Cappella dei Magi in Stanze segrete, raccolte per caso: i Medici Santi, gli arredi celati catalogo della mostra a cura di Cristina Giannini, Firenze, Olschki, pp. 3-24, 2004
• Alberto Amaducci, La cappella di Palazzo Medici, Firenze, Arsuna, 1977
• Piero Bargellini, Il Concilio di Firenze e gli affreschi di Benozzo, Firenze, Vallecchi, 1961
• Elena Berti Toesca, Benozzo Gozzoli: gli affreschi della Cappella Medicea, Milano, Pizzi, 1958
• Marco Bussagli, Implicazioni astrologiche nel "Corteo dei Magi" di Benozzo Gozzoli in palazzo Medici Riccardi a Firenze in «Storia dell'arte» n. 93/94, pp. 183-197, 1999
• Franco Cardini, I re Magi di Benozzo a Palazzo Medici. Florentiae: Mandragora, 2001
• Urbanus Mengin, De idea felicitatis terrestris apud Benotium pictorem Florentinum. Corbolii, 1902 Textus apud archive.org
• Antonio Paolucci, L'infinito corteo. Benozzo Gozzoli, la "Cavalcata dei Magi" in Palazzo Medici Riccardi in «FMR» n. 100, pp. 34-54, 1993
• Silvia Ronchey, L'enigma di Piero. L'ultimo bizantino e le crociata fantasma nella rivelazione di un grande quadro. Mediolani: BUR, 2006. ISBN 9788817016384
• Bruno Santi , Palazzo Medici Riccardi e la Cappella Benozzo Gozzoli. Florentiae: Becocci, 1983

Nexus externi

Vicimedia Communia plura habent quae ad Sacellum Magorum spectant.

• De itinere Magorum apud Web Gallery of Art
• La Cappella dei Magi apud Palatium Mediceum
• Chapel of the Magi apud situm Museums of Florence
• De nativitate Philippi Lippi apud La nativité italienne