Sandrocottus
From Wikipedia, the free encyclopedia
Sandrocottus[1] (Magadho-Pracritice 𑀘𑀦𑁆𑀤𑀕𑀼𑀢𑁆𑀢 𑀫𑁄𑀭𑀻𑀬 Candagutta Morīya), Sanscritice Candragupta Maurya (scriptura Devanagari चन्द्रगुप्तमौर्य, natus c. 345/340 a.C.n.), fuit imperator in India septentrionalis. Secundum Plutarchi "Vitam Alexandri" Sandrocottus iuvenis iuxta Indum flumen Alexandrum Macedonem incurrit eumque ad Indiam Gangeticam debellandam incitavit. Paullo postea Sandrocottus ipse anno 322 a.C.n. regnum conquisivit; conditor fuit igitur et Imperii Mauryani et familiae imperialis Mauryanae. Fuit pater Bindusarae, avus Asokae. Si traditionibus posterioribus fidem reponamus, minister Sandrocotti fuit Cāṇakya qui agnomen Kauṭilya gesserit et Arthaśāstram et Nītiśāstram scripserit.