Tabasco (liquamen)
liquamen / From Wikipedia, the free encyclopedia
Tabasco est liquamen e capsicis ab Edmundo McIlhenny apud insulam Ansae Parvae(en) vel Avery Ludovicianae inventum. Quod liquamen ibidem a societate McIlhenny usque hodie conficitur et per mundum fere omnem venditatur.
Varietas Capsici frutescentis nomine Tabasco (fortasse a civitate Tabasca oriunda) a Maunsel White in Ludovicianam ante annum 1850 introducta est. Ille primus ut videtur salsam vel decoctionem ex hoc fructu pungentissimo confecit.[1] Ille senex Edmundum McIlhenny, amici Danielis Avery generum, cognovit,[2] qui praeceptum liquaminis fermentati annis insequentibus invenerit. Anno 1870, White iam mortuo, litteras patentes de confectione liquaminis Edmundus McIlhenny divulgavit.[3]